والله قد ما نقول ما نوفيكش حقك ونوعدك ونوعد خواتاتي لي وقفو معايا في التعليقات بلي من اليوم ندير القلب ربي يلم شملنا راني نكتب ونبكي في الواقع وما لقيتش هذا الاهتمام ربي يجازيككم كل خبير وربي يشفيك يا اختي لي ما جبتهاليش ماما ❤❤❤
أنا كان وزني طبيعي و ضرك راني دائرة ريجيم على جال المرض ،عندي 15 يوم نقصت 5 كيلو ، أنا مانيش حلبة تنقص في الوزن بصح الله غالب صحتي اولى ،السمونية بلا صحة ماعندي ماندير بيها ،ادعولي بالشفاء
أنا وين نصيب كلمة (ريجيم) ندخل نجري 🏃♂️لوكان نقولك بلي الريجيم ماكانش يڨزيزتي في حياتي نهائيااا حتي وحد ليوم فليل قررت قرار بلا مانكون معولة عليه سبحان الله كيفاش جات في راسي صبحت على قاعدة يسموهااا الريجيم وأنا لي كنت نوزن 117 طحت ب32 كيلو وليت 82 وهذا فعام 2019 جات لكورونا كلش تغلق فما وين زدت وصلت وين مانتش دايرا في بالي نوصل وهواا وزن 78 في هذا العام يعني هبطت ب39 كيلو وقلت الحمدلله لي ربي قدرني ووصلني لهذه الدرجة لي راني فيها وفخورة بنفسي وذاك الشعور تاع لي يشوفك مايعرفكش ولي تشوفيها تلبسيها 💃🏼💃🏼💃🏼 وتفرحي بيهاا ونقولك حاجة وحدة برك لي راهي تقراا فتعليقي وحابة تشيان الريجيم إرادة وعزيمة وطيحة ونوضة ولي حتى واحد مايقدر يديرلك هذا الشي غير نفسك فقطططط ❤
اختي لي حبيتي تشياني قبل الغداء والعشاء ديري ملعقة كبيرة بذور الشيا وخليها تنقع نصف ساعة واشربيها قبل الغدا والعشاء تشبعك وتخفظ السكر في الدم في شهر تولي على نص انا نديرها وندير الكمون والقارص قبل النوم والصباح قبل الفطور توووب شهر تولي رشيييقة هاذي طريقة لي مايقدروش للرجيم كيفي ههههه
السلام عليكم اختي افكارك رائعة رسائلك ماشاء الله هادفة و مضمون راقي أتمتع بفيديوهاتك ربي يوفقك هناك امر فقط اريد أن اشير عليك به و هو عند تقشير الخضر من الافضل وضع تلك القصور مبارة في كيس بلاستيكي او عداناء بلاستيكي لا احبذ تلك الطريقة تقشير فوق الطاولة مباشرة و مزيد من النجاح و التوفيق.
مساء النور والسرور 👍🌹❤الأخت لي درتلي ابوني ربي يخلي شملك مجموع وكلامك مسموع وراسك مرفوع وين ما رحتي ربي يجعل مقامك عالي في جنة الفردوس آمين يارب العالمين 🤲❤
سلام أختي من فضلك هدرينا على الأم اللي عند ها أطفال صغار و هي عاملة كيفاش نظم روحها باش تلحق و تكون منظمة في نظيف و كيفاش توفق بين و زوجها وأولادها و عملها
السلام عليكم شكرا على هذو النصائح الذهبية ربي يجازيك ❤بغيت نسقسيكم لي عندها مشاكل صحية في المعدة و القولون كيفاش شفات منو من فضلكم لي عندها تجربة تفيدنا و ربي يجازيكم و في ميزان حسناتكم
انا كنت نتبع قنات في اليوتوب لو نفسك تخس مشاء الله تشوفي الناس كيفاش كانو كيفاش اصبحوا مع مراحل التي كانوا يتبعو فيها الرجيم المهم تقتنعي كي تشوفي الفيديووات
أختي وأخواتي والله متتخيلوش نسمع في الفيديو ونبكي لا لشيء لأنكم حسيتكم أخوات تاع الصح ربي يوفقكم لكل ما فيه خير وربي يشفيك أختي متحركة بالبيت انا صاحبة التعليق وننصحك تكثري رقية التعطيل وربي يجبر بخاطرك كيما جبرتي بخاطري ❤❤❤❤❤❤
انا منظمة في ماكلتي ماناكل فرينة ولا مشروبات غازية ماناكلش الحلو بزاف نشرب قهوة مرة جاهدت وجاهدت نفسي ولا نتيجة تحصلت عليها عندي ثمان سنين زواج وخرجت بطفل واحد فقط رغم كل الجري من ومن وزيد عندي خمول الغدة الدرقية ومؤخرا صبت عندي التهاب العصب البصري ومع هذا نموت على روحي وسمينة وصلت 112كيلو وزيد المرض مرات مانرفدش يدي مالوجع وصابرة 😢الحمد لله كل هذا وانا ملتزمة بريجيمي رب يصبرني ويشافيني وينجحلي ولدي ودعولي معاكم خياتي ورب يشافي كل مريض
بالشفا عليك ختي ، خمول الغدة الدرقية يأثر بزاف على الصحة بحيث يزيد من السمنة لان جسمك يكون غير قادر على حرق السكر و بالتالي انتاج طاقة قليلة من جهة و من جهة باقي السكر راح يسببلك السمنة و يسبب ايضا التعب و الإجهاد و الخمول حتى تباني انك فنيانة و الاكتئاب ايضا ، و اذا كان عندك نقص فيتامين د الاكتئاب و التعب يزيد اكثر ، و حاجة اخرى يأثر خمول الغدة الدرقية على زيادة حجم البويضات و بالتالي يسببلك نقص الخصوبة و عليه صعوبة في الحمل، و اذا حملتي ممكن يسبب اجهاض، و عليه ننصحك عالجي الغدة الدرقية عند مختص و تابعي، و يبقا الامر كله بيد الله و الحمد لله على كل حال
السلام رب يشفيك شفاء لا يغادر سقما مع هذه النصاءح لتر ماء معه زنجبيل طري مبشور و خيار قطع صغيرة ليمونة قطع و نعناع تعمله في الليل و غذا أن شاء الله تشرب كءس قبل كل وجبة داومي عليه عن تجربة