انا راني معاك من بداية القناة انسانة صادقة وواقعية تهدري شتا كاين ماتستغفيش المشتركين نتاوعك صارحتينا بكلشي ماكذبتي ماقلتي عمرت داري بشهرية تاع زوج ملاين لانو لي يامن كلام كيما هذا غير المغفل ولاسف اليوتوب راه معمر بيهم وصدقك وصراحتك هي لي راها مخوفتهم منك خايفين يبانو على حقيقتهم على هذا لازم يهاجموك وناسيين بلي ربي ينصر صاحب الحق
أنا أستاذة ابتدائي وكثير من الأولياء يكونو السبب في تراجع أبنائهم بلا ما يحسو خطرش انت كي تعطي كامل وقتك لبنتك وتدخلي في دراستها فوق الحد .التلميذ يعتمد ويتكل عليك وممبعد يمل ويحس بعدم المسؤولية وتولي انت تقراي مشي هي .وعليه خلي بنتك تعتمد على نفسها وراقبيها من بعيد ولا تتدخلي الا عند الضرورة هذا اذا كانت البنت لا تعاني من مشاكل نفسية أو صحية طبعا .
يا استاذة راني عندي نفس المشكل لي راكي تهدري عليه عندي ابني3متوسط فالابتدائ كنت نقريه انا بصح ملي زيدت سيزاريان هملتو ودرك انا نقولو اقرا هز تقرأ ميحبش وولا ميحفدش مليح ومتهموش لقراءة رغم كل النصائح لي نقلهم والتحفيز ات لكن متهاون انصحوني لوجه الله وش ندير معاه
@@user-in9te2ej7b هذا هو المشكل أنه كان معتمد عليك في الابتدائي وفي المتوسط يتغير النظام وتصعاب الدراسة لازم مجهود وانت متقدريش في كل الأحوال .اذا كانت التحفيزات منفعتش معاه جربي المنع أي عاقبيه بمنعه الأشياء التي يحبها واجعليها هي المحفز له .خطرش حنا خطرات نبالغ في التحفيزات فنوفر كل شيء وهذا غلط .وشوفي المجموعة لي راه مصاحبها الصحبة السيئة تؤثر خاصة لولاد الذكور في هذ السن يتعاندو على عدم الاهتمام بالدراسة . والأهم راجعي نفسك بلاك اهتميتي بخوه المزيود أكثر منه فعاقبك بالاهمال .ان شاء الله نكون فدتك شوية .ربي يفرحك به.
غير كيما اكتشفت قناتك شبحان لي عطاك قبول دخلتي قلبي بلا ما تعلميني تعلقت بيك كأني عندي سنين نعرفك انسانة متواضعة وما تتصنعيش ربي يشفيك ويحفظلك اولادك ويعطيك ما تتمني
راكي كتبتها نتي ذهب يلمع والدهاب غالي ماشي اي واحد يقدر عليه نتي راكي كنز وجابك ربي في طريقنا والحاجة لي تخلي الواحد يبغيك هي عفويتك وتواضعك نتي انسانة من الواقع لي رانا عايشينه ودايما تحطي يدك على الجرح وتحاولي داويه وهذا اصلا اختصاصك سبحان الله ربي يحفظك ويبعد عليك شر الخلق ويحفظلك زوجك واولادك🤲🤲توقعي انو يكون عندك اعداء الانبياء تعرضو لأشد الابتلاءات بسبب الرسالة السامية نتاعهم فما بالك انتي مادامك صادقةةغادي يهاجمك غير الكذاب والخبيث يخاف لا يفتضح امره😉❤
رب يحفظك يا اطيب اخت لك شكر كبير من اختك ام انفال رب يقدرك ويعطيك قد نيتك انت كالبلسم مفيدة ونافعة في كل المجالات نشكرك بزاف علا نصيحة للاخت الي تعاني من بنتها وانا بدوري نقولها اصبري مع بنتك
كاين حاجة شفتها فيك تدعمي اصحاب القنوات لي يكون خاصهم دعم مع انو قناتك صغيرة شفتك تعاوني القنوات الصغار باش يطلعو وناسية قناتك عكس قنوات النفاق شفتهم يتعمدو يذكرو القنوات الكبار باش هوما يردولهم ويطلعوهم نتي تبغي تطلعي بمجهودك وتبغي الخير للجميع بدون اي مقابل هذا هو القلب الصادق صراحة نتي كنز وللي ماعرفكش خسرك 💎👑💎👑💎👑💎👑💎👑💎👑💎👑💎👑💎👑💎👑💎👑💎👑💎👑💎
شوفي في الفيديو هذا كنت مازال ماعرفتش واش كاين وبعد ما حطيت الفيديو هذا لقيتها داريرة فيديو اخر جرحني بصح هنا ما قدرتش انا انسانة وعندي مشاعر الفيديو لي رايح ينزل بعد هذا راني موكلة ربي عليها لأنو انا كي نحب انسان نحبه بصدق وعمري ما ناديه بصح كي ما يقدرنيش وياديني ويحاول يشوه صورتي امام الناس نوكل عليه ربي هو الفيصل بيني وبين كل من يأديني انا راني ندفع ضريبة كوني حابة نمدلكم كل ما فيه فايدة اكيد في نضري سامحيني حبيبتي هذي المرة وكلت امري الى الله
ربي يحفض وينجحهم ولادك و يكبرهم على الدين و الطاعة ما تخافيش عليهم باذن الله ناجحين دنيا و اخرة لانك انسانة طيبة حبيبتي و يحفض وليداتي و ينجهم و وليدات والموسلمين
ام طاهر انا من متتبعي نتاعك منعلقش نحب نتفرج عليك كما حكيتي على بنتك حسيت بيك وحطيتي يدك على الجرح عندي ابني عندو طيف التوحد وراني نكافح معاه ونعالج فيه المرحله الكبيره خرج منها ودخلتو يقرا وضرك راني معاه نحاول معاه باش يرجع يعرف يقرا مثل اقرانو من التلاميذ 😢ولله صعيب بزاف باش تبعي طفل في هاذي الحاله ربي ينجو ويتعلم حتى جزء صغير ربي يحفظلك بنتك وتشوفيها في اعلى المراتب تحياتي لك من بسكره
بنتي قريتها في بسكرة في ابتداىية رقاز محمد وهوما لي كان ليهم الفظل وعاونوني في بنتي حتى خرجت من هذيك المرحلة وخيرهم ماننساهش نتي ديري كوراج ودعي ربي هو الحنين الكريم وقادرةعلى كلش خلي يقينك بالله والله غير بنتي راها الحمد لله وعندها واحد القلب حنين ماتستخايليش صراحة كنت قاطعة الامل ولكن دعوة الخير والعمل الصالح دايما تكون معانا❤🌹
@@user-lj1vu7kw8w ولله ولله املي بالله كبير فوق متتصوى والحمد لله انو ابني نشوف فيه كما هكذا وين كان وكفاش رجع الحمد لله نحسها معجزه ومزال المشوار طويل معاه حتي ابني حنينه فوق خاوتو كامل وعاقل ان شاء الله يشفيهم ربي ويحفضهم برك
ياختي المال مهم والذرية تاني عزيزة انا قعدت عشر سنوات بلا أطفال وكان عندي الرزق وشحال من واحد عاش من تحتي الحمد لله منيش نمن على ربي الرزق رزق ربي ولازم نتفكرو لي تحت منا تالمو عايشة عيشة يحسدوني عليها بصح كنت حاسة بالحرمان ومين ربي عطاني الاولاد المال نقص الحمد لله على نعمة الاولاد اكبر واحلا النعم بصح هنا فهمت علاه اسمها دار شقاء حتا حاجة متكمل من كل النواحي الحمد لله حمدا كثيرا الاولاد تاني عندهم متطلبات ولازم يكون المال او التدبر يعطيك الصحة ختيتو كفيتي ووفيتي في كل الاجابات ربي يباركلك في رزقك ❤
ممكن اختي ربي يعطيك واش تتمناي كي جاوبيني انا راني غي كي سكنت و داري باغيا نعمرها وراني في 7 اشهر حامل راكي عارفة توجاد و مصروف نفاس و راه جاي رمضان و بيت لخزين ممكن توجهيني ويجعلها في ميزان حسانتك و راجلي خدام ماصو سمانة كاينة وسمانة لا
احلى فنجان قهوة من يدين اختي ام طاهر والله كلامك صحيح انا ام تاعي كانت كي تمرض ربي برحمها تقول انا غي نزوج ولدي ونموة كان اخي وحيد وفعلا نهار زوجناه شهر مور زواج. ماتت ربي يرحمها يجعل قبرها روضة من رياض جنة
ربي يحفظلك اولادك ويخليلك زوجك تاج فوق راسك ويعطيك صحيحتك ولازم يكون عندك اعداء لاانك صدقة واحسن منهم هذا يخلي الغيرة والحسد تغلب عليهم وحنا رانا عارفين كلش وشايفين كلش كي تسمعيهم يهدرو تحسبيهم ملائكة ولكن سمهم باين حتى الاعمى ويقدر يكشفهم عيب عليهم ياك راهم نسا ويلعبو لعب الرعيان يا حفيظ بعدهم عليها وعطيهم فاش يلتهاو🤲🤲🤲
Salem habibti je suis très heureuse de voir votre vedeo ani ftart w jit halit mon portable directement votre vedeo vous avez raison pour tout ce que vous avez dit il faut toujours l'organisation dans la vie moi je suis toujours organisée car je suis seul avec 2 grands bonhomme et mon mari je fais tout seule je me réveille tôt comme.ca je suis tranquille jaurai le temps pour faire mes tâches ménagères et de sortir pour voir la vie habibti jai vuvotre réponse cama vraiment touché mercibeaucoup je vous ai répondu et je vous ai poseune question en ce qui concerne chbeh sofra rps svpbisou ❤
نتي اختي الكبيرة وحبيبتي وغالية عليا وما نخبيش عليك صرالي شعال من موقف من قنوات كنت نعزهم ولكن اداوني وراني تحت الصدمة على هذا ماشفتش الرد نتاعك بغيت طريقتك على شباح السفرة درك نقراها من صابك حداية 💔
ادعولي اسلكني ربي من عملية ويتلم شملي انا زوج من فضلك حابة تقولولي اماكن لي نلقاو فيهم بروموسيو نتاع مواد غذائية في وهران انا راحلة تم نشالله وعندي نفاس نحتاج لي بروموسيو الله اجازيك ويجعلها في ميزان حسناتك ❤❤❤❤❤❤
ربي يقومك بالسلامة ويلم شملك مع زوجك🤲🤲🤲🤲 السوبيرات كاين زوج في يغموراسن وحدة الميرة ماركت حدا المحكمة والثانية الرحمة حدا التارمينوس تاع 4g وكاين زوج في ساريمي سيد الشحمي وحدة الرحمة والثانية تقابلها سموها الامير انا هذو لي نشري من عندهم وكاين bleu blanc النخلة في بير الجير
الراجل ما يتعب مايسقا مايحير في ولاتوا اتغداو ولا لا ديما قاعد في الدار كي ينوض واش طيبتي كي تهدر يقلها فمك مشرك ربي يهدي فقط ربي يعطيك متتمناي راني معرى ونفرغ في قلبي
ماكيش غبية نتي انسانة صادقة ونيةوماكيش خبيثة وهذي الصفات لي عندك ما تخدمش المصالح نتاعهم على هذا يحاولو يكرهوك باش تنسحبي بصح حنا رانا معاك ونبغوك ونعرفو كلش وشايفينهم وحدة وحدة وكي ما ساعدوناش خرجنا من قنواتهم ربي يحفظلك وليداتك وزوجك ويعطيك الصحة ❤❤❤❤❤❤❤❤❤❤❤❤❤❤❤
كومونتار نتاعك كي بديت نقرا فيه جاتني الدمعة وحدها ياختي مالقيتش روحي في اليوتوب فيه ناس صعاب ويعرفو يتمسكنو ويتبلاو والمشكل ما نعرفش نافق راني حابة نقفل القناة ونريح من شرهم والله غير عطيتكم من قلبي وما اديت حتى واحد ولكن...... 💔😢
@@user-lj1vu7kw8w علاه تلقايها والله رانا متونسين بيك انا وحدة ديراكت اختي وادا على الناس والله يلعزيزة عقليتي كما نتي نعاني ومزال نعاني هادا هو الإنسان النية نخليوها عند ربي هو يحكم مي حنا متخليناش رانا نتعلمو منك مام القوة وندوها من عندك انتي انسانة نادرة في هذا الزمان ربي يعطيك صحتك ويخليك لينا مدرسة نتعلمو منها وتاج فوق ريسانا
صباح النور حبيبة عمر النية والطيبة ما كانت حاجة عيب بالعكس الطيبة والخلق من شيم الكبار وقليل في هاذ الوقت اللي رزقه الله سلامة القلب اذا القلب السليم جوهرة نادرة عطاهالك ربي حافظي عليها وحذاري تخلي هاذيك الجوهرة تلطخ بالغبار بالعكس غطيها وافتاخري بيها انوا الله رزقك بيها ياختي رانا في زمان صعيب بزاف وباما شفت انا من امثال هؤلاء اللي فسدولي قلبي ورجعهولي اسود وراني نعاني درك باش نرجع قلبي نظيف وسليم كيما كان بكري امالا حبيبة قلبي وربي شاهد غلاوتك عندي وقتلك ما نعرفكش بصح ربي عالم واش كاين في لقلوب باسباب مثل هاذ الناس المنافقين نمرضو نفسيا وما نقدروش نقدموا قي حياتنا امالا خرجيهم من راسك القافلة تمر والكلاب تنبح حاشاك 🎉❤ وهاذيك القهوة قلعتلي النعاس درك نوض درك نطيب قهوة راها الربعة تاع الصباح نهارك طيب سعيد حبيبتي الغالية 🎉❤
هدرتلهم عليك قلتلهم كاين متتبعة نصحتني وقاتلي بالاكي توري كلش كاين ناس ما ترحمش ورانا فيها ميلاية صورتها قعدت تحرق في قلبها حتى قالت لي يدير اقتصاد مايشريش لبسة بمليون!!!!! الله يكثر من امثالك يا لحبيبة❤❤❤❤❤❤
ام الطاهر انا متتبعة وفية... ونحبك بزاف.... وانا نتبع فيك حكيتي حكاية المراة اللي دعات على ولدها... رب يحفظك تقدري تقولي لي هذ المرأة اسمها فطيمة؟ لاني سبحان الله امي الله يرحمها دعات نفس الدعوة بلاك تعرفيها هههههههه..... احبك في الله