احسن حاجة تخزنوا فيها القطاني هي قنينات الماء او الزيت ديال خمس لترات لانها كتتسد مزيااان ما كدخلش الهواء اللي يخلي الحشرات تتكون مع وضع الملح و ورق سيدنا موسى و لمزودات كما عملت صاحبة القناة. الفكرة شفتها في قناة رتيبة للاقتصاد .
تبارك الله عليك اختي رشيده ما شاء الله عليك سطوك اللي هو رائع الصراحه بيت الخزين ضروري ومؤكد يكون في اي بيت ضروري اختي انا دايره معمرني الحمد لله والشكر لله انقصت من شي حاجه ولكن ربيتو بشويه بشويه كيف ما قلت اختي شكرا
الفيديوا الفايت أختي شجعتني باش ضروري من صطوك علي العلم أنا كنت من الناس ضد صطوك ولاكن بدلتلي الفكرة غير قلتي صطوك الناس لمعندهومش ودراوش لمكتكفيهمش الميزانية هما لضروري يكون من المشجعين ديال صطوك فرابو عليك
تبارك الله عليك حبيبتي. بالنسبة للقطاني راه ممكن تخسر فبعض المدن الساحلية .خاص البنات ماشي غير يشريوه وينساوه مرة مرة يطلو عليه واللي عندها غير كمية قليلة تديرها فالمجمد أضمن .
تبارك الله عليك اختي فيديو رائع ما شاء الله عليك اختي رشيده كل شيء عندك على حق وطريقو متوله وتانستافدو منك الله يجازيك بخير والله يكثر من امثالك انا غادي نبدا ندير حتى انا بغيت الخزين غادي نتبع هذا الشيء ديالك الفيديو ديالك بارطاجيتهم مع العائله دائما من الاول حتى الاخر والله شاهد علي حبيبتي
انا اول مرا ندير صطوك بديت شهر دبا خديت 5كيلو اتاي كرطون سكر 12 خديت قطاني كيلو من كل حاجه خديت 5لتر من سائل اطمتيك 2لتر زيت مائده 5لتر من جفيل كيلو شعريه كيلو لباط وعاد حوائج اخرين وراجلي جاب ليا خنشه دقيق 50 كيلو وكيلو خميره خبز وحك نيدو
دابا اختي هاحنا درنا بيت الخزين او سطوك كفاش،نخدمو بيه وحنا كنتقداو كل شهر اشنو هيا طريقة باش نخدم ببيت الخزين يعني واش هاد بيت خزين نبقا نجمع ونحط فيه ولا غادي يجي شي نهار وناخد منو ونخدم بيه
سطوك أو بيت الخزين نهار المواد الغذائية كتغلا مكتخديهاش بثمن غالي كتكون عندك كتستهلك بثمن رخيص وتاني حاجة الناس لكيبغيو يوفروا كتبقى عندك الميزانية ديال تقدية كتصرفيها فحاجة وخرى يعني الطوارئ وثالت حاجة نهار كتزيري في الغلا مكتقدريش تاخدي المواد الغذائية بالغلا كتكون عندك في بيت الخزين
ملي تكملي اللي يكفيك لشهور غادي تبقاي تاخدي منه و توفري فلوس المصروف لحاجة اخرى و في نفس الوقت ما تخليهش يخوى غادي تبقاي تشري فقط ملي تبان لك برومو او شي حاجة ناقصة في الثمن واخا يكون باقي لك منها ما تكونيش مجبرة تشري باي ثمن. ممكن ملي تكملي سطوك تاخذي مصروف الشهر الأول اللي تبدي تاخذي منه و تعملي بها سطوك للكماليات فواكه جافة اجبان ،صلصات.. صافي . الخلاصة السطوك يخليلك فرصة انك تشري فقط في التخفيضات و الهميزات لانك ما تكونيش مجبرة تشري باي ثمن . و سطوك كيكون ايضا في الدجاج و اللحوم. و الخضر . تابعي قناة رتيبة للاقتصاد هي اول وحدة و احسن وحدة عندها افضل بيت الخزين على اليوتيوب مااشي صحابات لفلوس اللي تعمر بلاكارات و تجي تفوح لا امرأة مقتصدة و كيمشيو على خطاها اغلب القنوات.
سلام ختي رشيدة انا مغربية و عايشه في مصر عامله بيت خزين على قد الحال و لكن بالنسبة القطنية كنخزنها كنضيف لها شوية ملح و الثوم معنديش سودانية هنا و لا في طريقة ثانية شكرا
