سلام اختي يعطيك الصحة على كل هذه التوضيحات والله غير راني متمنيتها بي يقدرني ونديرها باذن الله كاين الاولويات لازم نبدى بيهم وبشوي بشوي يعطيك الصحة وتستاهلي كل خير
يسلمك حبيبتي مزال لعمر طويل ان شاء الله وديري في دارك كل حاجة تحبيها الصح فالدار الله يجعلها عتبة مربوحة عليكم عزيزتي ودايما خلي في فمك دعاء اللهم ارزقني من حيث لا احتسب وربي بإذن الله يسهلك امورك 😘😘❤️
يسلمك حبيبتي ربي يحفظك بالنسبة للسلل مايتصدوش لكن الهيكل باش تحافظي هليه لازم متخليش الملح طايح فيه اما بالنسبة للسعر 15 مليون و400 دج لكن سعر السنة الماضية هدا العام تكون زادت شويا والله اعلم اما الماركة أمريكية وبلاد المصنع المانيا
سلام اختي لا ماشاء الله رائعة تخرج الاواني يلمعو واكيد الواحد فينا لازم يستحفظ خصوصا المرشات لازم تراقبيهم كل مرة تغسلي بيها لتفادي انكسارها وكل فترة استعملي قرص تنضيف الغسالة تتهناي بيها حبيبتي ان شاءالله 🥰😘ومرحبا بيك معانا
ختي عندي بيكو 13 لا حظت الماعن لي يكونو مسخين بزاف ماتغسلهمش مليح وتاني البرنامج لي مرسوم فيه طنيجرة نحطو فيه غير الطناجر والكسارن انا صراحة عمري ماستعملتو واخر حاجة عندي وين نحطو الملح كي نفتحها يخرج الما مسخ يعني قهوي قوليلي ادا حاجة طبيعية و لا لا لا ؟
سلام عزيزتي بالنسبة لماعن هذيك تاع طناجر تستعمليها للماعن لموسخين بالإضافة للطناجر ماشي غير طناجر وحدهم اما الماء لي راهو يخرج من خزان الملح لونو بني ماشي عادي ديريلها غسل ذاتي وهي فارغة اشري كبسولة خاصة بتنظيف الغسالة وشوفي اذا صفالك الماء
