شحال صعيبة كي ينذلو الوالدين مساكين 😢ويطيح قدرهم وشرفهم لي تعبو وشقاو على جاله لا حول ولا قوة الا بالله العظيم يارب يفرج عليك الاخت ويرفع عنك الهم هذا عن قريب ان شاء الله.
المفروض ما تمديهالوش. حتى وصرا واش صرا . ارحلي ولا شديها فالدار خليها تعرف واش دارت الكلبة 😡😡😡 ماعجبوها تع الثانوية . ما عجبوها تع الجامعة حصلت في واحد مجرم الله يستر عليها ويفرج عليك اختي
ولكن للاسف الطفلة شادا فيه هي لي راح دمر يماها و باباها مشي هو لو طفلة وقفت مع امها و حالوت يلقاو حل بصح هي تحب هذ مهبول راح ادمرهم لانو عارف الطفلة في يدو مشكل في طفلة ضعيفة شخصية ولله متتربي تبقي كما هك بنتها تمشي بلعاطفة متخممش قع غلطنا في حياتنا بصح لازم اكون انسان فطن في هذ مواقف لله يسترها و يستر ولادنا وولاد مسلمين
كان ألله في عونها ، الحل النهائي و السليم ، هذه النقود تستغلها للسفر إلى أوروبا أو كندا وخاصة هؤلاء الذين درسوا الشبه طبي مطالبين كثيرا. هيا سيدتي ابدئي الإجراءات قبل فوات الأوان.
انا ننصحك ماتعطيهش الدراهم هذا راح يهدك طول حياتك او راح يظغط على بنتك حتى تولي تسرقك حتى او تزوج بيها هذا تاع راسو او يلقى مصدر رزق يتكى عليه او بنتك هي الوسيلة الوحيدة الي يقدر يصرف على روحو بلا مايخدم احذري ماتخليش الدراهم في الدار
ردي بالك تمديلو الدراهم راه ميخطبش بنتك وراح يقعد طول يفتز فيك زيري على بنتك و خويفها بلي تقولي لباباها لا فا اس طاح في الرأس خليها تكمل دراستها و راح تلقى ولد الحلال إلى يستر عليها وخليها باع تأخذها درس في المستقبل وتخليش دارك على جالها و حتى وتزوجها له رآه يعذبها وتعيش في جحيم الى يتبع طريق السوء عمرك ما يتقد ؤبنتيكشدي فيها شوية و خوفيها بأبيها و ربي يفرج عليك اختي وني إم و نحس بك
السلام صفية فيما يخص مولات القصة لا والف لا واياكي تعطيه بنتك ولا الدراهم حاولي كيفاش تحتوي بنتك مع الدعاء ولازم تنتاقلي من هذا البيت وربي يجيب لي فيه الخير
لازم تعرف رأي بنتها قبل واش حابة تدير ,بلاك مازلت باغياته وتدير فضيحة وحدوخرا كتر وتوصل باباها للحبس ,ولا حتى ممكن راها متفاهمة معاه باش يدولها دراهمها ,البنت لي تخذل والديها مع ولد حرام وكلوشار تتوقعي منها كلش ,خودي حذرك حتى تتأكدي من قرارها هي قبل ربي يستر على وليداتنا
تعطيه دراهم ماشي حل تخافي يتمسخر بيك يديهم ومايتزوجهش هذا الامور لزم رجال يفرهم لمرة موحال تقدر تفريها لزم توكلي خوك ولا وحد تثيقي فيه علبلالي ماشي ساهلة تحكي لرجلك ربي يستر عليها وعلى بنات المومنين
نصيحتي لصاحبة القصة انها تتكلم مع زوجها و ما تعطيش الدراهم لذاك الشاب و انصحي بنتك تجبد روحها منه لانه ما يستاهلهاش و اياك ان تعاودي تروحي ليه .تجاهليه انت و بنتك و زوجك لازم يعرف الحقيقة
السلام عليكم ربي معاك ختي لعزيزاااااا ام سهيلة هذا ابتلاء عليك أولا بالاستغفار و كثرة الدعاء و قيام الليل او ثانيااا بلاكي تمدي دراهم لهذا الخبيث لانك راح تزيدي تأزمي فالامور و انا ننصحك تقولي لزوج الكريم برك اعرفي كيفاش تدخليلو فالموضوع و دي بنتك لطبيبة النساء باش تتأكدي من فقدان العدرية و ادا كان لاقدر الله فاقدة روحي اجري بيها و نقول و نعاود بلاكي تمدي دراهم لأن صنف لي حكيتي عليه باين مش وافي و خداع يديهم او ميتزوجش بيها أو يقعد ايهدد فيكم انا من رأي بيعو الدار او بدلو العتبة اما بنتك لازم تتعاقب لانها تعتبر زانية او فالاخير ندعيلك ختي لعزيزاااااا ربي يفتحها في وجهك و يزيل عنك هذا الهم و الغم هذي هيا دنيا معمرااا ابتلاءات ربي يحفظ او يستر وليداتنا و وليدات المسلمين ان شاء الله يا ربي
من فضلك الاخت صفية اذا تقدري تحطي رقم الاخت صاحبة القصة نفهمها وش ديرلوا متزوجهالوش خلاص وماتمدلوش دراهم نعطيها حل تخليه حال فمو ولازم بنتها هي لي تكون فاهمة خطورة وش دارت فالدنيا وفي الآخرة راهي جريمة والله يهدينا جميعا يارب ويصلح حالنا وحال المسلمين يارب العالمين
لازم تخبر تدي راجلها لبلاصة بعيدة وهادية وتهدر معاه تخبرو بكلش وتتفاهم معاه لازم يعرف الاب كي راهي تخبي راهي تقوي فيه وفيها ولازم ماتحسسش بنتها بوالو يبيعو الدار ويقلعو لبنتهم التليفون ويخلوها ف الدار لا خرجة لا قراية لا ندبة حتى تستعقل ويجيها مكتوب خير منو على خاطر هاد الزواج مش تاع خير اضرارو كثر من محاسينو و من فضلك الأخت صفية مدابينا بعض الحكيات نعرفو واش صرا معاهم واش قررو
أحسن حل ، لازم تكون قوية وخاصة قدام بنتها ، وتخلي بنتها تحس بلي هاذي غلطتها و خدعت والديها قبل نفسها لازمها عقاب وتربيها من أول وجديد وخلي باباها يعرف ويتصرف
عندك الصح صافية والله يا كلامك لا عسل صحبو بناتكم كي يجو منالمدرسة تحكيلك كامل واش دارت كامل في النهار تتعود لازم تسمعيلها وما تقوليلهاش روحي خليني نتفرج المسلسلات التركيه لي يسفجوالبنات
لاه تعطيلو 100مليون دير غلطة كبيرة كما بنتها تروح عند امام تاع المسجد ينصحها اما ينتك ما تبعهاش واش تقولك غلطت او مزال تدفعك تزيد تغلطي باش تعطيلو دراهم بلاكى بلاكى ننصحك اشكي بيه
حسبنا الله ونعم الوكيل فالأولاد لي يذلو أهلهم صعيبة وهذا البنت واش تق لك خسارة فيها التضحية قرايتها ما نغعتها خلاتها تخالط جرثومة الحي العلم لي ما يفتحش عينين صاحبه ما منه فايدة ربي يكون في عون الام
ياأختي اسمحيلي بصح بنتك متفاهم معاه عليك وطمعاتو بدراهم ماتعطيهش خبري راجلك ماتخبيش عليه و بعدي بنتك على هذا الفاسد و لازم ترجع لطريق ربي ماتخفيش من العبد ديري إستخارة وإنشاء لله ربي يفرجها عليك
لا حول ولا قوة إلا بالله العلي العظيم.... ربي يفرج عليك الأخت أم سهيلة والله أمر مؤسف البنات ميعرفو الحلال مالحرام.... لازم الاب يعرف بهدوء واش كاين وأضن أنو لازم ترحلو على هاديك البلاصة بعيد بعيد والطفلة مازال ماتعرفش صلاحها راهي عايشة فالأوهام..... تكبر وتندم على كل لحظة ضيعتها مع هاذاك الشخص
استغفر الله لا اله الا الله والله غير صدمة كون جيت في بلاصتك 100 مليون نديرلها بيهم ترقيع ومانمدهوملوش علاه كون يتزوج بيها راح يخلاص المشكل بالعكس تزيد تتأزم الحالة
انا من راي متعيطهش دراهم وهاذوك ل 100 تروح تجري على بنتها تخيطها ولا تشوفلها حل اما انك تعطيه صوارد وطمعيه فيك انساي يزيد يخطيك ربي يقدر الخير وطمنينا عليك
يا اختي ما تحاوليش تصلحي الخطا بالخطا لازم تخبري الزوج نتعك لانو الامر ماشي سهل كون تعطيله الدراهم راح يحرق وزواجك انت راح يكون في الريسك ربي يكون معاك الحقيقة مرة بصح لازم يعرف
حاولو تسمعو القصص ونتناصحو ونتعاونو لي عندها وليدها تاع زواج تتقدم للبنت تربحو أجر عظيم والله ابني لو كان في سن الزواج والله نديها لكي نضع حد لهاذ المجرم لي راه يساوم في عائلة متربية
شوفي ام سهيلة ادي بنتك للجينيكولوغ واتأكدي اذا فقدت العذرية لأنو ممكن يكون فخ منهم باش تقبلي بهاذ الزواج ثانيا اذا قدر ربي تكون فاقدة العذرية (بعيد الشر) روووووووودددددي بالك تعطيه الدراهم راح يمرمدكم يا مايتزوجهاش يا يتزوجها يغبنها اراحي نعطيك حل ديري تمثيلية مع بنتك زعما تسحرت وماحملتش الدار وانتي قنعي زوجك ترحلو وبعدي بعدي على منطقتك الله يفرج عليكم وسهيلة لازمها تعاوديلها التربية
ينصحوها يقولولها ما تزوجيهلش بصح شكون راح يقبل بيها لازم تزوجهاله ومن بعد تطلق منه يلا غبنها احسن وتخبىر زوجها واحد من العائلة يكون كبير يدخل لان هاد شرف العائلة
اقنعي ينتك تخطيه حتى واذا فقدتوالشرف نتاعها ليس نهاية العالم كل نا تجرو موراه يزيد يدخلكم في متاهات يساومك نتي يولي يساومك بنتك من الاحسن تشوف خدحياتها راهي صغيرة بلاك جيها فرصة من جهة اخرى ويقبلها كما راهي وكيشوفها صرفت النظر عليه هو ليجري موراها
ربي يستر على بنتها و بنات المسلمين لازم تحكي لراجلها و تعقلو لاخاطر هكذا تبقى بين يدين واحد ماشي ساهل وبالاك بنتها هي اللي بيعت بلي عندها دراهم و حبو يديوهم المهم لازم تحط راجلها في الصورة الحكاية ماشي ساهلة
يا أختي ننصحك ما تمديلوش الدراهم راهو يديهم و ما يتزوجش ببنتك و صاحبي بنتك و من الأحسن بدلو السكنة إذا أمكن و بربي تكمل قرايتها و تلقا ألي يسترها ،عندك ثم عندك تحليلو عينو و ما تجريش من وراه
يا ختي لوكان جات بنتي والله منعطيها الوحد بتعطا و يشرب يدير ڨاع دعاوي شر 100 مليون لتعطيه ديريه كاش مشروع و لا بعثيها لفرنسا بعد تدير تويل للروحها ربي يسترها ان شالله 🙏🤲💞 ربي يحفضك ختي صغيرة😘😘
بنتك مهبولة ....راح اضيع حياتها ...إذا زوجتيهالو تندمي ...كون جا يبغاها ما يديرش هك..لازم تفهم بلي ما يبغيهاش احكمي بنتك عندك خير ما ترجعلك بالحمل وتحصلي فيه فهميهاماشي نهاية العالم هي غلطت بصح انتي قربيها ليك وحاولي تتهناي من هذ الشخص لوكان انا بنتي يموت ومايديهاش خص غير نعطيه دراهم ....يرجعك نشاف انتي وبنتك..
ربي يفرج اعليها وتنصح بنتها تتوب لربي وربي يصلح حالها وحال بنات المسلمين وياريت صاحبة القناة ما تقوليش الاسماء هكا كل الي يعرفو هاذ الشاب ريحين يفهمو شكون المقصودة وهكا البنت رايحة تتفضح هي واهلها
صراحة بعيد الشر الله لا يقدر كون جيت في بلاصتك نروح نشكي بيه مشي نعطيلو 100 مليون بأه يزوج بيها بسك ميضمنش بلي رايح صح يزوج بيها بنتك قاع تروح ليهم ويدلوها ويمرمدوها وحل لهدو أمثال كما حمية هدا لازم متحاوليهش متقيميهش قاع تحاولي أكبر غلط تفتحيلو بيبان وعينين وهو اصلا هدا لي راح يحوس عليه ومن بعد يولو يعايروك بنتك ويقولك نفس هدرة لي قلتيهالهم نهار خطبوها رد بالك لازم متقيميهش متحاوليهش وقولي بنتك تكمل قريتها غلطة كبيرة وصرات
الشكوى ما تجيبش نتيجة راهي كبيرة وحتى الا جابت هدا الزواج معاه ماهوش حل راه رايح يكون مشكل اكبر وهنا تكون اتفضحت ويكون فيها ابعاد اخرى . انا برأي تتقرب من ربي سبحانو وتعالى وتطوي الصفحة رغم قساوتها وتقطع كل صلة به وصدقيني والله ربي سبحانو ما يخليش العبد لما يرجع ليه ويطلب منو الستر انا شفت حالات هاك ونحلت بدون فضائح والله المستعان . ولتفادي الاحتكاك بهدا الشخص هي انو يبدلو السكن ادا كانو قادرين . مرات صدقوني يتسلط عليك انسان يحول لك حياتك الى جحيم . حاولي يا اختي العزيزة حليها بالعقل وكل شيء مع الايام ينحل ولازم ابنتك تعاونك وتخرجو منها ان شاء الله.
