بنت الأم النرجسية 

أحيانا غياب الأم أحسن بكثير من حضورها

انا طول عمرى بستغرب لما الاقي واحدة كاتبة ان امها احسن حد في الدنيا و تتمني تكون زيها و متتمناش ام غيرها .. مكنتش بفهم هي جابت الشعور ده منين ..

اقوى علامة تدل ان الاهل نرجسيين انهم لا يرضوا عنك مهما فعلت ويشعروك بالذنب شياطين على هيأت بشر

انا أمي نرجسيه من لما كنت صغيره كل ما شافتني فرحانه لازم تكسر فرحتي وسعادتي👌🏻 المصيبه كل ما تكبر يزيد شرهااا🥺

ملاحظة القراءة تساعد جدا للهروب من ضغط النرجسيين لولا حب القراءة كنت صرت مريضة نفسية القراءة قارب نجاة

المجتمعات الشرقية معظمها نرجسية الواحد ينولد في بيت نرجسي ويموت مع شريك نرجسي ويادار مادخلك شر هههههههههههههههههه

أنا جميلة جدا معرفتش ده غير وانا الاربعينات . عشت طول الوقت ده معتقدة اني قبيحة . عمرها مالمحتلي حتى اني جميلة

التعليقات بتحرق القلب..الله يجبر قلوبكم جميعاً.والحمد لله ملئ السماوات وملئ الأرض إني نشأت في بيئة طبيعية.

يوم مااتوفت امي بكيت بشدة ، لكن بنفس الوقت كان في شخص داخلي يقولي لي الحمدلله اخيراً تحررتي .

بشعر بالغيره والتعجب من اللى بيحكوا عن امهم الحنونه

العيش مع عائلة نرجسية امر متعب للغاية لكن الله المنتقم 💔

ذهبت وتركتها الحمد لله وبدأت في التشافي . لا يوجد لدي دعم عاطفي ولا مال ولا علاقات اجتماعية لا شيء . الأن بدأت من الصفر لتكوين حياة جديدة .

قمة الفرحه عند امى لما توصلنى لدرجة الانهيار

والله موضوع النرجسية والشخصيات المسمومة لازم يتسلط عليها الضوء اكثر عشان يصير في وعي بالعالم العربي لهاد الموضوع

الأم النرجسية لم بتكبر بتسغل الدين و البكاء لأستغلال بنتها بعد ما تفقد السيطرة 👌🥺

فعلا كانت بتمثل أنها حنونة وجميلة ولازم امثل معاها أنها أعظم ست أو يكون الرد تعذيب فى البيت .

وكمان بنت الأم النرجسيه مش شرط إنها تكون غير متعاطفه بالعكس الالم اللي جواها بيصنع منها انسانه حساسه ومتعاطفه وتحس بجرح الآخرين علشان كده هي دي البنت اللي بتكون كبش الفدا للام لإنها بتحسدها علي طيبة قلبها وتعاطفها وحب الناس ليها

دمرت علاقتي بأبويا واقنعته اني سيئة وقليلة الأدب ومتمردة . ابويا في آخر أيامه كان بييجي عندي بيتي وقرب مني اكتشف إنه مكنش فاهمني وقبل مايموت بأيام قالي انه مكنش يعرف إني طيبة كده

كنت متأكدة أن ابويا وامي ناس مش طبيعين بالمره، لكن ما كنتش اتخيل اني اواجه هذا الكم من الحقائق الصادمه والمفجعه في الفديو ده بعد ما تخطيت الأربعين واختي جالها انهيار عصبي حاد وافكار وميول انتحاريه. انا بجد بشكرك من صميم قلبي على الفديو ده. اختي انهارت وانا تيبست بسبب اب وام مش طبيعيين، وعلاقتي بالعالم الخارجي اتدمرت من سنين وعلاقتي باخواتي غير موجوده اصلا. ولازلت بأُتهم بأني عاق واُتوعد بعذاب ربنا ليا وبيدعي عليا.

لو ليا زوجة اب كان ارحم مكانتش هتعرف تاذينى زى امى النرجسيه الخفيه ما اذاتنى

بتمني اليتم لانه اهون بكتييير عن يوم واحد بعيشه مع الأم دي. علي الاقل كان يبقي عندي أمل و اقول ل نفسي في عز الأزمات لو كانت" أمي عايشة كانت هونت عليه و اترميت في حضنها " لكن للاسف هي عايشة و لكن مصدر الاذي و الوجع اللي مش بيروح جوايا و عمرها ما حضنتني و طبطبت عليا. شماتة في أي ضرر يقع عليك. تخلي و تجاهل في عز المرض كأن مرضك عيب منذ الطفولة بتذكر ليالي المرض اللي قضيتها و انا لوحدي و بترعب الي الان . إهمال في اللبس و الأكل و التعليم و العلاج و التربية. تعجيز وتحطيم أحلامك و انجازاتك .مقارنة بكل الناس . احساسك دايما بانك مقصر. إفشاء أسرارك و المعايرة بيها. التباهي بادق خصوصيات حياتك للناس . الكذب المرضي و قلب الترابيزة. ابعادك عن أهل الأب و اهل الزوج و التخويف منهم بحجة الحسد. محاولة افشالك باي الطرق حتي لا تكوني أم ناجحة لاولادك و مقارنة نفسها بيك و جعلهم يتمردوا عليك. التنمر و التريقة عليك مع أقاربها. تفضيل الابن الذكر عن الإناث و عن زوجها نفسه و توريثه كل الصفات النرجسية. عمل كل التصرفات اللي بضايق زوجك لافتعال المشاكل في بيتكم و توليع البيت نار. ربنا اكيد عنده العوض و قادر يجبر بخاطرنا. انا كنت فاكرة ان هي دي الأم الطبيعية و هو ده الحب و الحنان و قلب الأم لحد ما ربنا رزقني ب ابني و لقيت جوايا مشاعر و تصرفات عكس اللي هي قدمتهالي اتصدمت و عرفت ان فيها حاجة غلط و كنت هتجنن لاني بحارب أشباح لحد ما سمعت حضرتك و شعوري اتاكد بفضل الله و من بعده فضلك الف شكر.🥰

اتربينا في بيوت نرجسيه وتزوجت من نرجسي عمري خمسين سنه ولحد قريب مكنتش فاهمه ايه اللي بيحصل لحد ما شفت حضرتك أنا اعتبرت حضرتك هديه من ربنا نورتي عقلي وقلبي وحياتي بعلمك نفع الله بك وجعله شاهد لك عند رب العالمين أنت جميله اوي أنا بحسك اختي بحبك في الله

اللهم باعد بيني و بين امي و اخواتي كما باعدت بين المشرق و المغرب

الأم النرجسية تجرح بنتها قدام الناس وقدام أخواتها الأصغر ولو زعلت تقولها أنا بهزر معاكي أنتي اللي نكدية ومش بتفهمي صح من الأخر بتركبها الغلط

قبل ما أسمع الاوديو . أنا خلاص حصلتلي اعاقة نفسية وفكرية بسببها . مش بعرف أعبر عن نفسي ومش بعرف ادافع عن نفسي في اي موقف حتى لو الحق معايا . من كتر القهر والتسلط واني ممنوع انطق او اتكلم أو ارد عليها او اناقشها . بيحصلي نوع من الشلل الفكري . حضرتك مش متخيلة إزاي أكون مظلومة ومش عارفة ادافع عن نفسي وبانسى كل اللي في دماغي وحتى أحداث الموقف اللي مفروض ارد عليه . على فكرة أنا عندي ٥٤ سنة وذكية ومركزي كبير في شغلي بس في حياتي الشخصية اي حد يقدر يتفوق عليا في الكلام وبابقى فعلا زي إللي عنده اعاقة فكرية . الموضوع ده مدمرني ومضيع حقوقي . الكارثة اني اتجوزت مرتين من رجالة نرجسية . انا دلوقتي لوحدي حاسة اني مش عارفة اتعامل مع البشر . واخدة جنب وبكلم نفسي وربنا بس . دول بس اللي بعرف اتكلم معاهم براحتي . لما حد بيضايقني مش بعرف ارد عليه قدامه لكن بعرف ارد عليه وهو مش موجود وبكون في منتهى القوة والذكاء

الأم النرجسيه ...٣, أكتر حاجه بتوجع قلبي حرفيا ..هما بنات الست دي .. لانهم ناس جميله التربيه على ايد الست دي بتطلع نوع رائع من البشر ... لان في كل محنه منحه ... انا بتكلم عن "كبش الفداء" هنا ... لان طول الوقت البنت دي لازم تبقى يقظه لاحتياجات امها والا تتعاقب وتتبهدل منها ...فبتطلع شخص حساس جدا ... بيحس بكل اللي حواليه وبعمق ...وتفهم الناس من نظره وتعرف تديهم أوي ... لان اتعلمت ده على يد الام دي.. اتعلمت تبقى هيا أمها ... وهيا عمرها مخدت أي أمومه ... طول الوقت لازم تجامل وتطبطب وتسمع ..عشان تتفادا بس نوبات غضبها وقسوتها .. وبتتعلم تنسى نفسها ... فبتطلع people pleaser وطول الوقت شاكه في نفسها ..لان عمر اللي بتعمله مبيكون كفايه ... بتطلع تحط كل البشر قبلها ... لانها عمرها ما كانت موجوده ... تتعب وممكن تاخد مناصب ...ولسه امها تنتقدها على كل حاجه ...فمبتعرفش خالص تحس بأي قيمه حقيقه ليها مهما عملت She is never good enough بتتعلم الحب المشروط ...لازم تعمل حاجات عشان تتحب هيا مش محبوبه لذاتها فتخش لما تكبر في علاقات تأذيها لان حدودها انتهكت من وهيا طفله فبتطلع مش عارفه تقول لأ لا لجوز ولا لولاد ولا لحد.. تيجي العياده ست جميله وناجحه وام رائعه ...بس عندها قلق وجودي غير منتهي ... لان معندهاش ثقه في العالم امها كانت بتديها بشروط وشروط قاسيه ... وممكن بلا سبب تمنع فجأه العطاء فبتتعلم متعرفش تثق في أي حد...لان اتعلمت أن الناس والعطايا بتختفي فجأه الوعود تنتكث ...لحظات الحب نادره وتعيش تتلهف عليها وحتى لوجت..تحس انها مش هتدوم... حتى لو ربنا اداها كل حاجه...بتعيش في قلق مستمر علاقتها بتخرب لان مبتعرفش تحط حدود ...ولا تقول لا يستغلها الناس والشغل والصحاب... لان مبتعرفش تبقى موجوده ووجودها يفرق ... وبيرتبط وجودها باللي بتديه فكل استغلالي في الكون يتجمع حواليها ...لانها كنز طبعا وماده خام للاستغلال شفت ستات فهمت وعرفت وكبرت ...ومكالمه تليفون من امها ...تخلي حياتها تنهار تماما بتعيش تدور براها...طول الوقت على قيمتها ...ومهما عملت مبتعرفش تسد الخرم ده ... في العلاج بتتعلم تقول لأ...لاول مره في حياتها وتستحمل العقاب والحرمان ... لاول مره بتفهم انها مش معطوبه وان العطب في الام دي بتتعلم تخلص منها من جواها حتى لو اضطرت تقاطعها تماما ...لغايه متقدر تبني نفسها من جوا ...وبعدها ممكن تصاحبها معروفا بقى بس بأسوار وحيطان تحمي نفسها منها ...وتعيش رحله الالتئام الروحي .... وبعدها بس بفتره طويله...ممكن تتعلم تسامحها لان امها أكيد هيا كمان طالعه من بيت خربان أكتر منها... بس مش قبل مترجع تاخد حقها في الحياه بعدها الست دي بتنطلق في حياتها وتنور وتزهر وتعرف تعمل علاقات صحيه وحدود وتتعلم تقبل نفسها والناس وده بيحصل بعلاقه حقيقيه مع المعالج لان العلاقه العلاجيه ما هيا الا أمومه ...بتقدر تعوض العطب اللي حصل ...بس بالصبر والشغل على النفس والقبول ... You are good enough I love you أينما كنتي

يا صديقاتى لو فاضل فى العمر يوم واحد بس يبقى محتاجين تقضيه فى اقل قدر ممكن من الأذى ، السعى للعلاج مفيد جدا ، التأمل مفيد و العبادة و الاسترخاء و الرياضة و غيرهم ، استعيدوا ذواتكن ، تجنبن هؤلاء الأمهات قدر الإمكان ، ابحثوا فى الانترنت عن العلاج الجدلى السلوكى ومارسوه وحدكن إن أمكن ، انت جميلات و إلا ما كانت هذه الأم شعرت بالغيرة أو فعلت كل ذلك ، رفع عنكن الله جميعا

انا مش عايزة اكون زي ماما في زواجها ولن اكون ان شاء الله هيا نكدية وحولت البيت الي جحيم لا يطاق ولا يحتمل وكرهتني في حياتي

بنت خالي كانت بتعاني من آلام النرجسيه والبنت انتحرت من شهر الله يرحمها اتعذبت كتير

الله يفتح عليك كل الصفات اللي ذكرتيها تنظبق على والدتي للأسف انا عشت دمار نفسي شامل معظم حياتي والحزن مسيطر على نفسي وكل ما تكلمت عن مشكلتي مع والدتي الناس تنظر لي على اني عاقة وسيئة ولا يوجد شخص يتفهم معاناتي والألم اللي عشت فيه عمري كله

عندي ٥٤ سنة . أمي اللي لسة عايشة عمرها ابدا لا أذكر ابدا إنها حضنتني وكانت بتزقني لو رحت احضنها وانا صغيرة

لم تستطع كسري ولن تستطيع بإذن الله...ثقتي بالله كبيرة

حضرت الحلقة للتثقيف لان والدي ووالدتي طبيعيين الحمد لله نعمة اشكر الله عليها يوميا.. مع ذلك انصدمت جدا من الفيديو والتعليقات ربي يعين الناس ويعوضهم خير باللي يتمنوه❤️

امي 84عام ونرجسية بطريق قاتله نحن 8اخوات عذاب عذاب وأبلغ من العمر 58 وهذا العام فقط اكتشفنا انها كذلك بعد معاناة وانا قوية الشخصية بطبيعتي وفعلا حولتني الي حطام انا مديرة مدرسة والله أشعر بدمار

محدش هيقدر يفهم و لا يحس الا اللي عاشروا ام او اب نرجسي، اي حد بحكيله بيفضل يقول معلش استحملي دي امك هتاخدي ذنب عليها ، يعني الواحد بيكون شايل هم دنيا و خايف يتحاسب عليها في الاخرة.

احد الحيل للام النرجسيه انها تالف قصص بمعني تقلك خالتك بتقول عنك كذا فلان قال عنك كذا ممكن الشخص ده يكون سواق تاكسي ودانا مشوار او حد عابر التقينا فيه عشان تصورك انو كل الناس بتنتقدك ورفضاكي وانو ماحدش بيحبك او بطيقك اصلا ، من الحيل التانيه انها تفضل تنتقد حاجه فيكي مثلا وزنك الزايد في نفس الوقت لما تعملي محاوله لتنزيل وزنك تروح تعمل كل يوم حلويات وتحطها قدامك علي الطاوله وتفضل تحط كل انواع الاكل اللي انتي مش مفروض تاكليها لحد ما تفشلي عشان ترجع تنتقد وزنك الزايد وانك فشلتي انك تنزلي وزنك يعني تحاول تدمر اي محاوله في حياتك ، حيله كمان - مهما كانت قاسيه معاكي نفسيا وجسديا وبتعاملك بتوحش تبقي بتحب من وقت للتاني تحكيلك عن قصص التعذيب اللي فلانه او علانه بتعملها في اولادها عشان تصورك انها كويسه وحنينه مقارنه بغيرها ام مدمره مريضه وبشعه ماعندهاش رحمه ولا ضمير ولا يمكن في يوم تشوفك كبني ادم اصلا انتي اداه بالنسبالها للاسف الحل انك تقطعيها ولا يوجد حل وسط بالنهايه مافيش هدف انك تفضلي طول حياتك واقفه علي باب عمرو ما فتح ولا هايفتح هيا عمرها ما هاتشوفك او تسمعك اصلا

على فكرة مهما اهديتيها لا يمكن تستخدم هداياك ، ترميها في اي مكان رغم انها قد تكون غالية الثمن

ماما مقدرتش تخطف مني محبه الناس وده كان بيخلي الحرب عليا أصعب بكتير لاني مستسلمتش لكن الجروح عميقه جدا

اللهم ارزقني بهذا الابتلاء جنتك بلا حساب ولا سابقة عذاب وارفعه عني عاجلا غير اجل واجرني في مصيبتي واخلفني خير منها

امي كانت نرجسية عطول كنا جوعانين ومانطبخ وابي بحبها ومو عاجبها ولما قلها سر تستخدمو ضدي وتحرض ابي لحتى يضربني فقدت العاطفة وضليت دور ع الحب ووقعت ضحية نرجسي وسافرت معو وتغربت عنون وانا قلبي كتير طيب وضل حن لاهلي وقول الله يجمعني فيون احد ماوقعت مشكلة كبيرة بيني وبين زوجي النرجسي وامي صارت تضغط علي ووقفت مع زوجي لحد ماتحررت من التعلق من اي شي وصرت احمد ربي انو الله كشفلي كل من حولي وانو اقرب الناس الي طلع حبون مصلحة تقربت من ربي اكتر وبطلت غباء واتعلق بحدى مابحبني وقربت من ربي اكتر وصرت اقوى وماعاد يهمني رضى حدى لانو النرجسيين بس يبطلو يستفادو منك ببعدو عنك امي النرجسية بضل ترضى ع اخي لانو بيبعتلا مصاري وانا ببعت ورغم ذالك مابيرضو الحل انك تربط حبك بالله وبس وتعرف انو كل شي مزيف لانو اذا ضليت تفكر فيون رح تمرض ويصير عندك وسواس قهري وهاد مرض قراءة سورة البقرة طوق النجاة للقوة النفسية وفك التعلق بكل الاشخاص

ممايه نرجسية لدرجة انها رفضت زواجي من اي عريس كان بيتقدملي ولما تجوزت كانت السبب الرئيسي لتفريقي عن جوزي لاعود لها لكني رفضت العودة لبيتها واستقللت بحياتي بعيد عنها

انا والدتي كانت نرجسيه وفعلا بلا مبالغه دمرت اعصابي وشخصيتي سنين طويله وموضوع القرود الطائرة دول كانو فعلا العيله كلها تقريبا الحمد لله بعدت عنها تماما وواقفه علي رجلي واخدت قرار نهائي بقطع علاقتي بالناس دول ونهيتهم تماما من حياتي حاليا ليا شغلي وعلاقاتي وصاحباتي وجيران كويسين وحاسه اني خرجت سموم كتير كانت بتدمرلي حياتي طول الوقت بتبعت ناس عاوزاني ارجع ادخلها حياتي تاني لكن انا اخدت قرار نهائي ان الصفحه دي اتقفلت

مآ دمتُ في كفِ الرحمن آمنا فكيف أخشى من المقدور يؤذيني... سلمتُ أمري للرحمن واثقا... "بأن ربي سيكفيني ويحميني" اللهم إني وكلتك أمري فكن لي خير وكيل ودبر لي أمري فإني لا أحسن التدبير اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك ...

الله يرزقني بأم ثانية حنونة فالجنة

16:25 عفكرة انا ما شفت كميّة ابداع مثل عند النرجسيين في اذية الاخرين لذلك كل نرجسي وله ستايل خاص مش شرط الام تكون مهتمة بمظهرها يمكن تكون بتعطي منظر المسكينة المضحية بس حبيت انوّه انه هذه فقط امثلة من عالم النرجسيين اللي يبتكروا اساليب وفق كل موقف وكل ضحية وعندها ابداع لا متناهي...

مش عارفة أشكرك على الحلقة عشان مؤلمة جدًا بس هطلب منك تحاولي تعملي حلقة خطوات عملية للخروج من الدوامة دي، صدقيني حتى لو بعدتي عنها وعن البيت وارتبطتي وفسختي... الموضوع متعمق في خلايا مخك وفعلًا أنا معرفش ازاي أحب ومش بحس بالحب... بحس بيه اما يبقى اهتمام مرضي وبقيم الناس بأبيض وأنسى مساوءهم أو أسود بس وأنسى حسناتهم... رحت لدكاترة نفسيين كتير وعارفة المشكلة بس مش عارفة أقطع الارتباط النفسي والعاطفي اللي بيني وبين أمي... عندي حاجة في عقلي رافضة تصدق أنها وحشة ورافضة تستوعب الأذى المقرف اللي عملته ولسه بزعل منها وبعملها حساب وبتألم من كلامها

حلو الشرح لسلوكيات الام النرجسيه , يعني فعليا الأم ليست دائما ام مثاليه في الحياة الواقعيه اشكركك على مجهودك ❤️

انا ببكى من كلامك انا عمرى كله بسأل نفسى انا فعلا وحشه كده هو ده طبيعى اللى انا فيه ..انتى بتوصفى حالى

انا فعلا مبعرفش افرح بخاف افرح واخاف ابكي حتى بعد ما ماتت .

والله ما اعظم أجرك يا استاذة سحر💚 التوعية الي بتعمليها بتنقذ ارواح حرفيًا!! بفضل الله ثم بفضلك انقذتيني كنت بعلاقة ع وشك الخطوبة وكنت رايحة للجحيم برجلي وانا بضحك وفرحانة ومفكرة حالي رايحة للنعيم وللحب الحقيقي ولكن في الواقع كنت رايحة لجهنم وانا لا ادري . نحن "النساء خاصةً "عايشين بجحيم النرجسي وبنفكرها حياة طبيعية ولا نعرف ما هي حقوقنا نحن نجهل بأننا جاهلات ونجهل انه يتم التلاعب بنا لأنه تربينا ع سذاجة المفرطة . ربي يسعدك بالدنيا والآخرة شكراً لكي من كل قلبي

شكرا علي الڤيديو و المجهود. ممكن حلقه علي How to re parent yourself. بمعني ايه وظيفه الام الطبيعيه ف حياه البنت. و ايه وظيفته الاب الطبيعي ف حياه البنت. لان شفنا تشوه النرجسيين. الطبيعي بقي بيكون ايه.

انا بقالي 43 سنه في العزاب ده جالي ضغط وقلق وتوتر واحيانا نوبات هلع وبتعاقب علي حاجات معملتهاش والله ما عملتها حاجات في دماغ امي لو معملتهاش زي ما هي تخيلتها تقيم عاليا الحد ويتشهر بيا في العيلة وعند الجيران حتي اصحاب المحلات المجاورة ووصلت لحد حماتي لما حماتي بتشكر فيا او تدعيلي لأنها شيفاني انسانه وزوجة الحمد لله كويسة للاسف امي بتتجنن وتحاول تشوه صورتي بأي شكل وبتبتزني عاطفيا وماديا وعمرها زي ما حضرتك قولتي ما تطعطفت معايا لافي ولادة ولا عمليه لاحد اولادي لدرجة اني عملت لبنتي الصغيرة وهي عندها 8شهور عملية قلب مفتوح كانت بتتخانق معايا لما تلقيني بعيط علي بنتي او حزينه وتقعد تاكل بكل شراهة وتتفرج علي التلفزيون وتضحك لدرجة انها كانت بتجيلي المستشفي وبنتي في الرعاية وتقعد تاكل وتتفرج علي التلفزيون ولا في اي شئ بياثر فيها وممكن يكون انا وجوزي بقالنا مثلا يومين مكلناش من الزعل وهي اهم شئ في حياتها الاكل والفلوس والتلفزيون ده غير النكد يوم فرحي ويوم صبحيتي ويوم سبوع ويا ويلي لو جوزي خرجني خروجة او عزمني او سفرني انا وولادي يبقة الدمار بعينه بالشهور واتعاير بتربيتها وانها اقعدت عاليا انا واخواتي ومحملاني عقاب طلاقها كأني انا سبب وكتيييييييييييير مش قدرة اكتب اكتر من كدة ادعولي وتحياتي ليكي يا استاذة سحر

من أصعب إبتلاء هي الام النرجسية.أنا شخصيا أمي مقطعاني مدة سنة بدون سبب

انا بجد اتوجع قلبي لاني حسيتك بتحكي عني وعن كل اللي كانت ماما بتعمله معايا وفكرتيني بكل الجروح أنا اتمنى انها تحبني وللأسف كل ما كنت بقرب هي تبعد ولو عملت حاجه تافهه كانت تضربني وتدعي عليا دعا وشتايم بشعه لما انا كنت بصلي وادعي ربنا يخلصني منها واتجوز اي حد يخبط على الباب وفعلا كانت بتغير لما اتخطبت كانت بتعمل فيا حاجات انا أخجل اتكلم فيها وللأسف الشديد دا كان سبب في إني كملت المسيره واتجوزت زوج نرجسي وعماله الف في نفسه الفلك لما انا بيجي عليا أوقات ببقى عايزه انتحر بجد والله على فكره ماما ماتت بس انا متعفيتش ومش هتعافا بسبب جوزي ربنا يخده هو كمان عشان ارتاح انا عيط لما سمعت الحلقه وتمنيت اموت والله كان نفسي اتحب كنت بغير من أصحابي البنات لما بلاقي مامتها بتدلعها وتحضنها ياالله انا تعبانه والله دوستي على جرحي يا استاذه سحر 😭😭

اتصورو أنا قبل عرسي بليلة واحدة ونص الليل أمي تخانقت معايا وخلتني انهار بحجة اني رفضت اعزم بعض البنات الي كانو يتنمرو عليا انا ويدايقوني .وفضحتني بين كل الجيران انو انا الي رفضت اعزم البنات مش هي وتاني نهار كان عرسي وما حسيت نفسي عروس وكنت متشتتة وضايعة حسبي الله ونعم الوكيل

عمرها ما مسحت علي رأسي ولا احتفلت بتفوقي الدراسي بالعكس كل سنه يوم النتيجه خناقه وفي الاعياد والافراح خناق و تتأفف لو مرضت من طفولتي وكنت شغاله خدامه من صغري وتتختار يوم اجازتي تقلب البيت من الفجر غسيل ومسح عشان منامش وتغير بشده مني و تزرع الكره بيني وبين اخوتي من واحنا اطفال حتي صرنا غرباء لا حوار بيننا ابدا رغم علاقتها المتينه باخواتها واهلها وتفشي اسراري للجميع للشكوي او المباهاه ولما اتخطبت جهزت بفلوس شغلي وكل ما اشتري حاجه تنزل تجيب زيها لنفسها كانت بتجهز روحها معايا من الغيره و في فرحي كان اهم حاجه اهلها و طظ فيا مهتمتش بيا ربع ساعه ولما حملت جت قعدت في بيتي شهر اخدمها وانا بطني علي الاخر وتعبانه واروح للدكتور لوحدي ولما ولدت وجوزي مسافر اتخانقت معايا بعد 5 ايام و مشيت وسابتني مفكتش السلك وسره البيبي لسه موقعتش ودايره تشكي مني لطوب الارض وتشوه صورتي و تكره اخواتي فيا وبقرف ارد عليها في التليفون

صحيح امى نرجسيه خفيه قذره بس الحمد لله ربنا حمانى منهاوما اتعلمتش من صفاتها السيءه اى شيء بالعكس طلعت على النقيض منها تماما الحمد لله ودلوقت انا ساكنه بعيد عنها لوحدى الحمد لله ربنا يعنى على تربيه ولادى

بالتسبة لتجربتي مع امي النرجسية مختلفة انا واخواتي ،نقف في وجهها ونواجهها بتصرفاتها المرضية ،تضطر للتراجع عن التحكم فينا لكن مشكلتنا الوحيدة الآن معها انها تنكد فرحتنا

😢😢حسيت بخنقة وعايز أبكى وانا بسمع كل ده عشته وعانيته مع امى الله يرحمها مع شعور مؤلم بشدة بين انى مش قادرة اقاوم شعورى الفطرى بحبها كأمى وأنها سبب لعذابى فى حياتى حتى بعد وفاتها

كل ما قلته صح ويحصل معي واكثر انا ضحية ام نرجسية للأسف انا مدمرة تماما مافي كلام يشرح هد الدمار دعيت الله من صغري ان لا احمل اي خصلة من امي الحمد لله استجاب الله واكره كل ام نرجسية واكره كل إنسان التقي به له خصلة من امي 😔😔😔

غريبة الام دي !! الله يساعد كل حد بيعيش مع ام بالشكل ده !

تعديل شخصية بنت الام النرجسية قد يحصل حين يكون الاب متيقظا لكل افعال زوجته النرجسية.... ولكن في حال توفي الزوج ستضاعف الام نرجسيتها مهما كان عمر الابنة... ويبقى للام النرجسية اسلوب تجميع بناتها كلهن حولها ما عدا ابنة واحدة هي الاقوى شخصية وهي التي توجه الام عليها اساءاتها بالتعاون مع بناتها الاخريات....

منذ الطفوله إلى هذا اليوم عمر امي ما حضنتني في اي مناسبه مهما كانت دايما تقارني باقاربي وجيراني عمرها ما تشكر شي انا سويتو في البيت طبخت اكله حلوه أو نظفت البيت عمري ما اشتكيت لها من حد الا وتطلعني انا الغلطانه طبعا اسوء ذكريات في أعياد ولا رمضان حتى تجويع غير عادي ممكن تسوي اي شي عشان تحرمني من الاكل لكم ان تتخيلوا إيش كانت تسوي تفرقه في التعامل مع الاخ الوحيد إلى أن وصلنا للمقاطعه بين الاخوان كل هذا الحمد لله انا اتفوقت عليه لان الحمد لله كان الوالد في شوية حنيه عليا كان يدافع عني وكان يفرح لنجاحي ويدعمني إلى أن سيطرت عليه سيطرته تامه فأصبح نسخه ثانيه منها كل هذا مش مهم لأني كبرت والحمد لله ما احتاج حنيه من احد لكن أكثر شي دمر لي مستقبلي إلى هذا اليوم انهم خربوا لي خطوبتي بطريقه حقيره وفعلا انا لا اعرف كيف اكون صدقات حقيقيه انا الحمد لله شخصيتي قويه لا احد يستطيع السيطره علي بهذه الطريقه التي قلتيها يمكن لأني بلغت الاربعين من عمري وانا مستقله ماديا الحمد لله وناجحه في شغلي اما هي فقد أصبحت امرأه عجوز مريضه وهزيله لايمكن ان تسيطر علي مرا اخرى

ااااااه..أنا لسه هسمع الفيديو وعارفة انى هتعب وهتالم بس اكيد هفهم...لازم علشان الجرح يخف لابد من الضغط عليه وتنظيفه حتى يشفى على نظافة😫😫😞

أصبح الشكر و التقدير لك ا.سحر امر مفروغ منه ..زادك الله من علمه و نفع بك .. كلام سليم و بالأخص بردو فيه موضوع جواز بنتها أحيانا بدل ما بتطفش منها العرسان بتختارلها او بتصطاد لبنتها بمعني أصح شخص بتكون عجناه و خبزاه و عارفة ان ده اللي هينفع مع شخصيتها المريضة اولا ثم بنتها اللي شوهتها ثانيا و يبقي عجينة سهلة في ايدهم ...و بتعمل علي نجاح و استمرار حياتها مقابل احتلال حياتها و اغتصابها ..لمجرد انها تعيش صباها و تجدده من خلال بنتها ..بمعني انها بتعيش حياتها كأنثي و عروسة و زوجة و حامل و ام و جدة من خلال جوازة بنتها ..و بيت بنتها بيستمر بمبدأ فيها لا اخفيها ..تبدأ تخرب و تطفش في حالة وحيدة فقط لو حصل ثورة عليها من احدي الطرفين

نريد حلقة عن الزوجة النرجسية...و معاناة زوجها معها...خاصة ان كان خاتما في اصبعها...و كيف تتلاعب به كالماريونيت و هو يصدقها كالأبله المعتوه...و تبعده عن الناس و العائلة و الاولاد و تقبحهم في نظره و العكس...و المشاكل و الزوابع في بيتها...و هو لا يزال يظن انها ملاك...و اولاده و عائلته هم الشياطين. و حلقة اخرى عن الحماة النرجسية و تصرفاتها مع ابنها الذي قد يكون نرجسيا بدوره...و معاناة الكنة منهما معا..او الغير نرجسي..المهم معاناة الكنة و عدم فهمها و استغرابها لما يحدث من زوابع في البيت...في وجود الحمو الامعة المسلوب الارادة الذي لا يغير منكرا و لا يحرك ساكنا بل و قد يستمتع بالوضع. و عن نفس الحماة المريضة مع ازواج بناتها و خلق الفتن بتحريض الازواج على بناتهن. امانة يا سحر 😘

ممكن علاقة الابن وامه النرجسية وتاثير ذلك على زوجته بالمستقبل🌹❤️

في مرة وحدة عرضت مشكلة انها عمرها ١٨ سنة ومريضة سرطان وامها بتكرهها كره العمى وبتدعي عليها بالموت وبتسخر من توجعها.. ولو قامت تتسند على اخواتها كانت بتلعنها وتسبها لدرجة انها لو احتاجت كوب موية ترفض تجيبه لها..وقيسوا على كدة دوا ومستشفى والخ الخ القصة دي قديمة و البنت ماتت.. من معاملة امها زايد السرطان وقتها اعتقدنا انه الام معاها قرين مو طايق البنت .. الان للاسف وبعد سنوات عرفت نوع الام دي اللي ربنا انتزع من قلبها الرحمة حتى في اضعف حالات بنتها النفسية والجسدية وهانت عليها وهيا بتذبل في ربيع العمر انها تسيبها للموت عادي لانها ما حتنتفع منها باي مصلحة بجد حسبنا الله ونعم الوكيل في هكذا امهات💔💔💔

حسبي الله الذي لا اله إلا هو عليه توكلت وهو رب العرش العظيم..فعلا حلقة تدمي القلب و تحزن النفوس .. اعظم ابتلاء هو ابتلاء الام 😞

لما امي النرجسي اتوفت زعلت عليها. وفضلت سنة في حالة غير مفهومة.. اثار القيد الحديد والسيطره كان متواجد بقوه ولكن كان عندي شعور بالتحرر ومش عارفة استغلة. لا افتقدها ابدا ولكني ادعوا لها كل يوم ان ربنا يسامحها.. المشكلة انها تأتي لي في المنام وتمارس نفس النرجسية علية في احلامي.. ٧ سنين الان وهية متوفية ولكنها لم تترك احلامي وتعذبني فيها بنفس العذاب وهية حية

الحمدلله لله امي ماتت و اخيرا صار بامكاني أن أتنفس دون ان أحس بأن هناك من يعد عليا أنفاسي صرت اشعر بالسكينة و الاطمئنان كنت أحبها جدا و أخاف و أبكي اذا مرضت لكنها قضت على كل ذرة حب كانت في قلبي اتجاهها ماتت و تركتني شبه انسان قضت على ماضيا و حاضري و مستقبلي و اكثر شيء مازلت ابكي عليه هو اخي المسكين أخي الطيب الحنون الكريم الذكي المثقف الذي تسببت له في أمراض نفسية حتى اصبح يعالج في مستشفى الأمراض العقلية و ضاعت حياته وهو الى في الخمسينات بدون زواج و بدون عمل 😢😢😢 كل يوم احمد الله كثيرا لأنها ماتت و الا لكانت الكارثة أكبر لن أسامحها ابدا و أدعو الله كل يوم ان يشعل النار في قبرها و أن يحرق عظامها و أن لا يرحمها كما لم ترحمنا أنا و أخي

أنا أمي نرجسية و كل كلمة قلتيها صحيحة و حصلت معاي و كل الأثر النفسي اللي بتتكلمي عنه فعلاُ حصلي و بتعالج حالياً منه ، بكيت أكثر من مرة و أنا بسمعك. أنا أصلاُ مش قادرة أصدق إن في ناس بتحبك حب لا مشروط و ممكن تحبني أصلاُ و حاسة إنه الناي لو بيقولولي إنهم بيحبوني فهم عاوزين حاجة و عاوزين ياخدوا مني مصلحة و بس.

دى أم بشعه ازاى هتقابل ربنا حسبنا الله ونعم الوكيل عليها من الله ماتستحق عاجلا غير آجل يارب العالمين

اتذكر موقف يوم حصلت على الدكتورة في الطب لم اسمع منها اي كلمة تنويه ولكن قالت لي انني عملت ماكياج كثير وهذا لا يلاءمني .واتذكر ان بعد انتهاء ذالك اليوم عدت وحيدة للبيت الذي اكتريه .وذهبت هي عند العائلة.كنت اتساءل داءما لماذا لم اشعر بالسعادة يوم تخرجي كطبببة.الان فقط عرفت السبب

احسن حل حسب تجربتي الطويلة المىريرة و بعد.جهد كبير قربت اصاب بالجنون او .... احسن حل هو احتقارها و قطع الحبل الاثيري معها

أنا كنت خاضعة تماما وعديمة الشخصية مع أمى ومش بعارضها إلى الآن لأنى مقدرش أصلا ولو اعترضت بتصدم فى طريقة تعاملها معايا وطبعا كنت أسهل فريسة وضحية لزوج نرجسى..لنا الله😫..انا اصبحت بتعاطف مع اى حد وبصدق وبثق بأى حد وباجى على نفسى علشان إللى حواليا وبحس بالتقصي وفى الاخر بكتشف انى قدمت كل الخير والحب للناس الخطأ إللى لافيهم خير ولا حب وفعلا بسكت وبستحمل لحد مانفسيتى وجسمى انهاروا

يا استاذة سحر لو لقيت كل عمري ادعيلك بالخير مش حوفيك خيرك انت رحمة لقلوبنا المكسورة المذلولة الله يجازيكي عنا كل خير و شكرا🥰

هى شيطانة وليست أم ....شكرا لك استاذة سحر تتحدثين وكأنك تعيشين معنا بالمنزل ... ..وإن كنا عثرنا على قناتك بعد فوات الاوان بعد أن دمروا حياتنا ..لا عمل ولا زواج ولا علاقات اجتماعية سوية ..وهذه الشيطانة تستمتع بكل هذا وتعاير وتشمت صراحة ..ولا أدري كيف يمكننى التعافى من كل الآثار السلبية التى لحقت بى؟ فانا بالفعل فقدت الثقة فى نفسى فهى منذ صغرى تشعرنى بانى قبيحة بالرغم انى جميلة والحمد لله وكما ذكرت حضرتك بالفيديو فأنا اخشى النظر فى المرآة هذا فضلا عن باقى الاثار المدمرة التى أشرتِ اليها ...شكرا لك مرة اخرى

لا مش كلام انا امي نرجسيه وربنا ينتقم منها علي الا عملته فيا

العلاقة معهم تجارية بحته هو ليس الحضن الذي نسعى اليه هناك فرق كبير بين النرجسية الصحية والمرضية الثقة هو ليس غرور النرجسية الصحية النرجسية المرضية هو مرض البنت الضعيفة لن تتبهدل مع الأم النرجسية البنت المقاومة هي التي سوف تتعرض لايذاء مستمر المرأة النرجسية : تأثير الايذاء يكون مضاعف تستخدم وتستغل الدين اهم شيء للأم النرجسية مصلحتها وليس الاطفال اهم شي لها شكلها امام الناس والاولاد ديكور الأمر والضرب والتخويف والحرمان لا تهتم بنفسيتهاهم فقدوا حضن الأم همها ( الام )انه بناتها يعملوا اي شي حتى يحصلوا عليه تقيم (البنت) نفسها من خلال عيون امها مهما عملت لن ترضى عنها امها توضعها امها دايما بمقارنة بينها وبين اي حد تنافس بينها وبين امها الأم تقصد أن توحش بنتها وتتنافس حتى يوم فرحها ... تدمر المناسبات السعيدة .. يشتروا رضا الأم رغم التضحيات ... حب مبالغ للذات.... مطلوب من البنت كتمان الكثير من الأسرار.... للمحافظة على المظاهر تدمر الأم النرجسية العلاقة بين بنتها وبين صاحباتها ... ليس لها علاقات ولا قرايب الأم لسانها ويدها طويل .... البنت تتعرض لاذى من الأم على اتفه الأسباب... الأم تؤذي لفظيا .. مثل السكين... انتي سمرة مقرفة.. الأم تخلق الجروح النفسية وتضغط على الجرح ... الأم تخوف بنتها من غضب الله .. مع انه ليس لاحد عنده الرخصة ... البنت لا تشبع من حب الأم... هي فريسة سهلة لاي حد يمكن ان يحبها...البنت دايما قلقانة وخايفة .. البنت ليها توتر وخوف من الفقدان ... تصبح عرضة للاستغلال ... النقاش مع البنت الأم النرجسية اما بخناقة او بعدم رضا الأم بتغيير من بنتها وخاصة عندما ييجي حد يطلب بنتها.. تمنع البنت من التعبير عن مشاعرها الفرحة او الحزن.... الأم سيطرة وتحكم ... تدخل بتربية بنتها لاولادها... عندها هوس التحكم... الأم النرجسية تصنع اولاد معاقين نفسيا.... الأم لا تعرف تحل المشاكل... لا تغلط ولا تعتذر..... تستخدم حيلة الطرف الثالث .. لاستخدام ضد الطرف الثاني.. بنت الأم النرجسية تحس بقلة القيمة .... ممكن تكون البنت في خيالها شخصية خيالية في نفسها..... الحل.. المعرفة والتوعية... تقبل ان الأم لن تتغير.... التغير يبدأ من البنت .. نفرق بين البر والطاعة... وضع حدود شخصية.... لا تلوموا نفسكم... لان هذا قضاء وقدر.. انت بحاجة لام بديلة.... الاستشارة من متخصصين.. هي دايما اقل من اي حد

العزاء الداخلي لها وانا اعتبرت امي ماتت وذي مجرد ولاده فقط

قناتك مؤلمة جدا جدا يا سحر ... لكن فتحتلي عيوني على حاجات كثير

والمشكل الكبير أنو عمرهم طويل يستمر مع أذاهم يا لطيف منهم

انا النهاردة في عيد الام اكتشفت ان امي عمرها ما حضنتني انسانة بخيلة ماديا وبخيلة في مشاعرها وياما بتقارننا بغيرنا من اطفال العيلة كرهتنا فيهم وفي نفسنا لدرجة اني فكرت انتحر وانا صغيرة عندي ١٦ سنة

بكيت بكاء من القلب 😭 جاوبتي على استفهاماتي عن إحساسي بالخوف من الفقد وأنا بطبق كورس الوعي الطفولي لدكتورة سمية الناصر ولم اكتشف السبب الحقيقي لجذور الشعور الان عرفت جزاك الله خيرا وجعله في ميزان حسناتك يا رب معلومات قيمة

صح هاذي امي الله يرحمك ي أمي ماعمري حسيت انها امي💔😢

أمي نرجسية لأنها دائما تأخذ دور الضحية أمام الناس ونحن لي مقصرين في حقها حتا على أبي ..ودائما بتشتكي مننا لناس بحبو ليها الشر وحنا نحاول نفهمها أنهم بيشتمو فيها بس هي كانت تعتقد أنو دي نقطة ضعفنا لي نخاف منها ..بعدين مع الوقت وكل معاملتها السيئة لينا بحس أنها بتقارن نفسها بينا نحنا بنتها وتحاول تبين أنها أحسن منا في إنجازاتها وتربيتها وأعمالها

لما الشرع يأمر ببر الوالدين لهذا السبب فقد يكون الابوان مريضان لكن لا تواجهما وانما قرر حياتك بذكاء

اااااه،جيتي علي الجرح ومفيش جرح ولا ابتلاء اصعب من كده،انا عمري 45سنه وهيا دمرتني حرفيا وبسبب تسلطها ونقدها ولومها الدائم فقدت ثقتي بنفسي وقعدت جنبها،منعتني من كل شئ بحبه اصحابي وقرايبي بحجة انهم سيئين ومنعتني من الزواج والان تلومني دائما علي فشلي وتنقدني دائما وكسرت كل الحدود الشخصيه حتي اصيبت بالمرض النفسي والجسدي،وهيا تشمت في وتقول لي دائما ربنا هيعمل فيكي ايه اكتر من كده،وطول ما انا مش راضيه عنك ربنا مش هيرضي عنك،وتفرق في المعامله بين الولد والبنت،تفضل ابنها النرجسي مثلها،وتريدني ان اكون مثل الخادمه له،واواجههم كثيرا واصطدم معهم لكنهم مهلكون واستنفذوا طاقتي،اكرهها ولا اشعر ابدا انها ام ولا افهم معني كلمة ام ،هيا عدوتي اللدود وادعو الله كثيرا ان يريحني منها ومن تسلطها واهانتها المستمره ولسانها السليط وتقلباتها المزاجيه العنيفه والحاده.

الله يجعلها لي وكل من عنا مع انو عانيت ومازلت عمري أربعين سنة وعمرها 78 ومازالت تمارس النرجسية عذبت لدرجت انها كتحاول تمارس النرجسية على بناتي دي وصلت الجدة النرجسية دمرت ابي ولازالت تحاول انا بكيت لما سمعت فديو . كل ما قلته عشتوا 🌱شكرا لكي جزاكي الله خيرا احبكي 🌱

الام النرجسية تخاف انها ترفع معنويات بنتها بغير قصد

الأم النرجسية لا يعجبها شيء، وليس هناك أشياء ترضيها أو تغضبها، لأنها ستغضب وتتعجرف وتتأفف مهما فعلنا لها، هي تعيش جحيماً داخلياً وتسقط فاتها وبشاعتها على كل من حولها

شكرا لأنك بتحكي وأنت حاسه فينا شكرا لأنك طلبتي انه نحكي تجربتنا 😢أمي من أسوأ الأمهات وأبوي من أحسن الأبهات حنووون لكن أمي كانت تأثر بمعاملته وأنا ضل هدفي بالحياة أصير أم حتى أعيش الأمومه المفقوده في حياتي والحمد لله الله عوضني بأم روحية عوضتني كتييير لكن في أشياء لاأحد بيقدر يعوضها ١٠٠٪؜كنت أم تعطي وتعطي وتضحي لأولادها كتييير لأن الحرمان بعرف أنه مؤلم ولكن في أشياء ماكنت أشوفها عند الناس حتى أعمل متلها 😢ماكنت أشوف نموذج الأم اللي بتتكلم مع ولادها لأنه بيكون مش قدام الناس فماقدرتش أعمله😢مر العمر ومالقيتش العوض١٠٠٪؜بستنى العوض في الآخره طلبي من الله في الجنه أنه ألاقي أمي اللي بتحبني وتحضني بالجنه😢

يااااه على كمية وجع القلب اللي حسيت بيها وانا حاسة انك بتوصفي حياتي واسترجعت كل لحظة كنت حاسة فيها إن في حاجة مش مظبوطة بس مش فاهماها وكل سؤال سألته لنفسي هو انا فعلا وحشة كده وكل مرة رحت لرجال الدين اسالهم فعلا ربنا هيعاقبني اني ماراضيتش امي عشان هي معرفتش تحبني؟ وهل هو ذنبي إن ربنا خلقني متحبش عشان مش مديني طبع حلو؟ وشكلي اللي فضلت 36 سنة مقتنعة أنه مش حلو واللي هيقولي أنه حلو ده بيصبرني على حالي لاني كل مرة قلتلها ناس شايفني حلوة كانت تديني مثال بواحدة دميمة شايفة نفسها حلوة برضه ولازم نحمد ربنا على اي حال وشعور الخطر اللي حسيته تجاه كل انثى والفشل تجاه أي مجال وكل لحظة كنت بحاول اقنع بابا وأخواتي واهلي اني مغلطتش ومعملتش حاجة وهم بيلوموني وبيعاقبوني رغم اني انا الماذية...لحد ما قلت لنفسي مستحيل يكونوا كلهم غلط وانا صح وكرهت نفسي💔 الاوديو ده فعلا عملتي فلاش باك لكل مواقف حياتي للاسف 😭😭😭😭💔 اخدت خطوة باني سبت البيت وعايشة لوحدي ومتابعة مع استشاري شكرا بجد ربنا بعتك ليا عشان اصدق اني طبيعية

انا لما انخطبت وكتبت كتابي امي دقت على اهل العريس وقالت ليش بتاخذو بنتي فلانه اصلها مش كويسه وهي مش بنت صالحه... وبكيت وانهرت وقلت لها ليش تعملي كذا واخذت من مهري ورفضت اختار اي شي انا عيزه ولما تزوجت شوهت سمعتي عند اخواني وخالتي اني بنت غبيه ومبفهمش وماارد عليها وكم شهر وتطلقت من زوجي لان زوجي نرجسي واهلي نرجسين وكنت ضايعه بين نارين انا الحين عمري ٣١ والحمدلله... اني فهمت اني مش مريضه وبتخيل كل الي يحصلي والحمدلله بفضل ربنا ودكتورة سحر بتعافى واعلاج نفسي وادعي ربنا بيعوضني بالزوج الصالح الي يبعدني عن اهلي ويكون سند لي

💔💔💔كنت مستنية الحلقة دي جدا لانها معاناتي ملخصة فيها شكرا جدا جدا ليكي دكتورة سحر وارجو من ربنا يسعدك ويجازيكي كل خير علي توعيتنا انا ممتنة جدا ليك بجد❤🕊

امى نرجسيه توقع بينى وبين اخواتى وبين زوجى وحماتى وابويا وتعمل نفسها بتحبينى طلبات مستمرة أشوف طلباتها واخدمها بروحى أنا مرضت جدا وصرت فى الفراش لم تسأل عليا وطلعتنى غلطانه انى مرضت جوزى منعنى عنها وقالى وامك بتكرهك ابعدى عنها وانا فعلا ابعد عنها ارتاح جدا لااحب حتى ارد على تليفونها شىء غريب اقنعتنى فعلا انى وحشه اوى لما كبرت عرفت من رأى الناس فيا انى جميله شبه ليلى علوي واحلى سبحان الله

انا أمي قاسية مرات و غلطت كتيير في تربيتنا بس ما وصلت لذي الدرجة عكس أبوي ، انا آسفة للناس اللي أمهم كذا 🥺💔💔

بصراحه طول عمري ماحسيت ان الانسانه دي امي.....من فتحت عيوني ع الدنيا وانا بحس ان امي تحاربني وصدمتي كانت لما سمعت امي بتتكلم من ورايه عند بابا واخواتي ....وكنت في وقتها ١٤ سنه. بعديها اكتشفت انها كانت بتشوه صورتي عند الجميع ومن ورايه.... بعدها دخلت في مشاحنات ومشاكل لاني ماكنتش لاقيه تفسير لسلوكياتها .انا الان انسانه مدمره تماما من كل النواحي ماقدرت انجح لا في زواج ولا عمل ولا صداقات ولا بزنس.. وأمي السبب فضلت ورايه تطاردني وتحسدني الى ان قعدتني في البيت فاشله وضايعه... وانتظر فرج الله سبحانه صدقا اشوف في عيونها فرحة النصر انها دمرتني..

مين قال حتى الحدود نقدر نضعها؟ مش حتستجيب للحدود ومش حترضى نوضع حدود اصلا ولا رح تلتزم بيها الام النرجسية ابتلاء مايرفع الابتلاء غير الله عز وجل ويعوضنا ويجبر خواطرنا