تجربة قلاية هوائية بلاك اند ديكر ١٢ لتر في جميع الاكلات 

بجد يااستاذه عبير انتي بتجيبي من الاخر والله العظيم اني بستفاد من حضرتك كتيييير ربنا يسعدك كملي باقي الاجهزه لاني عايزه اشتري تلاجة غرفه قولي رايك فيها 👍🌹🌹🌹

شكرا علي ضميرك ورائيك الصادق بجد الوحيده اللي سمعتها بتقول رائيها بجد انا فعلا شايفه اني مفيش فرق بينها وبين فرن البوتجاز وخصوصا لو فيه مروحه او حتي الميكرويف اللي بيبقي فيه شوايه حاسه انها منظره وداعيه اوفر والمشكله انها غاليه جدااا علي الفاضي

جزاك الله خيرا إنسانة محترمة وصادقة

شكرااااا، كنت محتارة اجيب قلاية هوائية أو فرن، فقررت أجيب فرن كأولوية بالفعل. شكرا للفيديوو

شكرا علي صراحتك ونصائحك 🎉🎉🎉

بجد ده احلي رفيو شفته عن القلايات الهوائيه جزاكي الله خيراااااا

❤❤❤❤❤❤❤❤❤❤❤❤❤تسلمي علي شرح الوافي الموضح جزاكي الله خيراً

جزاك الله خيرا علي انك انسانه صادقه ومحترمه وانا فعلا باخد كلامك مسلم به وانا عندي ايرفراير فيليبس حلوه جدا وفيها كل المواصفات اللي انت عايزاها وهي مقاس اكس لارج 1200 جرام مناسبه لعائله اربع خمس افراد

بجد شكرا انتي انسانه محترمه بجد و صادقه

حبيبتي جزاكي الله كل الخير فعلا فتيني جدا ❤❤❤

شكرا لمصداقيتك ربنا يحفظك

والله انا رأيي من رأيك الله ينور عليكي ريفيوهاتك كلها أمانه تحيه ليكي

انتي مخلصة وصادقة❤

بصى يا كتكوته طبعا شكرا على مجهودك فى الفيديو وحرصك على نصحنا انا ممنوعه من الزيت علشان عندى ميول للكبد الدهنى وكده هندخل على السكر والمفاصل والمراره و و المهم انا عندى فرن بمروحه جواه بنشغلها وبجيب البطاطس النص سوا او نص مقليه يعنى وارصها على شبكة الفرن ولاااازم اشغل المروحه وإلا البطاطس ممكن توصل انها تتحرق لكن برضو ما تقرمش وفعلا برص البطاطس برشة ملح (او مع التوابل) بشغل الفرن 5 دقايق ثم المروحه لكن فى اخر 10 دقايق بقلبها واقفل تانى النتيجه بعد 40 دقيقه مقرمشه من بره وطريه من جوا فرن بمروحه هو هو بالظبط القلايه الهوائيه وجربى والعبى براحتك يعنى مثلا جربى برنامج البرجر انه يسوى البطاطس مثلا وهكذا الى ان توصلى لأفضل النتائج الى ان اجيب القلايه الهوائيه بعمل فى الفرن بنفس طريقة القلايه بعمل طعمية بسمه المفرزنه والفراخ البانيه النص مقليه برضو والبطاطا كله بنفس طريقة الرص على الشبكه والسخونه من فوق والمروحه واخيرا احب انصحك لوجه الله والله بلاش المايكرويف والقلى بالزيت لأن الثقافه فى مصر للاسف امريكانى مؤذيه والمستشفيات معبيه وشايله كتير يعنى حاولى تلاقى بدايل عن القلى وتكون نتيجه مقبوله لكن مش نفس طعم قلى الزيت لكن طالما مقبوله يبقا فاضل الرضا والحمد لله اننا اصلا لاقيين ناكل مش زى شعوب جيراننا ربنا معاكى ويكرمك دايما 💚🌻 ويديلك الصحه

جزاك الله خير شرح جميل

شكرا على ضميرك وصدقك فى الكلام

بارك الله فيك ❤

كل الشكر والتقدير على صراحتك

كتر الف خيرك علي المصداقية بجد استفدت من حضرتك جدا بس برده متيأسيش وحاولي تاني وخدى بكل نصيحة هي برده صحية واحسن من القلي

❤❤❤❤❤ربنا يباركلك بجد انا كنت خلاص هشتريها

جزاكي الله خير معلومات مفيده

بصراحة شابو لحضرتك اول مرة اشوف حد بيتكلم بصراحة عن الابر فراي.

انت بتفهمي كويس جدا وبتقولي الحقيقه

عندنا ماركةTefalمن زهران ممتازة وأكثر سهولة فى الإستخدام مختلفة تماما فى الشكل البطاطس بتطلع هايلة أفضل من القلى فى الزيت بكتير هى صناعة فرنسية

أحسنت التقييم ...

آنتى إنسانه جميله ومحترمه وصادقه أحلى لايك من المنوفيه ليكى يا جميل

والمكنسه كمان نفس الماركه تحفه وشكلها شيك وبتنضف جدا جدا

جزاكى الله خيرا

انا عندى بلاك اند ديكر الدرج حلوة في البطاطس والبانيه والبفتيك بس كميات قليلة لو حد من الأولاد هيعمل لنفسه لكن لو كلنا هناكل اقلى علي البوتاجاز في الزيت عشان أنجز

بجد ربنا يجزيكي كل الخير كنت والله خلاص حجبها انا قولت الاسطوانه السلك دي حتعمل بطاطس جامده كنت حتخم فيها 😊

ربنا يبارك انت جميله واخلاقك عاليه وربنا يعوض عليك

برافو عليكي أنتي جبتي من الاخر انا معاكي في كل كلمه قولتيها

جزاكي الله خيرًا

ياسلام ياسلام ياسلام عليكي يا أستاذة والله أنا سويت اشتراك في قناتك لأنك أمينة وأظن بعد تجربتك مع هذا الفرن الكهربائي (ليس اير فراير) من غير المحبب شراؤها تحياتي

لازم تشغيلها الاول قبل ماتحطي اي اكل تسغليها عشر دقائق عشان الريحه تطلع منها وماتدخلش في الاكل ومش هتشمي ريحتها تاني

والله ربنا يكرمك بجد علي فكره انا ابتديت اسخن الفرن قبلها وبعدين ادخل البطاطس نص سلقه ومتنشفه كويس والسكالوب نفس الفكرهيدخل بعد تسخين الفرن جيدا ونرش عليها زيت بتبقي كويسه جدا

صباح الخير والسعادة بسم الله ماشاء الله امينه جدآ فى توصيل المعلومة جزاكى الله خيرا

الصدق منجى .. شكرا لكى جدا انا كنت رايحة اجيب واحدة ومش مقتنعه اصلا بيها ... انقذتينى خصوصا ان الحاجة غالية جدا والحكايةمش متحمله اخطاء او تجارب فاشلة ...بارك الله فيكى يعطيكى الف عافية

انتي اختاريتي ماركة مش مضبوطة نهائيا احنا عندنا ماركة سخيفة ايضا ولكن ممتازة بالعمل ماشاء الله ومهم جدا ان تأخذي القلاية الهوائية الاعتيادية ٥ او ٦ او ٨ كيلو الي بيها مجرد جرار وليس باب و عن تجربة وتحياااااااااتي للجميع

أنا عندي اديسون بس تحفة ماشاءالله باعمل عليها حاجات كتير

شكرا للمصدقيه

عيزة ايكي نصيحه لشوي الدجاج حطي تحت الصينيه ميه عشان البخار بيساعد بطراوة الدجاج وبيستوي بسرعه وكل ما تبقى حنتشف ترجعي تحطي ميه حتى دهون النازله مش تلزق بصينيه

جزاك الله كل خير يا حبيبتي❤❤❤❤

انتى انسانة صادقة

شرح واضح وواقعي وصريح 👍🏼

الاير فراير تحفه بس ليها تركات ف الاستخدام دي مش فرن ابداااااااااااا فرق رهييب بينها وبين الفرن اللي بيعرف استخدامها الاكل فيها بيبقي جوسي وتحفه

شكرا جزيلا أنا أيضا هذا كان رؤي فيها الفرن أحسن

أنت ست محترمه وجزاكى الله كل خير على الصراحة بتاعتك شكرا لحضرتك

أحلي بيرو عايزين تجربي مبرد القدم ❤❤❤

عبير انا عندي نفس القلاية و كنت بعاني من البطاطس المحمرة لحد ما شفت فيديو علي قناة الليدي لوما مخصوص عن قلي البطاطس في القلاية مهما كان نوعها و ظبطت الحمد لله معايا انتي بتقطعي البطاطس صوابع و بتغسليها و تنشفيها و تحطي عليها الملح و معلقة الزيت و تكوني مسخنة القلاية و تظبطيها علي حرارة 150 و الوقت ربع ساعة و بعد الربع ساعة تظبطيها تاني علي اعلي درجة حرارة 200 لمدة ربع ساعة حتتحمر و تبقي جميلة

شكرا علي امانتك

انا بعد ما جبتها شفت الفيديو بتاعك والصراحة اتعقدت خالص بس بردو ما استسلمتش وجربت البطاطس وطلعت حلوة اوى كأنها مقلية

كلامك صح هي مش اساسية نهائي وكمان زيها زي الفرن تمامآ وكمان أغلي من الفرن بكثييير وكمان ألناس الذواقه والاكيله مش هيعجبهم طعم الأكل بتاعها...اللهم قد بلغت

الله يباركلك كنت نزاله اجبها 😊

و علي فكرة انا عملت فيها السمك و الفراج الزنجر و الممبار و البتنجان و الفلفل و القرنبيط و بصل الكشري المصرى و القطايف بجد ممتازة

شكرا ارئيك بضمير انا راى من رايك بعد اجربه والحمد لله جربتها ف نوع مش غالى عشان مندمش على فلوسها الميركرويف مهم جدا اكتر منها ف الاولويه 😊

برافو المصداقيه

جربي البطاطس علي الشبكة مش في الأسطوانة أنا عارفة إنها مخصصة البطاطس بس مش بطلعها حلوة خالص ، قطعي البطاطس وحطي عليها ماية سخنة كام دقيقة بس وشغلي الايرفراير قبل ما تحطي البطاطس وبعد كدا حطي البطاطس علي الشبكة هتطلع مقرمشة وتحفة

والله أول مرة اشوف قناتك واحترمت صراحتك جدا بارك الله فيكى لايك واشتراك

❤شكرا على المصداقية

بصراحه الفليبس عندي من زمان وجميله ومش بتغير طعم االاكل احلي بكتير الصراحه

بصراحه الاقلايه فيلبس كل الاكل ممتاز طعمه لكن صعب التنظيف بياخد مجهود

الاير فلاير الفرن سيءه جدا عشان الوات ضعيف جدا مقارنة بحجم الليترات ثانيا عشان ليها فرن واحد مش اتنين عشان كده الاير فلاير الادراج جميله جدا بالذات بلاك أند ديكر

حبيتي الاير اجمل جهاز في المطبخ بعمل فيه كل الحاجات دي واكثر من راىعة عندي تيفال

لازم تشغيلها عشر دقايق الاول زي الفرن العادي بنسخنه الاول

هى الير فراير الكبيرة دى مش حلوة لانها بتاخد وقت كبير فى التسوية انا عندى فريش حلوة جدا 5.5 لتر حجمها معقول وبعمل فيها البطاطس والبانية وكفتة بانية وكفتة رز وبيطلع حلو اوى بس بحط ورق زبدة مبيخليش البانية ينشف

أحلى حاجة ديلوجي علشان فيها آتنين ساخن فوق وتحت وجميلة عن تجربة بس المشكلة إنها سعرها غالي بس تحفة جدآ

شكرا على نصايحك المفيدة والصادقة ❤❤❤❤❤❤❤

التيفال والديلومجي حاجة تانية خالص

فعلا لازم يكون فيها سخانين لكن اللى انت جبتيها سخان واحد فكانها فرن كهربا علشان كدا طلع معاكى الاكل مش كويس. لكن لو كانت بسخانين هتقدري تعملى فيها حتى البسكويت السريع

معلش انتي محتاجة شوية وقت وتجربة اكتر للاير فريرلانها جميلة جدااا وعملية وبلاك اند دكير جميلة عن تجربتي انا اخدت وقت عقبال ما عرفت اظبط نفسي تسوية الاكل انتي محتاجة بس شوية وقت معاها

ولا إيه الاحسن الموجود في مصر من حيث كل حاجه والضمان وقطع الغيار و الصيانه

شكرا على التجربة واعتقد ان سبب عدم كفائتها حجمها الكبير لايتناسب مع قوة الوات القليل 1700 وات فبالتالى تحتاجين اعادة قلى البطاطس او الدجاج مره اخرى اكثر من الوقت المطلوب فتنشف وطعمها غير مقبول فى رأيي الافضل القلاية 2000 وات وحجمها من 9 لتر وتحت زى قلاية تيفال 9 فى 1

عاوزين تجربه مكيف اللي بدون توصيل

انا عندي ( ديلونغي) كويسه للبطاطا ممتازه و لكل شئ

قمر تسلم ايدك سعرها كام

ربنا يباركلك

الف رحمة على والديج جنت افكر اجيبهه

كل الشكر والتقدير لكم ❤❤

ربنا يباركلك بجد

مساء الخير جماع انا جبتها من كارفور مش من تاجر اللي في كارفور دي الأصلي مش التقليد اللي عند تاجر دي تقليد مع ان اللي في كارفور 12 الف ومعاه ضمان و التوكيل في مصر بس بصراحه هي تحفه مش خصرا فيها 12 الف اللي عند تاجر 6 الف تقليد وزباله

بحب رايك وصراحتك

انا عندي قلاية هوائية ما بستغني عنها ابدا لكن نوع السلة فقط مش هذا النوع حتى سمك ودجاج اقلي بيها

الرف الاخير اصلا بيتحط تحت عشان ينزل الزيوت والمياه الي فالاكل والبانيه بتقسمي قطعه الصدر اتنين بس وبيدخل رف تحت خالص ورف اكل بس

عندى قلايه ماركه ارشيا المانيه رررروعه فى البطاطس والكفته والفراخ المشويه هى مش كبيرة اوى بتشيل فراخه أو نصف كليو كفته رروعه

والله عسل ورأيى زيك

ولله جبت كوركاكماز ماركه تركيه روووعه الاكل جميل ماتغيرش

انا عندي نوعية أونيفو نفس يلي عندك اصابع البطاطا بدون سلق ببخ الزيت وبتاخد35دقيقة بزبط بتتطلع مقرمشة روعة

ماركت Sofiner سوفنير خطيره قسما بالله لسه جايبها حكايه

بجد انا باشكرك جداا ربنا يبارك لك في حياتك. ده انا كنت باحلم بيها ونفسي اجيبها. كده انتي بردتي قلبي اني ماجبتهاش

لو سمحتي رفال وبلاك اند وايت ايه رايك فيهم ولا كده كلهم واحد

ايه احسن تورنيدو ولا كينوود ولا تيفال ولا دلونجي ولا بلاك اند ديكر

سلام لو سمحتي بدي اسالك في؟ اريفراير بي سخانين واحد فوق واحد تحت

زي ما إنت قولت بالظبط ...مالهاش لازمه كانت عندي وبعتها ...أحسن حاجه ninja foodi steamer دي ماركه ممتازة والاكل بيطلع ممتاز

بصى ياحبيبتى دى فرن فعلا لكن الايرفراير اللى بدرج رهيبه انا عندى فليبس من سنين اللهم بارك ف كل حاجه ولا بحط نقطه زيت لكن الكبيره دى فرن فهى مش عمليه زى الدرج

شكرا لامانتك ❤ تسلمي الحمد لله ماجبتهاش كنت حا اشتريها لبنتي في الجهاز

قلايتي البطاطا تجنن النصف مقليه وانواع الكبب

هي ١٥٠٠ واط مش ١٨٠٠ بس هي تحفه

فيليبس احسن بكتير عندي اهم من الميكروويف اللي بستعمله مرة في السنة لما افتكره لكن اير فراير فيليبس استخدام يومي مش بستغنى عنها

بصراحة أنا عندي قلاية كينوود رائعة بعمل فيها كل حاجة آنتي محتاجة تتعودي عليها وتعرفي هي بتشتغل إزاي وإزاي إطلع الاكل في أحسن صورة جربي كتير فيها لحد ما توصلي لاحسن نتيجة لأنها بصراحة جمييلة آه هي زي الفرن بالظبط بس مريحة عند الفرن كتير