الجيمني سزوكي بطل ويكد ياباني واقتصادي يصلح لزحمة الرياض وينقز ارصفة هههه ولا يطلب قطع غيار لكن المشكلة بالوكيل مايوفر القطع وغالية لكن اللي يحافظ عليه وعلى زيوته يعيش ما ينقارن بالكوري
بالنسبه للي يسألون عن السياره حلوه جدا مدينه وبر ركبت لها فلتر وبواجي رياضيه وماشاء الله بالبر احط بالكفرات 5 وتمشي بدون دبل واذا غرزت عطها ثقيل ولا خفيف وتطلع وبالنسبه للخطوط الطويله سافرت عليها 220 كيلو والسياره محمله تجيب 140 وخلاص ماتتعداها والعزل مقارنه مع الاكسنت الاكسنت افضل بشي بسيط لكن لاتنسون ان الاكسنت انسيابيه مع الهواء
صحيح المكينة اقتصاديه لكن بسبب الجيربوكس اوتوماتيك و ٤ سرعات دايم تلقى النمرة محشورة وهذا يزيد من صرف البنزين وبحساب اللتر / الكيلو يعطيك اللتر / ١١ كيلو وهذا يعتبر متوسط إلى سيئ في تصنيف المواصفات والمقاييس
السيارة حلوه .. بس في نقطة لازم أوضحها السيارة بدون فرامل ABS وهذا الشيء خطير قبل فترة كنت راجع ريوس ع جيه جيميني طاير ولا أنتبه لي وفجأه تربع ع الفرامل طبعاً صوت الفرامل تسمعه من أخر الشارع السيارة مع مسكت معه ومن حسن الحظ عرف كيف يتصرف راعيها والحمدلله إللي قدر ولطف .. السيارة حلوه ولكن بدون ABS أعتبر إن السيارة ماتسوى ..
قبل لا تشتري السيارة شوف قطع غيارها والورش الي تصلحها وعزمها والامان الي فيها لانها سيارة ممكن تعمل حادث فى اي وقت بسببك ولا بسبب غيرك وشوف كم بتدفع قطع غيار وممكن تعطل طائرات تتعطل كيف سيارة
السلام عليكم ورحمه الله وبركاته، عندي استفسار بارك الله فيك، انا شريت السيارة وعندي مشكلة، لما اوقف اكثر من ربع ساعة تطلع ريحة بنزين قوية مع المكيف، مين مرت عليه المشكلة ووش الحل؟
اخي الكريم سوالك عن رائحة البنزين بعد التوقف بمده ربع ساعه انا اقول انك تاكد من فلتر المكيف هل هو موجود ولا لا لاني متاكد انه غير موجود وفي حاله وجوده عليك تغييره ترا يركب عليه فلتر صيني بقيمة ستين ريال واسف على الاطاله والله يوفقك
اخوي شرا نفسها السنه الفاتت السياره جباره بس مشكلتها في الصيف مشكله كبييييره الحراره ترتفع بسرعه واخوي ركبلها اشياء دبل مثل مراوح اضافيه و مبرد للقير وبعد سنه اخوي حب يسوي شي جديد راح يغير المكينه وجاب مكينة كامري ٢.٤ موديل ٢٠٠٣ من الوكاله جابها ب ٤٠٠٠ ريال ولين اليوم شغاله ما شاء الله
الاخ saw0man السلام عليكم ورحمه الله وبركاته انت سألت عن رائحة البنزين بعد ايقاف السيارة لمدة ربع ساعه الاجابه اولاً عليك التأكد من فلتر المكيف هل هو موجود ؟؟ثانيا اذا كان موجود (ومااتوقع موجود ) حاول انك تغييره اتمنى لك التوفيق وان تسرع بالتأكد من الفلتر او تغييره ملاحظة ( فلتر المكيف تحت الدرج) اتمنى ان افدتكواسف على الاطاله
الله يعطيك العافية ويجزاك الخير ، عندي سؤال : أنا طلعت السيارة من معرض بالرياض عن طريق اليسر وبستلمها الأسبوع الجاي ، وصاحب المعرض أكد لي إنها داخلة بالضمان ، والحين دفعت الدفعة الأولى واللي فهمته منك إنها مو داخلة بالضمان ، وش أسوي ؟ طبعا باليسر خلوني أوقع إنه مالهم دخل إذا السيارات الخليجية ما تدخل بالضمان
الي لاحظته في الجيمني الدبل ماهو ذاك الدبل الي اذكره في موديلاته القديمه تقريبا 2008 وتحت كان يجي الدبل قير وعن تجربه كان قوي لكن الشكل ذا تحس دبله من الشكليه ماهو ذاك الزود
ماشاء الحي حلو ورهيب وعجبني السيدين الطويلات الي قبل الدوار والي بعده تصلح حقات تمشيه مع فنجال قهوه. ههههههههههه. وبليل مع المبات الله هههههه جاري البحث عن الحي
الحمدلله اني لقيت تجربة ل الجيب هذا وانا ودي فيه قير عادي وناوي اعدله من ناحية الخارجيه والقطع الميكنيكيه واخليه حق البر والتطعيس مقصد المتعه وسعره حقه
ماقصرت ،،، تقرير ممتاز ،،👍🏻 انا رحت للوكالة ،، مالقيت الا استندر ب٤٥الف !! نفسي ب فل كامل جير عادي . مدري القى في الرياض وبكم ؟؟ والوكالة مايجيبون الفل لأن الجير اوتو ،، واللي يشتري خليجي مايدخلونه بالوكالة بسبب الجير الاوتو فيه مشاكل مستقبلاً ( على كلام موظف المبيعات )
ماني راعي خطوط ولا بر بس عشان تقارب الاسعار وانا محتار والله ابغا موتر سنتين كرف بدون مشاكل وعزل صوت ممتاز وعزم ومواصفات حدود ٥٠ اذا تشوف هاذي في منها مناسب ولا في سياره ثانيه عطني مشورتك +CaR Ratings
+CaR Ratings مرحبا اخي مشكور ع التقرير الرائع حبيت اسألك انا كنت حاب اخذ جير عادي بس لأسف ماينزل حاليا إلا بالطلب ويتاخر كثير يعني اشهر فاشو رايك اخذ جير اتماتيك ولو انه مافيه متعة في البر مثل العادي هل يتحمل تماتيك ع مكينة صغيرة وشكرا
السوزكي قوي وتصميم الجيمني للبر وليس للخطوك نظام قديم دفرنس امامي ودفرنس خلفي يختلف عن الكوري ، الكوري ظعيف جدن ما يتحمل جعث بس مريح من ركوب السيارة في المطبات دركسيون خفيف مرة بس ظعيف اما السزوكي خاص الجيمني قوي بس مش مريح إذا كان حلتك المادية ظعيفة خذا جيمني وإذا حالتك المادية تمام اشتري الكوري لأنه تستخدم وتبيع ✌
