لا اختي اللمبلات جاب ليا الكواطر كنسكت تامرضت تا تحكرت من كلشي ولادي كيقول ليا ماما هضري 23 عام تاع الزواج تاع الحكرة من عايلة الزوج اودابا من عدوزت بنتي تاهيا بغات تحكرني انا وبنتيح
اختي كيبقى فيك الحال الى تستغليتي ،انا اختي الاخت ديالي ما كتسول فيا الا من اجل مصلحة مؤخرا عملت خطوبة و اتصلت بيا انا فألمانيا و قالت لي واش غتجي و لصقاتني انا فرحت و قلت ياه مسكينة بغاتني نحضر،من بعد قالت لي نجيب ليها شي حوايج جبتهم،ووقفت فالفرح ماديا و معنويا مع العلم انها خدامة.المهم داز الصيف رجعت والو نفس العادة الله ما تبارك رمضان و لا مناسبات حسيت بالشمتة.من بعد كنشكي للام ديالي قالت لي واش بغيتيها تسول فك بزز والله حسيت بطعنة كبيرة بزاف.باش اختي تنصحيني جزاك الله خير،و تبارك الله عليك.
حتى انا اختي ساكتة حدايا وماتتسولش فيا وكان تيبقا فيا الحال والى مشيت عندها تصيفطني باكية كانت تتحاول تجرحني ونجي لداري نفسيتي مريضة من عندها نبدا نشكي على راجلي من بعد عرفت القالب ههههه وليت ماتنتسوقهاش تتقول لي بغات انا تندير راسي بحال كتهدر مع الحيط وهي حبسات تصرفاتها معايا ولات كتحترمني وحتى الى قالت شي كلمة غدي تجرحني انا كنبتسم ومنتسوقش نهاااائيا ومابقاش تنسول فيها كيف كنت الا في المناسبات بتليفون صافي . ولات هي تتقول والديا علاش مابقاتش تتهدر معايا الهام اشنو درت ليها ..مؤخرا ولدت قالت ليا اجي جلسي عندي ونقابلك قالت ليها لا الله يجزيك بخير غدي نجلس فداري وغدي تجي عذوزتي تجلس معايا..وليت تنخااااف نتقرب منها وتجرحني حيت تدير مزيان وفي نفس الوقت ضرب المعاني وكلشي الناس تقولهم درت ليها وعونتها مهم ماكتسترش والو ...انا تنبغي تتقرب منها وهي أهم حاجة عندها هما صحباتها انا تتحسبني ماكيناش حداها...حرت فتعامل معها دابا وليت موقراها بمرة
انا اختي لباس عليها او عندها الأراضي والضيعات عمر ها ماقلت تعطيني حتى كيلو نديه ل داري اورغم ذلك كنحيي صلة الرحم في حدود نصف ساعة ماناكل مانشرب باش ماتقولش الجوع لي جابني.اوماتاجيش تزورني محيت هي من طبقة راقيه و انا ماشي ما عنديش و لن بالنسبة لها لا مجال للمقارنة.
كلامك صحيح اختي أنا أعوذ بالله من قولة الأنا درت علاقات كتيرة وتقت بزاف و لكن الحمد لله دبا كنعطي العز الراسي الي سول نسول فيه التيقار التيساع احترم تحترم بحيت تجارب الي دزت منها علماتني ومزال كنتعلم ربي كبير
صراحة شفت قناتك والعنوان هو التدبير هههههه قلت خلي بلاش مندخل دابا خلي من بعد ولكن سبحان الله اليوم دخلت لقناتك ولكن لقيت العنوان لا علاقة مع الفيديوات لي لقيت وسبحان الله كلامك عجبني وقاسني بزاااف وهاني درت ابوني ان شاء الله نسمع للفيديوات ديالك
ما شاء الله كلام جميل جدا اشعرني بالراحة لأنني أعمل به واحتسبه عند الله واصبر نفسي بالكاظمين الغيظ والعافين عن الناس ولكن سرعان ما يحبطني زوجي بضعيفة الشخصية وبانني لا أدافع عن نفسي
فديو رائع جدا يا ريت نتقن هاد التقنية انا كل حاجة كندير عليها فيلم رغم محاولاتي المتكررة والوا نتمنى ليك المزيد من التألق و نتمنى تزيدي في وقت الفديوهات لي كتحطي لينا حيت كلها استفادة تحياتي
جميع المواضيع لي هضرتي فيهم كيعنيوني تبارك الله عليك و مشكلتي هي كنوي كنهضر مع حد حيت أنا ثرثارة بهاد المعنى كنعاود كلشي عليا وعلى طاسلتي ونية كنعطي نيتي و كنعاود على حياتي غي كنخرج كنتلاقا مع العيايلات صافي كنسا الوعد لي عطيت لراسي ونتلام معاهم تا كنجي للدار عاد منظم علاش قلت كلشي مكنعرفش ندير الحدود
يا ريييييت كون قدرت غاذي نرتاح في نفسيتي 😢. اللي كذب في وجهي وخى الأمر ما يعنينيش نتقابح معاه و نصحح له. و نهار نجتاهد و نبغي نطبق الدرس نبقى ناكل في نفسي. الحاجة الزوينة هي كنسامح الشيء اللي يخلي بنادم يعاودش الاغلاط معايا.
متتبعة جديدة لقيتك بالصدفة وحبيت طريقة كلامك واصلا انا عزيز عليا فحال هاد المواضيع...حيث مدوزتش القليل وليت عزيز عليا نسمع نصيحة ناس آخرين والصراحة لقيت النتيجة ف حياتي وصحتي النفسية وأهم حاجة ولات فيا هي كنسكت ايلا معجبنيش الكلام من قبل كنت كنرد زعما نبين و نبرر ولكن من بعد سنوااات عاد عرفت ماشي من حق أي واحد نبرر ليه...
Alahoma sali wasalem ala sayidouna mohamed merci pour ton discourt qui est interessant est raisonable alahe te preserve et nous preserve le bienaamine yarabe alalamine.
قناة رائعة و شكرا على النصائح،سؤالي هو كيفاش تعاملي مع جيران في الغربة، ملي تتكون عندهم شي مناسبة كتمشي تباركي لهم و أنت عندك مناسبة و ماجاوش لدارك يباركو ليك !!!أش كيعني هذا التعامل؟
أختي باااين المعنى مكنجي عندك حتى نتي متجيش عندي. شدي رجليك و شوفي و اش غيحاشيوها ليك مزال . بالعكس غيقولو هادي عاد فهمات راسها. و صراحة انا هذا مبدأ ديال لي مكنمشيش عندو منبغيهش يجي عندي بصفة عامة كنتعامل مع الشخص كيف نبغيه يتعامل معايا
شكرًا جزيلا على النصيحة والله يهدينا على راسنا و نطهلاو فصحيحتنا ونفسيتنا…..لان المشاكل والهضرة الخاوية مغاديش تسالي انا بعدا حاليا كنحاول ننشغل براسي لدرجة مباقيش بغيت نعرف شي حاجة على الآخر لاننا اللي فينا كافينا كل واحد ربي اللي عالم بيه والحمد لله والشكر لله على كل حال 🙏🙏
انا مشكيلتي مكنقدرش منجاوبش وفي حالة مجاوبتش كتبقى المسألة في عقلي وكنبقى نقاش مع راسي وهدشي كيلعب ليا على نفسية لدرجة ابسط المواضيع مكتخلينيش نعس او ناكل كلامك على صميم انا من النوع لي حرف في الكبام كنبقى نحلل فيه معرفتش كيفاش نتقن هد الفن
كنت بحالك دبا نقصت حيت فهمت انه إلا بقيت هاكا اندابز مع گاع الناس وليت شي نسدو شي نطلقو اوليت كنتعلم السياسة يعني ممكن وخة معنديش معاك نتلاقاك سلام لباس والإبتسامة والصواب وفنفس الوقت منتيقشش فيك ونخلي مسافة بيني وبينك اولا شتك من بعيد نقلب الدورة الا مشتينيش نتيا ...وهكدا فهمتي .ورجعت هكا شحال من علاقة مقطوعة وكنحاول نرض كل واحد ميستاهلش تيقتي لبلاصتو ونقست الزيارات من غير الرسمية مع بعض الناس
مكنقدرش حيت عندي وحد راجل كثر من لعدوزة وحد المسموم عاد مصيفط ليا جريدة هازها من تيك توك زعمة انا زوجة نكدية وووو مشافش راسو راه هو لي مرضني فصحتي دت اب طايحة بالعصاب وقولون العصبي والخلعة صحتي طاحت ولادي جوج صغار هما لمن هازة الهم
إيوا كون كنتي هزالهم الهم بصح ݣاع ماتوصليش لهاد الدرجة بالأعصاب .راه حيت الدراري محتاجينا كانميكو ونتجاهلو.أنا غي كانشوف الراجل معصب كانبدل الساعة بأخرى مكنضورش ݣاع حداه كانبدا نشقا فالكوزينة ولا ندخل للبيت نطوي حوايج بلاكار المهم كانشاغل بأي حاجة باش نتجنبو ونربح صحتي هي لي كاتهمني اكثر منو هو
@@user-fn2vh5sw3b شوفي أختي إلى جربتي ݣاع الحلول باش دير عقلها و والو .... الحل لي غاديريه مع اختك إلى كان الإزعاج ديالها كايضرك نفسيا نوصيك متبقايش تكتري معها فالهضرة وخا عايشة معك حاولي تجنبي داك الجلاس معها وتجمعي معها وتتعاودي نتي وياها هادشي غايخصك تبعدي منو حيت هو لي كايفتح داك الباب ديال الخلافات إلى سولاتك جاوبيها بما قل ودل وفنفس الوقت هاد الخطوة لي كنقولك ماديريهش بحال إلى راكي مدابزة معها ولا كتهضري غي بالسيف وإنما ديريه كأسلوب جديد في المعاملة ديالك معها ولي غايعاونك على هادشي هو الإنشغال انشغلي عليها بأمور أخرى باش مايبقاش داك الوقت ديال الإحتكاك معها .والله معك أختي وديري صحتك النفسية في الأولويات ديالك راه مغايعقل عليك حد
