بالنسبه لمنتج كريم التشققات يمدحون ميديلا اكثر تقدري تحطيه وعلى طول ترضعي + الواتر وايبس مررره مررره رهيب بس دام بنتك تتضايق بسبب برودتها يبغالك جهاز تسخين الوايبس تخليها دافيه تجنن مقرره اخذ لي واحد خصوصاً ان الشتاء داخل يحتاجون له الاطفال
كريم الحلمه ماتشفطه البشره لانو مو للترطيب للحماية طريقتي فيه كنت احطه على الحلمه وبعدها احط البادز الدائرية فوقها والبس البرا وبكذا تحمي لي الحلمه من التشققات بدون ماتحوس ملابسي ولمن اشيل البادز يكون الكريم راح بسهوله من الجلد👌🏻 بس فايدتها ترى اول الاسابيع تقريبا هي اللي غالبا الامهات تجيهم تشققات بالحلمه ويحتاجونها بعد كذا سبحان الله مع كثرة الرضاعة اتوقع يصير الجلد تعود وتمام، انا حتى بعد مااستخدمتها بقي منها كثير وصرت احطه كمرطب شفايف😂
شي ان ارواب تتتتجننن كأنك عروسه فخمة وراقيه وشي نااااعم كل اغراضي النفاس الارواب والقمصان من شي ان بس من علامة غير شي ان ماركه ثانيه رهييبه ، وبعض الاشياء من كارفور قسم الحوامل جممميله مره برضو قمصان وبيجامات واروب ناعمة وحلوه
تقومي بالسلامة يارب انتي والبيبي ♥️ بالنسبة لسؤالك الاثنين موية تنظيف لكن الفرق ان موستيلا معاها افوكادو عضوي ولها ريحة نظافة كدا أما المناديل المبللة بس مويا
أحس بدري ممكن على الثامن او بداية التاسع لانها متوفرة في الصيدليات بسهولة تلاقيها وجهاز التعقيم اخذته من مذركير ب ٥٠٥ ريال .. الله يتمم لك على خير يارب وتفرحي بالبيبي ♥️
حبيبتي، السرير كبير على البيبي ؟ ياليت لو تكرمتي توضحي قياساته او رابط الشراء لان فيه كثير شيكو ومو عارفة المقاس( مااقدر اطلع من البيت اشيك لظروف صحية)
