سلام اختي ام خالد مرحبا بيك قوليلي سماح كيفاش راهي مدايرة مع اللحظات الاخيرة انا راني استاذة والله كانني انا اللي رايحة نجوز الباك من خوفي على التلاميذ ربي يوفقهم
للدوك مزال مفهمتش فايدة بيت الخزين يعني نقضيو ميتين الف كل شهر من بعد كي نوصلو نبداو ناكلو منو ونخبو الثمنمية تاع المواد الغذاءية نشرو بيها حاجة لينا ولا للدار. مي علاه منخبوش ديراكت دراهم ميتين ميتين كي نوصلو كيفكيف للهدف نشروهم ديراكت بلا منديرو قاع بيت الخزين . راني نحكي للي توفر صح ماشي اللي متقدرش تشد يدها والدورو اللي يجي يروح. فهميني اختي تعيشي فوائد بيت الخزين الاخرى
شوفي اختي فوائد بيت لخزين انك تحاولي تشري المواد إلى تكون رخيسة باش تفيديني من فارق الأسعار وانا بيت لخزين للازمات يعني لاقدر الله يجي للإنسان ظرف رايح يلقى المواد الغذائية في المنزل مثلا انا زوجي عامل يومي في شهر جاني 2024مرض الزوج تاعي ومقدرش يخدم وزيد مايقدرش يخرج يقضي لقيت كل المواد في المنزل ثانا في رمضان كلشي يكون غالي نجبد المواد من بيت لخزين ونستفيد من فارق الأسعار وزيد وزيد كون تجربيه رايحة تعودي متستغنيش عليه لأنه الدراهم الا خليتيها يتصرفو وزيد المواد ديما تغلى مي الدراهم تبقى هي هي ان شاء الله نكون وضحتلك شوية
طريقتك نقدرو نطبقوها لوكان ماهيش الاسعار في تزايد ومن ذاك تتقطع الحاجة في السوق ونتحتمو نشروها في السوق السوداء يعني باضعاف السعر انتاعها اما كي تشري بسعر معقول في وقتها حتى وتزيد ولا تنقطع الفائدة ليك وزيد الوقت ومرات ننساو نشريو والمناسبات
اختي انا ننصحك ديري 200الف عمري بيها بيت الخزين منبعد ابداي تاكلي فيه خبي هديك 200الف في حصالة للهدف ومن المواد الغدائية كل مرة اشري لبيت الخزين هكدا تبقاي تجدي فيه من مصروف مواد غدائية وكي تشوفيه كبر ترجعي تخبي نصف من دراهم مواد غدائية والنصف الاخر تقضي بيه معا بيت الخزين .ان شاء الله تكوني فهمتيني
السلام عليكم بارك الله فيك اختي نجاح فيديوهاتك كلها مفيدة اللهم بارك اريد نصيحه منك او توضيح بأخرى بيت خزين يعني من احسن نبداو من جانفي الي جوان ؟بديته انا من شهر ماي جاني عيد في طريق ومن بعد دخله اطفال يعني شوية هي اشهر تخرج فيها دراهم يعني لتبداه من قبل ماي احسن ياك هكا ضروك نحبس بيت خزين ولاكفاش ندير ؟انا بغيت منصرفش في رمضان وعيد ودخول يعني كمن درت انتا ولا نكمل فيه ونزيد ومتي نبدأ نكول منه ونستفاد من دراهم مشهور شهري فضلا ودرا متين الف لبيت خزين فضلا طلبت منك كذا من مرة تقسيم شهريه خمس ملايين وسبع مئة في فديوهات السابقه وعطتيك كل معطيات وقتلك ولو كتابه قسمهالي في تعليقي ليس شكر فديوا منهم توضيح منك فضلا قبل 14من شهر هذا وجزاك الله خيرا
