بعض الجن يتعلقون بالبيت وما يبغون احد يسكنه، فلو سكنه واحد يأذونه لين ما يخرج، وبعض الجن اللي يتلبسون شخص وما يسيبونه يكون ممكن بسبب السحر، او ان الشخص نفسه أذاهم.
نعم يا عبد الله الجن يلحق الشخص من بلد إلى بلد انا قبل 6 سنوات كنت عايش في المملكة العربية السعودية ودخلت بيت مهجور وحصلت ساحرة ولاشعوريا ضربتها بحجر على رأسها ومن ذاك اليوم وهي مسلطة علي جن يلاحقوني لين ماجيت السودان وإلى يومنا هذا هي تلحقني على شكل طيف وتعرضت للمس أكثر من مرة ماخليت شيخ مارحت وسبحان في شيخ رحت لعنده وقلي عندك سحر وعرف مكانه وطلع السحر وحرقه لكن القصة مانتهت هنا لأن الجن إلى يومنا هذا وهو حولي في كل مكان وبس
بقلكم قصتي انا انسان متعود اشوف قصص الرعب والجن كثير خاصتاً بالليل وفي ليله من الليالي كنت قاعد بالصاله واخواني وخواتي كانو يتناقشون بالسياسة او اشياء تاريخيه ودينيه ف كنت استمع لهم لين مانعست وبدت عيوني تسود الا واشوف ظل سريع ضخم مر بسرعه واختفى وسميت بالله وقريت اذكاري ورحت نمت ، للأمانه ماستغربت كثير لني اتابع قصص جن🗿.
14:00 على حسب معلوماتي اظن انه هذا يعني زي المكان الخاص للجني هذا لانه المس يكون معاك وين مارحت زي قصة الباكستاني هذاك الي في البر الي انت حكيتها لنا فهذا مكان خاص للجني هذا فممكن انها سوت شيء للجني هذا ازعجتوا ب انها تشغل قرآن او رمت شيء بدون ماتسمي او حاجات زي كذا إن شاء الله كل شيء واضح👍
حسب خبرتي يعني بذي الأمور بسبب سالفة مع امي و الشيوخ الي سالتهم عادي انه يتلبس فيك مايفكك اذا انك اذيته او احد سوا لك سحر هنا وقتها مايفكك اما اذا دخلت مكان كان السكن حقهم من اول او مثلا الغرفه الي كان فيها او البيت عموما كان فيه اشخاص مو ملتزمين البيت فيه صور كثير او كانو اصحابه يسوو ممارسات سحر هنا الجن يسكنو هذا المكان ومايحبو اي شخص يجيه وغالبا اذا جيت ياذوك او يتلبسو شخص من العيله ياذوهم لين يطلعو من البيت واول ماتطلع كل المعاناه تروح لكن تقدر تحارب ذا الشي اذكارك و تشغل قرآن اليوم كامل لايام لين الوضع يهدا وممكن مايهدا ويزيد الاذى اذا فيه شخص في البيت مو ملتزم
الله يمسيك بالخير، اي نعم يا عبدالله هذا وانا اخوك يسمى ( جن المكان ) أي أنه مرتبط في البيت أو هذه الغرفة تحديدًا ويكون ساكنها، ودائماً يفعل هكذا فيمن يعتدي على مكانه إلى أن يجعله يرحل منه، فهو ليس متلبس بها لأجل أن يتلبس بها برغبة ولكنه يفعل هذا لإجل (تطفيشها) من المكان، والعالم الله سبحانه أن هذه الغرفة سكن لهذا الجني وأهله وحين أحس بتواجد هذه البنت بدأ يتلبسها في أفعالها ويؤذيها بهذه الأمراض كي ترحل أو يرحلون من البيت، وبهذا هو لا يرحل معها وليس له همّاً بها فقط هو همّه المكان ويرتبط به لأنه يراه يخصه هو. وسلامة قلبك
حصل معي نفس موقفها قبل 4 سنين ، انتقلنا لبيت ايجار في احد قرى الأحساء ، البيت كان دورين ، العيلة أخذت الدور الأرضي المكون من صالة وحولها غرف ، وأخوي أخذ الدور العلوي ، أول ليلة استوحش أخوي الدور و نزل عندنا تحت ، جا الصبح و الكل راح على شغلة ما بقى إلا أنا واختي الي كانت نايمة في أمان الله ، كنت جالسة في الصالة افطر ، إلا فجأة ينرفس باب الغرفة الي نايمة فيها أختي ، ناظرت في الباب وأقول في نفسي (وش بلاها هالخبلة معصبة من صباح الله؟) مالي دقايق إلا طالعة الأخت وتقول (وراك رافسه الباب؟) ، تبادلنا التهايم و كل وحدة تحسب الثانية هي المتسببة ، ثاني يوم....صليت الفجر و غفيت بعدها ، وأنا اتقلب طلع لي ظل نفس الي وصفته الأخت في القصة ، ما قدرت أحرك راسي ولساني انربط حتى أذكاري ما اقدر انطقها ، ظل يدفني من السرير لين لامست رجلي الأرض و رجعت قوتي وهجيت من المكان ، توالت الأحداث بعدها ، أصوات خطوات من الدور العلوي ، صحون تتكسر ، الظل الي يطلع لي صار يطلع لأخواتي ، وزغ أسود (بريعصي) لما نسمي و نضربه يختفي ماله أثر ، أحداث تشيب الراس ، لين جا يوم حصنا فيه البيت ، وطاح سقف الحمام (الله يكرمكم) طلع البيت فيه سحر ، ولما طلعنا زانت أمورنا و الظل مالحقنا.... ربما بيت الأخت نادية في سحر 😶🌫
حدث معي تقريبا نفس الوضع . كنت كل يوم الساعة التاسعة صباحا بعد أن اوصل بناتي للمدرسة وأعود أحاول ان انام اشعر ان بجانبي أحد على السرير وأشعر بأنفاسه . ولا استطيع معاودة النوم إلا بعد تشغيل سورة البقرة بشكل مستمر . ولم تنتهي هذه المشكلة معي إلا عندما غادرت المدينة كلها . وكما قلت اخ عبد الله انتهت المشكلة ببساطة مع انتقالي
الجن عمّار الأرض والبيت ساكنين فيه من زمان والعلم عند الله وتسلط على البنت عشان يطفشهم والدليل بمجرد ما خرجت من البيت لبيت جديد تشافت من أغلب الأمراض ..نصيحتي لكِ الأخت نادية لااااا تتركي أذكار الصباح والمساء وعليك بتاج الذكر بعد الفجر ألف مره قوليه وبعد المغرب ألف .. أستودعكِ الله
يا عبدالله بعض الجن يبون يكرهون الناس فالبيت وما يخلونهم يطولون فالبيت توهم اسبوع اسبوعين الا قد طلعوا يمكن يسوون هذي الاشياء عشان يطردونهم وطريقة طردهم ايذاء احد اشخاص العايله عشان ينتقلون
ارحب يابوعابد..عساك على القوه مبدع دائما.. على طاري سالفتك.. نسال الله العافيه والمعافات الدائمه ،البيوت المسكونه شغلتها شغلها.. وحلها باذن الله قراءه دائمه او خروج من هذا البيت،،، يعطيك العافيه والرب يرعاك. اخوك عايض الشهراني.
بقول لكم سالفتي انا انتقلت من 4 شهور الى شقه وكنت استشك ان فيها شي مو طبيعي بعد فتره من انتقالي صرت الاحظ بعض الامور تصير في غرفه وحده الي هي غرفه النوم الاغراض تضيع او اني اطلع وارجع ادخل القى الغرفه متغيره تغيير جذري او اني اشم ريحه بخور على غير العاده رغم اني م شغلت بخور او اي شي وغيرها من الامور الغريبه الي مالها تفسير الي يعرف في هالامور لا يقصر
السلام عليكم ورحمة الله وبركاته الجن ساكن في البيت من زمان وجو العائله سكنو في البيت والبيت مايصلح للسكن لا ادا جابو شيخ يقراء ويحصن البيت في بعض الجن مايخرج من البيت حتى ولو جبت شيخ وشكرا
كنت اتابعك من ثلاث سنين وللان م تغيرت ماشاءالله عليك وكنت احب صوتك واحب اتفرج فيديوهاتك للبعثه وسوالفك مررره كانت جوي وحتى ردت فعلك على اخبار السوشال الميديا قبل كنت تضحكني الله يسعدك والان اتفرج هالفيديو واتذكر ذكريات فيديوهاتك القديمه وشطحات الناس الي عفى عنها الزمان والله منجد الله يسعدك😭🩵🩵
والدي كان عنده كتب عن الجن و كان حاطها ف صندوق و مسكر الصندوق بقفل و كان بالصندوق كتب و خنجر و احجار كريمه يوم من الايام رحت و شفت الصندوق مفتوح جاني فضول اشوف بداخل الصندوق و من الخوف اخذت احد الكتب الي بالصندوق بدأت اقرا الكتاب و بالكتاب طلاسم و معلومات عن السحر الاسود و اسماء الشياطين و بأيش مكلفين. مرت الايام و انا كنت بالصف السادس او السابع اعدادي بدأت اتعلق بهالكتاب لدرجه احطه تحت راسي لما انام و اخذه معي المدرسه و ارسم الطلاسم فالطاوله حقتي. بعدها بفتره فترة ما قبل الاختبارات بأسبوع كنت جاي انام و كان معي قط الغرفه حقنا. و كان جنبي و المكان الي انام فيه مقابل النافذه على طول و الغرفه ظلام فيه ضوء بسيييط مره فجأه و هذا الشي ابدا ما راح انساه الا و ضوء و كأنه ضوء سياره يدش نافذة غرفتي على بالي انه والدي الا و فجأه اشوف ظل عجوز ماسك عصا القط الي جنبي قشعر و شعره كذا انتفش ما استوعبت هذا ايش و اختفى الضوء و الرجل العجوز ماعرف ايش جاني بس تملكتني الشجاعه اروح اشوف برا و ابوي من النوع الي ما يحب الانوار تكون شغاله بليل طلعت فالظلمه اشوف ايش فيه عند الدريشه رحت م لقيت حد ولا شفت سياره الا و انا التفت اشوف والدي وراي يقولي ليش م نايم؟ خفت اقول له ايش شفت المهم رحت و نمت قمت اليوم الثاني الا و انا مررريض و تعبان و ما قادر اقوم من فراشي من قوة المرض كنت احس رجلي اليسار او اليمين و كأني مسوي حادث بيها ماقدر امشي بيها. من تعافيت رحت على طول رجعت الكتاب مكانه فالصندوق.
قصه تخوف عبدالله ومرعبه 💔💔قراءت الاذكار وقراءه سورة البقرة تطرد جن وشياطين ❤️❤️الله يوفقك يارب العالمين ويرزقك من واسع فضله يارب العالمين متابعنك من 🇴🇲🙏
انت ذكرت في القصه ان كان في غرفه ما سوو فيها اي شي ولا قربوا منها وان البسه و الولد كانو يناضرون في الباب بشخ غريب وكأنهم مرعوبين وان البنت صارلها موقف مشابه وهذا سبب مقنع ان الدور الثاني من البيت هو المسكون ف الجني الموجود في البيت ماله دخل يلحقك هو بس ساكن في المنزل بمعنى ان البيت مسكون و قود بي
في بيت مهجور له اكثر من 30 سنه وفي شايب مصري سكن فيه مب سكن كامل ب الدور الارضي غرفه ومجلس انا وعيال خالي وخالتي قلت نبي نجي المصري ونتكلم معه وجينا المصري وتكلمت معه قلت نبي نستكشف المكان قال خلص اطلعو بس اتحداكم تحدي انك تدخلون الغرفه ذيك لانها كلها جن قلنا انت ادخلها بعدين حنا وهو عي وقلنا يا خواف وكذا لين ما قرر يدخلها ودخلها ويوم طالع من الدرج نازل قاعد يصارخ اصوات غريبه وحنا نضحك ونزل وقاعد يفتح فمه ويصارخ كانه ديناصور وحنا نضحك قلت انت جن ولا انس وساكت قلت انت جن قال ايه 😂ومادري عاد هو يطقطق ولا شسالفته
14:00 بالنسبه للنقطه ذي اسمع قصص كثير تسير لواحد مشكله من نفس الموضوع و يطلع من المدينه و تروح الاشياء الي يشوفها و اتذكر انك قلت قصتين او اكثر من نفس الحاله ذي انه لما يغير المدينه ما يشوف الشي المعتاد و احيان يظهر الشي هذا في خط سفر و بالنسبه للأحداث ذي انا اتوقع ان الجن لهم مكان ما يقدرون يطلعون منه
بخصوص موضوع الجن في منهم مسلم وفيه منهم كافر وفيه الكبير وفيه الصغير ،لاكن رد على سؤالك والعلم عند الله انه الي حصل من جن كافر معمر فالبيت بحكم بيوت الرياض اغلبتها ما تسكن إلى بعد فترة من بنايتها او تهجر مدة طويلة فالجن يكون ساكن في الارض وينتقل للبيت الي انبنى على الارض في أسباب كثيرة منها الحركة في وقت متأخر من الليل او قلة ذكر المحصنات والأدعية والعلم عند الله
برد ع سوالك انا يوم كنت صغير كنا ساكنين ب تبوك ف كان معنا عايله مسلمه من الجن ماما تزوجت ب سن صغير ف م كانت تنضف كويس بس الجنيه كانت تنضف البيت و تبخره و تشغل سوره البقره طبعاً ذا كله و انا صغير ماما قالتها لي بس يوم نقلنا للجنوب بحكم شغل بابا ب الحد سكنا ببيت في فتره كارونا اول م دخلت البيت والله ان جتني ضيقه كبيره و غريبه ف يوم دخلت ع غرفه الرئيسيه حسيت ان كان ع كرسي ماما عايله نايمه بس تجاهلت الوضع بس مع الايام صارت في اشياء تضيع و مره كنت حاسه بضيقه ف شغلت الرقيه الشرعيه ب جوالي و حطيتها ب الصاله و انا رحت ف غرفتي ف واحد من اخواني جابلي جوالي مكسور مع احلفلك برب العباد اني خليته ع الماسه و كان مكانك مستحييل انه يطيح بس وش الي كسره مردي ف بعد م كم شهر قررنا اننا ننقل و ييوم لمينا اغراضنا البابا حق الغرفه الرئيسيه كان حدييييد قوي مره طاح في ثواني بس كانت طيحته غريبه الانه اول شي ارتفع عن الارض و طاح ف خلثنا اغراضنا ف جاي عمي يساعد بابا انه ينقل الاغراض للبيت الجديد ف شال اغراضي مانت ب غرفتي و يوم طلع بابا غرفتي تسكر بقوه مع ان الجنوب ذاك الايام م مان فيها هواء قوي ابداًً.
الجني يبي يطلع هم من البيت ما يبي البنت نفس الأماكن المهجوره لما تجي تدخله يحاربك يبي يطلعك لما تطلع بس يبقى شي بسيط زي الأثر مع الايام يروح وامورك في اسبتيك
نعم بعضهم ما يطلعون من البيت لأن قبل بناء البيت كانت هذي ارضهم من زمان صارت لي مره وانصدمت لما نقلنا لبيت ثاني ولا كأني عشت 6 سنوات اذى لو داري كان هجيت من زمان 😂
بعض البيوت عمارها الجن او الشياطين يكون لهم زمان ساكنينها يرفضون وجود الإنس يشاركوهم البيت فيصيروا ياذوهم اما بتلبس اشخاص او ظهورلاهل لبيت بأشكال مخيفه وحيوانات او اخفاء اغراضهم او تكسيرها؛ كل ذا عشان المستإجرين يتركو البيت
لعلهم ازعجو الي ساكنين ف البيت ف استهدفو البنت عشان ينقلون ولو مانقلو ممكن يؤذون العائله كامله لين يكرهونهم ف البيت لاهو جن عاشق ولا شيء بس مايبي احد يشاركه ف البيت الله يكفينا الشر
الجن الترابي يستوطن البيوت القديمه او المهجوره واذا احد سكن معاه ياذيه بدافع انه يحاول طرد اللي يسكن معاه من البشر برا المنزل صار هالشي معانا،،ملاحظه مو كل الجن سيئين في جن لطفاء
السلام عليكم ورحمه الله وبركاته. محتواك ممتاز. وان شاءالله يفيد الا صوت الموسيقي اذا كنت تؤمن بما جاء عن السلف والعلماء بتحريم سماع الموسيقى فارجو المراجعه والسوال عن صحه ما ذكرته
قصه سريه مو عن رعب بس في مره كنت راجعه مع ابوي و اخواني من المدرسه فا و حنا ماشين اشوف الشارع الي جنب في شرطه و فيه واحد طايح في الارض ومتقطع راسه في جهه و جسمه و يده متناثرين وانا كنت شوي مبتسمه و اختي صفقتني تقول ليه مبصوطه ملاحضه كنت مبصوطه الان شفت طب شرعي و شرطه و فرحت الاني احب الشرطه و التحقيق و كذا بس يحزن الله يرحمه
عندي غرفتين في مدينه غير مدينه عملي 14 سنه مقفله يوم نقلت للبيت كل ما انام احلام غريبه وجاثوم واحس فيه احد يخنقني وكاتم نفسي كل يوم يتكرر الى يومك هذا وغيرت البيت لبيت مجاور
كانت فيني أغلب أعراض نادية وسئلت شيخ قال فيك حسد وكان عندي أمراض كثييير قلب فيتامين د فيتامينات ناقصة التزمت بعلاج فيتامين د وسورة البقرة الحمد لله شفيت
ايه والله في جن يكون ساكن البيت نفسه يكون يادي الي يسكن البيت لين يطلع واذا ما طلع قد يوصل للقتل .انا في ناس يقربولي من بعيد كانو اسره كبيره في عماره عايشين بعدين لمن كثرو خرجو من العماره وكل اسره بنت بيت الى واحد منهم هو واسرته رفض يحول من العماره بعدها سكن في بنته الكبيره جان وكان يبقا يقتلها كم مره يمسكونها وهي فوق السطه تبقا ترمي نفسها لين نطق الجان الي داخلها وقال اطلعو من البيت بنا بيت تاني ونقلو فيه ورجعت بنته طبيعي
14:07 أول شيء شكرًا عبدالله على الحلقة الرهيبة، ثانيًا غالبًا السحر أو الجن والعياذ بالله إللي بالبيت سببه هو السحر المرشوش(السحر أنواع مأكول ومشروب ومرشوش وغيره) فيكون سحر مرشوش على البيت وبمجرد خروج أهل البيت منه تنحل أغلب مشاكلهم، أو ممكن سحر لمالك البيت أو أهل البيت القُدامى فمايكون مربوط بهذه العائلة وبمجرد مايبطلون مضايقة الجن "بمكوثهم في مسكنهم" يبطل الجن يضايقهم ، والله أعلم