بلا زعاف مع أ الدكتور نور الدين بكيس : تراجع نسبة الزواج 

كلامك ياأستاذ......................مثالي أفلاطوني من عالم غير عالمنا......من واقع غير واقعنا..........الزواج في الجزائر لا معنا له

في وقت كرونا طلعت نسبة الزواج خطر اغلب ألناس اغتنموا الفرصة ولقاو سبة بلي ممنوع الاعراس لهذا طلعت نسبة الزواج ولاو يتزوجو بلا اعراس تستقاملوا باطل

عوامل كثيرة تعيق الزواج : منها أزمة السكن و العمل -حب الاستقلالية و الحرية -الانترنت مصدر الافكار الجديدة و احيانا نجد شاب جزائري تفكيره غربي، يعني اصبحت هناك افكار دخيلة على المجتمع الجزائري -كثرة الصداقات على النت مما يؤدي الى الوصول الى مرحلة التشتت في الافكار و عدم ايجاد الشخص المناسب -كثرة الطلاق لا تحمس الشباب على الزواج. -انتشار الفساد مما يؤدي الى العزوف عن الزواج. -الدراسة الجامعية على مدى طويل و عند التخرج لا يجد الشباب عملا مناسبا لهم مما يؤدي الى التقدم في السن. -التفكير في الهجرة الحلول: -مساعدة الفقراء على ايجاد عمل و توفير السكن . -اللجوء الى الله بالدعاء و الصدقات و الابتعاد عن الافكار الغربية التي لا تلائم طبيعة مجتمعنا.

الازمة أزمة أخلاق ايضا يا سيدي ....نسيت هذا العنصر المهم ايضا الذي هو من احد اسباب انخفاض الزواج ....راح الحياء يا سيدي

ما راهي لا ازمة إقتصادية لا ازمة تشجيع الشباب على الزواج لا والو ، لازم كي تقول ازمة إقتصادية تكمل فيها ، أزمة إقتصادية إذن ما عندكش خلق للثروة ، ما عندكش خلق للثروة إذن ما عندكش كفاءات ( نوابغ ) ، ما عندكش كفاءات إذن ما كانتش عندك أسرة و مدرسة و جامعة و مجتمع قادر على تكوين كفاءات و نوابغ . هذا الكلام لي لازم تقولوا . في الجزائر ، ما بنيناش فرد ، الفرد تاعنا يلحق 18 سنة ، تلقاه كبر بكثير من العقد و مركبات النقص و تلقاه غير متوازن نفسيا و غير مرتاح في بدنه و بدون إرادة و بدون أحلام ، كيفاه فرد كيما تبني بيه مجتمع او اسرة أو غيرها . الوالدين تاوعنا الله غالب عليهم لا يملكون أي تأهيل للتعامل مع طفل في الجانب النفسي ، الام عمباتلها الطياب برك ، و الأب عمباتلو يشري ستيلوات برك و نتا عليك تدير خير من واش دارو هوما لأنه هو قرا بالشمعة و كان يمشي 5 كلم .

أنا مش شابعة الدنيا نروح للمسؤولية ديراكت !!!.. للغسيل والطياب والبول والذراري والتربية والعياط والمشاكل؟!!!.. يتزوجو لي لاباس بيهم أنا اذا صبت وش نفطر مانصيبش وش نتعشى نتزوج؟!.. مارانيش مخصوصة زواج مخصوصة خدمة نصرف على روحي ونداوي روحي ونوكل روحي !!.. لوكان صبت لي يصرف عليا ماتبقاش هكاك

سيدي مواضيعك مهمة و هادفة من عمق المجتمع رايي اهم الاسباب هي القوانين الوضعية الاسرية التي تظلم الرجل و أزمة أخلاقية تعصف بشبابنا لبعده من الله شبابنا يحتاج الى التربية من جديد شكرا

لي راهم يقولو رجال بلا مسؤلية ...انا صراحة ،كملت قرايتي الحمد الله بصح مكاش الخدمة ياخويا منحة البطالة ونحاونا منها ،ويقلك تزوج منين يرحم والديكم ،نصن قمة المسؤلية انو الواحد ميتزوجش ويمرمد بنت "الفاميلية" معاه هذي اذا لقاها طبعا ...،احسن حل هو لواحد يهرب من هذ البلاد .... قنطونا ولاد الحركى من هذ البلاد والله ،الله يجيبهالهم في الدنيا قبل الاخرة ادعولنا بهربة غي اقرب وقت ....🙌

نسأل الله أن يرزقنا من فضله ❤

يقعدو بلازواج خير ولا يزوجو ويجبو اجيال كوارت رانا نشوفو فيهم عمرو لاكان الزواج بالسيف لي شايف او شايفة روحة ماهمش تع مسؤولية مكاله يزوج

كيفاش تتزوج وكي تروح تخطب تقولك نموت على الخرجة والتحواس يا هل ترى هادو نساء حابين يديروا ديار ويرضوا ربي؟!

كاين إنسان حوس يتزوج زواج طبيعي شرعي والمرا تقعد فالبيت وهو خدام لباس بيه، بصح للأسف الشديد حاول يخطب اكثر من 10 مرات في كل مرة يشرطو عليه لازم الطفلة تخدم، واذا كانت تقرا يقولولو متحبسش القراية على جال الزواج، ورايحة القصة هاذي هي العقلية تاع بزاف عايلات يحوسو يرجعو الراجل خاضع كيما يحبو، خلي تنقص نسبة الزواج هكدا راهم حابين آخر الزمان حسبنا الله ونعم الوكيل

الزواج راح مع حرية المرأة واسترجالها

المشكل هو راجال تع صح نقصو بزاف ،يجي يخطب و العائلة تاعو و يقولك و لا عندك دراهم و لا عندك الدار و لا عندك السياة،ا راحت النية و الناس ولو ما يحشموش،و يزسدو يشرطو هو عمرو 55 سنة و اكثر و يقولك انت 45 سنة كبيرة و علاش وليدهم صغير

أزيدكم سبب مهم في عزوف كثير من الشباب عن الزوج وهم تعاطي المخدرات يا استاذ..فقد كثر استهلاك الشباب لمختلف انواع المخدرات مما اصاب صحتهم الجسدية والنفسية وكذلك صحتهم الجنسية للسوء والضعف...وهذا سبب مسكوت عنه وهو حتما يعيق الزواج.

المشكل الرئيسي لنقس الزواج هو اقتحام المراة عالم الشغل لهذا اخذت مناصب شغل الرجال ولهذا اصبح الرجال عاطلين عن العمل وهكذا وقع اختلال في توازن الإجتماعي من ما أدى إلى مشكل الزواج وانتشار الزنى لانه في غالب المراة لما تصبح متاحة وحرة ورجل لا يمكنه الزواج لانه عاطل عن العمل سيلجؤن الى زنى بطبيعة الحال وهذا ما يعرف في القرآن بالفساد في الارض

مؤخرا فعلت الافلام التركية مفعولها وتغيرت العقلية وتغيرت نظرة المراة للزواج والبنات خلاص هبلوا بالبورتابل والرجال مايتحملوش المسؤولية ❤ا تغير مفهوم الزواج وصار الكسل سيد الموقف

ياودي الأنترنات هلك الجزاير تبدلت العقليه. ولا الحلال واعر والحرام ساهل

قارن بين : - راتب الموظف البسيط - ثمن سيارة بسيطة - ثمن منزل بسيط

عوامل كتيرة تسببت في عزوف الشباب عن الزواج تغير نمط التفكير فالمجتمع اصبحو يقلدو النمط الثقافي الغربي كترة الطلاق والغلاء المعيشي وازمة السكن والعمل

ديرولنا ديار للكراء عند الدولة بمبلغ معقول . زيدو في الاجور . استغلو خيرات البلاد . ابنو مصانع. اخلقو مناصب شغل. سهلو على الشباب لي تحب دير مشاريع خاصة. كي تكون إرادة سياسية كلش ساهل. حسبنا الله ونعم الوكيل

😂😂😂 اخطيك من هذا الموضوع الشباب انتهى من قصة الزواج اما إذا كنت مصر في كلامك تزوج انت النسا راهم ليك تحب حتى نستوردولك من الخارج المهم ما تزعفش مني الشي لي تحكي فيه صح بصح ماشي في هاد الوقت

ما فائدة كثرة الزواج ؟؟ و في نفس الوقت ارتفاع الكبير لنسبة الطلاق و الخلع ؟؟ أنا في رأيي الشخصي قبل ما نعرف سبب إنخفاض الكبير لنسبة الزواج في الجزائر علينا فتح تحقيق معمق لسبب الطلاق و الخلع الذي إرتفع هذا الارتفاع الكبير و لكي يعطى الدواء من طرف الطبيب للمريض يجب التشخيص المسبق لنوع المرض

ماشي مجتمع يدخل تكلم بوضوح لماذا لاتقل دولة هي التي تتدخل

المرأة عندهاAADL و سيارة وتخلص مليح كل همها الخدمة وارضاء مديرها لي يجيها ما تقبلش بيه حتى تلحق 35 سنة تولي ماكاش لي يقبل بيها وضاع المجتمع في خضم ذالك.

لي ماشي قادر ماديا ولاباس عليه غير مكاله يتزوج المجتمع تبنيه بأسرة صحيحة وساس صحيح مشي أسرة مشدودة بسكوتش والكريدي ومشاكل ريح براسك اخي المواطن كول اشرب البس حوس عيش حياتك زواج فدزاير تمرميدة

يتزوج غير المهبول في هاذ البلاد بيها بنساها والله كلو على بعضاه

تراجع نسبة الزواج ، خير من إرتفاع نسب الطلاق

اهم سبب لي هو الحرام ولا ساهل والخلع داير حالة هدا لي يخلي راجل مايتزوجش وزيد إقتصاد

بارك الله فيك

شكرا أستاذي على المحتوى الجيد و المهم ❤

مفاهيم خاطئة ان نربط العزوف على الزواج بالازمة الاقتصادية هذا من الجهل لان الله ضمن الرزق للجميع الا من استكبر او جحد

الاسباب الحقيقية الحقيقية واضحة والحديث قياس

ألي يسمعك يقول صح،ياااااو المرأة ألي ولات تخدم وتصرف وتتحمل فالمسؤولية تع الراجل بعدما كانت أمه وخاوتو ألي يصرفو عليه،وهو راقد وقاعد ويزيد يتشرط ،ما تقولوليش مكانش منها،إلا من رحم ربي

مزال زيد تهبط ونسبة الطلاق راح ترتفع

دعواتكم ربي يسهلي

انا زوجت ومعندي والو وراضي بما كتبه الله لي لاني اعلم ان الله لا يظلم والاموال والحياة المادية لا تغني ولا تسمن من جوع فهي سراب لا تنفعك يوم الحساب

الزواج بكري كان الأب يبحث لإبنته رجلا دينا وخلوقا ،وأن أصبح يبحث عن 💵💵🚙🚙🏠🏠🤑😭😭😭

لما المتزوجين يكون مثال جيد يحفز الآخرين.. تستمر هذه السنة

_ما تخافش الفقر راح يكسر خشوم النساء والرجال وجيبهم للطريق_

258 الف زواج في العام كثير رايحين يخلقو مشاكل في كل شيء. نورمالمو كثافة تهبط إلى 15 مليون باه جزائري يعيش يكون الماا كافي.

تراجع الزواج يدل على إنهيار مستوى المعيشي من بطالة وفقر وعوز

ولله يا السي بكيس ، هذا موضوع طويل و عريض جدا . أول حاجة لا تقارن 2019 و ما قبلها ، بال 2021 و ما بعدها ، 2020 أفضل سنة في التاريخ كانت مرحلة إنتقالية بين فترتين ، و الفترتين كي شكوبي ، 2020 شعرنا كي شغل تدخل الإله و فرق السوق ڨع ، هذا موضوع وحداخر ، بعد 2021 تم ضخ طاقة غريبة في الأثير " عالميا و ليس فقط في الجزائر " ، غير لي ما عندوش إحساس لي ما راهش حاس بيها . بالنسبة للزواج ، هي أصلا الزواج واش الفايدة منو بصراحة : الفايدة ديالو هي الإنجاب فقط و ضمان إستمرار النسل . هذا ماكان . الجيل الحالي أعتبره ذكي مقارنة بالأجيال السابقة ، لأن عند إنعدام الظروف المناسبة الحيوان كالببغاء و ما يحوسش على التكاثر إلا عند توفر الشروط من الطعام و الشراب و نوع من الحرية و الأمن ، حنا في عز حرب أهلية تلقاه يجيب فالدراري ، لا علينا نحن لا نناقش إختيارات البشر '' الحرة " . لكن الطبيعة ما تلعبش ، عندها أساليب باش توازن الحالة ، مثلا فتحوا الإنجاب في الستينات و السبعينات ، جدودنا جابوا بال 14 و 15 طفل في f3 ، آيا طاحوا في مشكل السكن ثم عشرية سوداء ، ثم 20 سنة تع بوتفليقة ، الطبيعة ما راهيش تلعب . مثلا تسقسي أي إنسان جزائري عن فائدة الزواج ،يقولك مثلا : دينيا : إكمال نصف الدين ، و تكوين أسرة و أبناء على طاعة الله . إجتماعيا : تكوين أسرة تساهم في بناء مجتمع . مدنيا : حفظ حقوق جميع الأطراف عن طريق عقد موثق يحفظ حقوق الأبناء كذلك . بيولوجيا : ضمان إنتقال الجينات . ثقافيا : تمرير مجموعة من القيم للأبناء . جنسيا : عيش حياة جنسية كريمة . نفسيا : إستقرار نفس و عاطفي . آيا مع اللخر تلقى غير الأمراض يدوروا في العائلات " عايلة عندهم السكري ، و عائلة لاطونسون ، و عايلة الكولون و الخلعة ، و الغدة الدرقية و غيرها " . من جهة أخرى ، معروف أن الرجل ، الطفلة الاولى لي يحبها تأخذ 70% من رغبته في الزواج ، و 70% من رغبته في الحياة كذلك ، 30% الباقية تديهم الفتاة الثانية لكن ليس بنفس الطريقة ، و هذوا في العادة يطيروا بيهم قبل ما الشاب يقول باسم الله في حياتو ، يعني كي تروح هاديك الطفلة 70% من الفرح و الإرادة و الرغبة في الحياة تروح معاها ، يا الزح حتى في الباكالوريا تجتهد أكثر كي تكون عاجباتك وحدة 😮 ، تكون عندك عزيمة أكثر باش تقرا . آيا في السابق كانوا خاضعين يشوف يماه تروح تشوفلوا وحدة من البلاد يزوقوهالو مليح و يتزوجها و يدير 7 دراري و حياتو ڨع و هو يسمع فيها " لوكان ماشي دراري لوكان ....." ، الآن تغيرت .

و ماذا عن العمل و المسكن?

اذا دامت الحالة هكذا ربي بيبقي الستر

مشكل مراحش يتحل مزال تزيد نسبة التراجع وهدا في صالح المجتمع اضن خير ميكثر الغاشي لي مافيه حتى فايدة

تراجع نسبة الزواج أولها غلاء المعيشة أزمة الأخلاق

المشكل تحلو الحكومة بتوفير السكن للشباب

كلامك في الصواب ،واقعي

الجزائر في خطر وارتفاع الشيخوخة وانقراض الشباب في المستقبل هو خطر محتمل لا مفر منه ..

حاليا هناك أزواج من الأفضل لهم ألا ينجبون لأنهم لا يحسنون تربية الأولاد

انا متزوج و نقولها بصراحة و أسف: الزواج افشل مشروع في وقتنا 😢 الدنيا تبدلت والحياة صعابت بزااااااااف الله المستعان

اشجعوهم على الزواج منبعد اطلقوهم ...المشاكل

المشكل أسري يا أخي الكريم ' يجيبو بنات ناس ويبردو فيهم الغل والعقد النفسية لي فيهم ' الله يصبرنا و يحفظنا وإن شاء الله وليداتنا يعيشو خير منا

ههههه خدام زوج خدام و مارانيش ملحق. و حبيبنا يقولك اتزوج 😂😂😂😂😂😂😂

المشكل في قانون الاسرة ، و الحرقة

بنات تيك توك والفيس بوك من مستحيل ان اتزوج بها

المشكل هو وسائل التواصل الاجتماعي، سقف تطلعات تاع البنات راه كارثة الان

للأسف المرأة العاملة خاصة لما تكون في منصب محترم وعندها الإستقلال المادي راتب وسيارة وسكن تصاب بالغرور وتتكبر وترفض اي خاطب يتقدم لها حتى لو كان سنها فوق 33 سنة وتضيع على نفسها فرصة تكوين أسرة .

عوامل كثيرة غلاء المعيشة الأسعار نار العرس تكاليف كثيرة النساء الامرحم ربي المادة طغات عل كل شي هذا الواقع الذي نعيشه وآلله المستعان

تقول الزواج نقص بسبب الازمة الاقتصادية ثم تقول المشكل في المجتمع هناك تناقض يعني انه المجتمع هو سبب الازمة الاقتصادية و لا دولة سباب الازمة بصح شعب هو لي يعالج هذي الازمة اما صقف تطلعات لي راك تحكي عليه (توفر منزل ، سيارة ، عمل و راتب محترم) هذو الاشياء مشي صقف تطلعات في دول لي تحترم شعبها هذو ابسط الحقوق لي تديهم من بلادك غي في دزاير لي هذو صوالح يولو اكبر الاحلام

لا يترك الزواج إلا عاجز أو فاجر

انا لقط فيهم بألفرك باه نحرق وهو يقولك اتزوج 😂😂😂😂 الشباب ماخصوصين عمل ماشي زواج 😂😂😂 روح دبر على روحك مجتمع ماراحش يخدمك سبب لعزف الشباب عن الزواج الدولة غلقة توظيف ورفعت سن التقاعد

المشكل كدلك هو القو انين الوضعية التي وضعتها الدولة لصالح المرءة ونفس الوقت يوجد عزوف كبير لزواج من طرف المرءة لفقدانها الثقة في الراجل بدون سبب وتريد من هدا كدلك ان تعمل التأويل كالمنزل المجهز والسيارة ..الخ ولايهمها التأخير عن الزواج وفي الاخير نرى على أرض الواقع الان نسبة كبيرة تعد بالملايين من النساء العوانس

الدولة الجزائرية أقرت قوانين صارمة تشجع المرأة على الفجور و التحرر بقوانين التعديل الأسري لمنع و قطع الروابط الأسرية و التشجيع على الإنحراف و الزنا بالاستثمار في بناء المرافق السياحية و تسهيل الطلاق و الخلع لتدمير المجتمع و هذا ما نعيشه اليوم النظام الإستئصالي يعمل جاهدا في ضرب القيم الإسلامية و نشر الإلحاد و القضاء على الإسلام لا معاهد دراسات لا جامعات متطورة لا معاهد الدراسات الاستراتيجة لا تدابير مستقبلية سوا الاستتمار في الإنحلال الأخلاقي و الرشوة و النهب والفساد الجزائر الجديدة

- كان رسولُ اللهِ صلى الله عليه وسلم يَتَعَوَّذُ من خَمْسٍ اللهم ! إني أعوذُ بك من الجُبْنِ، والبُخْلِ، وسُوءِ العُمُرِ، وفتنةِ الصدرِ، وعذابِ القبرِ >> الراوي : عمر بن الخطاب | المحدث : الألباني | المصدر : صحيح النسائي الصفحة أو الرقم : 5496 | خلاصة حكم المحدث : صحيح [لغيره] *********** - أَلَا أُخْبِرُكُمْ بما يُذْهِبُ وَحَرَ الصدرِ ؟ صومُ ثلاثةِ أيامٍ مِنْ كلِّ شهرٍ >> الراوي : رجل من الصحابة | المحدث : الألباني | المصدر : صحيح الجامع الصفحة أو الرقم : 2608 | خلاصة حكم المحدث : صحيح

نعم تراجع في نسبة الزواج، حان الوقت لتبادل الادوار بين الرجل و المرأة، المرأة تعمل ورجل بلا عمل في بلدنا المشجع لنساء الجزائر أصبح بحد داته لا تصلح لأي شيء خروج منه هو تحقيق حلم كل شباب آخر كلمة لي..

بروفيسور ضربوا الأسرة في الصميم . إذا لم يتم النظر في مشكلة أخلاق الناس فنحن سنواجه كارثة أخلاقية تعصف بالمجتمع .يذهب ضحيتها الصغار قبل الكبار و ينتج جيل لا أخلاق . الفساد الأخلاقي يأتي بالأمراض و الأوبئة و الشذوذ و الانحراف و جميع الآفات و هذا يكلف خزينة الدولة أعباء إضافية . يعني لو ان الدولة تحل فقط مشكل الأسرة و الأخلاق فإنها ستوفر على نفسها و تختصر المسافة لكثير من المشاكل تضطر رغما عنها أن تتحمل مصاريفها .شرطة و مستشفى و سجون و محاكم و اوراق و وووو ا هل لاحظتم كم هي مهمة بناء أسرة متوازنة

المشكل ماهوش فلخدمة ولا فدار المشكل في لمرا الشريفة مكانش

وش راك تهدر زعما دولة انت ومكاش عارف السبب الحقيقي هو منحة البطالة تروح على الطفلة كي تتزوج البابات يخلي بنتو عندو خير من زيادة مصروف نتع جهاز وهي تقلك راني لاباس عليا اما يجيني مكتوب شباب اما منتزوجش نقعد بالبطالة متهنية هاذي هي السبب هو الدولة والفقر و السلع الاستهلاكية يعني كلش بسبب الدولة دولة في دولة هي السبة الرئيسية في هاذ النسبة

معليش واش من فايدة من زواج لي يجيبلك زريعة خامجة كيما زريعة المجتمع الجزايري اضن انا فرصة كبيرة للحد من نمو الغاشي الراشي

انتوما واش غاضكم في تراجع نسبة زواج تحطولكم على ظهوركم الزواج قرار صعيب كل واحد ةزهرو ولا زهرها وخاصة الاولاد هوما الضحايا في وقت كثر فيه النرجسيين وسوء التربية الزواج هدفه الانجاب مالا كل واحد يعرف واش يخير اب ولا ام مثقفين وصالحين لاولادهم الزواج العشوائي واش شفنا منو غير الفساد والعقد النفسية ا

السبب الأول لتراجع الزواج هو غلاء المعيشة و كثرة شروط الزوجة و متاجرة الأباء ببناتهم و هناك سبب آخر خطير سببه المرأة المتحررة التي ترفض الدخول لبيت الزوجية وتفضل الحرية و الحرام على الحلال و المكوث بالبيت و كذلك تهرب الرجال والشباب من تحمل المسؤولية

وبعد هنا واش دخلها فيهم يزوجو ولا يقعدو واش رايحين يقدمولنا يعني

الجيل هذا معظمهم ما يقدرش يتحمل مسؤولية الزواج و الإنفاق على الأسرة و تربية النشئ و متشبع كثيرا بالثقافة الغربية و عقلية الأفلام التركية و الأجنبية و يحب كل شيء واجد و بالساهل و مازاد الطين بلة بعده كل البعد على تعاليم الدين و يفضل يدير علاقات غير شرعية و يقضي حاجاته الغريزية في الحرام و مايحصنش نفسه بالزواج خاصة في ظل التكنولوجيا اللي سهلت كثيرا في نسج العلاقات عبر شتى مواقع التواصل الاجتماعي

السبب عمل المراة و خروجها

الكبدة ياخويا ياخويا ❤😂

انا نقلك المشكل الاول ، المرءة الجزائرية مستهلكة عطفيا ، لي علقتها المتعددة مع حميد ، بوعلام ناصر ...الخ ولما تصل 30 سنة تحب تتزوج مع رجل ميسور ، انا منتزوج مندير وحدة ، راني عازب او عايش مماي ، والله مني محتاج امرءة في حياتي اخطوني

استاذ كلامك هو الكبير بصح مننساوش بلي لي ساهم في هذ المشكلة هي مواقع التواصل الاجتماعي وانحلال اخلاق اغلبية البنات وتركز على البنات بسك هن لي راهم فاتحين باب الفتنة في المجتمع.

كلام رائع نشاء الله الناس يسمعوا الكلمة، فقط اظن أن المشكل ليس غلاء المهور بل النفقات المصاحبة للعرس، ومسكل الدراسة والعمل للإناث أظن هذا تسبب في أزمة زواج كبيرة

المشكل ماشي مادي دكتور أصل الأسرة هي المرأة التي أصبحت لا تخضع لطلبات الرجل

ولله ما علابالي إذا الجزائر لي راكم عايشين فيها هي لي رانا عايشين فيها ، هذا المهور و العرس و التصديرة و لكباش و غيرها زيادة برك ، بعيدة كل البعد على ان تكون هي المشكل ، بل نزيدلك اكثر من ذلك الدوزان تع الدار و ما راهش مشكل ، الدوزان تع الدار اصبح يتمد كادو تع العرس ، مثلا يقولك ما تشريش شومبرة ، انا نشريلك ، و يشريلو ، و الشومبرة اصلا تسوى 5 ملاين ، الدوزان راهم يديروا بروموسيون جميع الآلات الكهرومنزلية و معاها صالون ب 15 مليون . هذا قع تحراش أنت تعرف انه لا علاقة له بالأمر . ما عندكش فرد سوي ، نعطيك فكرة مالا ، حتى الإنسان الناجح راه ما يتزوجش دوك ، إنسان تلقاه إجتهد و نجح سواءا رجل او مرأة ، يتفكر برك النموذج تع والديه كيفاش كانت المعاملة بيناتهم ، ينحي الفكرة قع من راسو .

والزواج ولا زواج درك مام تسهل المرا باش تزوجالرجل يحڨرها وماليه بلا ما نهدر

صح التصديرة ما عندها حتى معنى كون ينحوها خير، و الائمة و علماء الاجتماع و التربية كون يديرو مبادرة ينقصو المهور و التصديرة و النعجة و يخلو غير الاشياء الضرورية

المشكلة في السكن في الغالب النساء تاع وقتنا بزاف منهم يشرطو السكن الخاص وهذا شيء شبه مستحيل حتى على متوسط الدخل

لله يكتب الخير. آخر زمان. والو. الرجال. يشبهو. النساء. ربي يستر.

المشكلة هي "الأهل" معاملين بنتهم مثل السلعة التي تباع و تشترى مقابل مجموعة من الماديات كيما الدار و السيارة و الدراهم و الخرجات..الخ يعني إذا جاهم واحد غني ((مدير نتاع شركة و لا مقاول و لا مهندس)) يقبلوه و يقولوا له "مرحبا بيك يا ولدي هاك البنت بصحتك👍🏻" بلا ما يعرفوا نيته و دوافعه الحقيقية المهم جيبه حامي بالدراهم بصح لوكان يتقدملهم واحد فقير ((يبيع ملابس ولا يخدم بناء ولا حال كوسميتيك صغير)) نيته صافية (أو العكس) يحقروه و يقعدوا يتشرطوا عليه حتى يتحطم و يفقد الأمل في الزواج غي باه يقدروا يتخلصوا منه و بنتهم يخلوها بايرة حابسينها في الدار يقارعوا حتى كي يجي وخدخر يتقدملها خصكم تفهموا بلي ماراكومش عايشين في أوروبا و هذي هي "الجزائر" دولة من دول العالم الثالث حيث يوجد التشرد و الجهل و الأمية و التخلف دايرة حالة،المواطن الجزائري كي يكمل الجامعة باه يلقى خدمة ماراهش يلقى راه يقعد مريح في دارهم مشي كيما أوروبا غي تكمل القراية من يعطوك خدمة من

الناس ماهمش صايبين واش ياكلو..

المشكل الاساسي هو البطالة ، مكانش دراهم كيفاه يتزوج، وثانيا العلاقات غير الشرعية أخرت سن الزواج.

بكل احتراماتي ليك بصح لازم نقولهالك بين قوسين ..ترخف.. وفرتولنا مصانع وبنيتولنا مساكن ..الخ خليك مالهدرة الي كامل نعرفو نهدروها وبلاك خيرمنك

الشبيبة لا عمل لا سكن وين يتزوجو بالشعر وزيد نساء لي راهم يخدمو وبنات فاميليا قلال بزاف ربي يستر منا وجاي يولي عرس في العام مكانش

لا أخي المشكل مش في البطالة والسكن وغير المشكل راه في قانون الأسرة لأنو معظم النساء راهم يتزوجو باش يديرو الخلع والقانون يعطيهم ،حق العدة والنفقة والايجار أو زادو كملو عليها الحضانة والولاية يعني الراجل ماولاش رجل المرأة هيا كل شيء وإذا الرجل ماطبقش هذا القانون يحكمو عليه بالسجن ،لهذا الرجال حلفو على الزواج مادام قانون الأسرة ماتغيرش

تزوجها منا ديرلك الخلع منا .. ما نتزوجشس احسن

مشي مشكل تكلفة مشكل سكن بركاكم من الكذب

راني داكور معك مي زواج ماشي في هدا لبلاد . Europe ويييي😅

الوليمة أو العشاء ضروري

الازمة ازمة ثقة بين الناس يعني بنت I 6 هي الي راهي تتزوج و بنت 20 و 25 يقولو عليها راهي خبرة و عندها علاقات من قبل اما بعد 30 فحدث و لا حرج كل العيوب يخرجو فيها و الامر الثاني الزنا المباح بنات التيك توك فسدو اخلاق الشباب و حتى المتزوجين منهم يعني ارتفعت نسبة الطلاق و انخفض نسبة الزواج اما الجانب المادي فلا دخل له كاين البنات الي يطلبو غير السترةو حتى الرجل اصبخ يبحث عن المرفهة

الزواج مشروع فاشل

يا خويا الخلع النساء ولا مودة الناس رجعت اتخاف

بكري كان لي بطال ميقدرش يتزوج و دروك رجع لي خدام ما يقدرش يتزوج يا. القدرة الشرائية فالجزائر ماكانش ما تقدرش تعيش مستحيل