نصيحة اختي ماتطلقي ما والو لازم ترقي وديري سورة البقرة يوميا في البيت وهذا ابتلاء وربي اختارك انت حسب الصبر نتاعك وانت قارية ومثقة مدريش على هدرت خواتاتك والناس
اختي واش تقولي فالخاينين ولي يضربوا نساهم و لي يدروقيوا و يشربوا احمدي ربي احكمي راجلك واستريه و رحتي حكيتي لامك و امك نشراتو حرام عليك اصبري و احتاسبي اجرك لله شوفي ارقيه اجري عليه يريح و ربي يهدينا و يهديك و يهدي امة محمد صل الله عليه و سلم.
خواتاتك هاذو لي يعايروك لازم أمك تحطلهم حد هي تسكتهم وقوليلهم ما تحلوش فمكم ما تعرفوش واش يبليكم ربي سبحانه ،لازم يرقي ولا اقراي سورة البقرة فالبيت خليه كي يرقد اقرايها قدامو بصوت مسموع، سورة البقرة تكشف المستور ،باين عندو كاش مس يحب التوالات و كثري من قول لا حول ولا قوة إلا بالله بنية ربي يصلح حالو ،ربي يشفيه ويعافيه ويفرج عليكم.
و صح بلاك راه مريض و كشما يشرب دوا و دارهم علابالهم و نتي لا خبر حاولي تكتاشفي بلا ما يفيق حتى واحد و خاصة بيت شيخك حاولي تكتاشفي بطريقة ذكية و ربي معاك أختي
الكلام في بيت الخلاء حرام لان الملائكة الكتاب علينا يتاذون منه وعندما يتكلم الشخص في بيت الخلاء يضطرون للدخول ليكتبوا ما قلناه من خير أو شر فيلعنون ذلك الشخص يقولون لعنه الله 😱 والعياذ بالله ☝️ تكلمي معه لانه امر خطير ☝️اضافة إلى أنه يمكن أن يتلبسه شيطان والعياذ بالله😮
بويا كيما هاك قاري و مثقف و عاقل و ضرباته جنية خطرة في حمام من كان صغير رقاوله و عالجوه بصح مصفاش مليح و عادي في تعامل مع ما و كان عنده منصب في سونطراك و ناس قاع تبغيه و لفامي عاقل خاطيه تنوفيق و اب حنون معانا و مكانش لقلشهم بوهم كيما بابا بصح يبغي دوش بزاف و يطول و خطرات يهدر و يبغي بحر و عمره في سبيعنات محترف في سباحة جامي هلك واحد و ناس قاع تشكره و يعرف جميع لغات محترف و يسمع قران و يقراه و جايب شحال من عمرة
يا اختي اذا ناس ملاح علاه خليه يغني ياك ميضربكش ويحترمك وخدام احمدي ربي لي مطحتيش في واحد يضرب ويتعاطى للمخدرات كي يروح لتوالات متعسيهش ياك كي يخرج يولي طبيعي خلاص
المشكل تاعك عنيت منو بعد الزواج. و بعد لقيت اولادي يعاونو من نفس المشكل. و في الاخير طلع عندهم مشكل في طول الكولون . مما يتسبب في عسر طرح الفضلات . و كي يقلقو و يطولو يولو يغنو و يدو طابلات باش يتفرجو. استخفظي بدارك و ما تزيدش تحكي اسرارك .. و قلهم ما يقدرش يطرح الفضلات عليها يطول.
وقفي مع راجلك، جمعي مع عجوزتك و تافقوا ديروا له. الرقية، و متتخليش عليه مادام فيه حوايج ملاح، سمحيلي على هذه الكلمة، بنت الاصل هي لتوقف مع راجلها و تستر عيبه. و بأن الخبر خرج على زوج، قولى لأمك، راه درنا الرقية و برى باش هي تشيع و تحبس الهضرة.
يا اختي اوقفي مع زوجك ورقيله غير وحدك . حبيبتي لو تطلقي تندمي لانو انسان طيب وخلوق و زيد يحبك وخواتاتك اكيد ما راهمش هانيات . راهم غايرين منك . درك سكتي ما تعاوديش ضحكي خواتك في زوجك. واشكريه قدام اهلك. ما تفضحيش امورك الزوجية لاي حد. خاصة الاهل
سلام صفية 💕 شوفي ختي صاحبة القصة متتسرعشيش في أي قرار . وحاولي تأجلي الحمل هذ العام متزيدش تحكي لداركم وقوليلهم راه عاد نورمال. وحاولي تفهمي الحقيقة تاعو اجمعي لمعلومات منه ومن أمه و خته وكي تفهمي وش كاين استشيري طبيب نفسي ... وكوني ذكية معاهم واستفردي بيه إحيانا واخرجوا معا وحاولي تعرفي سره من فمه . و تبانلي راهم كتومين ومش حابينك تعرفي الحقيقة .. انتقلي للخطة 2 احكمي انت ثاني في نفس الوقت معاه توالات وغني وتصرفي كيما هو ... وكي يقلقو منك قوليلهم ياحوجي منيش فاهمة راه عداني ياحوجي وش ندير يا حوجي لازم نروحوا لطبيب لوكان نجيبو ولاد لازمنا لي توالات اكثر من الشنابر يا حوجي ... كنت لباس عليا انتم جبتوني لبنكم هااااهووو عداني يا حوجي راني خايفة تصرالي فلمدرسة ولى في اماكن آخرى يا حوجي دبروا روسكم عالجوني ..... ربي يفرج عليك ومتتقلقيش وكوني حكيمة.
السلام عليكم اختي ننصحك ماتطلقي ماوالو ماتوسوسي في روحك حاولي تقعدي معاه وتفهمي منه واذا ماحبش يقولك روحي لاخته وحاولي تفاتحيها في لموضوع بطريقة مضحكة ولعبي ليها على عقلها وقولها حكالي هو بصح لقيتو ماحبش يقولي كلش ونا مابغيتش نحرجو اكثر ونجرحو هاك تعرفي واش كاين واذا لقيتي حاجة رقية ولا غير اوقفي معاه في سبيل الله وباذن الله راح يبرا لمرض مش عييب قادر يجي فيك هادي هي لحياة الزوجية. لازم. تسانديه وكلش يفوت والحمد لله راكم خدامين في زوج اخسرو اعليه وراه بعقله الحمد والدنيا فانيا وماتعرفي ربي واش راه مخبي ليك وعسى ان تكرهو شي وهو خير لكم والله يعلم وانتم لا تعلمون ❤
السلام صفية انا متتبعة قديمة و ما نعلقش قتلتيني بالضحك كي قلتي يغني اروما ياروما قولي لمولات القصة تحكي معاه و تفهم منو علاش هاد العادة و ربي اجيب الخير 😂😂😂😂
انا ننصحك و راكي متعلمة و فاهمة لازم تكوني مرا فحلة و توقفي مع زوجك و تساعديه الواحد علاه يقول درت مرا باش تكون السند و صلي صلاة الاستخارة و ربي يجيب الخير
راني معاك الوحدة توقف مع زوجها فالمرة و الحلوة لكن كما هذي الأخت المشكل انو خبا عليها لوكان قاللها من الأول مرضه وهي تقرر تقبل بيه و تساعده و إذا ما تقدرش ترفض الزواج معاه من اساسه لأنها ليست مجبورة على تحمل حاجة كما هاكا و بدون علمها ماشي جابها و حطها قدام الأمر الواقع حتى الأهل كيكون ولدهم كما هكا علاش يحصلوا بنات الناس و زيد حتى بعد الزواج مازالوا خابين عليها علاش داير هاكا أنا مادخلتش راسي هذا راه زوجها و ما عارفاش إذا مريض ولا عادة فيه …. كيفاش بغيتيها توقف معاه و تعاونه هنا هو الغالط و خدعها و غشها في هذا االزواج
عاوني راجلك اختي لازم تكوني معه هو لازم له راقي أظن أنه ممسوس بجن الحمام فيه كل الصفات ليتحبهم المرأة في الرجل ساندي زوجك اختي او ربي يفرج عليكم انشاء الله
صاحبة القصة ديرو رقية شرعية ربما منذ الصغر ظرباتو حاجا في المرحاض واذا ظهر مابيه والو شوفو طبيب نفسي يقدر اشخص الحالة نتاعو بعدها ادي القرار المناسب الان متتسرعيش ولازم امه تعاونك
اختي احسن رأي الرقية والا طبيب نفسي.ماتنسايش بلي لوكان يرزقك ربي باولاد رايح يكون هو القدوة ليهم.اجري عليه اختي و رديه لطريق بالاك تقدري تبدليه لازم توقفي عليه .
شكرا اختي صفية على هذاالمحتوى اما صاحبة القصة نقلها ماتتسرعيش الطلاق ماهوش حل هذا راه موسوس وناقص حنان ورعاية في الصغر صلي وتصدقي وارقي معاه وتجنبي الحمل لفترة وتتربي منه أكثر وحسسيه بالامان هذا ليس بجنون راه عنده عقدة نفسية عاونيه يتصل بكاش طبيب نفسي ربي يشافيه ويعينك عليه ...ام احمد الجلفة
شوفي اختي أولا ربي يكون في عونك ويعطيك القوة على التحمل لكن النصيحة هي لا تحملي حتى تزيدي تعاشريه أكثر وديريلو رقية وراقبيه على الإدمان بلاك راهو يتعاطى دواء وبعدها سوف تكتشفين الامر لوحدك وتم تتخدي القرار الصحيح وزيدي قوليلنا على التطورات
مسكين والله غاضني مسكين، ربي يشفيه ويعافيه بصح الاخت غلطت مين وصلت الهدرة لماليها قبل ماتفاتحو فالموضوع، راه راجلها قبل أي شيء وحسب مافهمت راه يحبها وذكرت بزاف محاسن فالراجل هذا مكاش فأغلب الرجال لازمو رقية اوطبيب نفسي
ههههه والله ضحكتني القصة وهذا التصرف حتى اولادي يديروه يقعدوا بالساعة في تواليت يكونكتيوا ويهدروا مع صحابهم في البورتابل وانا نسبهم باش يخرجوا واكيد لازم رقية انا نعطيهم ماء مرقي يشربوه لأني نخاف من اذى الشياطين واكيد هذ التصرف ليس سبب للطلاق وصاحبة القصة كبرت الحكاية في مخها أكثر من اللازم
دواميله الرقية الشرعية . وهذا اهمال الولدين وين كانو على ابنه .... على فكرة ولدي هذو شهرين يطول في تولات بصح وليت حاذيته بالرقية الشرعية صدقيني مولاش يطول في طولات
صاحبة القصة غلطتي كي حكيتي للام تاعك لازم تكون الستر بين الازواج ومن رأي انا مدام هوا انسان متربي واخلاقه عالية من رأي ماتطلقيش درك ننصحك بالرقي الشرعية
متتقلقيش ختي اتفاهمي معاه و هدري معاه و رقيلو راكي تقولي هو انسان عادي بلاك ملي كان صغير ووالف يغني ويطول هادي عادة مسكين لازم توقفي معاه مدامو يحبك ويحوس يرضيك ويتصرف عادي لازم توالفي ساعديه بلاكي تتطلقي الطلاق اخر حاجة تخمي فيها وزيد راكي جديدة مع الوقت توالفيه
ضحكتيني و تقلقت في نفس الوقت كي ڨلتي راه يغني فالتوالات ياو أرقي لراجلك ما تڨوليش راه طبيعي لالا ماهوش طبيعي قنعيه باه يرقي ويلا ماحبش هديه بكشما حتجة لي يهاب منها و صح حاولي ما تحمليش ديري احتياطك بلا علم حتى واحد ديري سورة البقرة فالدار خاصة كي يكون هو ثما و لاحظي واش يصرالو و ربي يفرج عليك أختي
اختي ربما زوجك عندو مشكلة صراتلو فالصغر ربما لم يعيش طفولته في صغرو على هذا راهو يعبر على الصبينة في المرحاض على كل حال لازم تتكلمي معاه على هذا الموضوع وقولي له أن الكلام في المرحاض يؤذيه ويجلب للشياطين واختو هي اللي تساعدك أكيد السر راهو عندها ربي يكون معاكم
مولاة القصة اسمحيلي شبعت ضحك و انا نتخيل فالموقف بصح هاذي ماشي حاجة تخليك تطلقي منو شوفي لايجابياتو و اوقفي معاه بالرقية بالطب النفسي اديه عند neurologue كوني فحلة و سلكي زوجك مسكين و الله غير يغيض مسكين و ما تنسايش الدعاء و القيام يا ختي تبعيه و اذا شفتي ما كانش نتيجة لك الحق في طلب الطلاق بصح تجنبي الحمل قدر الامكان حتى يبرا زوجك باذن الله
باينة مية بالمية مريض لازملو راقي صحيح ربي يشفيه ان شاء الله بما انو ناس ملاح ذو خلق ما تسمحيش فيه وخلي لي يحب يهدر يهدر كاين ربي وربي كبير ومعاك يساندك باذن الله
لحد الان ما كانش سبب يجعلها تطلق...لكن ما قالتش ادل كان فتحت الموضوع معاه و الا لا...لازم تهدر معاه و تسقسيه و تقترح عليه الرفية...لانو ما شاء الله معلم و قالت مءدب و محترم و هي لي عرفاتو و شافتو و خدمت معاه و هو لاباس عليه .
ربي يكون معاك زوجك عندو مس شيطاني بالتأكيد و هم شياطين النجاسات الموجودين في المرحاض و هذا شيء مرعب يجب أن يقرأ الدعاء قبل الدخول إلى المرحاض و يجب أن تتكلمي معه و تواجهيه ويعترف بما يفعله و يقتنع انه مريض ويجب أن يرقي نفسه عند راقي متخصص ويحافظ على صلاته في أوقاتها و اذكار الصباح والمساء و الاستماع للرقية في الهاتف عندها نفع كبير هذا تلبس شيطاني خطير تكلمي معاه وواجهيه المشكلة ربما هو لا يحس بنفسه ماذا يفعل في المرحاض لانه مكان استراحته على الاقل الرقية في التلفون هذا مس شيطاني مؤكد ربي يكون معاك وانتبهي لنفسك لأنهم سوف يادونك اختي عليك بالاذكار والصلاة في وقتها و و اذكار الدخول والخروج إلى المرحاض لك
والله عندي وليدي هكا يقعد ساعه .اثنين حتى نولي نندب باش يخرج لكن لما رحلت وغيرت المسكن وليدي بطل طبيعتو وما ولاش يقعد فتوالات .يا درى ما عجبوش مرحاض دار جديده .بلمناسبه الحكايه قتلتني بضحك .
الله يعطيك الربح ياصفية ضحكتيني من قلتي اروما يااروما 😂 هم يضحك وهم يبكي ختي صاحبة الحكاية انا نقولك حاولي تفهمي من راجلك حكايتو مع التواليت اومبعد اوقفي معاه بلاك ضرباتو جنية حاولي ترقو رقية شرعية بلاك ربي يشفيه ان شاء الله واجلي موضوع الاولاد قليلا حتى تبانلك واش من الطريق تاخذي لان الله لايكلف نفسا الا وسعها والكامل ربي سبحانو الانسان ناقص بطبيعته تقدري اطلقيه وتتزوجي مع واحد اخر ويقدرو يكونو فيه عيوب اخرى لاتحتمل لذلك نقولك روحي معاه بالعقل وكوني صبورة باش توصلو لحل يناسبكم في زوج والله يحضر الشفاء إن شاء الله