درتها للعشا شانقولك يا طاطا جات حلوة سكر. تهبل وحد المذاق extraordinaire وقبل مانطفي زدتلها مغرف مايونيز مما زادها رونقا وبنة😋😋الله يعطيك الف صحة طاطايا
ختي جاك يسخف ما شاء الله ،برك ممكن تقوليلي الروز البسمتي نتاعك واشمن ماركة ،وتاني قوليلي قبل ما طيبتيه نقعتيه في الماء مدة نص ساعة ومن بعد شللتيه ولا لالا ؟
هاذ الجاج جربتو زمان على واحدة في منتدى الجلفة من هذاك الوقت نخدمو غير بهاذ الطريقة تقدرو تقولو المقادير الاساسية هي موطارد طماطم مصبرة و عسل لي يعطيه نكهة مميزة شكرا حبيبتنا ربي يهنيك
اللهم صلِّ على النبي محمد صلى الله عليه و سلم ماشاء الله حبيبتي جاج محمر بطريقة ساهلة و سريعة يعطيك الصحة حبيبتي شكله اشهي فعلا محمر ، برافو حبيبتي راكي في القمة الف صحة وعافية إن شاء الله 👌👌🌷👍🍗🍗
الله يعطيك الصحة يا استاذة الطبخ ام نورسين ، ليوم درت هادي الوصفة دجاج + ارز للفطور والله جات روعة ، روعة ، روعة ، زوجي قالي بنيييييين بزااااف والله غير سيوها شيرات و عينيكم مغمضين تحياتليك ام نورسين و المزيد من التألق
يعطيك الصحة اختي وربي يباركلك في كل حياتك على كل وصفاتك الناجحة وعلى المصداقية تاعك اختي انا عندي ثقة تامة في كل الوصفات تاعك وجربت منهم الكثير ونجحولي الكل لهذي حابة نطلبك منك وصفة الميلفاي حابة نجربها على طريقتك باش ينجحلي ياريت اختي تلبيلي طلبي تعيشي حبيبتي 😍😍😍
حبة بصل كبيرة ثلاث مغارف خل و زوج مغارف صغار موتارد و مغرف صغيرة و نص عسل و فلفل احمر فلفل اسود كركم كاري و زنجبيل و ملح و مغرف طوماطيش صغيرة و حمستهم مليح امبعد دارت زوج كيسان ماء و غلقة ربع ساعة نار زايدة
الاخت يعطيك الصحة انانديرو فالكوكوطة بالصح لازم التوم مع البصل أساسي فالتحمار ندير البصل وحبة طماطم نرحيهم وندير الرند وزعيترة مع فلفل اسود وعكري وتوابل دجاج محمر قرصة صغيرة قرفة مغرف زبدة وشوية زيت مانقليش نغلق عليه مباشرة نخليه على قليلة 20دقيقة ونحل الكوكوطة نكمل نطيبو فالفور والصلصة لي خرجتلي فالكوكوطة نستعملها مع الفريت او أرز أو لاپيري تجي بنينة بالزاف بالصح ماندير حتى قطرة ماء فالكوكوت
