بنيون🇩🇿فخم بالكرامال وكريمة الشامية تبقى شهر على حالها وذوق القهوة نكهات هبال جربوه 

أنا نحب ندير قاطو يقطع كمية كبيرة ويجي بنين يهبل وميكلفنيش بزاف وكون جا عندي قناة نديرلكم وصفات ساهلين ونسميها قناة الزوالي والمشومر

اسماء بنت ولايتي يعطيك الصحة بنيون جا قنبلة ف البنة بمممم شكون لجات باه تعاود تشوف لغوسات لعيد 2024 تديرلي جاااام😊😊😊😊😊😊

جربتو جا بنين بزاااااااااااااااااف خاصة انني درت شكولاطة ذوق الكابتشينو تاع saveur. جا ذوق خيالي افضل من بالشكولاطة البيضاء لانني درت النوعين في زوج

ياربي وفرح هدي الزينة لي راهي تقرى فالكومونتار تاعي ودارتلي ابوني روحي حاجتك مقضية وهمومك منسية ربي يزين سعدك ويعلي شانك قدام عديانك وتزهالك ليام وتفرحي كيما فرحتيني بالابوني ويفتحها في وجهك كيما جيتيني❤

هذا نخليه للخطبة تاعي نشالله نهار شوفة كي يجو يشوفوني نديرو احم احم دعولي برك ربي يفرج عليا

اختي الترجمة مخصوصة زيديها هكا تولي الحلوى الجزائرية معروفة ثبتولي تعليقي باش تشوف وأجركم على الله

درتو للعيد والله يهبل يهبل شكلا و مذاقا . حاجة مختلفة تماما صح ذوق خيالي 😍 غير جربوه ماتندموش

خدمته و زدتله ديول محمصين و جلجلان جا روعة روعة الله يعطيك صحة

على وجه ربي درينا غريبية الورقة لبنات طلعولي لكمنتار بالجام باش تشوفها

شفتو سماء شحل كبيرة ربي يرزقكم فرحة قدها تنسيكم كامل لهموم عاونوني لابغيتو ربي😭😭

درتو العام لي فات جاني هايل وجيت نزيد نديرو السنة 😍😍😍

Je ne parle pas arabe et j’ai suivi votre recette , un peut à l’œil tellement vous expliquer bien 😍, c’est trop trop bon merciiii

شكون كيفي اول مرة تشوف فيديو ل اسماء و عجبتني

اختي احكي بالعربي الفصيح والله ما فهمت شي والوصفه كثير حلوه تحياتنا لاهلنا بالجزائر الحبيبه اختك من العراق المحتل

كل ما ندخل هاد الفيديو باه نطلع المورال يطيحلي غييير ادعولي و عاونوني و خرولي هااااا روحي توضاي و تقي ربي و صلي و دعي روحك تعيو قسما بالله هادي غوسات تاع قاطو مشي جامع ولا قبلة تعجبو والله

جربتو لعرس سلفي جا يهبببببل كامل سقساوني على لاروسات برافو ختي يعطيك الصحة حلوياتك أكل ناجحين

أنا مغربية و نحمااااق على البنيون كانت خالتي اللي عايشة فالجزاير تتجيبو لينا ❤️

انا عروسة جديدة ومخضوصة بزاف حوايج دعولي ربي يسر أموري و يسهل عليا كل شيء راه غالي 💔😢 تغيضني عمري كي يتبشنو ڨدامي انا درت ديك و ديك وانا نبقى ساكتة خطر معنديش لي يدعيلي ربي يفرحه❤️❤️

كيلة قاطو + كيلة شامية+ كيلة مكسرات و رشة فانيللا+ ملعقة كراميل ثم نضيف كمية من الكريمة لجمعها

ياختي واش نقول لك سييت هدا قاطو وخرجلي روعة ولكن درته في مول اخر يعني نوعت فيه خرج روعة بارك الله فيك بنات ننصحكم تجربوه دروك راني نستمتع بدوق

الامكانيات هذ العام لا تسمح لاغلبية الجزائريين يخدمو قاطو العيد ربي يكون في عونهم. حنا لكن منصبروش على العادات تاعنا ولازم نديرو شوية فال تاع العيد و هذي الوصفة راهي تشهي نديرو شوية منها ونزينو بيه الطابلة لانه الصراحة يبان هايل

ادعولي تبرا ماما من السرطان 😭💔⁦🤲🏻⁩

ألذ وأبن ڨاطو درته فحياتي كملوه فنهاره الله يعطيك الصحة ويجعلها في ميزان حسناتك يارب

مشاء الله جربتهم للعيد 2023 خرجولي يهبلو يهبلو حمرتيلي وجهي لي يدوقو يقلي يعطيك صحة مرسي حببتي بزاف 💞

يا ختي ديريلنا وصفات اقتصادية تاع عيد لخاطر هاذا بنين و كلش بصح ميقطعش بزاف و مكلف و شكرا

دعولي لي معاكم لي بزواج عمري 40 س في هذا شهر مبارك يارب

ليوم عملت الحلوة لكن عملت شكولطة بالحليب ذاقها ابن اخي زكرياء وقالها طعمها راىع عجبتو عملتها مربعات بشكولاطة حليب المهم ان شكلها جاء جميل ولان عملت سيلكوم مربع شكرا على وصفة

سلام عليكم أنا جربت هذ الڨاطو جا شباب الله يبارك شاوالا حلو بزيادة بهذيك حلوة الترك

يااريت يكون عندي راجلي و نعيد معاه و اولادي دايرين بيا.....محتاجة بزاااف للمة الاسرة ...لاني وحيدة

الحلوى تاعك غير وحدها توووب تستاهلي المليون الله يبارك و ربي يوفقك .

راني درتو لعرس ولد عمتي ووخرجلي روووعة كامل ماتو عليه

بارك الله فيك راني جربت هذا لبنيون والله خرجلي رووووووووووعة ربي يجيك كل خير

ادعوا لامي ربي يشفيها اعيات من الكيماوي مشكورين

ڨاطو فالقمة بصح هاذو كامل الزوالي ميقدرش عليه حتى اصحاب الطبقة المتوسطة وميقدرولوش راه كلش غالي يا الحنونة تحيا المقروض والكريوش والكروكي ربي يقدرنا على هاذ الزمان

انا جربتها تهبل تهبل تهبل روعة شكلا ومذاقا

قال الله تعالى (ادعوني استجب لكم) ، كل واحد يدعي لنفسه وربي سبحانه يتقبل من الناس كامل.

حلوياتك روعة لا يعلى عليها .بصح بزاف 46 قناة نشتركو فيها و مش الكل يستاهلو كاينة قناة تع واحد حراق لالمانيا حطيتيها هاديك واش نستفاد منها يرحم باباك .

‏هذه الأيام الثقيلة ستكون من ذكريات أمسك، لا تهّول الأمر سوف تنتصر والله سندك، مثلما عبرها غيرك ستعبرها وتفخر بنفسك، كل موقف يؤذيك ما جعله الله صدفة ليحزنك، تضيق وتزداد الضغوط فيعوضك الله بنجاح وتجاوز يجبر قلبك ❤️...

جربتو جا هااااايل وصفة مضمونة 100% و بنة ما صراتش خرجتلي 26حبة بصح يتعب شوي فيه خدمة و يحتاج وقت

راني درته جاني ماشاءالله الله بنة و همة شاوالا أنا ضاعفت الكمية جاني غايا جربوه البنات

حطي علم الجزاير و اكتبي وصفات جزايىبة تقليدية عريقة

ديري حلوى جزائرية فبلاكة عندك تخرج فالفيديز بحيث مايقدروووش يسررررقووه ☺ طلعوووو التعليق تشوفو

يعطيك الصحة جربتو و جا هايييييل انا برك زدتلو باز نتاع صابلي بذوق القهوة

درتو لعيد ليفات وجا يهبل وزدت جيت باه نديرو هاد المرة بزاااف بنين يعطيك الصحة هبلو عليه فالدار قالولي كتري البنيون 😂😂😂

في هدا الشهر الفضيل العضيم أي سيدة دارتلي ابوني الله يخلي شملها مجموع وراسها مرفوع وكلامها مسموع أنشاء الله يارب العالمين انك حميد مجيد

ان شاء الله يرزقني ربي الزوج الصالح ونديرهم للخطبة تاعي

يا اختي شحال بنين جربتو عيد 2021 صح عيدكم والله والله رهيب رهيب ذوق شوكولا و المكسرات مع الحنانة تاع الكريمة فالفم ماشاء الله ماشاء الله شكرا شكرا تحية مني ليك جربوه وماتندموش ادعولي ربي يرزقني الذرية الصالحة

ما شاء الله جربتو جا اكثر من رائع شكرا جزيلا استاذة اسما بارك لله فيك 🥰🤗⁦❤️⁩💝😘

لي راه بغي يختم قران في 6 ايام يقرأ كل يوم 50ورقة من قران. . وباش تقرو كليوم 50ورقة علابلي تعيوا ايا قسموها . كل متصلوا فرض قروا موراه : 10اوراق في صبح 10، في ظهر 10 10في عصر 10اوراق كذاللك في عشاء ايا هكت سما قريتوا خمسين ورقة ومتكرهوش ولا تعيوا خاطش مقسمينهم ولي بغي يختم في 13يوم يقري كليوم 46 ورقة كي تختموا دعولي نربح باك دعوة غريب مستجابة وصحا رمضانكم 😍😘

شيرات دعولي بذريه الصالحة لعلها ساعه استجابه

جربتو و جاني روعة....بنة خيالية و ذوق رهييييييب....خطير بزاف هاد البنيون

سلام درته وجا شباب عجبني بصح انا الكريمة نقصت منها الدهان وزدت لميت البسكويت بالمرمى المشمش والكريمة . والكراميل. باه مدجيش حلوة لأنو المربى حامض شوية. والله جات شابة

الوحده تدخل تقرا الكومنت باش تشوف الا خرجت الحلوة نلقى غير أدعولي نتزوج ؤ أدعولي بالدرية ، .... تعيو

دعولي للعايلة بالشفاء راهم كل مصابين ب الكرونة ربي يهنيكم

روحي ربي يعطيك وش متمنيا والله جربتو للعيد وكامل شكروني وتفاجأو بالذوق مي انا درت القاعدة صابلي سامبل المهم مشكووووورة على صدقك ونصائحك ياغالية ربي يوفقك

جربتو في نفاسي هبلو عليه جا هااااايل ربي يبارك فيك ❤️❤️غير اللي تقولي كيفاه درتيه

لي تتمنى تستغل رمضان ويكون مليئ بالإيمان ولذة الطاعة والعبادة نقولها مرحبا بيك معنا في قوافل الفائزات في رمضان لنشجع بعضنا على الطاعة في خير الشهور معا ستمضي أفضل رمضان في حياتنا ان شاء الله٠٠

انا نحب نقول للبنات اللي وصلوها لمليون مشاهدة وصلوها لمليون متابع والله اسما تهوووبل و تفكنا و تحطلنا وصفات صحيحة جام للكمونتر خلي اشفوه

جيت نقولك بنيون تاعك كامل راه يدور في قنوات طبخ وليعجبك كامل نسبوه ليهم

هذا ظرتو وجربتو يقتل ويقتل وقابلة تاع الصح ويحمر الوجه وحاروا فيه الناس فوووووور يعطيك العافيه والصحة وستر

سلام عليكم الاخت ياريت تقلينا شحال قطعتلك من حبة هاذو مقادير باشنعرفو شحال نديرو وشكرا ربي يحفضك

حبوباتي صح فطوركم ادعيولي بالذرية الصالحة تامة الخلق والخلق والصورة الكاملة المكمولة يجيو يوانسوني في غربتي والله العظيم غلبت وحدي فالغربة ياربي ارزقني بالذرية الصالحة عاجلا غير آجلا ........

يعطيك ألف عافية جربتها في العيد وجاتني تحفة وحد البنة ننصحكم تجربةها🤤🍰❤️

جربتو جا روعه يعطيك الصحة خدمتو فالعيد تاع العام اللي فات وحوست عليه هاد العام بااه نزيد نديرو تالمو بنين اممم روعه

خاوتي إدعولي ربي يرزقني الزوج الصالح الطيب الكريم متبخلونيش بدعاوي الخير ربي يحفظكم ويفرج عليكم ♥️

اللهم صلي وسلم وبارك على حبيبنا محمد عليه أفضل سلام لبنات صليو على حبيبنا في هاذ النصفية راهو شفيعنا يوم القيامة

انا درت نفس الوصفة كيفك مبصح جاني تقول ناكل غير في الزبدة ما عجبنيش صراحة حبة ما تقدريش تكمليها

أبن و أجمل قاطو درتو فحياتي 🥰🥰🥰 يهبل يهيل

ياليت تكتبي المكونات والطريقك باللغة العربية على راسي أختي من السعودية

واو تحفة و البنة أكيدة يعطيك الصحة يستاهل التجربة شكراً على مشاركتنا الوصفة

ختي عودي قولي المقادير مع الوصفة و النصائح فالاخير و شكرا

اختك من المغرب-وجدة. الله يعطيك الصحة بايينة تهبل.

مشاء الله وصفة هاااايلة ..في هذا الشهر الفضيل أي سيدة دارت لي ابوني الله خلي شملها مجموع وراسها مرفوع وكلامها مسموع طول حياتها يارب العالمين انك حميد مجيد

اللهم انك عفو كريم تحب العفو فاعف عني

مساء الخير شكرا على الوصفة درته للعيد جا رايع و بنتي عجبها بزاف بارك الله فيك نتمنالك الاستمرارية

اللهم آتنا في الدنيا حسنة وفي الآخرة حسنة وقنا عذاب القبر وعذاب النار لي وليوالديا واخوتي وذريتي وزوجي وكل رحمي وكل المسلمين والحمدلله رب العالمين

وجعتولنا قلوبنا فالتعقليات شكون سياتها و عجبتها !!

بن عميييي مكانش كومنتار يحكي على الفيديو .. ها كاش وحدة تقولنا اذا جربتها ولا تفيدنا

تبارك الله،، حلوى في القمة، حبيت نسقييك نقدرو نبدلو الزبدة بذوق القهوة بزبدة اللوتيس، و نفس الشيء بالنسبة للقاطو المرحي

رانا 28من رمضان على 2تاع صباح خليت صلاتي وقراءت قرأني وراني ندير فيه وجاااني رووووووعة

حنونة راكي نسيتي تقولي قنبلة حرارية تاكلي حبة لازم تصومي سمانة على الماكلة 😂😂😂😂😂 يعطيك الصحة والعافية باين هبال

ديرينا المقادير تكون مضبوطة تع الحشو

عجبتني كي دارت العلام تاع الجزائر هكا نبغيكم بنات بلادي باه يعرفو و يشوفو المهارة و الجمال

كريمه الشاميه :100غ شاميه ومغرف توفيا ونزيد نضيف شوي كاوكاو ولا مكسرات و100غ زيدهولافاني .نخلط شاميه وزبده نخلط مليح ونزيد توفيا وعطر القهوه ولافاني ومع الاخير نضيف الكاوكاو او المكسرات

محبي الشيخ ماهر لمعيقلي تقبل الله منكم الصيام والقيام ان شاء الله القناة تقدم لكم فديوهات الشيخ ماهر لمعيقلي صوت وصورة مرحبا بكم ،

الله يصبحك على انوار النبي صل الله عليه و سلم حبيبتي اسماء، شكرا على طريقة التقديم و اكيد نعمل هذا الحلوى في العيد ان شاء الله و الله شهيتيني فقط من طريقة كلامك ههههه تحياتي لك

نتمنا من المتابعين الجزائريات🇩🇿 يحسنو من مستوى التعليقات✍ على القنوات 📽 لانو لواحد لي مجربش الوصفة 🙄 ماذابيه يقرا تعليقات 📋 باش يستفاد من تجارب الاخرين📊 و بلاك نصائح الاخرين 💡 أو حنا عندنا يا بن عمي🤦‍♀️ 90% من التعليقات 📰 خارجة عن الموضوع 📈 فيدونا بتجاركم 👀 او اشكرو صاحبة المحتوى 🤝 و كل حجا في بلاصتها 👊 مجوش تعلقو على دعاوي لخير 🤲 في محتوى الطبخ 🌮 و التدابير 🧹 روحو علقو فصفحات📘 تاع فاسبوك 📧 ولا فالقنوات 🎬 تاع دين👳‍♂️ اسيدي ربي 🙏 اتقدمو شوية 🔝 المهم خياتي 👭 شوفو تعليقي🤓 على اساس ملاحظة ⚠️ بناءة لمجتمع ✅ و فقط 💯

Sincèrement je l'ai essayé deux fois sauf que j'ai mit la noix de coco au lieux du caramel et café c un goût extraordinaire yatik saha pour l'idée 😍

هدا مهوش تاع عيد ههههه ههههه حطينا غوسات تاع قهوة حليب واقتصاديين في الوقت و المكونات ويعطيك الصحة حنونة على تعبك

ياختي ضحكتيني هاذي مكونات اقتصادية ربي يهديك هاذي قيمة مئة ألف لوزام

100غ زبدة مك كراميل 2شامية دوق لقهوة خلط كل مع بعض طلع بالباطور زيد كمشة مكسرات او كوكاو كيلو قاطو كيلو شامية كيلو مكسرات رشة فانيلا م ك كراميل دوق م لقهوة خلط شيء مبعد جيب لكريمة لولة وخلك بشوية حتى نتحصل على قوام متمسك جيب شكولا بيضة دوبها مبعد زيد مغرف زيت مع 3م مكسرات وحرك مبعد جيب لمول دهنو بانسو مرة 1 وزيد 2و3 كي يحكم مليح عمرهم وحيب كريمة شامية وعمر فلوسط وزيد لكراميل فالوسط فلابوش وغطيه غليه يبرد

يعطيك الصحة يا ختي لعزيزة اروع بنيون درتو في حياتي شكلا و مذاقا جاني ولا اروع جربوه و ماتندموش و لي ماجرباتوش راهي تراطي

ضريفة بالزاااااف ومتربية الله يبارك ❤️ تعجبني طريقة كلامك روووعة.جااااااام قبل ما نشوف الفيديو 😍

مرسي فالمستوى الله يبارك جمجمولي باش تشوف كومونتاغ تاعي بخصوص المسابقة درت كامل الشروط 🤗

جربتها انا جاتني تهبببببل و بنييينة تسخف 😍😍 يعطيك الصحة 😘

جربتو وجا هااايللل بنة خرافية🤤💕

جاتني فكرة هو انو نلصقو فصابلي بالشكولا باه يزيدلو فالهمة يجي يهببل

دعاء مأثور لليلة القدر: عن أم المؤمنين عائشة رضي الله عنها، أنها سألت النبي صلى الله عليه وسلم: (يا رسولَ اللهِ، أرأَيْتَ إنْ علِمْتُ أيَّ ليلةٍ ليلةَ القدرِ ما أقولُ فيها؟ قال: قولي: اللَّهمَّ إنَّك عفُوٌّ كريمٌ تُحِبُّ العفْوَ، فاعْفُ عنِّي

يعطيك صحة على وصفة جربتو و جا رائع بزااااف بنين و طعم. مختلف و ذوق بزااااف بينن و هشيش و خفيف و كريمي و كلش ❤️❤️❤️❤️❤️❤️❤️❤️❤️❤️ نقولك برافو درتو للعيد بصح في دار مشكيتش يخليوه للعيد 😂😂 لي يذوق حبة يزيد زوج