انا قبل كنت متردد أخذه أو لا.. أو أخذ سيارة غيره.. والناس يحذروني هج عن التاهو به عيوب. مقصاته نازله ويصرف بنزين ومن هالكلام. لكن يوم قارنت سعره بسعر باقي السيارات لقيته هو أرخص واريح وأوسع واقتصادي. - الصرفية اللي سمعته عنه طلع مايصرف اعبيه فل احمر ١٧٠ ريال. ويمشيني ٨٧٠ كيلو. - تعشيقاته ناااااعمه وماتحس بالقيير. ما شاء الله. - بالسرعة ماتحس به بسبب الراحة - الإنارة الخارجية بالليل بالخطوط ممتازه لو أن أهل السيارات الصغيرة يعميهم النور هههه - التكييف ممتاز أفضل من الموديلات اللي قبل. - أعجبني انه خفييف الموتر فيه خفه. والأعجبن أكثر الطائرة تأخذ اللفة بسهولة مايحتاج ترجع وتلف.. لفته قصيره. - اللي خذيته طبعآ نوعه LT فيه ثلاجة ما شاء الله فريزر يجمد الماء فيها. - فيه عيب هو صوت القزاز الخلفية كانت تطلع صوت مع المطبات. لكن حله سهل وهو انك توزن قفل القزاز. ويختفي الصوت لو تمسك ردميه. - فيه عيب المقصات الخلفية وكنت متخوف بعد منه.. لكن يوم جربته بأجبال وبحجره ما شكيت من المقصات. حتى بالنفود عليه عزم بدون ماتحتاج الدبل يلعب بالنفود لعب ما شاء الله. - فيه عيب بعد وهو الكبوت خفييييييف حيل لو تجاوزت تريله يهتز. والسبب لأن الوجهية كلها تهوية. - صحيح سعره غالي لكنه يستاهل. والسيارات الثانية اللي بنفس فئته وعائلية سواءآ تويوتا أو فورد أغلى منه بزيادة.. حتى السيارات الصغيرة أسعارها من ١٤٠ الف ل٢٢٠ الف
الموتر خفيف. وداخل المدن استخدمه بشكل يومي. الحمد لله اموره طيبه.. المواتر الصغيرة صحيح اوفر. لكن انت دافع فلوس ع التاهو عشان تستمتع بسواقته وراحته.. شف اي زميل لك معه تاهو او استأجر واحد من مكاتب التأجير وجرب تسوقه بمدينة وخط وبر..
اللون يفرق ترى كثير في شكل الواجهه للسياره انا اشتريت نفس الفئه ذي بس اللون بيج والشكل ماشاء الله تبارك الله فخامه بس اللي معك اسود والشبك اسود ف اظن ماتوفقت في اختيار اللون وفي النهايه الناس اذواق
يرحم والدينك لا تفتي علئ اي اساس قلت اليوكن عليه طلب اكثر من التاهو ؟!! اخر احصائيه شفتها قبل شهر انه التاهو ضعف مبيعات اليوكن !!! رجاءا لا تعطينا معلومه منت متاكد منها
٢٠٠ الف في امريكي كثير صراحه الا اذا فلوسك واجد وتحب تغير كل فتره ، اما المستخدم اللي يبغى سياره توديه وين يبي ياخذ ياباني وينام، على سبيل المثال في البر ينفع على خفيف وذا انت في الجنوب وتسكن في جبال ما ينفع، طرق وعره على خفيف ولا يعتمد عليه، لذلك تعتبر سياره عائليه فقط للمشاوير والخطوط بين المدن ، شوف غباء التصميم وين وصل حاطين انظمة دفع رباعي والمقصات شبر عن الارض.
هلا بدر اليوكن احلى وجه لاكن قالوا فيه عيوب منها المقصات نازله وكذلك مسألة انه اذا وقف نصف ساعه يجي تحذير اذا لم تتحرك سوف يتم إطفاء المحرك تلقائي وفيه كذا عيب واحد تكلم عنه من اخواننا بالكويت