اللهم عالم الغيب والشهادة فاطر السموات والارض رب كل شيء ومليكه وجميع خلقه اشهد لا اله الا انت اعوذ بك من شر نفسي ومن شر الشيطان وشركه وأن اقترف على نفسي سوئ أوأجره على مسلم ربي اشرحلي صدري ويسرلي أمري وأصلحلي شأني كله ولاتكلني الى نفسي طرفة عين توكلنا على الله
تنويه بسيط الاغلب او كلكم يعرف ذا الشي لكن ما يمنع نذكره لسلامة الجميع وعشان لا قدر الله ما تكون نهاية المتعه كارثه ناس كثير يعتقد الدبل يعني انه خلاص يطلعك من اصعب الأماكن او انه مخصص ونسي ان السيارات مصنفه تصنيف معين زي الجمس السوبر بان والفورد اكسبديشن واكسبلورر فيها دبل لكنه دبل (( مساعد للطريق ودبل ثبات مو مخصص للطرق الوعره الي اسمه (( اوفرود )) صاحب الجمس لو توقعنا طلع لحاله ومكان بعيد ومافيه احد ولا فيه شبكه الدبل الي عنده ما راح ينفعه مو مخصص للطرق الوعره فأنتبهوا يا جماعة الخير وتحياتي للجميع من ملاك فورد واتمنا السلامه للجميع دائماً شعارك السلامه في كل رحلاتك أخوكم فني أمن وسلامة 🌹🌹
@@ريانالمطيري-ض9ي من عويني يطول بعمرك لكن ماعندي المام كامل بالسلامة والصحة المهنية لأن هذا قسم مختلف عن الأمن الصناعي بس الي اعرفه انهم القسم المختص في تقييم ووضع معايير السلامة والإشراف عليها من نواحي كثيرة الأمن الصناعي حماية الموظفين والمنشآت الصناعية من الأخطار لا قدر الله و ينقسم لأقسام ١- قسم الإطفاء ٢- الأمن وقسم تندرج تحتة أقسام قسم التصاريح قسم الدوريات قسم التحقيق قسم الوسائل المساعدة (( وحدة K9 )) الكلاب البلوسية وقسم الأسلحة فيتدرب رجل الأمن الصناعي على حسب المهام الموكله له ويلزم عليه يكمل دورات السلامة ابتداء بدورة السلامة على الطريق وتحتها دورات منها دورة القيادة وفنها الإسعافات الأولية إدارة المخاطر والكوارث وانتهاء بدورات مكثفة عن مخاطر الغازات والتسربات الصناعية لا قدر الله هذا بإختصار الأمن الصناعي يسمونهم فنيين أمن صناعي أو الأمن الصناعي أما قسم السلامة والصحة المهنية هذا قسم له مهام مختلفه ما اعرفها الصراحه لكن هي الي تقيم وتضع معايير للسلامه ابتداء بسلامة المكان إلى سلامة المنشأه والله يوفقك هذا الي عندي وممكن احد يثرينا بالي عنده وتحياتي لك