ربنا يكرمك علي رايك الجميل و فعلا بحاول التطبيق علي القماش بقدر المستطاع و لكن لكثرة الطلبات بعمل علي الورق و لكن بإذن الله سأحاول تسويه ما بين .عمل البعض بالباترون و البعض علي القماش
السلام عليكم بالنسبة للمانيكان هتلاقيه في المنشيه ورا زنقه الستات لو انتي من اسكندريه و اسعارهم مختلفه حسب المقاس و العمر بس اسعارهم مش قليله يعني فيه اللي ب 300 و فيه اللي ب 800 و لو كنتي من القاهره اعتقد انهم ممكن يكونوا في منطقه العتبه و لكن مش متأكده و اسألي افضل لاني مش من القاهرة
جزاك الله عنا كل خير وإن شاء الله تعالى يجعله في ميزان حسناتك إن شاء الله تعالى الله يرزقك خيري الدنيا والآخرة إن شاء الله تعالى ويرزقك بالذرية الصالحة بحق الأيام المباركة هذه إن شاء الله تعالى
السلام عليكم ورحمة الله ...انا مشتركه جديده وحبيت اتعلم الخياطه واحمد الله اني دخلت في قناتك شرحك جميل وبسيط ودقيق . ربي يجزاك كل خير ويجعلك منفعه للناس💕💕
السلام عليكم لو عندك فستان طبقتين بعد ما تعملي الباترون و قبل ما تشرحي الباترون لازم تاخدي مقاس الطبقة الخارجية علي اساس الباترون الاساسي لانها لازم تكون من نفس المقاس و ماشية معاها و تكون مريحة في الخياطة بعد كده و بعد ما تاخدي مقاسها حسب الموديل قصي البنس اللازمة
السلام عليكم ربنا يكرمك يارب و يديم ما بنا المودة بالنسبه لل 4 سم فعلا لاي جسم و اي عمر و لكن دي هتكون بالظبط لراحه الجسم وعلي اده بالظبط و تفضل ال4 سم للسواريهات و فساتين المناسبات و لكن انا بفضل زياده 8 سم علشان متبقاش الحاجه بالظبط و بعد فترة الجسم يتغير و عامه هي حسب رغبه كل واحد في الوسع اللي بيفضله.
انا شفت كذا فيديوهات شرح الكورساج ولكن حاسه اتلخبطت لان كل واحد يشرح بطريقه تنصحيني بايه يعني هل كل طريقه صحيحه لومشيت عليها ولا هذه الطريقه الاصح افيديني جزاكي اللله خيرا
السلام عليكم ..من حقك فعلا تتلخبطي.... بالنسبة للباترونات عامة هي بتتعمل بكذا طريقة و الحميع طرقهم صحيحة و لكن هقولك أختاري الأسهل بالنسبة لكي و تفهميه بصورة أحسن يعني اللي من خلال شرحه تقدري بعد كده ترسمي باترون زيه وحاجة تانية إن الباترون ده يكون فعلا مظبوط و لذلك جربي تشوفي طريقتين مثلا و جربيهم و التجربة هتوضح اكتر الاسهل في الفهم و التطبيق.
شكرا علي المجهود المتميز بس ممكن سؤال؟ حضرتك قولتي الزيادة اللي نضيفها علي جميع المحيطات لازم تكون ثابتة فا اازاي اخدتي دوران الصدر 92 بالزيادة لكن دوران الوسط 66 من غير ال 4 سم الزيادة ؟
السلام عليكم بالفعل لازم زيادة علي الدورانات و لكن اقصد دوران الصدر و دوران اكبر حجم علشان الحركة و لكن دوران الوسط لا تضاف له اي زيادة لانه مطلوب يكون بالظبط
