ختي داتها خالتي وخالتي هذي غير هيا لي عندنا زعمة وختى تربات في حجرها وهبلت باش داتها لولدها قالتها ندرلك دنيا دنيتين وفالخر دارت فيها لمنكر فيوسط 10من العيلة لدرجة قفلو عليها لباب وهي تتوحم باش يطيح لبيبي وبنتها لي تتوحم مع ختي يقلولها ويشوولها وختي رجعت تجبد لخبز ليابس لي يحطوه فطاقة تاعها تشمخو بالماء وتطيبو على لحديدة مدة خمس ايام المهم صرا فيها الباطل وعلى أساس لبيبية جاية برجلها لازم سيزغيان زكرو فيها حتى بدات تخرج لبيبي طلعوها كي وصلت قريب ماتت المهم صرا ما صرا ورجعت لدار عام وهي في دارنا ورجعها بشرع وزدو كتر من قبل عجبو فيها حتى هربت عند لجيران في يوم عيد الأضحى ورحنا جبناها بسرقة المهم طلقت منو بطفلة جات فترة الاكتئاب ولبكى وحالتها حالة ومنبعد دارت لكوراج وبدات تخدم لڨاطو وتعلم لبنات تاع لجيران وكملت قرات وشاركت في مسابقة نجحت ودرك راهي بخدمتها وڨرادها وزادت تزوجت ودارت عرس مطرطق ولدت 3ولاد معاه وبنتها ربحت لباك لعام هذا وراهي في نعمة ولوستها لي كانت سباب طلاقها تزوج عليها راجلها وطلقها على 3بنات وكل واحد جاتو ضربة وحتى زادت دارت عدل وراهي لباس عليها الدنيا دور حنونة كل واحد تضلم تفرج عليه والظالم يجبهالو ربي
العبرة بالخواتيم عجبتني النهاية كل مر سيمر حبيت أخوات بزاف يقراو قصة أختك لعل و عسى تجبر بخاطرهم و تعطيهم امل و يتشجعو و يوقفو على رجليهم ربي يحفظك حبيبتي و شكرا على مشاركتنا هاد القصة ربي يهني اختك
فكرتيني بروحي طلقوني و أنا حامل في 6 اشهر و كنت صغيرة عندي 18 عام نوكل عليهم ربي بصح حمد الله ختي عبير ربي عوضني براجلي و ولدي دوك راه كبير عندو 10 سنين ربي عوضك عوض يعجب له أهل الأرض و السماء
راني معاك 100% لي ما جربتش الوحم ما تقدرش تعرف انا ضرني بزاف بزاف الوحم تسع أشهر وانا نتعذب مع القيا وما نأكل ما نشرب ما نجي نكمل فترة الحمل نموت ونحيا
حبيبتي ام الين صغيرة في العمر كبيرة في العقل هذا من تربيتك السليمة التي تلقيتها من اهلك الكرام ما يسعني الا ان أقول اللهم بارك في صحة ام الين وارزقها العفو والعافية وراح البال وحب الناس لها ولاهلك ايضا
انا توحمت على الشينة من الشجرة مباشرة و رحت لمصنع العصير توجة و شفت من السور اشجار الشينة عيطت للعساس و مدلي وحدة من الشجرة كليتها و راهي في راسي لليوم.
كنت نخدم في لعيلا بنيتي بعد زواج 16 عام من بعد مرضت بلارني زيد لقيت روحي بلحمل من صطر بزاف وليت منكلش حتان فقدت لجنين في ربع شهر غضتني روحي وبكيت لقيت روحي ننطاش وحدي حسبيا الله ونعم الوكيل فيهم
حببتي عبير أنا متتبعة قديمة من مك ليك نتي هههه نموت عليكم ادعي لي يسلكني ربي على خير أنا وولدي ونرجع لداري وولدي على خير ما تنساونيش بارك الله فيكم ❤❤❤❤❤❤❤
فكرتيني في حملي الاول بتوام كيما كنت مع العائلة محال ننسى واش جاز عليا رغم مرور 14سنة لكن اليوم الحمدلله راني مستقلة عليهم ربي ينجحلي توامي في شهادة التعليم المتوسط
عندك الحق يااختي والله لخلق ما يضيع انا كن تشوفي تزوجت طفلة صغيرة وتضلمت بزاف 😭 بصح لكان سبب في تدمير حياتي نقول النا موعد عند الله وعند الله تلتقي الخصوم
نهاية سعيدة أنا جازت عليا أيام تع الوحم والنفاس ما كاش اللي رفدني ربي كان معايا جبت 5 بنات جامعيات راني جدة الله يحفظنا وابعد علينا الحسادين وحسبي الله ونعم الوكيل في كل ظالم الدنيا دوارة
السلام عليك غاليتي طلاقك نعمة كبيرة و انت في عائلة رائعة ثقي بالله انك محبوبة انا سيدة ليمطلقتين وكلامك في الصميم هنيءا لك يا ابنتي بهذه الاخلاق ماما الحاجة سيدي بلعباس
انشاء الله كل شيء باجرو انا سوفريت فالوحم بعيدة على دارنا والراجل مايفهمش توحمت على زيتون حار حتى رحت لدارنا شراتلى أختي لكن بعد ماسماطلي خرجت وحمة في وجه بنتي قدام وذنها اللي يشوفها يقولي طاحت لونها أخضر وفي وحمي الاخير ماكنتش حابة حكمني اكتآب غير نبكي ونحب غير نرقد باش ننسى ماناكلش ومانشمش ريحت الطياب يزعف ويحوس على حقوق وانا ماشي حاملاتو وزاد دار اللحية تقول زكارة فيا ومرة عرض باباه طيبت بالسيف وماكيلتش رفد شنايفو وراح للصالون رقد غاضتني عمري غدوة من ذاك انا اللي رحت رقدت فالصالة وقعدت قريب سمانة مرمية ماحوسش عليا ووحد الليلة جا في نص الليل نوضني أو يبكي هولني قالي نمتك ولادك بعاد وتقوليلي هاذو ولادك وانتي رحتي لعندهم اداني لبلاصتي رحت من فوق قلبي ورجع لطبايعو المهم انا مانسمحلوش على كل تصرف دارو معايا وانا نتوحم ولا بالحمل لاني كنت ضعيفة مايحس بالمرا غير المرا
المتوحمة ولا النافسة اللي يعطيها غير كلمة طيبة عندو حسنة ماشي حتى توكليها بصح اللي مايخافش ربي واش تقوليلو تهنيتي حبيبتي من المناكرية وربي يعوضك خير يارب
الله يبارك انت كنز ثمين وطحت في عباد ما عرفوش قيمتك ولخسرك ضيع جوهرة في حياتوا ويبقى حياتوا كاملة ما يلقاش جوهرة بحالك مشاء الله عليك ربي يحفطلك بنيتك ويفرحك بيها ويذوقك فالها وربي يعوضك ما حسن تستاهلى كل خير
أصعب فترة في حياتي هي الوحم مع اول تجربة و بعيدة على دارنا حسبي الله و نعم الوكيل في الي ضرني في هديك الفترة ولدي درك 3سنوات مانقدرش نزيد ملي شفت شفت لعجب 😢😢😢😢😢😢😢
انا بنتي عجوزتها في العيد حرمتها من الكبدة خرجت في وليدها والله تخبي عليها الحوايج بصح وكيلها ربي ضرك بنتي طلقت بزوج اولاد حسبنا الله ونعم الوكيل راهي عندها البنات ربي ياخذ الحق
عبير اختي حكايتك مثل حكايتي مام انا طلقت بلحمل وهاذوك لعباد مزال الاذى نتاعهم مستمر حتى بعد الطلاق ينحو النفقه من عينين صغارهم😢 لمهم عبير قولي اللهم ااجرني في مصيبتي واخلف لي خير منها ❤
عندك الحق مرت خويا جاها الوحم واعر قريب ما طلقت قلت لخويا اصبر عليها يحسن عونها في الثاني والثالث جاها الحمل الساهل ماشاء الله الله يكون في عون كل مرآة راهي بالحمل ولي حالتولد ❤
انتي. لالاهم ولايهمك من الذي مضى كل ساقي سيسقى بما سقا. يوم القيامة. بنتي. الشاطرة الفحلة انا تاني. بنتي. اسمها عبير. ونقوليها تبعي. عبورة. باش. تولؤ. كيفها. عيدك سعيد. وذكري. تعليقي. في الفيديو الحديد❤❤❤❤❤❤❤
حتى انا طلقت على جال الوحم قتلني جاني واعر بزاف او زيد يماه او ختو كملو عليا لوستي عجوزتي اذا قريتو كومونتار ديالي حبيت نقولكم والله مانسمحلكم الى يوم الدين
انا متابعة لقناة الوالدة منذ سنوات و نقدر نقولك ربي انعم عليك باحسن ام و احسن اب يكونو ليك ولبنتك سند ربي يحفظهم و يخليهم ليك سند مدى الحياة اما الباقي والله ما يهم
شفت كامل النساء عقبو واش عقبت وصبرو مساكن علاجال اولادهم قليل اللي يخاف ربي في لولية كون صبرت وزدتي جبت خو الين تلقايهم في عقوبتك ويعوضوك خير. على الاقل
هم يضحك وهم يبكي انا وحمي جاني علا رقاد سوفريت مع عايلة ومنها ربي يفرج وضك راني نعاني مع تربية الله مستعان دنيا صعيبة كنت نحسب زواج جنة للاسف 😢😢😢😮 حمد لله يا ربي
❤انا عندي 24زوج مازلت عقل على وحمي الاول تع بنت اشواق الناس رجالي حقروني ورجلي كان يخدم بعيد في الجيش بصح رجلي خرج معي رجال ❤ مسحش فيا الحمد الله رها عندي 3 الاود ❤
والله عندك الحق حبيبتي عبير كاين بعض من الناس يطغاو في الفساد حتى يوليو ميعرفوش الصلاح لأن ربي سبحانه يغلف قلوبهم بغلاف اسمو الران وراهو مذكور في القرآن الكريم في الأية الكريمة (كلا بل ران على قلوبهم ما كانوا يكسبون)
سلاام عليكم شوفي ختي ربي يفرج عليك حنا في ولاية بشار اليوم طفله مزال بنت 2005 كرهوها عجوزتها وحمياتها قاست روحها من أعلى لباتيما ربي يرحمها ويغفر لها 😔والله لولية كيما كانت تغيض
يا بنتي مرا ونص تشهي في شغلك وطيابك راني حايرة في طليقك لي ماشدش فيك خاطرش البنات الي كيما نتي راهم قلال الله يبارك عليك وإن شاء الله طيحي في نفس مومنة 🤲
انا خدمت في مستانم وانا من وهران ،كنت نتوحم وعرضتني وهرانية وزادت عطاتني حبة بعويدة من الشجرة ،والله منسيتهاش هدي اكثر من 30 عام،كل مانتقكرها ندعيلها تاكل من الجنة
الحمد لله لي خرجك ربي من بيناتهم و ربي يعوضك خير منهم ان شاء الله و يحفظلك الين انا نقولك الصراحة مكاش حاجة تشهيني كيما الخبز لي ديرو طاطا ام سامي الله يبارك ربي يخليها ❤❤
شفت الفيديو تاعك تفكرت ماماك ربي يحفظها في واحد الفيديو قديم قالت جاتني تتوحم كانت تقليلك فالكبدة مسكينة كما تدين تدان كل حاجة تولي على مولاها بالخير ولا بالشر ان شاء الله ربي يعوضكم و القادم أحلى ❤
والله ياحبيبتي اللي خسرك خسر نص عمرو وانت يعوضك ربي الاحسن ان شاء الله وراني حتى انا عندي بنت مطلقة بولد والسبب عجوزتها وكان زوجها ما عندوش كلمة معاها المهم ربي يعوضكم وكل ولية مظلومة❤
شحال نحبك انت وطاطا ام سامي ربي يجبر خاطرك جبرا طيبا جميلا وزوج صالح يعرف قيمتك امين يارب علابالي باللي راكي مجروحة بزاف بصح لازم تأمني باللي كاين رجال ملاح و يخافو ربي في المرأة
