من سلسله #بيجو هنتكلم عن بيجو 205 مميزات و عيوب كواحده من #سيارات_مستعمله ودا بعد كلامنا عن #فيات و #لادا و #فورد و #سيتروين ضمن #سينما_السيارات في #سوق_السيارات استكمالا لسلسله سيارات بيجو ويعد كلامنا عن بيجو 206 هنتكلم النهارده عن واحده من اكثر بيجو مبيعا و ال وصلت مبيعاتها ل 5 مليون عربيه في الاسواق العالميه عشان تحقق الانتشار القوي وهي بيجو 205
بيجو 205 اتصممت كعربيه هاتشباك صغيره وبدايه انتاحها كان سنه 1983 لحد سنه 1993 واتصنعت في فرنسا وبلاد تانيه زي انجلترا و اسبانيا و البرازيل
وزي م قلتلك انتشرت بشكل كبير في الاسواق العالميه بموديلات مختلفه والموديلات و التجهيزات كانت بتبقي علي حسب الوكيل ال بيعتمد العربيه
اكتر موديلات ال 205 انتشارا كان بيجو 205 gti و الموديل دا كان بيتميز بالرياضيه مع قوة الموتور و ال كانت بتبقي في رينج من 1600 ل 1900 cc مع 105 و 130 هورس باور وقوه الموتور دا مع التسارع و الاتزان كان بيدي تجربه قياده مميزة
تاني موديل كان بيجو 205 المعتاده او زي م بنقول هنا في مصر العاده والموديل دا كان الاختيار الاول لل عايز عربيه اقتصاديه وبسيطه وعمليه بشكل اكبر وكان بييجي بموتور ١٠٠٠ و ١٩٠٠ cc
اما تالت موديل كان بيجو 205 تربو و الموديل دا بقي كان الاقوي و الاسرع من بيجو 205 ودا لانه مزود بتربو تشارج مع موتور 1600 cc ٢٠٠ هورس باور
بيجو 205 برغم اصدار موديلات بطابع رياضي منها الا انها كانت في كل الاحوال اقتصاديه و موفره بشكل كبير للبنزين ودا بسبب مواصفاتها فالعربيه كانت بتيحي بطول 3 متر ٦٤ ل ٣ متر ٦٩
و عرض من متر 56 ل متر ٦٢
وارتفاع من متر ٣٦ ل متر ٣٧
ووزن من 800 ل 950 ك
مع معدل استهلاك بنزين من 5 ل 8 لتر لكل 100ك
وتانك بنزين بسعه من 45 ل 55 لتر
و شنطه خلفيه بسعه من 240 ل 290 لتر ودا برغم حجمها الصغير
و المواصفات دي مع تسارع من صفر ل ١٠٠ في ٩ او ١٣ ثانيه
دا بتسارع من صفر ل ١٠٠ في
وسرعه قصوي من ١٦٠ ل ٢٠٠ ك في الساعه
و الاختلافات في المواصفات كانت بتبقي علي حسب الموديل و البلد المصنعه
فاكر لما قولتك في اول الفيديو علي مبيعات البيجو 205 و ال وصلت ل ٥ مليون عربيه في بلاد مختلفه اهو المبيعات الكبيره دي حصلت بسبب مميزات جت مع العربيه ادت لانتشارها بشكل كبير
اول ميزه الاقتصاديه
فالعربيه اقتصاديه جدا في استهلاك البنزين بمعدل استهلاك من 5 ل 8 لتر لكل ١٠٠ ك
تاني ميزة الاعتماديه بيجو 205 في حاله اهتمامك بيها هتلاقي منها اعتماديه وقله اعطال ودا طبعا مع موتورها القوي
تالت ميزه التصميم تصميم ال 205 مقبول جدا وعصري وعايز اقولك ان في حاله انك عدلت فيها شكلها بيبقي مميز جدا وجذاب
رابع ميزه تجربه القياده تجربه القياده جميله جدا ودا بسبب الاتزان القوي في حاله اهتمامك بالعفشه مع التسارع فالعربيه سحبها ممتاز وسلس ودا بسبب الاستجابه السريعه للموتور مع دولسه البنزين و الغيار
خامس ميزه الراحه الداخليه و التجهيزات فسواء للركاب او ال بيسوق هتحس براحه كبيره للكراسي دا غير انها بتمتص عيوب الطريق الي حد ما انا بقي التجهيزات فالعربيه تجهيزاتها مقبوله جدا بالمقارنه بعربيات تانيه من نفس الفئه زي تكييف وازاز كهربا وساوند سيستم وكراسي جبد وبلاستك مرن والتجهيزات كانت بتختلف من موديل للتاني
سادس ميزه المتانه فالبيجو 205 زيها زي باقي عربيات بيجو بتتميز بمتانه الصاج و قوة عفشتها فالعربيه هتستحمل معاك بشكل كبير سواء في المسافات مع الطرق او الطرق المكسره لكن بردة دا في حاله انك من وقت للتاني بتشيك عليها وتتابع مع صنايعي مختص
سابع ميزه سعرها سعرها يعتبر مقبول جدا وفي المتناول لناس كتير
برغم المميزات الكتير ال ذكرناها عن بيجو 205 وال كانت سبب في تحقيق مبيعات كبيره لشركه بيجو الا ان ال 205 ليها كذا عيب هكلمك عنهم بالتفصيل
اول عيب قطع الغيار قطع الغيار بتمثل مشكله مع ال 205 لكنها بتقبل قطع غيار بديله
تاني عيب تجربه القياده فبرغم انها كانت ميزه في ال 205 وذكرناها في المميزات بسبب الاتزان وغيره الا ان في مشكله في اغلب الموديلات وهي العزل فمع السرعات العاليه هتسمع صوت الموتور بشكل واضح دا غير انك ممكن تلاقي اهتزازات مع زياده السرعه
تالت عيب الهيكل الخارجي فبرغم متانته وقوته الا انه مع الوقت بيتعرض للتاكل وهتظهر اجزاء من البارومه في اجزاء مختلفه
رابع عيب نظام الكهربا فمع اعتماديه الموتور و الاجزاء الميكانيكيه الا ان كهربه العربيه بتمثل مشكله في بعض الموديلات وال هتحتاج انك تتابع مع صنايعي مختص
اخر عيب حجمها حجم ال 205 صغير وبيخلي العربيه تميل اكتر للاستعمال الشخصي ومش مناسبه للعائليه دا غير انها قريبه من الارض ومع الاوزان هتتعرض للاحتكاك مع المطبات بشكل كبير
طيب خلاصه الكلام بقي تشتري بيجو 205 ولا لا
اشتري بيجو 205 في حاله انك عايز عربيه استعمال شخصي ومش للعيله واشتريها بردو لو انت شباب فالعربيه مع التعديل او مجرد الاهتمام بسها بتبقي جذابه جدا وجميله طيب امتي متشتريهاش متشتريهاش لو مش هتعرف توفرلها قطع غيار او قطع غيار بديله ومتشتريهاش في حاله انك عايز وتبيعها وتكسب فيها ودا لان برغم انتشارها الكبير في الاسواق العالميه الا انها مش منتشره في مصر بشكل كبير وملهاش شعبيه اوي في السوق المحلي
ودا بيسبب قله الطلب عليها اخر حاجه بقي متشتريها في حاله انك مش هتعرف تتعامل مع مشاكل الكهربا
لكن لو عن نفسي ورأيي الشخصي في العربيه فانا شايفها قيمه كبيره مقابل سعرها الرخيص لانها فعلا اعتماديه ومشاكلها مش مشاكل معقده وتقدر تتعامل معاها
دا كان فيديو بيجو 205 متنساش اللايك و السبسكرايب سلام ي وحش
23 окт 2023
