المهم لنصح بيه اختي لكتاب ليك وتزوجتي بيه معمرك تعاودليه على المشاكل لكتعشي مع مك بيني انا علاقتك بيها مزيانة و خدمي و قفي على رجليك و متدهاش فمك صبري و ميكي حتى توقفي على رجليك
كتبقى حياتها خاصة بها أولا وثانيا لي وقع مع أمها غير إحساس تيكونوا الاولاد من أب واحد وتيبان للأبناء انه كاين فرزيات ولكن الام كتعامل مع كل واحد حسب شخصيتوا أنا مكنقولش بلي الام هنا مغلطاش ولكن كنبين واحد الواقع بالنسبة لصاحبة القصة كنصحها باش تصالح مع نفسها وتحيد من بالها طربقة المعاملة دالام وتعامل مع أمها كإبنة كبيرة واعية ماشي عيب تعاون امها وتقدر منبعد تفهم وتأكد أن الله سبحانه بغالها هذ الطريقة دالتربية باش شخصيتها قوية وصبارة أرجوا من الله أن يبارك لك في هذا الخطيب لي من جيهت راجل أمك تنظن غيكون مزيان حيت راجل أمك كما قلت كيحتارمك وكيتعامل معاك مزيان. والله الموفق وأهم حاجة ماتنسايش صلاة الاستخارة ❤❤❤
ختي النصيحة لي عندي ليك هي صلي صلاة الاستخارة الا رتاحيتي توكلي على الله اما الحب كايجي من بعد الزواج و الا لقيتي لي احتارمك و اصونك ختي توكلي على الله و الله اكون معك❤
عطي لراسك فرصة مع هذا السيد اصلا تولفيه تقدري تندمي عليه من بعد الحياة المستقرة او التعامل الطيب هو الحب هادشي الي تنقول لك ابنتي عن تجربة الوقت هي الي تتعلمك معنى الحب الحقيقي السيد الاخر كله مشاكل انت خاص الي يعتقك ماشي الي يغرقك نسايه عليك او فكري في مصلحتك اما ماماك عدتيها ابنتي رها متتحس بهدش الي عودتي عليها ممكن حيث انت ماشي بنت السيد الي جالسة عندوا على راجل امك انها تستغله بك داكشي علاش ولادها معه تتعطيهم كل الحرية او انت تتطلب منك تعونيها صلي صلاة الاستخارة او إن شاء الله يكون خير في هذه التزويجة اما ماماك هضري معها او قولي لها كاع هذشي الي عودتي علينا متخرجيش من الدار او انت غير حيث بغتي تهربي من المشاكل صفي باش تبدأي علاقة زوينة مع الزوج او بقاي تشوفي الحويجات الزونين الي تيعمل معاك باش تربي الحب لانه الى ربتيه تيكبار ويستمر والله ابنتي على ما أقول شهيد انا دبا باقي لي شهر او نكمل 22 سنة ديال الزواج معرفتهاش كيفاش دازت الحمد لله حتى انا كانت ظروفي خايبة او كان خاصني نخرج من دارنا او صبرت كنت نطلب يكون السيد ميشرب خمر يكون تيصلي او مرضي ولديه صافي هذوا هما الشروط ديالي الحمد لله لدرجة ان بنتي الان تتقول لي احسن حاجة درتيها إماما انك تزوجتي ببابا😂
السلام اختي النصيحة لي نقوليك هي وياكي تلوحي راسك للهاوية الحل لي عندك هو تكملي قرايتك وتوقفي على رجليك ومن بعد خرجي سكني بوحدك مبقى قد مافات صبرتي صبرتي والله يوفقك وينور طريقك ❤
ختي ما تلوحيش راسك على قبل تهربي من المشاكل الحمد لله نتي في فرنسا خرجي وكري واخة غي بيت وكوزينة وعيشي مرتاحة والسيد ديال اسبانيا اختي غا بسعي منو عمرك تربي معاه الريش هو هاز والديه وغارق وتا نتيوغا يغرقك معاه والله اختي تا غا تندمي ندمة العمر
أختي نصيحة عطي السيد فرصة تعرفي على السيد إلا رتاح قلبك توكلي على الله ديري صلاة الإستخارة غير هو إلا تزوجتي بيه متفرطيش فقرايتك ومتعاوديش على مشاكلك مع مك
صلي صلاة الإستخارة و كملي قرايتك و خدمي فشي خدمة مزيانة و عولي على راسك هادشي ماشي ساهل و لكن الضغوطات عندك كثيرة جمعي فلوس و خرجي كري و لا بدلي المدينة بدلي حياتك و الله يصاوب ليك
اختي لعزيزة استخيري الله عز وجل اول حاجة هو لي يعرف الخير واين، و لكن نصيحة من اختك تزوجي لي شاريك و لي واجد أنو يفتح دار ما توضريش عمرك و نتي تتسناي العامين يولو ثلات سنين و ربعة و تنضري فقلبك ،
لا لا اختي دبر رأسها صافي تخيلي كون بقيتو مشردين في لمغرب صافي حمدي الله امتبقايش تغبني اتقارني في مع ولادها راهم اخوتك صافي ميكي اقراي رآها ماماك تنضغك متسرطك
وياك تهربي من حاجة خايبة وترمي راسك فاش ما جاب الله صلي صلاة الاستخارة وشوفي ايلا رتاحيتي وكيف ما صبرتي 10 زيدي صبري وماترميش راسك الهاوية الله يهديك وهاد لفرزيات راك تيكونو فكل دار وحتى انت حساسة بلا قياس صافي ماتبقايش تقارني راسك بخوتك ايلا بغيتي تعيشي مزيان شوفي انك جيتي وتقاتلتي بوحدك وصلتي ومزال باغا ديري ما اكتر بغي راسك ماتسناي احد يبغيك وتقربي من الله ودعي ونعاود نقوليك عنداك غير تشدي وتلاحي غير باش تهربي
رغم ان امها كتميز بينها و بين خوتها تحمد الله انها ما رداتهاش للمغرب و سمحات فيها و راها مازالا مخلياها معاها في فرانسا هذا في حد داتو في مصلحتها و راه كاين فقلب امها الحب ليها غير ما كتبينوش
ختي انتي راشدة أو عايشة ففرانسا أو خدامة تقدري تخرجي تكري كاينين بزاف ديال المساعدات قبل خمسة أو عشرين عام أو من بعد خمسة أو عشرين عام عندك مساعدات خرى تقدري تحلي المشكل أو تبعدي من ماماك الي تدير لفرزيات ماشي نهاية العالم كون كنتي فالمغرب نكولو إما فرنسا مكينش المشكل خاصك غير تكفضي على دراعك
ختي بلا ما ضيعي راسك مع الاول عامين غتبقاي تسنايه فيه و ممكن يتقلب عليك ختي من الاحسن صلي صلاة الاستخارة و شوفي مع هذا لي جاك كامل مكمول و فكري بعقلك ماشي بقلبك و الله يسر ليك الامور
ختي عطي فرصة للراجل لي جا خطبك صلي صلاة ستخارة او توكلي على الله راه الحب بوحدو ما كافيش فالزواج ما تعرفي تبقاي تسناي فهاداك الآخر او ميطلعش معاك راجل لي نكول ليك عطي فرصة لراسك او توكلي على الله مع هاد الرجل او شدي فقرايتك او خدمتك الله ييسر ليك الأمور
السلام عليكم البنات دعواتكم لولدي يهديه الله سبحانه وتعالى للصلاة ويجعله من الصالحين البارين بوالديه جزاكم الله خيرا و لكم بالمثل في هذا الشهر الفضيل اللهم أصلح واهدي أولادي وابناء المسلمين اجمعين يارب العالمين والصلاة والسلام على سيدنا محمد وعلى آله وصحبه أجمعين وسلم تسليما كثيرا إلى يوم الدين.
صبري وعطي الأعذار لأمك بعض الأحيان الأمهات كيصرفو بلا مايعيقو و تيخليو ولادهم يسجلو عليهوم سامحي امك وحاولي تشوفي غير الحاجة الزينة فيها وما بقا قد مافات تستقبلي ماليا وتشوفي حياتك راكي مازالة صغيرة تلقاي احسن من هادوك بجوج خدمي عقلك ماشي قلبك
انا تاني عشت نفس قصتك وكنت حايرة بين شخصين واحد واجد لزواج وواحد لالا اخترت الشخص الواجد وصليت صلاة الاستخارة ودابا مندماش و كان احسن قرار ختي اتكلي على الله فكري بعقلك وفمصلاحتك
الله يجازيك اخوتاتي بغيت نهبط المغرب نختن ولدي بلا ما تعرف عكوزتي حيت في ولدي الاول عملتي المشاكل كتحكم في كلشي وراجلي ولد مو شخصيه ضعيفة قدام مو غفاكم لي عندها شي فكرة تفيدني راني حيرة عكوزتي متسلطة
مبقى ليك قد مافات ، كملي قرايتك وخدمي باش متعتامدي على حتى واحد ، وزايديون انت هنا ففرنسا تقدري تخرجي تمري بوحدك والدولة غادي تعطيك bourse و caf غادي يعاونوك
ختي لي غادي نقول ليك صلي صلاة الاستخارة و إيلا تزوجتي بهاداك الراجل لي باغاه ماماك ما تعاودي ليه حتى حاجة من هاذاك العذاب لي نتي عايشاه دبا أو شنو غادي نقولك الله يسر ليك و يعاونك ❤
نصيحتي ليك صلي صلاة الاستخارة ومترميش راسك في شي بلاصة أكفس من راكي عايشا بلاكي وراكي كبيرة ديري رايك متاخديش الراي من الضغط ركزي وشوفي واش يخرج عليك ونتي راكي تتقاتلي باه تخدمي خدمي وقراي وكوني مستقبلك الزواج لاحقا عليك.
الله يفرجها عليك اختي عليك بصلاة الإستخارة على بان لي ان ماما راها كتبغيك غير هي مكتبينش يمكن كتحقد عليك على قبل داك شي لي دوز عليها باباك ان شاء الله يكون خير ❤❤
ختي مولات القصة كملي تا تكملي قرايتك ولا بغيتي تزوجي شرطي عليه الخدمة و لاخر سدي عليه و زواج واخ هكداك مشي حل باش تهربي من المشاكيل و الله يهدي ماماك و يدير ليك تويل الخير ختي
سلام توكل على الله ختي صلي صلاة الاستخارة لانك معمر راسك بالأول معلوم ما غ تبغيش الثاني الحب كي جي من بعد فرص لاتعوض بغيتي تبقي تعيش ونت ما مرتحش مع مك توكل علي الله
Nassi7a kmli 9raytek w 9lbi 3la khdma f medina whdakhra w rehli 3mer zwaj makane l7el Bach therbi mn wa9i3 t9dri tl9ay chi haja makfess....chefti f 9raytek w khdemtek hiya lwla 3ad choufi chi wld nass... W bnssba l mamak khwi rassek w 3amliha bl 7ossna lah ykmel 3lik bikher
عنداك تجوجي مع داك اللي فإسبانيا اللي عامر مشاكيل مادية وكريديات . كملي قرايتك وكري بوحدك شي استوديو وكوني حرة ديال راسك بعيدة على ديك الأم الجافة . والراجل اللي جا من طرف عائلتك متجوجيش بيه غير باش تهربي من المشاكيل اللي نتي فيها ، عطيه فرصة للتعارف ومضربي معاه الكحل فالببض حتى تعرفيه أشكَيسوَا ، واش حقيقي أنه كريم وضريف وللا غير كيمتل عليك
مك ابنتي كتبرد فيك غدايد باك. نصيحة ابنتي جمعي وريقاتك و دفعي طلب هجرة لكندا الاعلاميات مطلوبة و الهجرة من فرنسا ساهلة و متقولي ليهم والو حتى يخرجو لك وريقاتك و جمعي شوانطك و عطيهم التيساع. و بداي حياتك ماشي تنوضي من حفرة تطيحي فبير و ربي يدير لك لي فيها خير❤
اختي اللي غادي يعاونك هو صلاة الاستخارة انا ف الصراحة هي اللي حلات ليا جميع المشاكل توكلي على الله و ديري ف بالك دائما اللي كيجي نيشان لباب الدار و واجد هو احسن اختيار و لكن صلاة الاستخارة كتبقى هي احسن حاجة ديري
شوفي اختاري لي من طرف راجل الام ديالك اما لاخور غادي تكرفصي معاه عطي لهاذا لي من طرف راجل مك فرصة و هضري معاه و لاخور بقاي تنقصي معاه الهضرة بشوية بشوية
ختي نصيحة الى لقيته ولد ناس غامري اما واحد ماعرفتيه ماعرفك وتزوجتي به لمجرد انك بغيتي تهربي من مشاكل ماماك فكنكوليك انك ديما غتعيشي تعيسة وتكولي كون غابقيت فدار ماما
نصيحة ماتتزوجيش جراء الضغط خاطر كون حتى تقتانعي بيه في ابسط موقف تتفكري بلي تزوجتي مضغوطة و يخرجولك مشاكل من تحت الارض و باش تطلقي انت عزبة و ماكيش هانية وين مطلقة صبري و خممي مانيش نقولك تزوجي لي تبغيه ولاكن شوفي وين ترتاحي فكريا و جسديا و كلش ماشي تتزوجي على جال الحب و تلقي مشاكل مادية ولا ضروف صعبة حب ماشي كلش و تاني ماترميش روحك لي جا تزوجي شخص المناسب 🙂🙂♥️
النصيحة اللي نعطيك هي ما تعاودي لحتى راجل على هادشي ديال ماماك نهار يعرف الراجل باللي ما عندك ضهر مشيتي فيها، ماماك كتبغيك داكشي علاش جابتك ولكن هي ما خداماش داكشي علاش كدير راسها بلاصة راجلها ما باغاش تقل عليه، و ما عندك ما ديري بالأول تبقاي تسنايه يدير فلوس و يقلب عليك، عطي لراسك فرصة مع التاني انشاء الله خير
❤❤❤ بنتي عليك بتفكري و توجهي الى المدبر و لهذا اختي الا فكرت تزوجي عليك بلبغيك مش لتبغيه ونا افضل الثاني لوجد و كامل و الكامل لله ام الاول و انت كتبغيه و هو كل مشاكل و انت ناقص مشاكل و انصحك ان تستخيري الله بركعتين استخارة و توكلي عليه و الله ولي توفيق و الله انور ليك طريقك 🤲🤲🤲
استخري الله تعالى وغيبان ليك الطريق ان شاء الله.واخا بان ليا هاد السيد لي خطبك غيكون مزيان ان شاء الله الله ادير ليك تاويل ديال الخير وضروري صلاة الاستخارة الله اسهل عليك
سلام وعليكم اختي ماخاب من استخر الله صلي صلاة الاستخارة وشوفي قدر الله فين غادي يديك اما بالنسبة الشخص لكتبغي من قال انك تصبري معه وفي الاخير يخوي بيك وتصنطي القصص
نصيحتي ليك كوني قوية وزيدي على صبرك.وكملي قرايتك وديري تكوينات مهم طوري من راسك قد ما قديتي.وماتنسايش راكي فواحد لبلاد ديال الحقوق والقانون.وخا مكاين لاش توصلي لداك المستوى مع ماماك وخليها كل واحد ايلقا فعلو دبا ربي يعوضك.تا انا عانييييت مع امي حبيبتي وباقي ولكن تعلمت لقانون" التغافل" نفعني بزاف تعلميه غيهون عليك بزااااااف
السلام ديري اختي صلاة الاستخارة ولي فيها الخير الله يجيبها. ماتجوزيش باش تهربي. حاولي تكون علاقتك مع خوتك زوينة بحكم نتي الاخت الكبرى. وماماك ماتحكريش بزاف شوف حوايج زوينة لعندك باش ترتاحي. ودوام الحال من الموحال
