انا ولله الحمد زرعت شعري في جده في مركز غير المركز هذا اللي انت تتكلم عنه والنتيجه ممتازه وراضي ولله الحمد والان لي تقريبا شهر ونص بعد الزراعه واموري تمام والحمد لله
أخوي سعيد اسألك بالله العظيم هل تنصحني بهذه العيادة بدل من الذهاب لدبي ؟ هل نما شعرك الآن وأحسست بالفرق؟ فلوسي جاهزة ونفسي أعملها الآن خصوصا مع برودة الأجواء في جدة أبغى كلمة أخيرة منك أمام الله شكرا
سلام عليكم ورحمة الله وبركاته اخبارك يااخوي سعيد بشرنا عنك وكيف نتائج الزراعة مابعد العملية ان شاء الله تكون طيبة ياليت تنزل لنا فديو اذا ماعليك امر نبغى نشوف النتيجة والله ناوي ازرع عندهم بس منتظرينك ترد وهل تنصح بزراعة عندهم اتمنى ترد وشكرا من القلب
الله يعطيكم العافية واللهم صلي وسلم على نبينا محمد .. حاب اعرف هل يشرط بعد زراعة الشعر استخدام بخاخ مينوكسيديل مده معينه او مدى الحياه ؟ وهل اقدر اني ازرع شعر الراس ونفس الوقت ازرع اجزاء بسيطه في اللحيه او الشنب وشكرا
كنت بفكر اعملها ولكن لما جلست اقرأ التعليقات على قوقل اغلبها حسابات من ابو تعليق واحد ويوزرات غريبة و٣ تعليقات لاصحابها بالصور مايمدحوا المركز وكلهم صارت تقريبا نفس المشكلة بمناطق معينك ماتطلع البصيلات وفقط يقولولهم اصبروا اصبروا والاغلب كانوا ٤٠٠٠ بصيلة وواحد يقول ماوصلت ١٠٠٠ والثاني يقول ٢٠٠٠ وشوي فالوضع بالنسبالي مايطمن دام مافي وضوح
انا كل شي ممكن اتحمله لو بزرع شعر الا موضوع النوم ! لان اصلا انا من غير عملية اعاني من موضوع النوم والارق وتقطع النوم رغم اني اخذ بالاسباب واقطع الكافيين قبلها بثمان ساعات وابعد عن الجوال قبلها بساعه وسرير مريح وغرفة مظلمة ومع ذلك نومي سئ فكيف عاد اعمل عملية مطلوب مني انام بزاوية ٩٠ درجة !!! مستحيل كنسلنا الفكرة وجزاك الله خير على الاشارة لهذه النقطة
للأسف ناس مابتفهم شئ لأن تواصلت مع أكبر عيادات في تركيا ودبي والتقرير كلها نفس الوضع ولكن عيادة الصفا كلمهم غير مقنع وال عايز يتأكد يدخل علي الموقع وشاهدوا التعليقات انتبهوا وال يتكلم يتكلم بعد النتائج مو قبل النتائج
اخ سعيد هناك ملاحظة هامة وهي الابتعاد عن ممارسة الاعمال الشاقة مثل رياضة السباحة وحمل الحديد كذلك عدم وضع الراس الي الاسفل بوضعية السجود لا تقل عن شهرين وهذا كلام المستشفى حيث انني عملت العملية في تركيا والان لي سنة ولله الحمد والامور على مايرام والنتائج ممتازة وتقبل خالص تحياتي لشخصكم الكريم
