اهلا سيرين ربي يبقي عليه الستر ولدك بالله معادش نحكي عليه برشا حتى على العين و راهو الصغار الكل هكاكا أنت مرا طيبة والي في قلبك على لسانك. أما فمة خصوصيات صغيرة ما تتحكاش وبعد عليه القطوسة. على خاطر فيها برشا شعر في الصيف خاصة
اللطف عليه ادومه هزو طبيب صغار أنا بنتي طبييتها عطاتها mustela stelatopia جال و كرام أما بنتي تطلعلها حبوب كيف نبدل غيرهم الحق المختصر ديما طبيب صغار احسن😊
وسع بالك يا سرونة هاني كيفك نعاني اما الحمد لله انا عندي زوز اولاد واحد 5 سنين واحد 3سنين والله باش يهبلوني اما بصراحة هذوكم فرحت الدار ربي يخليهم ويحفظهم من كل شر ياربي ويفظلك ادومة
الحمد لله على العودة ❤وربي يعينك ❤ كيما يقولوا ما يكبر راس كان بشيب راس ربي يخليلك وليدك وربي يشفيه وما تخافيش هاذيكه حساسية تنجم تجي حتى من نوعية معينة متاع لبسه
يا سرونه ما يدوم حال توه يكبر ويرجع حديث عزيزتي الصغار في العمر متاعه تحبلهم وسع البال اما فتره وتتعدى ويرجع تقول عليه حلم ربي يفظلهولك وانت حاول تبعده عليك شويه على خاطر انت من خوفك عليه سنسته هكه وهذك علاه تعبت
يا سيرين اتلها بقناتك وروتيناتك وارجع اخدم على روحك ماشاء الله نشوف الي عندهم قناة عاليوتيوب كما أم جنى 😅 ماشاء الله شراو ديار واثثوهم ولاباس عليهم ربي يرزقهم ويعينهم أدومة ما تخليهوش يتعلق بك برشة دوشلو وبدلو وكلو وسيبو يلعب اخدم على روحك وربي يرزقك
يا بنتي عسلامة وينك هل الغيبة والله خليت بلاصتك والله كل يوم و انا نعس عليك نلقاشي فيديو المهم أن شاء لباس و فظلك وليدك و إن شاء الله ربي يشفيه و الله فرحت كي لقيتك ❤❤
سلام سيرين ربي يفضلهولك أنا من قلب لحدث نحب نبشرك الي اصعب مرحلة مزالت ماتعديش باها الي هي تنحيت لكوش ووواك حليلي وووواك مهم استعملو شامبو زاهي اسمو يتباع ف عزيزة مش غالي و ادهنو بزيت لوز جرب طبيب خاليه اخر حل بحكم ظروف كابسة شوي و كانك على ماكلة كلهم هكا ما ياكلوش خاليه على راحتو و نقص عليه بيبرون اعطيه كان ف نهار و ربي يكون ف لعون
مساء الفل والياسمين على سرونة انشاء الله ادومة يرتاح و ربي افرج عليه محلاك كيف قلت حنانة زغراط اش خير م الزغاريط ربي افرحك بيه و تراه في أعلى المراتب يارب العالمين 🙏🙏🙏 سرونة من حبش راك هكاك بنتي السمحة توة يكبر ما دوم شيء نحبك برشا و نحب وليدك ادومة ❤❤❤❤❤❤❤
Rabi yifthlhoulk sarouna misalch s4ar s3ab twa hni ena kifek bnti 3morha 3amin w hni dima tbrbech w tchouf w hni fe dar twa enchlh fatra w tet3ada w twa yikbrou mydoum chy o5ti ws3 blk ya zini
يا مرحبا بها الطلة .الحمد لله كيف لاباس والحمد لله كيف تشجعت وصورت اما رد بالك توخر.حط تاليفونك وصور كل شيء واحنا معاك نعاونوك بللي نقدرو اخدم على روحك برك
سرونة عودة ميمونة اما ننصحك حاول سنسو من توا يبعد عليك بالشوية خاطر كيف تهزو للكراش باش ياخذ شوك كيف يبعد عليك فجاة انا نخدم في الدومان و عندي فكرة و ربي يعينك عزيزتي شوفي خدمة ميسالش تعاونوا و ربي يعطيك ما تتمنى حبيبتي
@@lamasatcyrine حاول هزو لامك و الا لحماتك و ابدى غيب عليه بالشوية مرة نصف ساعة مرة ساعة حتى ليتعود على غيابك بشوية بشوية و حاول موش كل ما يبكي انت تمشي تحملو و الا تبقى بحذاها كاكا معاش ينجم يفارقك اقضي على روحك في دارك خليه يخرنن و الا يبكي على روحو اكيد في نطاق المعقول موش تخليه للتطلعلو السخانة بعيد الشر لا انت تعرفو كان كوشو نظيف و ماكل و شارب و مهوش مريض خليه يبكي على روحو هكاكا يتعود و يفهم موش كل ميحبك تكون جنبو يالقاك و متقولش هاو يهزو بوه لعشية انتم الزوز ملازمش تبدو بحذاه خاطر نفس الحكاية انت و الا بوه مثال اخرج لعشية خليه عند حماتك و امشي اقضي هاوك سويعة و ارجعلو اكيد نتصور مايجي وقت لتشوف فيه خدمة تالقاه حاضر ميقلقاكش
مش نضرب يعني نعضب فيه بلعاني على ادم بش يخطاه و منيش قالقة منو و مفماش علاش نعطي فيه ولا نحط فيه لشراع بكمة ربي و اناا مولاتو اناا عندي اولاوية ليه و مش قالقة منو جملة
اللطف عليك سرونة وربي يفضلك ادومة وتخاويه وما يدوم شي والله العظيم الكلنا هكا وقلنا تعبنا قلقنا وعيينا اني بنتي الكبيرة على اسمك جبتها بعد خمسة سنين وبعدها جبت ولدي وبعدهم جبت توامة معنتها حبيت نقلك الي جبنا وتعبنا وعاودنا وإنشاء الله تعبك وتعبنا مخلوف ونشوفوا صغارنا في اعلى المراتب ❤
الحمد الله شفناك والله توحشناك أدومة مش نتفاهمو معاه ماعادش فاضية لنا رد بالك راهو الغشة شملت كل شيء حتى حاجات الصغار كنا ندهنو لهم بدنهم الكل بزيت زيتونة توة برودويات أنواع وأشكال شكون يعرف آش فيهم فمة طبيب جلدة متاع كبار وصغار والا طبيب الصغار يعرف ما تلبسوش كان القطن ما عادش تغيب علينا
اهلا بيك سرين أني حاسة بيك مريت باها المرحلة هذه بالضبط ما نعرفش يمكن من اللهوة ياسر صدقني نحس في بنتي ساكنة في بدني و مخي راني من الصباح إلى الليل واني لاهية باها تقول عندي طزينة ربي يعيشهم و يشدنا بصحة البدن و اكهو
