• بنت المنهال - اريد ارو...
(ليلة الحادي عشر)
ريت هالليله سكوت ابلا حچـي
والله كون ايذب عليه بس بچي
كون انه ابكربله...وانسبي اويه العايله
ـــــــــــــــــــــــــــــــــــــــــــ
كون ماارجع البيتـــــــي اولا انام
اشلون اهيد اليوم محروگه الخيام
الليله ويه ام الطفل يبچــي الحمام
لان عبـــــدالله ابحظنهـــــه ماينام
العمره ست اشهور يحتاج الحظن
ما تگلولي اشعرف من الدفـــــــن
اشهل ذنب ياحرمله...وانسبي اويه العايله
ـــــــــــــــــــــــــــــــــــــــــــ
ريت خطوات السبــي أمشيهـــه
وزينب امن السوط كون احميهه
وريت وي خوله دمعتي اجريهه
والرقيه امسح دمــــــه رجليهــه
وداعة الكاروك هاي امنيتي هاي
كون دمعاتي تصير السكنــه ماي
هالعزيزه امدلله...وانسبي اويه العايله
ـــــــــــــــــــــــــــــــــــــــــــ
ريت هالليلـــــــه اطب للحومــه
وكون أگعد يم اخو المضلومـــه
ارد اشوفه اشلون نايم نومــــــه
صدگ عاري وسلبوهه اهدومه
سيدي ارخصني اشوف اعضيدك
راح اگله حسين اخوك ايريـــــدك
يابو فاضل گوم اله...وانسبي اويه العايله
ـــــــــــــــــــــــــــــــــــــــــــ
بلله هالليله الغريبه اشحسبت
لليتامه اشوكلت واشربـــــت
شيبت يحسين زينب شيبـــت
وليلة الوحشه عذاب اتعذبـت
وي عيال حسين ياريت انولـــــــي
وزينب اسمعهه اشحچت ويه علي
بويه ياعقد الوله...وانسبي اويه العايله
ـــــــــــــــــــــــــــــــــــــــــــ
هيچي من اتمرني ليلة وحشتك
تاكل ابروحي جروح امصيبتك
من ذكرت الليله غربة عيلتـــك
مثل دمعاتي أحسهه دمعتــــــك
كل وكت يحسين تلگاني أصيح
ويلي عالمضلوم ويلي عالذبيح
آخ ياجرح المله...وانسبي اويه العايله
سيد علي الموسوي
الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
telegram.me/aa...
تريد كروب للقصائد الحسينيه وألحان منبريه مختلط اضغط هنا 👇👇👇
t.me/joinchat/...
__
للاستفسار على المعرف 👇👇👇👇
@Abas747
8 сен 2021
