آهنگ بلیط
با صدای بهمن حسینی
/ bahman_hosseni
تنظیم : مجتبی صادقی و کامبیز جهانبخش
شعر : فریده چراغی
استودیو چکاوک زنده رود
/ bahman_hosseni
متن آهنگ
دل آسمونم زوارا پره
که آستاره قهره ومه دلخوره
الازنگی ایچو سرم ساهه وند
طریده به شوخی بهونان کند
نه اَور ایغُرومنه، نه بارون اِباره
دل از کار خوس هم دی سر نیدراره
خوم ای لولِ خوم سی دلِ سَرگِرونُم
سی پیرار و پارُم سی ایلُم کَسونُم
مو دارِ بَلیطُم که بی دُنگ اِسوسُم
مو از تَش بِرَق هی به تَش ایگُروسُم
مو بِالنده باغُم که بی لیز و لونه
که دارِس بُرینه و دُندال اِخونه
نه بُنگِ خروسی نه تیغِشتِ اَفتَو
نه دارِ بَلیطی نه مِن چَشمه ها اَو
دفک ون صیادی به گل زن تفنگ
که مِرناده من خین پازن پلنگ
صیادی تفنگت بگو دی منال
مکن تیله کوگن من در شکال
چه کافردلی بی که نُرفینِمون کِرد
دِلانه مزار ، هِزار آرِمون کِرد
چه شَوگارِ شیمی بُهون وُرکَشیده
بیَو وا دیاری تو وا با سَفیده
دِلِ خَوبیارُم صدا اسب ایاهه
مَنُم اَفتو ایخو به مالُم دراهه
بکُن نورِلا هُف به کَرنا دُوارِه
که ایلُم سیانه زِ وَر وا دِراره
4 окт 2024