بقلاوة قسنطينية مورقة ومقرمشة 🧇وناجحة على الطريقة التقليدية ماتشدش اليد وبدون آلة توريق مع سر نجاحها الفرق كبير و شاسع بين بقلاوة زمان و تع درك
بقلاوة زمان كان فيها توريق وطبقاتها تلقاهم مبسين و مورقين تحس بالي كاين طبقات عجينة وطبقة مكسرات
اما تع دك راه توريق مبالغ فيه و الطبقات بزاف رقاق لدرجة ماتحسش بيهم كامل
أكيد تبقى الطريقة التقليدية هي الأصل والباقي تقليد
راح تشوفوها معايا كيفاش جات مورقة والحشو ماشاء الله عليه كيما راهو معروف في قسنطينة البقلاوة باباها جوز ولوز والتوريق تاع العجينة راح يخليها تجي مقرمشة وراح تبقى على حالها مدة 20 يوم مع تشربيها بعسيلة سخونة راح تتشرب حتى للقلب وشاركت معاكم طريقة التقطيع حتى تبقاو محافظين على شكل المقروطة و نتفاداو كثرة الحواشي فالصينية
17 сен 2024