#جواب_الحلقة: للأسف ولا شي عجبني بsummer game fest، ولا مؤتمرات بلايستيشن واكس بوكس، بس ريميكات ميتل قير ديلتا وسايلنت هيل ٢ الي متحمس لهم واسترو بوت حق الضحك😂. مشكورين ويعطيكم العافية يا أصدقاء. 🧡🌷
جواب الحلقة.. بصراحة المؤتمر كان فقير جدا وما في العاب كبيرة.. ف انا عن نفسي اللعبة اللي متحمسلها هي لعبة سونيك.. صحيح هي مجرد ريماستر ل لعبة قديمة بس انا اللعبة القديمة ما لعبتها ف متحمس اجرب اللعبة ب جرافيكس افضل.. بالاخص تجربة كلاسيك سونيك ثنائية الابعاد
#جواب_الحلقة: صراحة الحدث بشكل عام عادي مقارنة بالسنة الماضية، اكثر ما شدني طبعا موسنتر هنتر بما اني اعشق السلسلة ولعبت ورلد ورايز وجنريشن وحتى لعبت معاكم رايز قبل ايام البثوث صراحة اشتقنا لها، العرض كان رهيب وفيه كثير تلميحات ومعلومات قدرنا نستنتجها، ايضا متحمس للتفاعل مع البيئة والقيمبلي وكيف نقدر نستغلها ويتغير القتال بناء عليها، عكس ورلد الي كانت تركز على تفاصيل مالها علاقة بالقتال مجرد مظهر
قبل لا اجواب على #جواب_الحلقة، عندي تعقيب بخصوص الي قاله مشعل وهو ان السوشال ميديا للأسف قاعد ياخذ وقت وايد من الشخص وتلقى 90٪ من وقته عليه اهوا بس تصفح بدون هدف او نقدر نقول للتسلية والباقي اهوا حق الي يبيه او قاعد يتابعه ومهتم بمواضعيه.. وللأسف لان أصبحت وسيله زائفة للتسلية او لمضيعة الوقت، فتخلي لاشعوريا الشخص ان لو عنده وقت فراغ، يقول خل ادش السوشال ميديا اسلي نفس عالسريع وتلقى خذا منه وقت وايد بدون لايحس، وتالي راح يكون ماله خلق يلعب، لان السوشال ميديا ممكن عطته الأشباع الزائف للتسلية.. فأنا من وجهة نظري، اتفق مع مشغل واشوف ان لازم الشخص يسوي كنترول حق نفسه ومايعطي السوشال ميديا اكثر من وقتها، ووقته الاخر لو يسلي نفسه بالفيديو قيم او نشاط ثاني رياضي او اي شي مفيد، وااايد احسن من السوشال ميديا.. وانا عن نفسي حطيت لي التايمنق بخصوص هالشيء.. ونفس الشي ينطبق مع البثوث والأمور الأخرى.. لان تجربة اللاعب نفسه جداااا تختلف عن الأمور الثانية.. واسف عالاطاله، لاني من زمان مو مشارك، 😅 وبخصوص #جواب_الحلقة ، للأسف معرض سمر قيم فيست، كان سيء جدااا من وجهة نظري وممل لاقصى درجة.. بخلاف معرض اكس بوكس الي كان صدمة مو طبيعية.. وكل عرض يقول الزين عندي.. واتمنى ان سوني تصحى وتقدم لنا شي يسوى وكذلك نينتندو.. ومرة ثانية حاب اشكركم يا شباب.. وحاب اقولكم اني احبكم في الله، وماتدرون شكثر ان بودكاستكم فيه قمة من الإيجابية والسرور الي تدخلونه لنا في صباح كل يوم احد.. استمرو يا شباب.. ويعطيكم العافيه مره ثانيه واسف عالاطاله . اخوكم بوعزوز "الملقب ب وهيب 😜"
![بودكاست قهوة و قيمر GwG 303[Monster Hunter Wilds | Summer Game Fest]](/img/logo.svg){kind=logo}
