والله يا بنتي كل كلمة عندك فيها حق ،انا مديت صحتي وعمري وراحتي ودراهمي للناس ونهار لي فقت مع روحي تخلاو عليا كامل.وظهرت مانسواش بصح كاين ربي والبهلولة تاع زمان فطنت والحمد لله رغم انو فات من العمر الكثير
انا مشتركة جديدة اختي شفت قنا تك صدفة وقبل ما نكمل لفديو درت لايك لانالموضوع لراكي تتكلمي فيه يمسني بزاف وعا نيت من حسن نيتي وطيبتي مع الناس لدرجة متتصورهاش حسبي الله ونعم الوكيل انا مغربية لكن اسكن بالجزاءر اختي
سلام اختي عجبتني قناتك الله يبارك علي صراحتك وكلامك الرزين اختي ماتت عندها اسبوعين بسبب اهمالها نفسها وتفضل زوجها واولادهاكل حاجة مليحة وهي ماتملكش ابسط الاشياءالله يرحمها اخلي اهانة زوجها وعجوزتها
😢 حقيقة كلامك بكاني باغسكو انا مكنتش نمد غير لمال نمد لمحبة لحنانة اذا وحدة ولا واحد عندو مشكل نبات نخمم حتى يتحل مشكلة تاعو وجامي كنت نحسب ناس هكذا وصلت خسرت ناس فقط لأني كنت نحسب ناس راهي نتصح فيا والله فالأخير لقيت نفسي وحدي ورغم اني انسانة قوية وخدمت وقريت جيت نشوف فالأخير لقيت روحي منيش دايرة حتى خاتم فيدي لروحي حقيقة ونا منيش نادمة على اي صدقة خرجتها في سبيل الله انما لي كل حاجة ديتها لناس على اساس رانا خوتات وعايلة وحدة وكي يفرحو هوما ووليداتهم غير كلي انا فرحت ولكن لقيت نصائحهم فقط من لحسد لدرجة وحدة واجهتها قتلها علاه فرقتي بيني وبين انسان هذاك لقيتها تقولي تقولي مزية متزوجتيش كان تزوجتي كان ولادك وبناتك راهم شابين قاع على ولادنا. صراحة خلعتني كلمة هاذي باش نلقى وحدخرا تقلي نتي عادي اذا متزوجتيش شاطرة وقافزة وشابة وربي عطاك اي وقت تتزوجي مي انا كان لازم نلسق فهذا راجل وتحسيها تخاف حتى زوجها يشوف فيك تقول غادي تسرقيه عليها واكتشفت ايضا انو هاذو الصديقات كاين امور كانو يعرفوهم وفايدهم يعاونوني فأوقات صعبة ولكنهم دارو روحهم صم بكم مثلا تلاقيت بانسان مرة كان جايبلي خدمة ونا وقت هذاك مكنتش خدامة لقيتو يقولي سقسيت عليك باه تخدمي معانا امالا قاتلي لالا هي راهي خدامة ومعندها مدير بهاذا شغل. وانا لا ني عارفة ولا ني خدامة وقتها عموما امور كثيرة وقديمة اكتشفتها زعفتني بزاف. فهمت اخيرا نهار مرضت ومرض تاع الله انو كل من خلص صلاحو يقولك باي الا صديقة وحدة. لي بقات تستفقدني كلما نغيب وتجي وتحوس عليا حقا. هربت من الناس كاملين ودخلت في واحد لحالة تعبت تعبت حقا ولقيت روحي مرضت مرض كتبو ربي سبحانو ولكن حقا دوكا راني في حالة اكتآب وفقدت حتى لقدرة على الكلام مع الناس كان صبت منهدر مع حتى واحد دوكا راني نتغير التغيير صعييب بزاف دوكاا راح نص عمري راني35 رايحة نعاود من جديد من زيرو ولي مزالت صغيرة وبصحتها نقلها من فضلك شوفي لروحك فقط حقا واذا انسان ضرني والله مني قادرة نسمحلهم ابدا لأنو كامل واش ذكرت راه نقطة فقط لأنهم وصلو لواحد درجة من الحقارة متخيلتهاش ابدا ودوكا تهنيت منهم فقت الحمد لله اي واحد فيه خبث ولا غيرة ولا حسدة لازم نبعد عليها .نهائيا.والتغيير والله راه جايني صعيب راني غير نطيح ونوض 😅 ومزلت في بلاصتي 😅 🤣 ايا معليش تكون وحدك طيح وتنوض خير من تكون مع ناس مغرور فيهم وتقول رانا مع بعض كي يجي نهار ملقاهم تاليتهيلقى روحو وحدو وكان غير في احلام واهية 😂
يعجز اللسان عن التعبير صراحة مواقف صعيبة بزاف و منها ما خصل معي كذلك قولي حبيبتي حسبي الله ونعم الوكيل و نوضي لروحك راكي ما شاء الله صغيرة صدقيني اغلبنا مرضى شوفي ولد حلال تزوجي و ديري دواير الزمان و لا تجعلي ثقتك الا في الله سبحانه وتعالى
بسم الله ما شاء الله عليك الحمد لله الخير اللي درتيه اليوم راك تحصدي فيه راك الله يبارك الناس وكل تحبك ونجحت في حياتك ربي يكمل لك الخير ويعطيك ما تتمناي
لا حبيبتي انت جوهرة الان اهتمي بنفسك و غيري عقليتك ديري حصالة احب نفسي و فرحي روحك تبعي معنا نحن جيش الشريرات ان شاءالله تعالى تتغير نظرتك للحياة ما دمت حية هناك امل و ايام أجمل أن شاءالله تعالى
والله يا ختي فرحت بيك بزاف ...كاني انا لي راني نهدر ..نتشابهو بزاف...شكون حنا ماشي بهلولات ولا جايحات انما نمشو بطبيعتنا بمعدن تاعنا حنا هاكة و خلاص ..نمدو الطيبة الحنانة حب الخير للناس مانحقدوش مانحسدوش نحبو كامل الناس فرحانين كما حنا او اكثر..ملي كنت صغيرة نفرح كي البنات ولا ڨاع الدزاير تلبس كما انا وسط دهشة البنات من هاذ الشي مازالن حتى للان وانا في الاربعين😂 هاذ الطيبة ماتخليناش نعكسو الناس ولا نقولو لالا حتى وماراناش حابين نديرو هذيك الحاجة الناس هنا يفهموها جياحة ساهلة نلعبو عليها.. انا ضربتي اكبر لانو الناس لي وجعوني بزااااااااااااااااااااااف هوما الاقربون جدا امي لي ماتوقفش معايا خواتاتي لي نسنا منهم ڨاع الخير ...ولكن مرضت مرض كبييييير شحال من مرة مايوققوش معايا يزيدو عليك غير التمعكيس و الضحك مع بنات العم لي هوما تان كبرونا خواتات...ولكن بعد صرا نفسي خاطر حنا هاذ النوع توجعنا بزاف وبكينا بزاف..خاصة انا واقفة معاهم في كل الشي حتى التخمام ونخمم في بلاصتهم هوما يرقدو وانا نبات مقلقة وندعي ربي يفرجها.....حتى تفيقي لعمرك علاش راني ندير هاكة يستاهلو. مايستاهلوش وووووو وقريت بزاف وسمعت بزاف فتعلمت اني انا لي غالطة علاه راني حياتهم انا ماناقصنيش عندي داري وولادي وماشاكلي لي هوما مايكسروس راسهم ڨاع عليا و كنت كل مانتلاقاهم نعيا بزاف طاقة سابية قصرة ماشي قصرتي....فقررت نجبد روحي ونعيش حياتي انا لي سحقني يعيطلي ..مانمدش فوق طاقتي مانبكيش في بلاصتهم ..كانت صعيبة من ناحية وش راح يقولو وش راح يخمو حصلتخا فالوقت و الدراري ووووووو الحمدلله وكانها راسائل من الله للتغير و تعيشي حياتك على فكرة الناس لي كما حنا مانعرفوش ناذيوو كما هما مانقدروش نقباحو و نردو الاذية لانها ليست في طباعنا حتى لو حاولنا ردها كما هوما تولي عليك بالسلب سبحان الله وتعشي نادمة لي درتيها..المهم نجبدو روحنا في هدوء بلا مشاكل والفاهم يفهم وتخليهم في حيرة مع روحهم علاش ولات هاكة علاش جبدت روحها.... الحمدلله ربي يعوضنا من عندو حتى يدهشك
اختي لا ترفعي سقف توقعاتك الا بالله خاصتا اقرب الناس ليك لاترفعي سقف توقعاتك ولا تاملي في اي احد الا في الله انا كبيرة وخذي راي حتي لا تنصدمي وجيك الضربه قاضيه في قلبك
تحسبي راكي تهدري عليا انا تاني عانيتمن الطيبة المهمومين وصلوا حابين يفرقونا مع الزوج و لكن الحمد لله تعافيت و نيتي هي التي انتصرت في الاخير و الحمد لله
عندك الصح ختي .تقولي راكي تهدري عليا .بصح انا حتى الآن راني معزولة على العالم الخارجي .غي الدار والمرض من مرض لمرض .خدمت الكروشي .الخياطة .خدمت القاطو للحوانيت بصح مايعطوكش حقك .جارتي تقولي عطيني حاجة روح نشريها ونعطيهالها .والله .والان مالقيتش الحل .غي نخدم حاجة نفشل .ونعيى .والله مين سمعت القصة تاعك بكيت .تفكرت روحي .
حفظك الله ورعاك اختي الغالية اقسم بالله العظيم اتعلمين لم فرحت لانني صادفت واحدة مثلي تماما وكانك تتحدثين بلساني صحيح دفعنا الثمن لاننا نعيش في زمن متعفن اما اخلاقنا ورثناها من اخلاق سامية ومبادى تصفحي سيرة الحبيب عليه افضل الصلاة والسلام التسامح الايثاروووو فقط العاقل يعتبر ابلها ومعتوه الفين تحية وسلام من الاوراس❤
ماكيش غير انتي بهلولة حتى انا كنت اكثر منك الناس كل بروفيتاو في والناس كل يغيضوني وهوما عىفو نقطة ضعفي بصح ذرك صايي جبدت روحي وعدت نحب نفسي اولا وراني معولة على حصالة احب نفسي ربي يشافيك عاجلا غير اجلا ❤❤❤❤❤❤❤