سؤالك جميل جدا ، العجلة الي شلتها في السكيت كانت علشان الويلز الي شلتهال خربت ومقدرش اني امشي عليها فا علشان كدا شلتها . في فيديو المسابقة فعلا فيه ناس شايلة للعجل وخصوصا العجلتين الي في نص السكيت ودا ممكن يكون شخص حابب الخفة الي واخذها من السكيت او نفس الي انا عملتو العجلة خربان فا شايلو . من ناحية ايه العجل الي تشيلو من السكيت بتاعك علشان تستفاد ، بص خلينا متفقين افضل حاجة بالنسبة للسكيت ان يكون فيه كل العجل لو كانو 4 او 3 عجلات على حسب السكيت ، ومنصحش انك تشيلهم علشان دا بيخلي وزنك بدل ما كان متوزع على 4 عجلات بقى على عجلتين + التحكم هيكون مش مريح لو شلت عجلة من العجلات ، فا افضل تجربة هتاخذها من السكيت الخاص بيك هيا باستخدامك لكل العجل . ومعلومة : لاعبين الslide بيحبو يشيلو العجل الي ف النص ودا علشان يخلي مقاومة بتاعت العجل اقل لما يتزحلقو بالسكيت ، لإن ف البطولات كل ما زادت المسافة الي عمل فيها slide اطول معناه نقاط اكثر . وبس يا صديقي انا مبسوط جدا بسؤالك ولو عندك اي سؤال اكيد هكون مبسوط بيه 🥹❤️❤️