يابنتي عسى ان تكرهوا شيئا وهو خير لكم ربي يعوضك بزوج أحسن منه بكثير ما زلتي صغيرة كملي قرايتك واخدمي من بعد اتزوجي الدنيا غدارة وما اديري الثقة حتى في واحد خدمتك هي الصح ربي يحفظك بنتي ويوفقك في حياتك والزواج مكتوب ما تندمي حتى على واحد فيهم كالاول كالثاني انساي كلش واتهلاي في روحك وفي صحتك.
نعم النصيحة، تهلاي في روحك وكملي قرايتك وما الديري الثقة حتى في واحد، ولد عمك هذا مجرم حرقلك جهازك الله يحرق قلبه وزاد فسدلك عرسك بالكذب والبهتان، هذا ماشي ولد عم هذا شيطان ماتسامحيهش، في عوض يأمن بمكتوب ربي وقدره ويوقف معاك لأنه من دمك ولحمك بصح ربي كشفه مزيا ما تزوجتيه، والغلطا تاع الوالدين لي يطمعو في بنت صغيرة عاد تلعب بلجووي ويهدرولها على الزواج حرام عليهم، ما كانش عندك قرار صائب وحتى كبرتي وليتي ناضجة عرفتي بلي ماتبغيش ولد عمك وعند الحق باش ترفضيه، المهم وعسى أن تكرهو شيئا ويجعل الله فيه خيرا كثيرا، ربي يكتبلك زوج صالح أحسن من الأول والثاني وتكوني مهنية بإذن الله.
والله ملغلطة تاعها علاه تجرحوا في الناس هوا حرقلها جهازها وزيد شوهلها صمعتها غلطة تاع لكبار كخلاوهم يطمعوا في بعضاهم من الصغر هدى الغلطة تاع بزاف الأولياء يخطبوهم لبعصاكم وهوما صغار وكيكبروا تولي حاجة وحدوخرا بالناس حلوة ولاكن علي راحتهم مدخلولهمش الزواج من صغرهم والله راكم غالطين
ماتحتمش روحها واحد مايسالها كونو واعيين بطلت عليه ماشي نهاية العالم لوكان هو اللي بطل عادي علاش ديما المراة اللي تتحاسب هذا ماشي حب متاع طفولة خافو ربي الانسان كيكبر يتبدل وكبطلت عليه في الاول خير من لوكا تزوجت به سبحان الله انا صراحة نبطل عليه خلاص المشاعر تتبدل ربي يخلص فيه
@@Hkayat_safia_dz أنا إمرأة مثلها لا يعني أن أعطيها الحق هي أخطأت لأنها تلاعبت بمشاعره وخاصة أنها رفضت ترك دراستها لأجله في حين أنها تركتها من أجل الثاني
انا حماتى خطبت بنت وكانت مزال تقرا وبطلت قرايتها وعقدت ومين قرب العرس بطلو على اتفه الاسباب وطلقت وبنت عاودت ولت تقرا ودات الباك وكملت وراها استاذة في فيزياء وخطبها واحد يخدم في سونطراك وتزوجت الخيرة فيما اختاره الله والعقوبة ليك اختى
انت سبقتي حرقتيلو قلبو هو صبر وضيع وقتو حتي شرف يسنى فيك ومن غير صتي واحد اخر نسيتى واش كاين بينتكم على الأقل كنت تخذي واحد لي يخليك تكملي قرايتك وتحقي احلامك اتخيلي هو دارلك نفس شيء تحضرى العرسو وتولولي عليه المهم مكاش مكتوب بينتكم مي سمحلي انت لي سبقتى فرغتى بنزين على قلبو واحساسه ورجولته وشعلتى فيهم النار ونار هذيك ولات عليك
ما ديتي لا القط ولا خصاه الغلطة الأولى للوالدين لي يزوجو بناتهم في الطفولة ويمدو الوعود وكملتيها نتي بالتكبر نتاعك ولد عمك رفضتي تحبسي لقراية ولغريب وافقتي
أكتر حاجة سيئة ديريها في حياتك هي الوعد مدام مكيش باغية هداك شخص ومكيش مقتنعة بيه متوعديهش وتعطيه أمل فيك وفي مستقبلكم نتي مشي كنتي باغية قرايتك نتي مكتيش باغية ولد عمك وشوفي لمليحة قاع كي طلقتي ونتي مزال مرحتيش عندو هديك نورمال كملي حياتك حتى حاجة متستاهل تبكي عليها ولا تزعفي عمري وربي يعوضك ماخير منو وبلاك خيراا لك كي طلقتي منو
يا مسكينة غضتني بزاااف ربي يعوضك ختي احسن منه ومتلوميش نفسك وتقولي وعدته ولو وعدتيه وهذا زواج الدهر قلبك مريحلهش ومكتوب قصمة ونصيب في حياتك ختي وربي وكيلهم خوتاته هما السبب لرشولك ليصونص باينة وكان حسو بيك شويا ياك هما تاني يستنو في هذي الفرحة حرام عليهم و زوجك لطلقك سمحيلي بزاااف على هذي الكلمة مشي راجل عاقد عليك ميشوفش الماضي نتاعك وكان نقولو جيتي كما قال عليك ولد عمك ميفسخش يشوف الحاضر نتاعك وكفاه تكملي معاه الطريق ومعليش ختي عسى خير ليك ربي بعده عليك ومزال يطيح في مرة ماضيها مشي ناصع مثل الثلج اكيد عندها نقاط سوداء ربي يهدي كل مخلوق هذا التفكير الخطأ عند الرجال يحوسو على مرة صافية مكانش لهاك كلنا نساء وغلطنا وتعلمنا ولي راجل ميديرش على الهدرة وكان جا صح باغيك ختي والله ميسمعله يطرده للاسف ربي بيلك مزيا طلقك قبل الدخول كنت قادرة تروحي عنده ويطلقك ونتي عروسة مولات ليلة ولا نهار ربي وكيلهم
مليحة النية و الصفى و كون جات السبة صح هي القراية و حبيتي تكملي و ماخلاكش راكي ماوافقتيش تخليها على جال الثاني يعني الاول من الأساس ماحبيتيهش و وعدتيه وعد باطل و خليتيه يستنى سنوات
السلام عليكم اولا اقول لك لا يجوز خطبة احدنا على خطبة اخيه لان الرسول صلي الله عليه و سلم يعلم تداعيات هذا الامر وهو ما حصل للاخت والناس ما راهمش لعبة نتجاهلو احاسيسهم فيا اختي مزية لي راكي سالمة ومعافة لأن بعض الاخوات لي قصتهم كما نتاعك شوهولهم وجوههم ولا قتلوهم كما رانا نسمعو على الجراءم ولد عمك قارعلك بزاف وفي الخير بدلتيه باخر راه محروق على الاهانة وانتي غلطتي في حقه وحق نفسك ما فهمتيش روحك شا راكي باغيا المهم حبيبتي السلامة في راسك وابدءي من جديد وبدلي الجامعة وكملي قرايتك وديري التخصص لي حبتيه وخدمي ولمي روحك وربي يعوضك خير منهما وعرفي شا تختاري المرة الجاية وسامحيني اذا كنت قاسية عليك بعض الشيء
ربي يعوضك بزوج افضل من زوجك و من ولد عمك...كلشي بالمكتوب...وكلي ربي و احتسبي.....الغلطة ما ارتكبتيهاش وحدك...حتى والديك....كنت صغيرة لما حبيتي ولد عمك..و هوا ..كبير عليك..يعني انت طفله صغيره و هو ناضج.....ممكن ايضا حتى الغيره..انت مادابيه تبقاي في عينيه قطه مغمضه..ماشي مرا.ناضجه متعلمه....راهو انتقم و مبعد...كاين ربي....كلشي يتعوض...و تجهزي جهاااز خير ربي و افضل من الاول...يقولو دمك ...همك....بعدي قد ما تقدري...ولا حضر مكتووب.....ما تخبري حد ...خاصة عاىلة عمك...خدمي كلشي في الستره..و صارحيهم بالشي لصارالك...باش تاخذ احتياطاتك...لانه حااااقد عليك ....راح يتبعك و فسد عليك...في كل مره....ربي يهديه....كملي قرايتك....و ما تخلايش عن احلامك....انتقمي منهم بالنجاااح....و الصلاح...و ربي يعطيك......و في النهايه...انت عمرك ولا حبيتي ولد عمك...هذاك ما شفتي قدامك..كبرت معااااك....بدليل جاتك فرصه..حبيتي واحد أخر...كان حلم الطفوووله و فقط .......
صح هي غلطت، بصح هو غلط كثر( قذف المحصنات) كذب على راجلها وقال فيها واش ماكاش. هي راه خلصها هو بيدو بصح هو يخلصو ربي الدنيا الدور و تولي على راسو كما تدين تدان
ياصاحبة القصة سمحيلي انا كون في بلاصتك منلوموش ولد عمك سمحيلي بصح ماشي بالساهل تلعبو بمشاعر الناس وزيد يا ختي راكم فوتو عشرة طويلة بزاف انا منيش نستشفى فيك ولااااا بالعكس ربي يهنيك ويلاقيك بمخير منهم في 2 بصح الشيء لي دىتيه صعيب بزااااف والله من 10 سنين يااااختي غي الفم يقولها وهو يقارعلك بزاف كون تزوج ذاك الوقت كون راه بولاده وتجي على التالي تحشيهاله بزااااف
امالة ندبر عليك نحي فكرة الزواج قع من بالك مدامك تقراي بعد ما تتحصلي على الشهادة الي باغيتها وتخدمي وتشبعي خدمة هذيك ااساعة خمي غي الزواج لان الرجال راهم بزاااااف,
دنيا دوارة وجاب حقه خدعتيه ودرتي عليه وكتبتلكش يكمل على خير كما تدين تدان حطمتي احلامه حطم احلامك وبادي هو الي يخلص اكتر وهو درك راه انتقم وفرحان وانتي بكي على زهرك