تبي تعرف كل تفاصيل انظمة هيونداي سوناتا 2020 الجديده الفل حياك تجربه تفصيليه 

الزبده انه موتر يجمل حقيقه ،،، فخامه وترفيه داخل المقصوره تنبيه قبل الاسطدام تنبيه الخروج عن المسار تنبيه المحافظه على الطريق نقط عمياء سواقه شبه ذايتيه اربع كاميرات شاشات الترفيه حدث ولا حرج الطبلون فخخخخم وغيره وغيره الكثير. اسأل الله ان يرزقني ويرزق من يقراء

ليت تستخدم كميرات قو برو تثبتها على راسك وتشرح ولا تمسك الجوال، والله طول الفديو مركز على الطريق تقل راكب معك 😂

كلمتان خفيفتان علئ اللسان ثقيلتين في الميزان سبحان الله وبحمدهه | سبحان الله العظيم✨💛

اي سياره عمليه حقت استخدامك اليومي لاتشتري فل اوبشن ابداً 1-النور اذا انكسر بدل ماتدفع 800 راح تدفع 2000 وطالع لان النور ال اي دي 2-المرايه بدل ماهي ب 400 اصلي راح تشتريها دبل ثلاث مرات عشان التعتيم والكاميرا والمنطقه العميا . 3-البانوراما تحتاج مظله وتحتاج صيانه وتنظيف واهتمام وتمتص الحرار والاصوات المزعجه . 4-الجنوط شكل جميل ورساوه افضل لكن تتكسر وغير عمليه ومريحه . 5-الجلد سيئ بالصيف وراح يتشقق وغير عملي . صدمه خفيفه من الامام بدل ماتغير صدام ب 1000 راح تغير بالفل اوبشن الرادار وتخيل كم قيمته . هذي الامور تهم فئه معينه مجربه السيارات النص فل والفل مع الوقت والحوادث البسيطه خاصه ان مامعك تأمين شامل راح تندم كثيرا عشان كاميرات واشياء ماتعمتد عليها ولاتقدر ترهم وتستغني لان الكمبيوتر بيكون شغال تحذيرات من الاعطال او الكسور اللي احياننا ماتقدر ميزانينك على دفعها وشكراً

يالله برزقِ ما حسبنا حسابه. ينسي المحتاج وش كان محتاج..

السيارة فخمه ما عليها كلام حبيب الشعب تجربه ممتازة انا من عشاق سوناتا 👍😍

يعطيك العافيه تجربه ممتازه وشرح مفصل .. مايحتاج الشخص يبحث عن المواصفات والمميزات بالسياره .. اذا مناسبه له يتوكل على الله وياخذها

للي يبي يعرف أقساط السوناتا 2020 النص فل ب 1750 شهريا أما الفل ب 2150 هاذي الي بوكالة المجدوعي بالدمام

‏ما شاء الله تبارك الله الموتر حلو ورائق ‏وانت يا بو بندر مبدع من يومك تسلم على التغطية والتجربة ( أمير التجارب )❤️😘🌹

ماشاء الله تبارك الله عليك ي اخونا نمر طبعا مبدع كالعادة تجربة وشرح كامل شامل وجداا واضح كل شي ومعطينا الزبدة لدرجة كأنك مستأجر الموتر وراكبه ولافيه اي ملل وكلام فاضي .والله يعطيك مليون عافية ومشكووور .وبخصوص السوناتا والهونداي اهنيهم على هالخصائص والمميزات ابدعوو فيها مررة

يعطيك العافيه ابو بندر ع التغطيه وماقصرت لاهنت متى تنزل التيربو مافي اخبار عنها. وسلامتك 😁😁

ما شاء الله تبارك الله أبدعت هونداي في التصاميم الجميله سياره رائعه من الآخر وابو بندر ما قصر الله يعطيه الصحه والعافيه فصلها تفصيل ويستاهل الدعم والنشر الله يوفق الجميع😘🌹

عن نفسي ما اثق بهالأنظمه مثبت السرعه لما تشغله يدك على قلبك😂 فما بالك الخروج عن المسار وتنبيه التصادم

اهم شي قوطي الصلصه يكون واضح في الكاميرا 😂😂😂 قمة في الوصف

كنت اشوفها مخيسة، لكن شفتها امس بالوكاله فخمه لاتحكم على الموتر حتى تشوفه ع الطبيعة🔥🔥

للامانة صارت رايقة ووانيقة و مليانة مواصفات.. برافو يالكوريين والله شغل عدل.. هذي سيارة واحد هادي و رايق ولو تحافظ عليها تمشي معك ولاتقول شي .. ارفع القبعة للكوريين

يبدوا ان الكوريين سبقوا اليابانيين بمراحل موتر جميل جدا استمر دايم تتحفنا بجدبدك لا خلا ولا عدم

ما شاء الله طبعا السوناتا ما يحتاج كلام موتر ممتاز واهم شيء الصرفية للأمانة اعجبتني وتفوز بأفضل سيارة بفئتها وحتى بالنسبة لي افضل من بعض السيارات اللي من الفئات الاعلى ويعطيك العافية يابو بندر على التغطية الاكثر من ممتازة

المشكلة كل واحد يشوف الفديو يكدر يحط لايك واحد وانت حقك يا ابو بندر مليون وأكثر منا كلنا احنا متابعينك♥️😍🌹

هاذي وصلتنا بالجزائر بالجنوب ورقلة والواد سوف هي روووعة فيها محرك قوي جدااا بتمنى امتلكها 😍😍

كل شي فيها حلوه حتى الواجه ماشاءالله جميلة وحلوه لاكن خلفيتها صراحه ما عجبتني وسعرها مرتفع صراحة ولاكن بالاول والاخير الناس اذواقق لولا اختلاق الاذواق| لابارت السلع💛✨.

انا معي سوناتا ٢٠٢٠ سمارت ماشيه معي ٣٠ الف ماشاءالله تبارك الله أخذته اول م نزلت في معارض مافيه شي وانا محافظ جدا في سيارات كانت معي سوناتا ٢٠١٦ أخذته على أيامه ب ٨٠ الف فل مفتاح جلست معي ٥ سنوات مشيت عليه ١٥٠ الف غيرت زيت قير مره وحده و فحمات مرتين و كفرات غيرته مرتين فقط وكل صياناته في وكاله و محافظ عليه انا مستغرب إلى يقول سوناتا تخبط ي رجال إلى تخبط معه إلى مو مهتم فيها و رجله حاره بقوه و زيت يركب كل مره نوع عشان كذا هي حساس بس سياره اهتم فيها و تعيش معك زي حلاوه

اذكر الله وصل على النبي لايك ، اجر لي ولك

اول مانزلت كنت رافض الشكل هذا بقوه لكن الحين من اشد المعجبين له وبأذن الله بطلع وحده قريب

اي سيارة جديدة مكيفها راح يكون ممتاز ماراح يبان معك المكيف اللي بعد فترة

ياعيني يبو بندر ع ذي التغطية الي عيشتنا جوها والله حسستنا ماسكين الخط معك ياجعل مثواك الجنة . صراحة الموتر يبرد اقلوب على المسرى غلايل . فخامة ورحابة . الله يرزقنا بالجنة . ويرضينا بلي معنا . اشكرك💜🍂

شئ اكيد ان الهواء يعتبر اختبار لقوة العزل فإذا هذا عزلها يعتبر سيئ مو اذا سمعنا صوت العزل سيئ نقول في هواء براء قوي!! اجل متى نختبر العزل؟!!!!

انا من متابعينك من بداياتك ولا مره يا ابوبندر ذكرت عيوب سيارة معينة بكل قناعة وثقة بس الايجابيات لازم المصداقية في المحتوى اللي تقدمه عشان الواحد يشوف ويشتري وهو مرتاح وسلامتك يابعد حيي

اول شي وقبل نفتح المقطع وقبل كل شي تستاهل الف لايك يبو بندر والله يعطيك الف عافية انت ومتابعينك😊❤

صراحة غطت على الكزس بالفخامه والمواصفات وبقوة ما شاء الله والحلو سعرها مقابل المواصفات جدا ممتازه الله يرزقنا

صراحه محتار بينه وبين الكامري بس احس ذي شكله غريب وانظمته ونظام الترفيه متطورات بقووه

اخي العزيز ابو بندر ارجو منك انو السعر يكون بــ الدولار لان منعرف بلريال الصراحه تحياتي الك ❤️ اخوك من العراق🇮🇶

ابو بندر نبيك تجرب مازدا6 التيربو 2020 والله تغطياتك وافيه وممتازه 👌🏼

اللهم مع هذه الليله ان ترفع عنا هذا الوباء عاجل غير أجل ونرجع للحياه الطبيعيه

السوناتا الجديدة اثبتت وجودها بٰـ2020 😴😴😴😘

جربتها تست درايف حلوة والله وكيوت الموتر دلع وناعم ومواصفات الفل والسماعات خيالية

اتوقع اذا حادث بسيط بصدام الامامي راحت كل الانظمه والحساسات والادار وتتوهق تصير معك سوح!

ماشاء الله تبارك الله السوناتا روعه خصوصا الشكل الجديد مواصفات وتقنية وتكنولوجيا متطورة متميزة بين المنافسين صراحة الافالون مابها المواصفات هذي

كيف تكون لو كانت هجينة وهذي السوناتا كيف الازيرا بتكون ماشاء الله تبارك الرحمن الكوريين نقزو بدل ما ينافسو اليابان صارو ينافسو الالمان 😂😂😂

اذكر الله.. - سبحان الله وبحمده - سبحان الله العظيم - استغفر الله واتوب اليه - لا حول ولا قوة الا بالله - اللهم صل على نبينا محمد...❤️

ابو بندر تجربة السيارة بالخط فكرة حلوة بس ياليت لو تركب لك مثبت كاميرا لانه خطر تسوق وتصور بنفس الوقت حياتك اغلى من قناة يوتيوب

ماشاء الله تبارك الله 😻😻😻 عز يالهيونداي ادعس الياباني والألماني انشهد انه عز الهونداي فخامة وميزات وجودة ورساوة وشكل فخم

اللي شاف الفيديو كامل بدون تقديم او تأخير لايك 😁✋

أي بالله يا أبو بنـدر أفضل شيء يوم تمسك بالموتر خط وتجربوه أهنئك ع التغطية يالامير

‏هلا والله بو بندر الغالي الله يعطيك العافية على المجهود اللي تبذله بالتوفيق بعد حيي ❤️🌹🌺😘😘

معلومه لاصحاب السوناتا تخص المكيف دائماً لا تحط المكيف على ابرد شي لان المكيف يصير يالله يالله يبرد فا حطه على ٢٠ او ٢٢ وقوة المروحه حطها على ٢ او بالكثير ٣ الافضل على ٢ في ذي الحاله المكيف يثلجك ماشاء الله تبارك الله

السياره جميله حتى الموديلات الاوله الي كانت تخبط اكتشفو الخلل المصنع طلع علبة الزيت صغيره كبروها هي سبب التخبيط بس المشكله الوحيده انها المكينه ٤ سلندر لو خلوها ٦ سلندر

انا جربت السياره بوكالة المجدوعي الي بالدمام، والله موتر بطل 👌🏼❤️

يعطيك الف عافيه يابوبندر والله يبيض وجهك يالامير.. بعد هالفيديو قررت أشتري هالمزيونه فل الفل

الحمدالله شريت الموتر فل ابشن ومشاء الله الموتر جبار ورساوه ونعومه في المطبات والمكيف جميل وانظمة الامان والسلامه ممتازه

أنت يأخ أبو يندر مشكور لكن يجب تنتبه لمستوى المصداقية ولا تركز على تقييم عابر ولمدة لا تتعدى ثلاث أيام لسيارات المشتري مقبل لإمتلاكها عدة سنوات

الحمدلله شكراً وامتناناً، وإقراراً بفضله ‏واعترافاً بعظيم كرمه، الحمدلله ليلاً ونهاراً، ‏سراً وجهاراً، الحمدلله ملء كل شيء.

ابو بندر نفس صرفيه الكامري2004 قير عادي من القصيم لرياض نص التاكي اما ك شكل حلوه والمواصفات

اي واحد يبي يشتري موتر خذ لك ع قد راتبك عشان ما تنبلش بعدين وخذ لك نفس موتر الي ودك تشتريه إيجار عشان تجرب وتشوف عيوب السياره والله يرزقنا ويرزقكم ❤️

ابو بندر من فضلك لو توضح وش المقياس اللي تعتمد علية في العزل الارضي والخارجي من واقع التجربة افضل سيارة العزل 1 الالماني 2 الامريكي 3 الياباني 4 الكوري والصيني وشكراً

اتحدى لو اي شركة تعطيك الانظمة والفخامة والسلامه هاذي بنفس السعر ويجيني واحد يقول الكامري اطلق ياعمي توكل بس انت وصندوق الامتعه حقك !

يعطيك العافيه اخوي ماقصرة على التغطيه امس قدمت عليها وبعد عشره ايام استلمها بس خديت الي تحت الفل تحيه خاصه لك من الشرقيه

نرجو من كل الشباب التروي وعدم التسرع بالشراء من أي دفعه جديده لكل الماركات لأن الاخطاء بالمئات

الله يرزقكم بسياره الي تبون 👐🏻

مشاء الله عليك يابو بندر ماباقي الا تقول عنها BMW

الله يحفظك ويسعدك دنيا و آخره.. ويرزق الجميع ويغنيهم من واسع فضله وكرمه.. مجهود رائع ومشهود منكم الله يحفظ الوطن من كل شر يارب العالمين

السلام عليكم يا ابو بندر والله انك أفضل يوتيوبر للسيارات ❤

*طلبت رأينا ، الرأي والله أمتعتنا يا أبو بندر وفي المقطع تقول طولت عليكم لا والله يا أبو بندر ما طولت وأقسم بالله أن قناتك أفضل قناة عندي وأنا من متابعينك من زمان ، أن شاء الله المليون متابع قريب بأذن الله وانت رجل تستاهل كل خير ، الله يحفظك ويسعدك*

كل ما كثرت المواصفات في اي موتر كل ما كانت الصيانة مع الزمن كثيرة جدا !

السوناتا للأسف الشديد ولحد يزعل مني أو ي هاجمني انا بقول الصدق ما جت بنفس التوقعات المطلوبة من ناحية صرفية البنزين تكون ممتاز بلس نفس الاكورد ونفس التيما ونفس الكامري ونفس مازدا كلهم ممتاز بلس الا سوناتا واوبتيما اقل منهم وايضا الكوري ما يحط الا ايرباقات كامله الا بالفل اوبشن سوا ازيرا او سوناتا او كدنيزا او اوبتيما يعني سلامتك وحياتك فقط إذا زدت فلوسك وأخذت الفل كامل ما فيه مسواه في جميع الأنواع من ناحية الايرباق كامل أمامية وجانببة وستارية

والله يا القياده شبه الذاتيه اني ما اثق فيها وهي في الشركات الالمانيه فما بالي بالشركات الثانيه زي الكوري والياباني والأمان اولا واخيرا بيد الله سبحانه

التسارع الدقيقه 34:40 فاعل خير 😚 لايك على شان يشوفون

ياليت يذفون بدل تسخين المقاعد تكون تبريد وتكون خصيصه لنا لان ذي ما تنفع الى نذاله واظافه مساج للراكب و السايق ويحفظون على الظهر و بي الخصوص العصعص وتكون ترجه المساج على حسب ولها ٤ وظعيات غير مستند الراص

صارت بي أم مب سوناتا ماشاءالله حبيتها ♥️😍

فكره الخط حلوهه استمرررر 👍🏻👍🏻👍🏻👍🏻

يا اخوان الكوري وخاصه الهونداي تصميمهم جميل،، وفيه فخامه،، لكن وش ابغى بالفخامه والتصميم الجميل اذا المواد المصنوعه غير متينه وكل شوي تقرقع علي السياره،، خذ لك اكورد او كامري وريح باااااالك. اهم شي خذ لك ايرباقات كامله.. اللاحظ الناس تهتم بالفتحه والمكيف الخلفي وناسي الايرباقات

بصراحة السيارة كتصميم وإضافات من جميع النواحي تعتبر الأبرز في نوعها يعني اذا تم تعديل السعر راح تكتسح السوق وننتظر المحرك الأكبر من نوعها اكيد تيربو يعني اذا مع محرك اسرع لا شغل ثاني .... قواك الله ابوبندر

ابو بندر ي حبيبنا♥️♥️ودي تجرب المازدا ٦ فل كامل مافي اي تجربة قيادة لها الجديده ابدا ف ودي تجربها وتعطينا تفاصيل اكثر عنها اذا ماعليك امر ♥️وصرفيتها

مواصفاتها تكسر عين الكزس بس ليت كل السيارات فيها قوة الصمود حقت تويوتا

المقدمة حسستني قناه اخبارية 🤣🤣🤣🤣

تشتري اي سياره هونداي من المجدوعي مايتسقبلها الوعلان تشتري من الناغي مايستقبلها المجدوعي والعكس واذا توديها صيانه الجميع يستقبلك مهما كنت من اي وكيل اي فشل هاذا بعت النترا ماشيه 7 الاف فقط فشل مكيف صوت طقطه بديكور والوكيل المجدوعي ماعرف لها 3 مرات وغير مساعد خلفي كوري توووووبه بس بهرجه بدون جوووووده القنوات الي تمدح غير المستخدمين

ينقصة فقط القير لو هو 8 نمر يكون أفضل

السوناتا بطلة مايخرب فيها شيء لكن المشكلة تخبيط مفاجىئ ولا احد يعرف السبب ويضل لغز يحير العالم مثل مثلث برمودا

الله يعطيك العافية يا ابو بندر و مشكور على جهدك الأكثر من رائع و بتوفيق ان شاء الله بس يا ليت تجرب المازدا 6 تيربو في الخط كيف عزلها و رساوتها كم فل التانكي تبعها و يعطيك العافية

رسمياً : صار لي اتابعك 6 سنين وكل مره تنزل سوناتا جديده اتابع مقاطعك واستمتع بالشرح وبكل شي وبنفس الوقت كل سنة ارجع انقهر اني ودي اشريها لكن انتظر الوظيفه 😩💔

بيض الله وجهك على تجربه يابوبندر واستمر على هالتجارب نبي تستمر تجربه وعلى خط افضل رحم الله والديك وحنا داعمين لك لايك على شن يشوف كلام

الله يعز الكموره ال20 موعد تدشينها ي شباب بعد يومييييين بعبد اللطيف جميل 😍😍❤

استاذي العزيز مقدر تعبك بس ياليت لو تحط معك مصور او تثبت الكاميرات لسلامتك بس 🖤

يابو بندر جعل عمرك طويل ابيك تجرب الكامري 2019 استاندر او نص فل 4 سلندر هايبرد الي معي لايك عشان يشوف 😍😍

في امريكا سيارة هوندا اكورد ستاندر اقل فئة يجي فيها رادار وتنبيه الخروج عن المسار عندنا الوكيل حاصر هذي المواصفات على الفل كامل فقط

صلوا على الحبيب محمد صلى الله عليه وسلم،،،،💖🌹💖🌹

ابدعت يابو بندر واصل ياكنقق ❤️❤️

وفيت وكفيت الله يعافيك..وعزالله ابداع وتطور رهييييب تحتاج ثلاجه تبريد بالتكايه وتكتمل❤

يا رجال اقسم بالله ان السوناتا ذي افضل من الافلون والكامري ولكورلا ... مع اني احب تويوتا لكن عبداللطيف نصاب يكرهك ف التويوتا .. شكرا هونداي السوناتا رهيبه الصراحه

السلام عليكم ابو بندر ، ي ليت تعلمنا عن ارخص 3 سيارات فالسعوديه تمتلك نظام القياده الشبه ذاتيه ، اول وحده عرفناها اللي هي السوناتا ، نبي خيارين ثانين نقارن ونشتري لان ابي اشتري هالشهّر

يعطيك العافية أخي أبو بندر بس فيه ملاحظه نظام ECO ليس للمسافات الطويله للمدن والسرعه ما تزيد عن 60 نظام التكييف في الباليسايد والسنتافي والسوناتا تم تغييره بالكامل تقبل مروري

يعطيك العافيه ابوبندر ❤ وب اختصار الموتر ابداع 😍

والله الموتر خش مزاجي لكن ودي يوفرون فتحة سقف عادية للفل اوبشن مايجبروني على البانوراما لأن عيوبها واجد

سيارة مبدعه ببساطه.

اوك هذي تشفع لها الموصفات لكن الاستاندر ليه 90 الف حتى الكاميرا شلحوها !!!

ممتاز جدا....وشوف كميه المشاهده مده يوم قريب مليون

مبروك الانترو الجديد😂

الله يعطيك العافية ابو بندر ماقصرت شرحك وافي بس ياريت تصور شفرولية بليز وتاخذها تجربة قيادة اذا قدرت الين الحين ماشفنا لها مقاطع كثير والله يوفقك

كل مقطع يقول بحط الروابط ولا يحط شي 😂😂😂