انا قريت يااختي وتخرجت في عام 2016 عمري 32 ولحد الان لم اتجصل على الوضيفة وزد على ذلك لم يكتبلي ربي ان اتزوج لحد الان والحمد الله 😅😅😅😅 ولكن ربي رزقني ان احفظ القرآن والحمد الله نفسيتي تبدلت
@@Nana-fr3lo حبيبتي ربي كي يعرف نيتك حابة تحفضي والله هو يسعدك لازملك برك تلتحقي بمدرسة قرانية ولا مسجد للحفظ قلل مقدلر الحفظ مع الايام تولي تزيدي وربي يوفقك
الناس حلمها طب ومدارس عليا.... أنا حلمي أني متوظفش عند الدولة الجزائرية ولا حتى عربي راني نقرى باش نتعلم برك ومتيقن أني نتوجه للأعمال الحرة بإذن الله خاصة التجارة جماعة بزاف راهم يضحكو عليا ياخي راني صح ولا غي نهرد.
انصحك باستغفار انه جالب لرزق قوله تعالى ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا))وتاني متقوليش ضيعت وقتي كان غير عادي سنين على جال طب احمدي ربي وارضاي بشي لي كتبهولك المال ليس كلشي في دنيا الرزق على ربي وتاني اهم شئ انك عرفتي عظمة الله في خلق جسم انسان
لم تذهب السبع سنوات سدى وان بقيت في البيت ... لان عقلك وتفكيرك بعد سنوات طب لا يساوي أبدا عقلك وتفكيرك قبل هذه السنوات ... لا تحاولي تثبتي لاحد قيمة وفعالية وجودك
@@Adorable2Angels حتى فالخارج نفس الشيء لي هنا عندهم لهين من أي ناحية حبيتي اللهم ما الفرق الوحيد يمدو كل حاجة قيمتها ميحڨروش هذا مكان غير هكا غير متعييش روحك
2:57 لي ميحشمش اختي متحشميش منهم حطيحالهم sure place لي يقيسك قسيه و متبينيش بلي تغيضك باه ميزدوش عليها ، بصح نصيحة اختي لي تجرحك احكميها بهدليها و زيد اجرحيها …
@@medjoudjameroua7648 ومن بعد تغيظها هي روحها وتولي تبكي وممكن جدا تندم كي متهدرش وتدخل في حالة نفسية ويتولد الحقد والبغض عندها تجاه هذا الشخص ورانا في وقت الجاهل ولى يتعالى على من تعلم لجهله طبعا والله المستعان
الأسطورة تحت شعار اليد فاليد لمستقبل أفضل 👑😍 الصدق والمصداقية والثقة بين أعضاء مجموعتنا تدفع 2000دج تاخد 16000دج تدفع 4000دج تاخد 32000دج تدفع 6000دج تاخد 48000دج مع تجديد الاشتراك طبعا💯 فرصة ذهبية
@@Rose-j1x6t الضامن ربي ولكن تكون عندك اولوية على الطبيب العام في التوظيف اما العيادة الخاصة تبقى على حساب قدرتك المالية ولكن يفضل انك تبداي بالمستشفى باش على الاقل تكوني خبرة تعاونك في بقية مشوارك .. بالتوفيق
@@Lobinutyfr999 شكرا لك على إجابتك ،من فضلك كم معدلات الإلتحاق بالتخصصات الطبية بعد الريزيدانا ؟؟ أو دلني وين ممكن نلقاهم ؟؟ لأن سمعت كاين مناصب محدودة في بعض التخصصات مثل cardiologie.
قالك بلي هاد العام برك بيسك شعب علمية معدلاتهم طايحين هاد العام وهو اصلا لازم شرط 15علابيها قالك باش ميبقاوش البلايص فارغين مي جوسيبا اسكو يخلوها ولا يبدلو رايهم
هذه الشيء يخليني إني مندرسش الطب لأنو علابالي باللي مافيهوش مستقبل وخدمة😞 بغض النظر عن نظرة المجتمع ليا وباللي راح نخاير التخصص اللي يعجبني انا مش اللي يعجب المجتمع... ما بقاش بزاف على نتائج الباك إدعولي ننجح بالمعدل المرضي هذا العام ولكم بالمثل🙏
@@mimita8076صح الرزق بيد ربي سبحانو هادي باينة لكن كي جي تشوفي تقرأي قااع هادوك الأعوام ١5 سنة قراية مع لخر ما تلقايش خدمة صعيييبة بزااف خاصة انو العدد راهو في تزااايد
@@Qurr2ani ساعات الدراسة طويلة وهي في الاقسام كل واحد في مكانه لوحده لا اختلاط ولاشيء الا من يريد أن يختلط هذا شأنه وحتى لو لا تدرس من البيت تستطيع أن تخالط الرجال مع الهاتف الذكي تقدر تعمل كوارث أكثر من الي قاعدة تقرا في قسم وزيد الأغلبية في الجامعة بنات في قسم فيه عشرين طالب اثنين فقط اولاد الباقي المل بنات وفي العمل في بعض المدارس والمؤسسات فروع البلدية مثلا كل عاملات الا المسؤول رجل في بيرو وحده وبعض المدارس نفس الشيء تلقى مدرسة كلها فيها عساس وأستاذ واحد ومدير حاكمين بيرو المدير لا اختلاط لاوالو
@@Qurr2ani لا الصلاة والزكاة ذكرت ليس في هاته الآية فقط الخاصة بنساء الرسول الكريم ذكر في آيات عدة غير مخصصة لنساء الرسول و تكرر ذكرهما بعموم المسلمين نساء ورجال
قدر الله و ماشاء فعل. الحمد لله على كل حال بنتي تعاوديه بإذن الرحمن و تبشريني و تفرحي وتفرحي والديك اصلا راهم مسامحينك وحاسين بيك ماهوش بيدك هذا قضاء وقدر انت عملتي لي عليك و الله هو العليم ويختبر ايمانك وصبرك. ما تفشليش زيدي اصرار وقوة و تجيبيه باعلى معدل إن شاء الله .توكلي عليه سبحانه والخير فيما اختاره وقدره الله . فيها خير تدبري في سورة الكهف في قصة الغلام الذي قتل والجدار الذي هدم وغير ذلك كله ادهش موسى عليه السلام واحزنه لكن كان وراء ذلك خير ومنفعة لا يعلمها الا الله سبحانه .معليش حبيبة لازم نرضاو بواش كتب ربي سبحانو.رددي لا حول ولا قوة الا بالله اللهم عوضني عوضا مباركا مدهشا ينسيني حزني برحمتك يا ارحم الراحمين. ابشري خير بنيتي.
خاطر طلبة قاع قعدوا يرحوله ومشكلة لوكان غير يخرجو اطباء طب في الجزائر مستوى كارثي 😊راني عارفة شنهدر من تجربتي مع مرض نتاعي غير لي يجي يمدلك رأي نتاعه تقولي راك فار لي يبغي يولي طبيب يقرأ في خارج
سبحان الله وكأنها رسالة من الله أنا في حالة جد صعبة ضيق عجيبة واكتئاب منذ أن تخرجت كرهت أن أفعل اي شيء حتى الوظيفة ليست شغفي لا أدري إلى اين ...😢 الله المستعان
والله نحس فيكم شعور ذاك انك قريت الوقت كامل وضعيت قداه نعام من حياتك وفي الاخير ترجع مكسور الخاطر كأنك لم تفعل شيئا ولكن بعد كل هذا تفكري اختي لا يكسر الله احد ولا يحزنه الا ليفرحه وتذكري دائما ان لا تحزني فإن الله معك وانا واثقة بإذن الله ان الله سيجعل لك مخرجا فلعل الله يحذث بعد ذالك امرا لا تحزني ولا تخافي فلماذا الخوف ومصيرنا وحياتنا بيد الله مكتوب فلا يأتي من يد الله الا الخير والخير في ما شاء الاه وما اختاره وليس فيما اخترتي انتي تشجعي اختي ونظري دائما للامام تفائلي بالغد خيرا ستجدينه وادعي الله فهو المحيب كما قال ادعوني استجيب لكم فكما نجى موسى عليه الصلاة والسلام من الغم ومريم التي قالت يا ليتني مت قبل هذا ونجاها هي كذلك انتي ايضا ستفرحين وستفرج تذمري هذا وان ليس للانسان الا ما سعى وان سعيه سوف يرى الجبر في كريقه استمري في الدعاء والتقرب من الله والاه لا يخيب ظن احد ويحقق المستحيلات بطريقة الاكثر استحالة ❤ استمري وانضي للامام ولا تخشي شيئا فالله معك❤
أنا كنت نقرا في الليسي وقررت نقاجي وفوتت 8 سنوات في الجيش وخرجت من الجيش بدون راتب ودرت حرفة و ملقيتش فيها الخدمة بزاف وزدت درت مشروع تجاري ورانا نكافحو 31 سنة مزال نتخبطو مع الرزق ولي كتبها ربي فيها خير
ربي يوفقك مام انا يقولولي جبتي 14 ودرتي بيولوجي وراهم يقراوها تاع 10 كانت عاجبتني ومع اني شخصيتي قوية الا اني بديت نتاثر مع الاسف الناس مايعرفوش انو اي حاجة فيها خيييييير
كأي عائلة جزائرية عائلتي كانو حابيني ندير طب بسيف رغم انو تخصص مليح وفقني ربي و عرفت انو رح ننصدم بالبطالة و الجري ورا المسبقات و سبع سنين قراية و نكون ماليا مش مستقر الحمد لله لي وفقني و خيرت تخصص زمن دراسة قصير و العمل مضمون
انا نقرا سنة اولى برك ويسقسوني وشمن تخصص في الطب درتي وشحال نتقلق وكي نقولهم مزال حتى بعد 7سنين يقولولي اواه بزاف راكي غالطة مستحيل سبع سنين اكل 😂😂😂😂😂😂،يعني يزيدو من فوق يكذبو فيا في تخصص انا نقرا فيه ومعلوماتي عن تخصصي
@@Its.__.amalia ختي هي كتخصص بزاف بزاف هايلة شغل تتطوري في بزاف حوايج ، وهو فيه الإبداع يعني مش احفظ وخلاص ، انا بالنسبة للخدمة واش نقلك التخصصات اكل الخدمة مش مضمونة فيهم 🤷🏻♀️ ،على هذي تبعت التخصص لي عجبني وراني نقرا فيه ومخليتها على ربي
@@Sila__sila هيه تخصص بزااااف هايل و فيه الفن و التاريخ الحوايج يلي نحبهم اكل في هاد التخصص فرحتلك انو درتيه و ان شاء الله تتخرجي و تلقاي خدمة و تولي افضل مهندسة معمارية💞❤
ربي يكون في عون الأطباء ، هم ركيزة نمو البلاد و أمنها و صحتها ،إنهم يستحقون إلا الخير من طرف المجتمع و الأهم منصب عمل مباشر لكي لا يذهب جهد 7 سنوات باطلا.
أنا كنت متفوقة في كامل الطور الدراسي وكنت داءما اللولة لكن في الباك تحصلت على 14.92 مقدرت ندير والو درت راديو براميديكال وكنت نماجوري وخيرت المصلحة لي بغيتها ودخلت المستشفى الجامعي وشفت الأطباء ومعاناتهم بعدما تلقيت انتقادات من عند الناس وتلاقين صحاباتي ديزانتارن ويقولولي اخااه مايا درتي فرملية قالهم هيه وعجبتني حمد لله ربي مايختارلك تخصص إلا ولحكمة ما❤
انا كنت قارد ملاد 7 شهر في لوبيطال .لوكان تشوفي واش صاري والله متامني واحد المداصرة بيناتهم تلقاي اجو حاسب روحه طبيب وخلي لبير مغطي عليها فرملية هيا مهنة مليحة بصح ياختي كي تشوفي ماشي كما تسمعي متصلحش المراة فرملية سوختو خدمة في ليل @caramela6091
@caramela6091هيه فالجزائر الفرملية سابقا ماضيها مش مليح ويديروها لي مستواهم ضعيف جدا اما ضرك نبدل الحال ولاو يديروها بمعدلات بكالوريا عالية لكن داءما الشعب الجاهل يقلل من قيمتها للآسف
عشت هذه الحالة رغم أنني لم أدرس الطب. لكنني كنت الأولى على دفعتي في تخصصي وكنت ولازلت شديدة الحب له، ولم أتخيل يوما أن لا أواصل الدكتوراه لكنني لم أنجح في المسابقة في كل المرات التي شاركت فيها، ولم أحصل على وظيفة، ولكن ما يهون علي أن الخيرة فيما اختاره الله، وقد رزقني الله ولدا أرجو أن يوفقني الله لحسن تربيته عسى أن يكون صالحا ناجحا.. وقد قال بعض الصالحين: "مقامك حيث أقامك". أرجو منكم الدعاء
طالب العلم وطالب المال لا يلتقيان. مديتي عمرك للطب هادا ماشي خسارة وماششي ضياعة وقت بالعكس. طورتي نفسك و مهاراتك و الرزق ربي يتولاه. غظوا ربي يكتبلك زوج صالح يكون ليك سند حقيقي و تنسي همومك كلها. الحمد لله يليق تقوليها كل وقت وأبدا. هدرة ناس متعمريش راسك بيها.
أنا راني طب و ندمانا رآه يصعاب كل عام راكي سلكتي تلاقيتي خدمة و تخلصي خصك الهم ؟ الهدرة تاع الناس خليك منها ماعندها حتى معنى مشي هوما لي تعبوا + باغاميديكال مالها ؟ راهي مهنة شريفة و دراهمها حلال وماخصها والو راكي تخدمي براصك و بلا لاشارج راكي في نعمة خطيك من قيل و قال
أرفع قبعتي إحتراما لكِ ♥️ أنا طالبة طب أيضا ، و خلال مسيرتي الدراسية علمت بالواقع كيف هو و من الآن بدأت أفكر كيف ستكون حالتي بعد أن أواجه البطالة ،.. مع علمي التام و ظني الأكييد أن الأرزاق بيد الله و هذا ما أطمئن به نفسي ، لكن الناس حقا لا ترحم ! ... كلامك أمددني الشجاعة لمقاومة الأمر مستقبلا هذا نادرا ما يحدث معي لكن احتجت لمجرب يحكي لي بالتفاصيل و ليس فقط " ستجرب اكتئاب ما بعد التخرج " فحتى في العطل أحس بذاك الفراغ القاتل و بدأت أحسن من الأمر من الآن ، فشكرا من القلب 💎 ... وفقكِ الله و سدد خطاك دكتورة ❤️🔥
انا ننصح جميع واحد يصارح روحو من لخر اذا كان هدفك دير الدراهم في العشرينات الطب ماراهوش هو الخيار الاول و اذا كان حب يقرأ و ماهموش الدراهم و الوقت يدير تخصص لي يلبيلو الرغبة و ربي يوفق الجميع و اخطيكم من هدرة الناس و ما تبررو لحتى واحد و حافظوا على صحتكم النفسيه لانو بزااف صعيبة ويدا مرضتو نفسيا مزال الدنيا قدامكم و علقو آمانيكم بربي سبحانو ❤
@@YasmineBedjrouمتغلطيش اختي هو هدر من منطلق انو طبيب مشهم عاطيينو حقو في مجتمعنا يخرج بعد سبعة سنين يلقى روحو يدي في زوز دورو وماعندو حتى امتيازات وفي بلدان تحترم الطبيب يدي قيمة 3000 اورو و امتيازات في النقل والسكن ..الخ ..وناس لا قرت لا تعبت و تدي في صوارد بالشكارة ..صح هذا الأمر يدمي القلب ..و يخليك تحسي بلي ماعندك حتى امتيازات في بلادي وبلاد تقيم الجاهل على اللي افنى عمرو في الدراسة وراح يكمل يفنيه في عمل نبيل يخدم المجتمع ...علينا من ناس لي ناشطين في التجارة و الأعمال الحرة هاذوك جابوها باجتهادهم الشخصي
@@noudjoudbriki7674 في الكثير من الدول الدخل تاع المعلم يفوق الدخل تاع الطبيب و هذا مجرد مثال أما عندنا المعلم حدث ولا حرج ... انا منكرتش الوضع الكارثي و عبارة الطبيب البطال عبارة جد قاسية و نورمالمو متكونش و اكيد الدخل لازم يكون ممتاز نظرا للجهود المبذولة ماشي الدراسة ! و بيناتنا ختي لي حب يدير الصوارد في سن العشرينات الغلطة الكبيرة أنو يدير طب 🤦🏻♀️ بعيدا عن المادة لي اي واحد يستاهل داخل كبير و كل واحد يدي على حساب تعبو و بعيدا انو كاين بزاف تخصصات صعيبة في قرايتها و نسبة ضئيلة طلع العام الطب يبقى عمل نبيل الهدف اللول تاعو مش الدخل كيما راهو منتاشر عندنا و لا عقلية الفوخ و الزوخ لي طغااات المهم الطب مش يعني لازم تولي مرفهة كاين طرق بزاف خير لجني المال ,!
انا تاني متحصلة على ماستر لغة انجليزية وأعاني من البطالة لمدة 3 سنوات أعاني من الاكتئاب والعصبية حسبنا الله ونعم الوكيل نهارات يفوتو بلاما نستفاد بلاما ندير والو كرهت كلش بنة الحياة راحتلي
اختي علابالي صعيبة اطيشي قرايتك وراك بصح اتحركي روحي ديري فورماسيون واخدمي بيهم على الاقل تقدري تلمي مصروف باش تصرفي على روحك وتخرجي من الوضعية لي راكي فيها ولو مؤقتا متدريش رزقك فين
مديريش عليهم مي صح طب مدامك ماخدمتيش تسما متوضفتيش كاريثة والله العظيم راكي تعبتي بزاف باك تعب و7 سنييييييين الله يبارك كي متتوضفيش تغيض عليها منحبش ميدسين
انا تخرجت عام 2012 بشهادة جامعية و فوت أيامات صعاب خدمت في الشونطيي حتى عييت ، و لكن قبل 4 سنوات من الآن الحمد لله فتح عليا ربي سبحانه باب رزق لا علاقة له بالدولة الجزائرية راني خدام أونلاين مع الصينيين و لله الحمد نقولها بالفم المليان " تحيا الصين بلادي ".
الطلبة الاروبيين و امريكيين مايقراوش الطب يدرسون شعب سهلة لكي يعيشون حياتهم فالطبيب حياته غاع دراسة وبحث ولا يعيش حياته لهدا انصح اخواني المتوفقين عليهم بالشعب السهلة كالعلوم التجارية و الادارة و هكدا سهلة باش تجيب الدكتورة و ايضا تعيش حياتك دون بحوث حتى وان لم تتحصل على عمل عند التخرج لا تندم لانك لم تتعب في دراستك و كان عندك وقت فراغ للحصول على حرفة او القيام بتجارة
صح سيرتو اغلبية التلاميذ تع درك يديرو طب على جال مكانة الطبيب في المجتمع حاطين في ريوسنا بلي لي دار طب صاي هو كلش ، مي هي عفسة فري نورمال الطبيب كأي انسان يمد خدمة لي هي يعالج الناس ويدي شهرية تع 6 ملاين ولا 7 ملاين ، يعني حاجة عادية خلاص ، كيفو كيف المهندس لي يخدم ومنبعد يدي 7 ملاين . يعني علاش مادين هديك لهيبة للميد معرف
صح يابنتي الناس اليوم ولاو همهم الدراهم وحابين يطلعو في رمشة عين ونساو بلي الارزاق بيد ربي سبحانه ماديريلهمش حساب وتوكلي على ربي والله يوفقك في حياتك وفي مهنتك ماشاءالله عليك ربي يبارك ❤
بارك الله فيك ويرحم والديك الف الف تحية ليك شوفي ختي انا عندي عاااامين وانا نعود في الباك وهدا التالت والحمد لله متحصلة على زوج شهادات بصح منيش نقرا في الجامعة وش راني نسمع يااااختي نسمع غير لكلااااام لي ... والضغط ولعياااط و لعفرة والاكتئاب ظلم كلش في الدار والخارج لكن الحمدلله ان شاءالله ياربي يفرج عليا وعليك صديقني يااختي غير راني مهمومة ومدمرة😔😔😔 وساعتش لدرجة استغفر الله العظيم العقيدة نتاعي تتذبب نقول ياربي علاه استغفر الله بصح انسان يجهل مراتش ولكن فيها خير رب الخير لايأتي الا بالخير ان شاءالله لك نصيب في دعاءي في ثلثي الليل إن شاء الله وانت ممكن تدعيلي وتدعولي انتم اصحاب التعاليق😢😢 شكراا اعتذر على طول لكلام
الطب لازم يدخلولوا بالمسابقة باش مايطيحوش في الفخ نتاع مابعد التخرج ،يعني طلع لابار ل18المعدل وزيد دير مسابقة باش تدي في كل ولاية مئة طبيب وتوظفهم كامل خير ماتخرج ألف طبيب ويبقاووا يخزروا في بعضاهم
انا نشوف بلي الفترة هديك نعمة من ربنا وورائها حكمة كبيرة طالب يقعد سبع سنين يقرا ووقتو معمر بالقراية وبزززززززززاف يلقاو رواحهم لاتيين بالدنيا اكثر خاصة بسبب المحيط :الطب يجيب دراهم، أنتم نوابغ المجتمع، ... الفترة هدي الواحد يقعد مع نفسو يتفكر الهدف تعو الاساسي وهو عبادة الله
هذه العلوم تجعلنا اكثر تقريبا من الله سبحانه و تعالى من خلال التدير في أعظم خلق الله بادق التفاصيل وان الملائكة لتضع اجنحتها الطالب العلم كما انها تستغفر له وحتى الحيتان في البحر كما أن الانسان العالم افضل من العابد فالعالم ينفع نفسه وغيره اما العابد فينفع نفسه فقط وفي الاخير نسأل الله التوفيق والسداد في طلب العلم وفي خدمة امتنا دون تقصير
ما يغيضكش الحال ،مهنة الطب جميلة وجميلة جدا سوف ياتي اليوم الذي تعملين فيه ،ابدا ما كان الطبيب بطال فرحة مريض عند التحدث اليه تنسيكي كل هذه الهدرة ،الطبيب مربي هادئ ،مهنة نبيلة،الرزق على الله ،وسوف تحققين ما تحلمين به ان شاء الله
عمري ما نقرا طب ونضحي براحتي وشغفي وهواياتي 13:00 ولاو الناس بديرو طب علاجال الناس والبرستيج ومن بعد كي تخلاص هكا يعاودو يهدرو عليهم الناس الطب أسوء تخصص فدزاير
اواه الناس اللي ادير طب لازملها مورال غول !! ونفسية فولاذية ،ماشي جماعة الهوايات ولعراس !!! للمعلومة فقط كاين بزاف اللي بطلوا في منتصف الطريق ماقدرولهاش بالرغم من معدلاتهم الجيدة ،يعني باش ادير طبيب ماشي برك معدلك الموزون بل نفسيتك ودرجة صبرك وحبك للمهنة ،ماتشوفش لباباك ويماك واش اقولولك ،شوف لروحك انت ،هل تحب الطب وقادر والا لا ،بكري مثلا كانوا يدخلوا بمعدلات قريب من الجيد ولكن افوتوا جذع مشترك واذا تحصل على اكثر من 14 يقدر ادير طب ماكانش هذي نتاع ادير طب طول !! واشنو نحاوه لان قرايتو صعيبة و الللي تحصلو على معدلات جيدة نزل مستواهم بزاف في الجذع مشترك وبزاف اللي بطلوا ،علابيها نحاوه مثلا في سنة 1998دخلوا ألفين مترشح في منطقة الشرق وبطلوا مئتين قبل انهاء الموسم الدراسي !!!
في الخارج باش تقرا طب لازملك على الاقل 200 الف اورو و بعدها لازم تخدم في القطاع العمومي و مبعد باه تقدر تتخصص ووانتم تحبو كلش باطل و ساهل@@nassimlaower8895
والله راكي تهدري عليا ماشي غير نتي راكي فالحالة هاذي الرزق بيد ربي و التوفيق من عند ربي لا حول ولا قوة الا بالله الناس تقنطك من رحمة ربي .الله المستعان
قصتك هي تجسيد حي للإصرار والصبر والإيمان بقدراتك. لقد واجهتِ تحديات كبيرة، بدءًا من البحث عن وظيفة بعد التخرج وحتى التغلب على الاكتئاب، ونجحتِ في تحويل هذه الصعوبات إلى نجاح حقيقي. ليس فقط أنك وجدتِ منصب عمل، بل أثبتِ للجميع، وخاصة لنفسك، أن الإرادة القوية تتغلب على كل العقبات.
من فضلك فهميني كي تخلصي 7 سنين تاعك ماكانش أمل تخدمي جينيراليست عند الدولة؟ فلاصاص متلا و اسك كي تخلصي سنة 7 مباشرة تجوزي ريزيدانا و اسك اي واحد ينجح فالريزيدانا عندو بوسط ولا غير لي يكلاصيو جاوبيني من فضلك♥️♥️♥️
الموضوع لي طرحتيه راهم ياسر عايشنه و رح نعيشوه و رح يعيشوه الطلبة لي ورانا ان شاءالله يأخدو هذا الموضوع بعين الاعتبار و يصبولنا حل شكرا طبيبة ربي يقدرك ❤
ارجوكي ردي على سؤالي هل بعد سبع سنوات طب نقدر نحل عيادة وحدي ولا لازم تكون عندي خبرة مثلا نكون خدمت عند كاش طبيب ولا فالسبيطار تاع الحكومة ارجو الرد@@dr_achar
