بتحصل كتير إنه في العيلة بيظهر شخص مختلف تماما عن كل أفراد العيلة دي.. بتفضل الناس طول الوق تبصله على إنه كائن غريب لمجرد إنه مختلف.. انت ليه مش بتحب كورة القدم زينا.. انت ليه مش بتحب تتفرج عالتليفزيون.. انت ليه مختلف.. الاختلاف ده بيضايق الناس.. بيحيرهم جدا.. بيحسسهم إن الشخص ده فيه حاجة غلط حتى لو هو ماعملش أي حاجة تضايق أي حد.. بس أحيانا برضو الطفل أو الشخص المختلف ده بيكون يخوف بجد.. و أحيانا حياته بتمشي في مسارات غريبة جدا لما تحاول تربط بينها و بين نشأته تستغرب و ماتوصلش لحاجة.. احنا بنقول انه مافيش دخان منغير نار.. عشان كدة بنستغرب جدا لما نلاقي نفسنا غرقانين في الدخان بس مش قادرين نحدد مصدره..
11 ноя 2021
