بنت الناس هي لي كتعرف تطبق فعايل بنات مع راسها بعدا عادا تشوف الناس 😎🤗 

اهلا فنون تباركلاه عليك مكرهتش حلقة فيها كيفاش مرأة تكون راقية في كلامها مع وليداتها وزوجها تكون هد هضرة تعتمدها ديما عطينا متال على مرأة لهضرتها راقية ومراة لكتغوت تبقا تخاصم وتغوت.....لاحظت اني وليت كنغوت بزاف مع ولادي وليت معتمدة هد هضرة مع كلشي نسيت نتصرف برقي ..... بنات ديرو لايك باش تشوفو ماجدة بلييز خواتاتي كلنا محتاجين هد حلقة

نصيحة لوجه الله لا تستنزفو طاقتكم مع من لا يستحق لان عندما تسقطين ستصدمي

حلقة جد.جد جد جد مهمة مكرهتش يسمعولها كل المغربيات ،الصراحة وبدون مبالغة كل بيت مغربي فيه هاد بنت الناس الي تكلمتي عليها، احبكي فالله 😘😘😘😘

جيم البنات كتنساو بزاااف راقبو المشاهدة مع جيييم حشومة عليكم تستاهل جييماااات

الحمد الله فقت وليت نقيم نفسي الرياضة وحفظ القران وعاءلتي الصغيرة من أولوياتي الباقي على قدر المستطاع ومين يقولهالي الطنطون نتاع راسي وفي سبيل الله اما البشر كرهتهم كاملين

السلام اختي ماجدة والله حتى هدالاخت بحالي حكاك انا عجبتني في اسم بوشعيب انا كدلك كنت بوشعيب كنت كيف شي خدامة بلا أجرى ماكنتهلا والوا في راسي خصني نخدم الناس بدون حدود حتى مرضت بخمسة امراض مزمنة وفي الاخير تخلى عليا وانا عايشة معه 40 سنة تاع تمارة بلا مقابل ولا احد يحن فيا الا الله سبحانه وتعالى شكرآ لك جزيلا للهلا يخطيك الحبيبة

الله ياختي ماجدة بحال كتهضري عليا نفس القصة كنعيش فيها عييت بزاف وكرهت الحياة خصرت صحتي على الناس مكيصتهلوش ومزال فنفس الحال ملقيتش كيف نقذ راسي😭😭

كنزيد نتأكد ان الراجل واخ اشنو ديري معاه هداكشي في دمهم واخ ترضيه من جميع النواحي فالله تزيدي في الطاعات وارضاء الله عز وجل اما ارضاء الناس غاية مستحيل ان تدرك

اللهم صل وسلم على نبينا محمد وعلى اله وصحبه اجمعين

شكرا لك استفدنا منك بزااف. انا عندي مشكل الرهاب الاجتماعي. اخاف من مواجهة الجمهور. عفاك ديري لنا فيديو. كيف اقدم درس و اشرحع لزملائي

لاحول ولا قوة الا بالله هاد السيدة قطعاتلي فقلبي خصوصا انها ضيعات حياتها وضحات فالاخر هذا هو جزاءها بقات فيا ملي كالتلك كيفاش ننسى يااااربي ياربي تفرج عليها ياااربي

والله ياختي ماجدة بكثرة ماحنا بنات الناس عاد كناكلو الشحط او حتى واحد مكيعقل عليك اوبحكم الضروف والوليدات مفروض عليك تساير الحياة حتى ولنا جسد بدون روح😢👍

أحبك في الله اختي ماجدة وتباركلاه عليك دائما راقية وغزالة ماشاء الله عليك صراحة بغيناك ديري لينا شي حلقة على كيفاش كونو راقيات فالتعامل بحكم تربية الابناء ولينا عصبيات

كنت بنت الناس بمفهومها الخاطئ لمدة سنوات طويلة مؤخرا عييت ومليت ملي قلت مبقيتش قادة للاستغلال لقيت الاغلبية نساحبو من حياتي وكاين الي تقلق مني لانني مبقيتش نعطي فلوسي وصحتي ووقتي واحاسيسي للغيرضرني خاطري بزاف وخديت مدة باش نقتنع ونفهم نفسي ونعطيها حقها ونفرح نفسي هي الاولى وابنائي وزجي واهلي كل واحد نعطيه حقو بما امر الله لكن ليس على حساب نفسي كنت نخدم ليل نهار باش اي واحد حل فمو على شحاجة يلقاها وانا نبغي نشري جلابة نقول من بعد والحمد لله على كل حال الضربة الي مقتلات تقوي رجعت نشري لراسي وندللها ونقصت من العمل وحتى فالمنزل ملي نكون متعبة ننعس ونرتاح لان الاشغال لا تنتهي وضعت برنامج لحياتي للعبادة ولنفسي والرياضة والراحة والعمل ولقيت اسرتي ولفات الوضع بعد مدة وكل واحد يرجع يتكلف بمهمتو من قبل كنت انا الجيلاي وعلال وكاع اسماء الرجال وانا فرحانة ونقول فنفسي نهز الحمل على راجلي ونعاونو وللاسف ملي قالي شكون قالك هزي تمارة قلبت الثوب ولبست ميمي وهدى ونرجس وكل اسماء الانوثة ولقيت نفسي وصحتي وان شاء الله تعالى ساعمل على نفسي مستقبلا لاعوضها سنوات الضياع قصص حياتنا عبرة لكل مقبلة على الزواج لا تكرري اخطاءنا التي ورثنها عن العادات والتقاليد المجحفة للمراة. واستسمح للاطالة تحياتي وتقديري اختي ماجدة

حبيبتي زيدي تعمقي لينا فهد الموضوع

اللهم صل وسلم وبارك على سيدنا وحبيبنا وشفيعنا ومولانا احمد النور المؤيد المنصور وعلى اله وصحبه وسلم وبارك تبارك الله عليك بالتوفيق دائما في القمة مع نسمة

نهار تمرض معقلوش عليها حتى باتصال

كلك على بعضك حلو شكلك حلو عقلك حلو وجهك حلو شرحك حلو ضحكك حلو الله يحلي ايامك.

كل كلمة قلتيها صح 100/100 والله حملنا أنفسنا مالا طاقة لنا به والحشمة هي إلي خلاتنا روطار ضحكتيني محبيناش نكونو بوشعيب حابين نكونو فلة🇩🇿

حلقة متميزة حينت لمستي موضوع حساس والاغلبية ديال لعيالات كيعيشو هاد الدور لي غالطين فيه تحية إجلال وتقدير

تبارك الله عليك اختي ماجدة صراحة انا شخصيتي قوية و لكن مشكلتي مكنتهلاش فراسي نقدر ندير واحد يومين و سيمانة ننسى راسي و انا فداري لوحدي مع وليداتي و راجلي و بغيت نكون ديما فلة

جزاك الله كل خير واكثر من امثالك كلنا لبسنا جلباب بوشعيب وكلنا وقعنا في الشيء التي وقعت فيه السيدة بل كنا تحملنا السؤولية اكثر من الزوج وكانت النتيجة الخيانة وعدم الاحترام وعدم الوقوف بجانبنا حتى في المرض

كلامك صحيح ديما هديك لمرا لكضحي مع راجل ودارهم كتجيها تسرفيقا من راجل

احبك كثيرا اصبحت مدمنة على سماع صوتك كل يوم وتقليدك فيدون شعور في بعظ الكلمات التي تتلفظي بها اه يا ناري حياتي في تقدم بسبب نصاءحك الفعالة مشكل وحيد انني انسى ماتقولينه

اللهم إنا نسألك يسرا ليس بعده عسر وغنى ليس بعده فقر وامنا ليس بعده خوف وسعادة ليس بعدها حزن

عندك الحق دازت عليا مع رجلي وعاءلة تيتهمني بان انا لخيبة وكيعرني ومكيحترمنيش تمرضت نفسيا لحقش مي شخصية ديالها ضعيفة كتقول صبري ربي يخلصهوم بقيت كنتقوى حتى رجعت كنرد عليه هضرة بهضرة ولكن غنتقى فيه الله لاحقش شت بدا كيعيق بيهوم وربي كيخد حقي

اللهم صل وسلم وبارك على سيدنا محمد وعلى آله وصحبه أجمعين

انتبته لواحد لحاجة من هذ الفيديو انا راجلي شحال من مرة كان يقول ليا عبدالقادر كيدخلها غي وسط ضحك شكرا على مجهوداتك

انا جديدة معاك فالقناة وطلعاتلي القناة صدفة فاش تفرجت فالفيديو ديالك قلتي ان الامهات كيعلمو بناتهوم بزاف د الحاجات ان للاسف ماعلماتني الام ديالي والو ولكن عندي قابلية للتعلم والحمد لله طحت فالقناة ديالك كل مرة كنستافد حاحة جديدة مكنتش ݣاع عارفها شكرا ليك بزاف ❤️

بصح عندك الحق ولكن فات الفوت عاد دربتني العقلة حتى وليت منا المتبعات ديالك عاد فقت ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

جاب ليها العباية مشي حيث هيا بوشعيب حيث كيشوفها زورو . انا كنقول لهذه البنت متسوقش لخيانة تاعو بل تركز على نفسها وتهلا فراسها مشي باش تعجبو لا باش تعجب راسها وملي غتهتم براسها مغتلقاش الوقت لي تفكر فيه هوا والخيانة تاعو وتهلا في وليداتها اما ولديه تخليه هوا لي يتهلا فيهم هي مكيتسلوها والو. تمشي عند وليديها تهلا فيهم وضحك معاهم ودخل ايديها عامرين وتشوف ضحكتهم وفرحتهم غتجي في قمة السعادة .

هاهو واحد جيم قلب ما نتفرج 🥰❤️🌷

فعلا اختي ماجدة كلامك على حق كلما عطيتي كثر من جهدك وفوق طاقتك نهار كتوقفي على ابسط حاجة اوتمرضي ومتلقايش نفس الاهتمام تما فين كتكون التهريسة ديال المعقول وتبقى فيك الشمتة

الله يعطيك الخير حبيبتي ،والله الا وليتي المثل الاعلى ديالنا ،حتى من ولادي الا شافوني عييت و ميكت على راسي تايقولو ليا ماما اشنو گالت ليك ماجدة ،سيري رتاحي و طهلاي فراسك ،الله احفضك حبيبتي اللهم أدمها نعمة واحفضها من الزوال

شوفي ابنتي هاشي كاين حتى انا بنتي كتشفت الغدر في تلفون زوجها والتساب ناض صداع كبير أو بنياتي كانت حامل ولاكن سامحتك لان ابناءها😰🥺😰🥺

البنات تهلاو فروسكم والبراني خليوه براني عمرو ما يبقا قريب. وهزوا بروسكم وماتعاودوش الخطا دالوالدين

جيم قبل منتفرج ❤️ شكرا ختنا ماجدة. هادو نصايح لي الأمهات ديالنا عمرهم قالوهوم لينا. الله يحفظك ولهلا يخطيك 💙

ما انت بشعيب ما انت فلة والاقزام السبعة يشتفوا عليك، ناري الموت دالضحك اختي ماجدة، ربي يحفظك ويجازيك بخير

انا بشعيب الله عفو عليا غنبدة صفحة جديدة ان شاء الله الله رحم ابي وامك وجميع المسلمين الله جزيك بيخير حبيبتي

من كفة انثى إلى كفة بو شعيب هههههههه 🤣 ضحكتيني استادتنا المحترمة

سبحان الله حتى كنت هكا ولاكن الحمد لله وعيت شوية

السلام اختي ماجدة والله اختي كلامك حق هاذ الشي لكاين سوفريت بزاف الحمد لله ما لقيناش بحال ماجدة في هاذاك الوقت تفيقنا شكرا لك👍🤲🙏⚘

شكرا اختي ماجدة 2x1 الضحك والاستفادة👍🤣

مالقيت مانكتب مين غير فين كنتي هادي شحال الله يحفظك

أودي السكات احسن ملقيت منقوليكوم والله بعد المرات كتسمعي مشاكل الأخوات كنقول معندي والو عمري وقتك كما قالت اختي ماجدة وبعدي على تمارة انا كنخرج نتمشى كنسد بابي ونزيد تانرتاح ونجمع على قد جهدي كولشي دايز صحتي هي لولى

صحيح اختي ماجدة الجواب اصعيب سقسي المجرب ما اتسقسي اطبيب الغدر اصعيب حتى ولو كانت المراة عاملة.....الله المستعان لا حول ولا قوة الا بالله

يااااا صباح الجرعات المتفائلة افضل مشاهدة فيديوهاتك بعد اذكار الصباح والفطور لأنهم كيعطيوني دفعة ايجابية ليومي كامل احبكي عزيزتي 🩶

نصاااءح من الماس وجب العمل بها قبل فوات الأوان

فعلا الكلام ماكايفهمو حتا كادوز علينا

والله اختي ماجدة ماشي لايك واحد اللي خاصك مليون الف لايك وتاج غالي وتمين على راسك تبارك الله عليك كلامك موزون ومنطقي الله يحفضك.

لايك اختي ماجدة تجربة صعيبة وللعبرة ليس للفرجة عندك الحق مللي متننهلاش في راسي تنحس بالحكرة ولكن غير مللي متلقى فلوس اختي مكرهناش

السلام حبيبتي ماجدة ألف الف لايك على الحلقة صحكتيني والله كلنا لابسين جلابة د بو شعيب . فعلا خليتينا نسوفو القدام الله ينورك يا الحبيبة ويرحم والدتك وجميع المسلمين يا رب العالمين والصلاة والسلام على رسول الله . اختك ام البراء التي تحبك في الله

كما يقول،المثل ،هم يضحك،و هم ابكي،،،ابكيت على هذا السيدة ،وضحكت على بوشعيب وسندريلا،،،شكرا عرفت توصلي الفكرة،،😂👍👍

ماشاء الله شحال تيعجبوني الالوان الي تتلبسي حفظك الله ورعاكي غاليتي العزيزة

اختي ماجدة انا من المتتبعات ديالك والله العظيم كلامك على حق الى ماعطيتيش قيمة لراسك ماكاينش للي يعطيها ليك.

الله يرحم الكرش ليجابتك رب خليك لينا الله يحفظك و يغنيك 🤲🤲🤲🤲🤲🤲🤲اختي ماجدة أختك من الجزائر مقيمة في هامبورغ❤❤❤❤

لافض فوك يا اختي ماجدة نصايحك قيمة فعلا بنت الناس لا يعني اهمال الذات و عدم تقديرها

كلامك مفيد وقيم.جزاك الله خيرا على هاد النصائح الثمينة.الناس كيف ما درتي معاهم غيهضرو فيك.اللهم الواحد يدير القيمة لراسو ويدير لي مسلكو.واصلي عزيزتي ..ننتظر منك المزيد من المواضيع الهادفة .لك مني حضن كبير أختي 😗😗😗

الله الله عليك اختي ماجدة حطيتي يدك على الجرح اللي كنعاني منو انا شخصيًا بنت الناس مع الناس ولكن مكنحنش فراسي عاد بديت كنحاول نتعلم ونخدم على راسي بشوية لان كيف قلتي ديما سامحة فراسي ومسبقة الاخر على راسي سواءً فالوقت او المادة… العفو ياربي والله يعطينا العقل والصحة باش نقدره الذات ونقويو شخصيتنا واخا هادشي كله ساهل بالفم لان سبحان الله التربية ديالنا كتطغى وتغلب علينا😢

حلقة مميزة بالنسبة لي. نعم هذه القصة وقعات لبزاف ديال لبنات الناس فالاخير الراجل ممسوقش للجميل. المعززة العادية.

نصيحتي لكن اخواتي لاتتجسسن على ازواجكن لانه شر لكن وربي سبحانه نهانا عن التجسس انتن قومو بواجباتكن نحو ازواجكن والزوج ايدير واش ايحب بينو وبين الله مادامومامبين والو ومايخصك والو اتركيه مع ذنوبه وربي يعينا على طاعة وشكر وحسن عبادة الله. امين.

Tbarklah

عندنا مثال نقوله اجري التاعس. بذمة الناعس. كولها. يا الراقد بالنوم شكرا على الموضوع الراءع

والله حتى تفرجت واستمتعت وضحكت حتى شبعت ضحك.على بوشعيب

الله. عليك يانسمة. علا. فلة. وبشعيب. معسنا. نقول. حسبنا. الله. هو. وكيلنا. ام. نعيم.

احلى بنت الناس اختي ماجدة الله يرحم ميمتك

شكرا ماجدتي لك الفضل حبيتي في تغيير بعض التصرفات وكدلك في تصحيح بعض المفاهيم احبك في الله أسألك الدعاء لي ولي ابناءي بالهداية ولابوهم النرجيسي

الله يعطيك الصحة اماجدة على ذكر الضراس والسنان عافاكم البنات لي فكازا شكون كتعرف شي طبيب أسنان يكون مزيان وخدمتو نقية راني عندي مشكل فالسنة القدامية درتها فيكس وطاحت ليا وبغيت شي طبيب مزيان كيصاوب الفيكس زوين

تقدير الذات عندها معني كبير بزاف ومهم انا كنت ديما نحب نتبع القنوات لي تحث علي تقدير الذات لكن انت لانسانة الواحيدة لي حسيت اني تعلمت وتتطورت شكرا لكي يافضل صديقة

وهاهي سادس لايك قبل ما نكمل الفيديو

ماذا اقول الله يعطيك يعطيك الصحة. لي جديدة تعلم و نحن لفات فينا الفوت سوف نصلح ما ضيعناه

غازالتي ماجدة الزين المسرار و الأناقة انتي الشميشة اللي منورة اليوتوب الله ينور حياتك و يصلح ليك وليداتك يارب العالمين و الله يرحم ميمتك و جميع أموات المسلمين دمتي متألقة حبيبتي و موضوع الحلقة مهم بزااااااف بالنسبة ليا شكرا لك 😘

سلام اختي ماجدة، وراني يلاه تنقول كيفاش غن خرجوا من بوشعيب 😊. مشاء الله عليك الجواب في الحين الله يحفظك

ها الفيديو خاصو يدارلو انروجيستري اختي ماجدة شكرا بزاف بزاف كما كتكبري بنا وتطلعي لينا المورال ربي يحفظك ويعطيك الجنة ونعيمها يارب

السلام عليكم ورحمة الله تعالى وبركاته

بنت الناس تشبه العصفور الحبيس.

تبارك الله عليك اختي ويرحم ميمتك ,ياريت تعرفت عليك هذي 20 سنة كنت هبيلة وندمت

لاسف هدا واقع نعيشه كيحسابلينا هادشي زييين لكن الخطأ كبير حيت غادي يكون على حساب صحتنا حيت م انا مجرباه ولكن دابة فقت الحمدلله كنتغير شوية شوية وتلسبب انت الله يجزيك خير

أحبك في الله اختي الكريمة ودمتي نجمة ساطعة😘❤❤❤

كنتفرج فيك كتقتليني بضحك حلقة مفيدة 🤣🤣🤣

كتحمقني عزيزتي بروحك المرحة والإفادة ما شاء الله عليك الله ارحم امهاتنا يا رب

ههههه....عنوان الحلقة فكرني بأغنية عبد الهادي بلخياط يا بنت الناس أنا فقير دراهم يومي معدودة....كنت أعشق هذه الأغنية.... بنت الناس لايعني أن تكوني ضعيفة ذليلة نفسها بل تكون بنت ناس ألف واحد يديرلها حساب....بنت ناس تجمع بين الاخلاق والتدين والثقافة....بنت ناس لايعني أن تكوني ضعيفة ذليلة طيبة حتى الغباء...بنت ناس تكون تعرف متى تكون طيبة حنونة ومتى تكون شرسة قوية...لأن مع الأسف لا يعرف الناس قيمتك إلا ظهر لهم الوجه الٱخر....كوني بنت الناس بمبادئك ودفاعك عن الحق كوني بنت زمانك أين وضعوك وجدوك....تحياتي

على القرص ولايك قبل المشاهدة دائما

الله احفضك ساعدينا نخرج من شخصية بوشعيب

الله يعطيك الخير موضوع في الصميم بحال الا تتكلمي عليا ولكن الحمد لله بديت كنفيق من نهار بديت كنتصنت ليك الله يحفظك ويوفقك ويرحم امك وامي وجميع موتى المسلمين

شكرااااا على النصائح والله احببتك ملي شفتك وسمعتك مشاء الله ثقة بالنفس ولا أروع تحياتي من الجزائر

ههههههه تبارك الله عليك ختي ماجدة تنا متتابعة ديال دكتور لفايد الحمد لله دائما إلا لاءمام💪💪💪❤❤❤

اختي الحبيبة ماجدة تعجبينني كثيرا في طريقة طرح المواضيع الحساسة و طريقة معالجتها بطريقة طريفة وممتعة بحلاوة ياماجدة☺☺😍

حبيبتي ماجدة الله يحفضك موضوع مهم عندك الصح خصنا نتهلاو فراسنا باش مندموش نعطيو قيمة راسنا منتسناوش يعطهنا شي حد

كل الاحترام والتقدير هذا أقل ما يقال ، اذكرك انك لارلت لم تفي بوعدك لي بإثارة موضوعي

وهيانارييييييي مت بضحك حلقة ممتعة ومفيدة كالعاده حببتي معا نحو القمة معك حببتي انا شخصيا ستفد منك بزااااااف دلحجات شكرا جزيلا لك حبيبي

تبارك الله عليك 👍 الاناقة من الخارج ومن الداخل كذلك كونك تتابعين الدكتور الفايد ،فتحية إكبار وإجلال لكل من ينهض بالمرأة الى القمة ،فالمراة هي ركيزة المجتمع،رحم الله أمي وامك وجميع امهات المؤمنين 🤲💐

كنت كما هاك حتا جاتني ضربة وسلتني لمحكمة قالك معندك مدرتيلي وانا لبرويطا نرفد فيها وهي عامرة وانا بالكرش باش كان يبني في دار ايوا ربي كبير وجابلي ديك ضربة عقلت عليها دقيقة بدقيقة ووليت لداري بفضل ربي ونيتي وكل واحد ياخد جزاؤوا ولواحد يتعلم مليحمليح 😌

موووووووووووووح عليك الزين دالعالم 🎉🎉🎉🎉🎉🎉❤❤❤❤❤

السلام عليكم فعلا الحلقة زوينة وأنت الأجمل كل يوم كنسمع لك كنخرج بدرس تعلمتو. ومزال نتعلموا منك وشكرا على المجهود والوقت والابتسامة لي كتستقبلينا بها.

حلقة في المستوى وهادفة تبارك الله عليك اختي

كل حلقاتك مممممم حلوين وممتعين ومعلمين

شكرا ابنتي على مجهوداتك ونصاءحك القيمة والمفيدة الله ارضي عليك وحفضك وحفض وليداتك ورحم ميمتك اللهم امين يارب

قصة مؤلمة الله المستعان الله يهدي ماخلق ، ولكن استفذنا معاك اماجدة وياسلام على اناقتك وتاويلك والاهم الطاقة الايجابية لي تعطينا عرفتي اليد ديالي تؤلمني ولكن كتبت ليك تعليق لانك تستحقين

أحسن يوتبورز الله احفظك .... الاقزام السبعة كينقزو ههههههههههه