ماشي غير ختك كاعنا تقولبنا ومشات على عينينا ضبابة كايدخلوك النهار الأول بالتقوى والدين وحلاوة اللسان والوعود حتى كاتحشمي تشرطي عليهم وخصوصا العدوزات والله ماعندهم فين يركدو جهنم خالدين كاتلقايها فايتة تمانين عام كلها امراض وحتى بياسة مابقات شادة بلاصتها كاع تصدات ومازالة عاطياها للخبت والتنوعير وكاتعرف تخيط غير بالكحل وكاع ماكاتدير من منكر في عرايساتها ماكاتقبلوش على بناتها عاين باين لا حشمة لا حيا وكاتضل تعاود داك الديسك ديال ( ولديييي ولد كرشي أنا اللي تمحنت وانا اللي تكرفصت باش نكبرو وتجي نتي تلقايه موجود 😂) بحال إيلا عروستها تقضاتها من عند صحاب الربيع والحامض نابتة في بحيرة.
خطير خطير خطير ما شاء الله عليك فين يبانو هادو لي مسميين راسهم كوميديين والله ما تيضحكوني اقسم بالله ولكن انت تبارك الله عليك تتقتلني بالضحك .. المهم اباه خدام ما كاين لاش يخدم حتى هو هادي هي ديال هداك لي مشا يخطب قالو له فاش خدام قال لهم خويا طبيب
تبارك الله عليك فالثمتيل والفكاهة ممتاز جدا وكتهضر على الواقع بطريقة ساخرة وكوميدية كتوصل للقلوب وحتى البنت لي كتمتل معاك برافو عليها ممتازة حتا هي ماشاء الله عليكم
اللهم صل على محمد وعلى آل محمد كما صليت على ابراهيم وعلى ال ابراهيم اللهم بارك على محمد وعلى آل محمد كما باركت على إبراهيم وعلى آل إبراهيم في العالمين انك حميد مجيد
حتا انا شحال ديال الهضرة والكذوب وعقت بهم ولكن انا شرح ملح من الاول قلت لهم داكشي لي خاصو اتقال باش الى معجبهم الحال امشيو الله اسهل عليهم بلا صداع المهم قبلو ولكن ملي وصلات عندهم بنتي بغاو اخرجوها فعين البرة صبرات مسكينة وممولفاش بثقافتهم واصلا عارفين ثقافتنا صبرت اكثر من عام حيت حتا خوتات راجلها كيتدخلو فالكبيرة والصغيرة ولدات بنتي بالفتيح وكيطيبو لها الشعرية رغم انني ديت لها الدجاج والخروف ولكن داكشي ممنوش وبقاو عليها بالشعرية والحسوة دالسميدة ضربت قلبي بحجرة ولا انسى ان بنتي مدة اسبوع نوضوها تشقا المهم صبرت موال ومكتخليهاش العݣوزة تجي لعند والدها زوجها حتاهو متبع امه اوا واحد عيد الاضحى جاو زيارة وخلاها راجلها مدة اسبو جاء ياخدها وانا نقول له مغاديش تمشي معاك الا الى انت قاد بها معطينهاش لك باش تكرفصو عليها المهم تصدم قاليك مرضاش بمالين الدوار ودارهم مهضرش مزال وبقا كيبكي الصراحة بقا فيا حيت عرفت واش حتا هو كايت تحت الضغط ديال عائلتو المهم قلت له انا ولادك مغنفرقكش معاهم قاد عليهم تبارك الله.اوا خليتو كيهضر مع مرتو ومشا لدارهم قالو له علاه مجبتي مرتك قالهم راه غتبقا شوية مزال ومنوضين عليه قربالة الحصول مشا كرا لها دبا حن عليهم الله بناو دويرتهم حتا من امه مهلي فيها وحتا بنتي ممحتاجاش نوصيها على عݣوزتها اما بناتها ديما كقلبو اديرو الصداع لخوهم ومرتو ولكن عياو حتا مقضاو والو وتكمشو اوا دبا غير كيدخلو عندها لدار وكيشوفو داكشي لي مكيعجبهم اكيد الحسد ديال خوهم مهلي فولادو وفدارو وبخدمتو كنتمناو لهم غير الخير .
