دايم في ذا البودكاست أطلع على أشخاص جدد و يحكون عن تفاصيل و جوانب مثرية و تخليك تتأمل الإختلاف بينهم و الأشياء القيمة و الهدف المستفاد من كل شخص فيهم ، حلقة ثرية بالمعلومات مشكور عبدالله الحسين و مشكور الأستاذ الفضيل طارق العصيمي
افضل من جبتم بالأختصاص هذا احسنتم الأختيار الأستاذ طارق العصيمي اتابعه من فتره طويله وفعلياً معلوماته مثريه وانسان مثقف وفاهم في علم النفس والأمور النفسية الي تخص الأنسان 🤍
انصحك باللجوء لله والله انا ماخليت حل الا وسويته لكن صرت مع الله 24 ساعه حتى ان المويه صرت اشعر بانها نعمه واقول الحمدلله من العلاجات النفسيه المهمه معرفة اسماء الله الحسنى ذي غيرتني كثير والدكتور طارق قال نقطه مهمه وهي السوشال ميديا لو تركز فنفسك تلاقي انك تسوي اشياء ماتسويها لو تموت لكن صرت زيهم ونقسيتك تتغير حسب اللي تتابعه فتابع شيء ينفعك لو ضحك ايضا اقوى علاج لقيته هو ترك الاغاني والافلام والمسلسلات ونوم الليل. والله يرزقنا واياكم العافية
والله اذكر يوم كنّا مراهقين ونتضايق اذا قالوا صلّوا ويروح الكدر ولا اقرو قرآن، وسبحان الله كبرنا وعرفنا ان لا ملجئ إلّا الله وان لا صرت موكل امرك ربي صار ظهرك وسندك اكبر من هالعالم وطلعوا صادقين بس ماعرفوا يوصلون لنا الفكرة🤣🤍🤍
@@Rimasxx-be9nw اكيد قصدك بالحس الروحي (العبادة) ؟ انا ماقول بس العبادات وخلاص لكن هي رقم واحد الانسان لما يلجأ للحي القيوم سبحانه وتعالى ربي يدبر له اموره ويهديه لكل خير يكفي انه يهديه للصراط المستقيم بعدما يلجأ المسلم لربه يتوجه مع نفسه للحل المناسب له
حلقه رهيبه غنيهه بالاشياء اللي نجهلهاا ونعتبرها اشياء مالها اي تأثير،وخاصه نقطهه كل شيء نشاهده ونستمع له يأثر علينا حتى الصاحب له تأثير كبير عليناا ،ف حلووو جدًا نركز على هذي النقاط في حياتنا ،وبرضوه الاكل وتأثيره ع صحتنا النفسيه اللي غالبًا نعتبره شيء عادي .
عبدالله انا قاعدة اسمع الحلقة هذه وانا في عزلة وحاذفة السوشل ميديا 😂😂، ومخلية اليوتيوب لأني احب الپودكاست جدا. حقيقييي افهمك جداااا وصار لي 10 ايام ومبسوووطة احس حقيقي قاعدة اسمعني بشكل اوضح وآفضل بدون ضجيج غير ضروري ✨✨✨ تجربة رائعة جدا وعجبتني تجربتك في الاختلاء في جزيرة في قلب الطبيعة، يوما ما بإذن الله 🌊🏝 🫧🩵 عجبتني الحلقة جدا يعطيكم العافية ✨
اختيار موفق من القائمين على البرنامج بختيارهم لطارق العصيمي حلقة جدًا ممتعة ومفيدة، و طارق من الاشخاص اللي فادني شخصيًا كثير في إرشاداته عن الصحة النفسية❤️
فعلا في عام 2017 كنت تعبان جدا وتم صرف لي 3ادويه جميعها منومه ومهديه وتم تشخيصي اكتئاب حاد وسافرت لدوله اسيويه وحجزت في منتجع لمدة شهر واقفلت جوالي ومن ذاك اليوم وانا متعافي الحمدلله طلع السبب الجوال وكثر احتكاكي مع البشر سبب عندي موجه من التفكير والوساويس بالاخير بلخص كلامي والحلقه بكلمتين |. اعتزل ما يؤذيك لن تعيش مرتين. |
طارق رهيب وشهادتي فيه مجروحة من زمان .. بالعادة اشوف البودكاست بحكم الفراغ لكن الحلقة هذي خلتني اخصص من وقتي الخاص بحكم الفائدة والمتعة اللي اضافها طارق ولا قصور فالضيوف الباقين ، اضافة جميلة للبودكاست وتنويع يحسب لك وللطاقم كامل
وصح بخصوص كلامه عن الكارب اذا انت شخص لا تمارس الرياضة فهذا شئ يخصك، الكارب طاقة ويعطي قوة، غير انه يساعد ويرفع من جودة النوم.. اذا انت تتحسس لا تنظر على الناس وشكرا 😂
اشكر المقدم على الحلقه الجميله و الضيف على تواجده بس حابه أقدم فكره أجدها مناسبه فيه جزء كبير من الناس يحبون المشاهير و المغنين ولكن صح مرو بصعوبات وكذا بس أغلبنا ندخل عشان نستفيد معلومات متنوعه ونستمتع بها فا لما اشوف بودكاست مغني أو مشهور و اشوف محتواه مو أفضل شي خصوصا أن الغنى حرام فا اتمنى تجيبون أشخاص من ذا النوع أو أشخاص عنهم علم بأشياء مختلفه بدل المغنين و المشاهير 💞
يا شين اللي يكمم وينظر .. لكل شخص شيء مناسب له وكل نمط حياه له نظام غذائي لا تبين جهلك وتعمم الرياضي الكارب المعقد عنده مهم واللي عمله يحتاج عصف ذهني وصلابه ذهنيه يحتاج دهون صحيه لسلامة المخ
كلامه صحيح هو تكلم عن انه اغلب اكلنا كارب وهذا الواقع وفعلًا يأثر ع الجهاز الهضمي وهضمه صعب والجهاز الهضمي مرتبط بشكل مباشر بالجهاز العصبي هذا مو تنظير هذا علم
2:07:08 فعلًا ، انا لما انعزل وابي اجلس مع نفسي مااقدر الا معي جوالي .. مااقدر اجلس كذا وافكر الا وقت النوم ههههههههه اما يكون مافيني نوم واجلس بدون جوال ماقدر بحاول اسوي نفس اللي قلته لانها فكره ممتازه جددًا ، احاااااول كثييييير اترك جوالي ويكون مو كل شي بالجوال مثل ماقلت انك تبي تعرف شعورك قبل لما ماكان فيه جوالات شلون كنت تجلس شلون كنت تعيش بدون جوال .. انا ابي اسوي كذا لازم اتعود ان مو كل شي جوال .. انا احتاج اجلس مع نفسي اجلس مع اهلي اتعرف على الناس ولكن ماقدر يروح وقتي كله على الجوال لاني ماقدر اتركه ومااحب احد ياخذه مني غصب.. لاني احب احاول انا مع نفسي مااحب احد يساعدني اذا الاشياء تخص شخصيتي 🥹
50:56 في جزء معرفة الذات، اذكر لقيت بالنوتس عندي اسئلة مجاوبة عليها اعتقد ساعدتني كثير واختصرت علي طريق طويل وما ادري وش كان مصدرها لكن هذي هي للإفادة: ١- اوصف نفسك الآن (كم عمرك و وش تحب وش تكره وش تشتغل/تدرس وش نقاط قوتك بنظرك ونقاط ضعفك) باختصار سولف عن نفسك. ٢- كيف تكونت شخصيتك (اشرح اهم ثلاث/اربع مواقف او اشخاص اللي تحس انها غيرتك وتعتقد انها ساهمت في تكوين شخصيتك واشرحها بعمق وحاول تحللها سواء مواقف سلبي او ايجابي. ٣- الاتجاه العام الذي اتجهه( حلل انت وش تبي تتوجه وش رغبتك بالحياة كيف تبي تكون ) ٤- اين انت الآن في هذا الاتجاه؟ -- ثم اسئلة عامة تساعد: ١- ماهي النجاحات التي حققتها؟ (لا تستسهل شيء) ٢- ماهي الامور التي فشلت فيها؟ ٣- ماهي الامور التي ندمت عليها؟ ٤- ما هي الصعوبات التي تواجهك الآن فيما يخص حياتك العائلية، حياتك العملية ورغباتك الشخصية؟
كلام المقدم يوم قال بعض الاماكن القديمة ما ودك تمر من عندها.. فعلا اخيرا احد فهم شعوري. ومو بالضرورة لك فيها ذكريات حلوة او سيئة لكن خلاص ماتبغى تمر عندها
صحيح هالشعور عندي بعد لكن إذا سمحت لي ودي تقول أكثر.. خلاص ما تبغاها؟ تبي كان مكان لك قبل والحين تشوف انك خلصت منه ولا تبيه معك حتى بلحظات بسيطة .. ليه؟ مافي شي بدون سبب
عسى الله ينور عليكم على هذا اللقاء المثري والمفيد لنا بهذه المرحلة ( السوشل ميديا ) المدججة بالشتات،، لذلك شكرآ للقائمين لهذا البرنامج وجزاكم الله خيرا وفيرا وللجميع بمثله إن شاءالله.
1:13:52 مافهمت ليش سميت العزله بهذا المسمى ؟ العزله فعلًا زينه وازين من اني اطلع اقابل الناس وفعليًا هي تكفي خيري وشري عنهم ممكن نطلع نقابل الناس ماأختلفنا ولكن مو كثير .. الجلسه مع النفس تراها احسن وممكن تعرفك على نفسك شوي
اللهم صل على محمد وعلى آل محمد، كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد، كما باركت على إبراهيم وعلى آل إبراهيم إنك حميد مجيد ...
حلقه جدا جميله و ثريه العصيمي الله يجزاك خير 👍 وايضاً عبدالله استمعت وانا اسمع الحلقه مره فرحانه بمعلومات ثريه وفكري توسع في كم شيء في منظور النفسي الله يسعدكم يارب