كلامنا عن #بيجو 307 sw كواحده من اكفأ ال #سيارات_مستعمله في #سوق_السيارات ودا فيله سيارات بيجو ضمن محتوي #سينما_السيارات وتبعا لسلسله سيارات #سيتروين #فورد #دايو #فيات #لادا #دايهاتسو
بعد ما اتكلمنا بأستفاضه عن بيجو 307 xt الاكثر شبابيه ورياضيه فيديو النهارده بقي موديل تاني من موديلات ال 307 وهي بيجو 307 sw
سنه 2002 تم اطلاق ال sw كجزئ من موديلات بيجو 307 واتميزت بالعائليه والعمليه وبسبب تجهيزاتها و الاوبشنز ال فيها مقابل سعرها ناس كتير بتعتبرها الاختيار الافضل
ال 307 sw نزلت بفئتين والفرق مبينهم مكنش كبير للدرجه ال تخليك تشتري الفئه التانيه منها عشان كدا فلو قررت تشتري يقي خليك في الفئه الاولي منها
والفروقات م بين الفئه الاولي و التانيه كانت بتبقي في مرايات الضم الكهربا وحجم الجنط الفئه الاولي ١٥ و التانيه ١٦ وحاجه تانيه في نظام الامان ال هو esp نظتم الثبات الالكتروني لكن باقي التجهيزات كانت بتنزل مع الفئتين نفس النظام المواتير
فبالنسبه للتجهيزات فال ٣٠٧ كانت بتيجي بتجهيزات بتميزها جدا عن كل العربيات من نفس الفئه زي فتحه سقف بانوراما في الفئتين و مثبت سرعه وكلوز درايف تقدر تتحكم في نظام الصوت بسهوله عشان متفقدش تركيزك في السواقه دا غير امكانيه طي المقاعد والتحكم فيها بشكل كامل دا حتي ممكن تشيلها خالص وفي الحاله دي مساحات التخزين عندك هتبقي بحر مع التجهيزات دي هتلاقي جوده كبيره في الخامات مع النيكل ال موجود في الفيس و الدركسيون اما بالنسبه للمواتير فكانت مشتركه للفئتين فال ٣٠٧ sw كانت بتيجي ب ٣ انواع مواتير ١٤٠٠ و ١٦٠٠ و ٢٠٠٠ cc
مع التقارب الشديد لتجهيزات بيجو 307 للفئتين نفس النظام حصل في الموصافات
فالعربيه كانت بتيجي بطول ٤ متر ٤١
وعرض من متر ٧٥ ل متر ٧٦
وارتفاع من متر ٥٣ ل متر ٥٩
مع تسارع من صفر ل ١٠٠ في ٠ او ١٣ ثانيه
بسرعه قصوي من ١٨٠ ل ٢٢٠ ك في الساعه
دا بالضافه لتانك بنزين بسعه من ٥٠ ل ٦٠ لتر
مع وزن من ١٣٠٠ ل ١٥٠٠ ك تقريبا
والمواصفات دي كانت بتبقي علي حسب كل فئه و الدوله المستورده و الوكيل في كل بلد
بيجو 307 sw كانت ومازالت واحده من اهم العربيات في سوق السيارات ودا بسبب مميزات جت مع العربيه رغم انتقادات اتوجهت من مستخدمين كتير ليها وهنتكلم عن الانتقادات دي في العيوب لكن بالنسبه للمميزات
فأول واهم ميزه الامان
ال ٣٠٧ بتتميز بتعدد وسائل الامان فيها حتي انها خدت زي مقولتلك ٤ نجوم من ١٠ في اليورو انكاب فوسائل الامان اتعددت في eps و abd و esp دا غير ٦ ايرباج مع ٧ احزمه امان وطبعا لما تيجي تبص علي منافسيها من نفس الفئه السعريه هتلاقي ان ال sw في حته تانيه خالص
تاني ميزه التجهيزات و الراحه
و طبعا انا ذكرتلك التجهيزات واشكالها و تنوع التجهيزات دي بيأدي لنوع كبير من الراحه حتي في المقاعد فمش هتحس بتعب مع المسافات الطويله نتيجه لاتساع مساحه العربيه من الداخل دا غير امكانيه التحكم بالتفصيل في وضعيه الكراسي
تالت ميزه تجربه القياده
تجربه القياده لل sw ممتعه جدا ومش هتمل منها ابدا مع المسافات ودا بسبب الاتزان القوي والتسارع وسحب العربيه ع الطرق السريعه لكن في البعض بيعلق ان العربيه صوتها بيعلي من نقله غيار للتانيه والحقيقه الجزئيه دي ممكن متبقاش مريحه لكا الناس لكن اللاج ال م بين الفتيس و سحب الموتور و الصوت العالي مع ارتفاع ال rpm دا بيحصل عشان تتدي قوه وتسارع وعزم اكبر للعربيه لكن الجزئيه دي بتحصل بشكل بسيط جدا ومش ملحوظ اوي
رابع ميزه التصميم تصميم العربيه من رأيي ممتاز والدليل علي دا انها بتنافس في الشكل عربيات اصدار السنه والحقيقه تنا شايف ان دا العادي بتاع بيجو فهتلاقي دايما تصميمات بيجو سابقه عصرها
خامس ميزه قطع غيارها
قطع غيارها ممكن متكنش متوفره بشكل كبير في كل المحافظات او الاقاليم الا ان سعرها مقبول جدا واعتماديه بشكل كبير برغم ارتفاع سعر قطع غيار عربيات تانيه لبيجو ودا المعروف عنها
سادس ميزه الاعتماديه فالعربيهرفيرحاله اهتمامك بيها هتلاقي منها اعطال قليله خاصه لما تتعامل مع حد مختص
سابع ميزه سعرها
سعرها مناسب جدا جدا ع امكانياتها فبو جيت قارنتها بعربيات تانيه بنفس السعر هتلاقي تجهيزات وامكانيات اقل من موديلات تانيه بنفس السعر هشان كدا انا شايف ان سعرها كويس جدا ٧
اما اخر ميزه اعاده بيعها
فأعاده بيعها بتتوقف علي حسب حالتها ومدي اهتمامك بيها والسعر ال انت عارضه
لو سألت عن ال 307 sw هتلاقي ناس بلاش من العربيه دي ومشاكلها كتير وحوارت في عيوبها
لكن خليني اقولك علي عيوبها بالتفصيل ولو في حل هقترحهولك
اول عيب الصيانه
بيجو 307 sw زيها زي اغلب عربيات بيجو صيانتها مش سهله وصعب اي صنايعي يشتغل فيها ودا لان اجزائها الميكانيكيه معقده ومس متشابهه مع عربيات تانيه
تاني عيب الكهربا
كهربه العربيه للتسف مشاكلها ممكن تكتر وتتعقد صعب تحلها ودا ال هتلاقيه لو اهملت عطل ولز بسيط في كهربه العربيه ممكن تلاقي مضاعفات للمشكله زجابت اجزاء تانيه في الكهربا وارخم اعطال الكهربا فيها واكثرها تعقيدا هي الضفيره لكن خليني اقولك ان الاعطال دي مش متكرره ال هو كل يوم يعني بس عشان تتفادي العطال دي الافضل انك تشيك عليها من وقت للتاني
تالت عيب الفتيس
فبرغم ان التوكيل و متخصصين من شركه بيجو يقولك هادي متغيرش زيت الا ان لازم لازم تغير زيت و يأستمرار و علي الاقل كل ١٠٠ الف ك ودا لان اجواء اوروبا والاستعمال الاوروبي غير هنا في مصر والهلك هنا اكتر بكتير فحكايه متغيرش زيت دي هتلاقي العربيه جابت منك فتيس من وقت للتاني بسبب تكوين الرايش و الرواسب
فحط في دماغك حاجه اساسيه وهي تغيير الزيت ومتابعه صيانه الفتيس وفحصه من وقت للتاني
طيب في المجمل كدا بيجو 307 sw تمام ولا لا
والله انا عن نفسي شايفها قيمه جدا مقابل سعرها خاصه مع كم الاوبشنز و وسائل الامان ال فيها ومش في عربيات تانيه اعلي منها كمان في السعر
27 авг 2024
