صحيح الراجل ميهموش تخدمي في الدار ولا اها انا من رايي نقصو الماعن يخي عندنا فاه ناكلو وباه مثلا نديرو حصالة على الماعن نديروها لعمارنا نقلشو روحنا بجبة لاه لاه بجامة قميص نوم شوي ماكياج
والله لعضم غير ننسو روحنا في بعض الأحيان ولنتهو غير لدار وشغل الدر ولولد نقروهم قصدي لصغير نتاعي ام اكبر يقدرو يقرو وحدهم سعات ننس تمشط شعري يعيرني دركت صحيح كلمك منذاك نسكم روحي ونمشط ونتشيك يعجبو لحل عندك لحق حبببتي ربي يخلك انشاء الله
والله عندك الحق انا عندي 8سنين زواج نخمم غير على الدار بعت ذهبي وبنيت بيهم سكنى سترتتي انا ووليداتي وكي كنت مع البنيان حاجة ماكنتش نسعاها طرف صابون التالي مقدرتش نشريه سامحا قاع في روحي مي ضرك خلاص حلفت السكن ماتكملش راني خطرة نكسي روحي وولادي و خطرة نشري شوية قش كل شي راه غالي مي كي نديرو الحمد لله الصحة والستر انشاء الله ناكلو شوي ونصدقو شوي.هههههح حكيت قاع حياتي.
والله يااختي تقول تحكي عليا انا ادخرت تقريبا في شتاءكامل.لميت مليون نص قلت نشري بيها حوايج خاصوني.كي وصل العيد الصغير لقيتو تحصر وليت مديتهملو الحق تاع ربي كي نقولو اعطيني يمدلي واش حبيت.ربي يخليه ليا ويرزق كل وحدة يزوج صالح.وعندك حق كاين رجال اكثر ماحكيتي انتي تاع لحلال مايسرفوش عليها بصح تاع برا المتبرجات يسكانيوها من لفوق للتحت.
فعلا .اذاتنازلت الزوجة عن حقوقها في بداية الحياة الزوجيةفالرجل لايبالي لامها هي التي عودته على ذلك .وهذه الشفقة على الزوج (جيبه) اوحبا فيه واحيانا خوفا منه لان بعض الازواج يبدا حياته مع الزوجة بالترهيب والتخويف وعليه تجدها تتردد عن طلب حقوقهاوبعد حقوق الزوجة يصبح يفرط حتى في حقوق الاولاد تبقى المراة تعاني في صمت او تشتكي لعزيز عليها وهذا الاخير اما يشفق عليها ويساعدها او يواسيها.والنتيجة قلقة ونرفزة وهم وغم وتندم على النهار لي زوجت فيه.
@@kamilyakoukou8545 بعض المشاكل لا نجد لها حل تلقاي الراجل متمسك بزواجه لكن لا يقدر الحياة الزوجية وتبقى المراة في الملعب مابها ترضي الاولاد والا الزوج الاناني والثمن صحتها وجيبها ندعيو ربي يفرج عليك وعلى كل ام تعاني في الحياة وربي يصلح الوليدات وتلقاهم سند في الكبر اذا رلي طول في العمر
اختي أم سيفو ممكن تفهميني نقطة.أنا عزباء ولست متزوجة ،قلتي بلي من البداية الزوج تولفيه بلي عندك احتياجات و لوازم ...الخ .وكي تكون المرأة خدامة كيفاس تدير ؟؟ تطالبه بأنه يشريلها ملابس و كوسميتيك وووو ....؟؟ لأن أغلب الرجال يحوس المرأة العاملة باش تعاونو ....اذن كيفاش ؟ يعني المرأة العاملة يعطيها زوجها مصروفها الخاص أو لا ؟
هاذي فيها هدرة لازم من الاول تتفاهمو على شهريتك نتي واش تحبي تتعاونو كيف كيف تحطي النص تساهمي بشوي او دراهمك ليك وعلى حسب واش تتفاهمو يبان مصروفك الشخصي ولبستك واحتياجاتك عليه او عليك اما من الناحية الدينية الدين يقول مهما كان مال المراة النفقة على الزوج والعلماء الان يقول مال المراة يعني اذا كان ورث او رزقها اما ان تخرج كل يوم من المنزل للعمل وبموافقته فمن واجبها تساهم بالقليل على هكاك اغلب العاملات يقولو لازواجهم نهنيك من روحي وخلاص وكاين لي تزيد فوق هذا تساهم بنصف الشهرية او على حسب واش تفاهمو المهم نصيحتي اذا كنتي عاملة وبشهريتك لي راح يتقدملك لازم تناقشيه في هذا الموضوع من الاول وماشي عيب تعاونية ولكن يكون هو لي ينفق ومتكلف بالدار واذا كنتي حابة متعاونيش خلاص انت حرة ولكن قوليهالو قبل الزواج وهو يا يقبل يا ميقبلش المهم متخلوش الامور هاذي بعد الزواج
@@Sifo ايوااه هدي لي كنت نخمم فيها ، أنا مانيش مخطوبة على كل حال ،و ماعنديش اشكال أنني نساعد ونساهم بنسبة معينة ولكن أكيد مش كل الشهرية . و في نفس الوقت كي سنعتلك تسائلت مع نفسي ، يعني بهذا المعنى لوكان الراجل تقوليلو نهنيك من روحي و من متطلباتي يعني هكا هو ماراح يشريلك والو !؟؟ مايخلصلي تكاليف الصحية ولا الكوسميتيك ولا الملابس !!؟؟؟؟ هدي تان جاتني غريبة و صعيب نتقبلها فراصي ... اذن رح نولي نحس بلي ماهوش قوام عليا ... ،اذا أنا دوك عزباء و قايمة بروحي ممبعد نتزوج و نبقى قايمة بروحي وزيد نعاون هدا الرجل ... مالا هدا زواج علاه أصلا !!؟؟ نظن أي مرأة تحتاج تحس بلي زوجها قايم بيها ... والله دخلت في دوامة أفكار ....
أنا كان يعطيلي مصروفي الخاص كل شهر ولكن منعرف كيفاه حتى نحاهولي كي اديت منحة البطالة بطل يمدلي المصروف وكي قصاوني من المنحة لقاها سبة وعندو عامين محكمتش الدراهم في يدي حرت كيفاه ندير معاه باه يرجعلي مصروفي الخاص
