انا عمري 43 وعندي اربع بنات بنتي الصغير عمرها 10 سنوات كنت محبسة ماكنتش حابة نزيد كي وصلت اربعين فطنت مع روحي قلت علاش مانزيدش بالاك يرزقني ربي بصبي نفرحو بيه ويكون ان شاءلله سند ليا في كبري ادا حيانا ربي سبحانه دوك ثلث سنوات ملي خبست ماكانش حمل ندمت ندامة عمري لي حبست دوك كبرت ماقدرتش نحمل ادعولي ربي يرزقني قلبي سخفان على طفل
حبيبتي مريومة انا لي حطيتي حكايتي ما عندهاش بزاف لي قتلك بلي راجلي زعمة الحمد لله بعدما هداه ربي و تاب ولا يصلي و فرض عليا اني نتحجب قدام خاوتو و عندي 3 سلفاتي ماشي متحجبات و فرض عليا اني مانزيدش نسلم على خوالو و عمومو قلت معليش هي فالصح الدين تاعنا يقول هكا أيا البارح جات بنت خالتو لي عندها 25 سنة و ماشي متزوجة و سلم عليها كي قتلو كيفاش هاذي يتسما حلال عليك و حرام عليا ولا كيفاش ؟؟؟ قالي لالا وهي راهي صغيرة و نشفالها كي كانت تتربا مع العلم انو انا عندي 30 سنة و هو 40 سنة و زيد على هاذا كل ما جي تلبس لباس غير محتشم و فاضح و الله غير راح نهبل راني حاسة روحي مذلولة و كي قتلو انا ثان ضرك ندورها و نولي نسلم على ولاد خوالي قالي هكاك غير روحي لداركم ما نحتاجكش كي شغل راه يخوف فيا .... يرحم والديك يا اختي مريومة انتي و المتتبعات تاوعك راني محتاجة نصيحة كيفاش نتعامل معاه راح يهبلني و فيما يخص الجلباب قالي ديريه و غطي وجهك و هو قاعد يتنيفق و يحلل و يحرم كيما يحب مع العلم اني نلبس حجابات عراض و خماراتي كامل يغطو الصدر بصح ما قنعوهش قالي مانحبش الناس يشوفو وجك ضرك قوليلي كيفاش نتعامل معاه و شكرا .
يااااه مريومة حتى أنا حطيتلك انشغالي لي هو راني كيما صاحبة الانشغال الأول في عمري 32 سنة وعندي 3 ولاد ماشاء الله زوج بنات وولد مكنتش حابة نزيد ولقيت روحي حامل بدون تخطيط كي درت تاست في البيت خرج اجابي حكمتني الخلعة الرجفة الدوخة ,فرحة ,خوف المهم مشاعر مختلطة ودروك راني مع الوحم في الشهر التان خايفة من كلش في بيبي جديد خاااصة من ولادتي الاخيرة رجعت عندي الولادة فوبيا لدرجة كي نشوف وحدة بالحمل نبغي نبكي تالمو تشفني 🥺,راجلي فرح قالي مرحبا بصح أنا هدا وين بديت نتأقلم بلي حامل ورايحا نربي من جديد وظروفي شوية صعيبة ربي يقدر كل وحدة
القصة الاولى قلقتيني كثرت العلاقات تدير المشاكل واش باقي قاتلي قلتلها حكمني دارك وفمك باقي بنت حاب راجلي بنت عمتي وهدا الشكيل لكان جيتي قدامي زوج صفعات نفيقك
اللهم صل على محمد و على ال محمد كما صليت على ابراهيم و على ال ابراهيم انك حميد مجيد و بارك على محمد و على ال محمد كما باركت على ابراهيم و على ال ابراهيم في العالمين انك حميد مجيد
انا عندى عشر سنوات بلارنى وعندى خمس سنوات جبت طفلة صدقونى كان اسهل حمل شفتو في اولادى تسع شهور مشدنيش ضهرى وكانت اسهل ولادة ببعد ولادتان متخفيش لعند رب ميش بعيدت رب حنين كريم