بارك الله فيك على النصائح والله غير صح بعض الناس والله ما يعرفو يهدرو ،نحكيلك عفسة صراتلي كي مرضت بسرطان الدم كنت في فرانتز فانون اوسبيتاليزي وامبعد خرجت للدار جات لوستي وبنت خالتي في نفس الوقت قالتلي وش عندك ،قوتلها لانيمي هبطتلي بزاف ،قاتلي ياخي عندك كونساغ ،نقولك الصح بكاتني ودعيت ربي يذوقها المرض باش تحس بيا وزادت جات ختها قالتلي غير انساي الولادة ضرك ماتزيديش تطمعي تجيبي الذراري ،نقولك فاتو ست سنين وبريت من المرض ورزقني ربي بطفل الحمد الله ،بصح كلامهم والله ما نسيتو بسك جرحوني.
اسمحيلي يا ميمتي ناس بكري كانو يغلطو ماكانوش ملا ئكة رقم خمسة ربي عزو كي نقولوه مشي عيب نعتزو بهذا الرقم خمس صلاوات خمس أركان الإيمان وخمس أركان الإسلام ناس بكري كانو جاهلين في بعض الأمور الله يغفرلهم على حساب نيتهم
تعرفي يا لميمة شحال كاين ناس جرحتني بالهدرة! و المشكل كبار في السن!آخر مرة كانت عند االحفافة كي نحيت الخمار باش تقطعلي شعري و شافتني دايرة الكتمان و نسمع! بخصتني قاتلي :" بقالكش كيتمان" و أنا مبلية بالسياسة نسمع التحاليل لي تخص بلادي و نحب نعطر يومي بقراءة سورة البقرة يوميا و بما أنها سورة طويلة نقراها بالجزء عن طريق السمع و التكرار و باه نتفادى الوقوع في اللغو أو الغتبة ! تملكني الشيطان و جيت رايحة نرد عليها رد ماتنساهش طول حياتها خاصة أنها في الثلاثينات من العمر و أنا جهد أمها بصح الحمد لله تذكرت قوله تعالى " و الكاظمين الغيظ و العافين عن الناس و الله يحب المحسنين" و تذكرت أنو أحد أبواب الجنة خصصو ربي لكاظمي الغيظ جعلنا الله و إياكم من الداخلين عبره للجنة يا رب. فاتت شهور و نسيت الحكاية و جاتني مناسبة و رحتلها باه تخدملي بحكم أنها قريبة ليا و تخيلي حشمتني و بهدلتني كي نحيت خماري و شافت شعري قاتلي مدام " شعرك راه مسخ" قلتلها "بوه في الليل دوشت و غسلتو 3 رغوات! كاين لي يجي للحفافة بشعرو مسخ و زيد نخرج من عندك نروح مباشرة لدار لوسي كيفاش نروح للعرس بشعري مسخ!?" الطفلة لي تخدم عندها قاتلها " ماشي مسخ كاين نوع تع شعر يجي مزيت" و خدمتلي ديك الطفلة و طيبت خاطري و زدت كظمت غيظي و احتسبت الأجر عند الله بالرغم لي كان عندي كلام قبيح على طرف لساني يعقدها مدى الحياة ... بصح بإذن الله مانزيدش نروحلها خاطر القلب لحمة و المرة الجاية مانيش ظامنة ردة فعلي خاصة أني سمعتها تتنمر على عروسة و ماليها اداتها لدارهم باه تخدملهم كامل مدة العرس ! يعني دخلت لدار الناس و ضيفوها و كرموها و كلات ملحهم و اتمنوها على أسرارهم و كي خرجت من عندهم حكات كامل واش شافت رغم أنووو المجالس أسرار ! الله المستعان و الله يفيقنا بعيوبنا بصح مانيش مسامحتها