بصحتك ختي تستاهليها و في وقتنا ليوم الصحة خير من الذهب و حتى انا بعت سلسلة باش شريت مكينة خياطة راني معاونا روحي بيها و الحمد الله كي صبنا رزقنا نعينو روحنا بيه خير ملي يطلب ولا يسنا لي يمدلو
فعلا في شهر رمضان المبارك نبغيو نتفرغو للعبادة ...ربي يتقبل منا انا ثاني كيفك بعت سنسلتي وشريت وحدة لاني لقيت روحي بالحمل وانا شوي كبيرة ومعنديش بنات كبار يعاونوني واليوم شفت هذا الفيديو تفكرت روحي كي كنت مترددة باش نبيع الذهب ونشربها والحقيقة كان قرار صائب وموفق والحمدلله وما توفيقي الا بالله شريتها اسبوع قبل شهر رمضان اللي فات ما حسيتس بالماعين ابدا من غير الباسينات والصواني نتاع الفور ....الله يرزق كل امرأه بيها لانها فعلا تعاون بزاف
بصحتك العقوبة لكل وحدة متمنيتها ...انا راني باغية مجمد راني نزير باه نشريه و غي كيما شريت اسبيراتور عاوني بزاف هناني ملغبرة و تسياق و غسيل تابيات الحمد الله
صباح الفل. يااختي بصحتك وانشاء الله تتهناي بيها وعندك الصح كل كلمة قلتيها الحدايد لشدايد والواحد لازم يريحو روحو وينقص التعب ماكيش نادمة فيها الف مبروك لعقوبة لحاجة اخرى المتتبعة الوفية الي تبغيك وتعزك ياسكر🌹🌹🌹❤️❤️❤️
بصحتك ما شاء الله أن شاء الله تفرحي فيها وربي يقدرك وتخلفي خير من ذهب الذي بعتيه.صحتك افضل والله خير ما عملتي.شاركينا استعمالاتها باش نعرفو الاختلاف بينها وبين الماركات الأخرى لي حبت تشري تعرف واش تختار من بين الماركات الكثيره.وبالتوفيق باءذن الله.
سلام علبكم والله غير شريتها بنفس الطريقة بعت براسلي وجبتها عندها هدا رمضانها الثالث ما نستعملهاش كل يوم بصح والله غير تقولي مرا راهي تعاون فيك الحمدلله نتمناها لكل مرا راهي متمنيتها بصحتك لعقوبا لحاجا اخرى
بصحتك عندك الحق انا تاني شريتها قبل 6اشهر والحمد لله نافعتني مع التربيه خير من الذهب محطوط وحتى ولوكان تتزيري تقدري تبيعيها راهي كيما الذهب الالتروميناجي راهم غير يزيدو وبلاك الذهب تخسري فيه وهاذو تبيعيهم بسومتهم عادي
مشتركة جديدة معاكم هل من ترحيب؟بصحتك حبيبتي ان شالله تربحي بيها صحتك وتزيدي حاجة اخرى،حتى انا تخمامي كيما تاعك كانت واحد الفكرة دور في راسي والحمد لله طاح الفيديو تاعك في يدي وديت منو الاجابة
صباح للخييير الف مبروووك لعقوبة لحاجة وحدوخرا يا رب انا تان لافيسال كنت نشوفها زيادة بصح مع تربية و شغل دار و تعب وليت نشوفها ضرورية انا ران نلم باه نشري بيترا،قبل و لكتب ربي هذي نزيد نلملها،ربي يرزقنا ان شاء الله برك مسكن ملك .للف مبروووك ام جيهان معاك .
بصحتك يا ختي الاجانب كي يشروا هاذ الالات يشروهم مقتنعين بلي اي الة يستهلوها.احنا الجزايريات نبداو غير نبرروا للناس ها راني مريضة ها مانيش نقدر.ياختي بلا مرض عليك و من حقك تريحي نفسك.تستغليها بالصحة.
بصحتك اختي انا كيفك ذهبي كامل بعتو وكنت نشري الذهب لمودال نادرين بصح ندمت والله إيحب يشري بزينة لبلاكيور والدراهم نشري بيها حوايج تنحي التعب في البيت ماشي نلبس الذهب وانا مغبونة في بغسيل وغيرها انت كيفي نفس العقلية نقلك متندميش على الحلنقدرو مشروع اندمي على الصحة لا راحت معاتش ترجع بصحتك لعقوبة الحاجة اخرى
انا كذ لك بعت نصف ذهبي علا جا ل القش تاع الدار لكن مندمتش عليه خا صة مشينة لا في تا ع ت الحديد انتيلا كت لا ني كنت مغبو نة بتاع البلا ستيك وحتى وصلت للمصا ج من الا م الضهر وضروك الحمد الله نعلبو جد الذهب وانتي را شية في الصحة
حتا انا والله ماكنت مقتنعة في اللول وللصراحة قلت نشريها راهم يزيدو يطلعو بصح مين تكوني مريضة ولا عيانة تبانلك بزاف تفيد بالنسبة للتشلال تنحي غير بقايا الاكل والتنقيا والله تنقيهم يرجعو يشعلو
