بديت سادس ونهيتها واني لا اشتريت ايباد غالي مثل هذا ولا سماعه ولا هيج اشياء تنصرف ب 2023 بشهر سادس حيل جنت متحمسه لـ سادس واني ضروف تعبانة كلش معندي مكان خاص ادرس بي عدنه عرفتين وحده النا وحده ل امي وابوي جنت اكعد بغرفتنا هو نفسه استقبال اشتريت الي بفلوس نجاحي ميز دراسي صغير ب ٥ االالف علمود اكدر ادرس عليه فوني احترك فدرست بحاسبه مالت اختي جبيرة رغم جان هم يجي خطار بيتنا وهسه جنت اقفل باب وروح غير غرفه لو مرات مجنت اقرا بسبب هوسه اشتريت أقلام وجان عندي مالت خامس اشتريت بعد هالايتر وكم قلم جاف ودفترين وراها بديت اشتري ملازم الي كلفتني فوك 200 الف جنت احس بتأذيب ضمير انو ابوي جان يشتغل ويطلع بهذا حر علمود معيشه اخاف اني ماجيب معدل وينكسر بزايد بديت مدرسه وسوالفها مالزمت خصوصي هم مجانن عندي امكانيه وهم اني مردت لان كلت مريد اتعب من ورا طريق بعيد عليه وياخذ وكت اهواي علمود ماده وحده فكلت اعتمد ع يوت وضليت ع يوت جنت اشوف هيج فديوهات جنت احس غصه بكلبي لان جنت اتمنى هيج شي ايباد اصريت ع اهلي اشتري ايباد برو حتلو مستعمل جان ب ٤٠٠ الف مكدرت اشتري جمعت فلوسي مالت منحه انطوها ل طلاب واشتريت بي ايباد بسيط ب ٢٠٠ وكل هذا هم جان غالي كدرت ادرس وادخل وزاري بكل لفهه تعبت حيل من بدايه سنه استغليت كل عطله بيها ماسختت واذا سختت ابوي جان يحجي عليه يكول انتي سادس اقري فجنت اقرا حيخلص سادس واني بحياتي لا علكت قصاصات ع حايط ولا سويت فلوقات ولا اشتريت هاي اشياء جانت امنيتي هاي بس حمدالله ع كل حال ورغم حر غرفه بس كدرت ادرس وشمس همين اتمنى من الله معدل عالي لا يضيع تعبي وابرد كلب ابوي يتعب بهذا حر ويروح يشتغل علمود عيشه وهسه امتحنت امتحانين اسلاميه وعربي واجلت انكلش وهسه باقي يومين ل امتحان احياء حبيت اوصل فكره فقر لا عيب ولا شي حاسه بكل شخص يباوع ع هيج اشياء ويتمناها ميكدر يجيبها م مشكله الي يريد يوصل حلمه يقاتل كلشي ضروف الي خلقه رب عالمين لا اعتراض عليها وهلشي مو عائق ماكدر اجيب معدل ادعولي بمعدل يرضي قلبي🫂💔 التعديل :_ حاليا معدلي ب ٨٠ بس ماريده مأجله ٤ مواد ادعولي وراح اقدم اعتراض ادعولي اجيب درجه كامله✨ التعديل 2024/9/1 راح اعيد سنه ثانيه ويا د ٢٥ علمود حلمي علمود طب ادعولي الله يصبرني وينطيني قوه وكذالك الله يبعد عن كل طالب ظروف صعبه الله يرزقنا 🤌
@@zzzz945 حياتي انتِ والله ربي يوفقج تدرين الرابع احلى مرحلة مرت عليَ ابد ماانساها ادرسي بالمدرسة ماكو داعي تدرسين من هسه جان معدلي بيه ٩٩ واتونسي هاي العطلة الماقبل الأخيرة الكم 🥹🫶 ادعيلي كلش محتاجة الدعاء ان شاء الله اطلع معدل ٩٩،٨٦
حتى احافظ ع حماس السادس لسنة كاملة بالبداية اشتريت قرطاسية ع كد الحال وع طول السنة كل ما احس اني فقدت الشغف جنت اشتري دفتر ومرة أقلام ومرة ستيكرات حلوة ومرة هايلايتر الوان غريبة لان من اشتري شي جديد يصيرلي واهس ادرس وهيج كضيت السنة كلها
نصيحة من طالبة 24 أجلت فيزياء قبل كل شي اتمنى تدعولي و تدعون لطلاب هاي السنة أن نطلع أعلى المعدلات 1-أول شي و أهم شي الاستمرارية حتى إذا تجيكم ايام تدرسون بشكل قليل المهم استمروا و أبد لا تنقطعون عن الدراسة بشكل نهائي هاي العطلة اعرفوا تستغلوها صح من هسة اكولكم بس يبدي الدوام حيبدي الوقت يركض و ما تحسون إلا و إمتحان نصف السنة قريب و من بعده الوزاري أقرب و هذا مو تخويف لكن أدركوا قيمة الوقت. 2- هاي النصيحة تعتبر من الناحية النفسية و هي حاولوا دائماً تجذبون الخير الكم و تفائلوا و حيطوا نفسكم بطاقة إيجابية حتى لو جان المحيط الخارجي سلبي مالكم علاقة بيه. 3- حتمر عليكم مواضيع صعبة و ما تنفهم من أول مرة ف عادي كلش لا تضوجون و تستسلمون من أول مرة حاولوا وياها و عيدوها أكثر من مرة أهم شي استمرارية المحاولة. 4- انتبهوا على الفصول الأخيرة مال الفيزياء حاولوا تدرسون ولو جزء بسيط منها هالفترة لأن انحصرنا بيها و ما كدرنا نضبطها بسبب ضيق الوقت ف من هسة حصنوا نفسكم. 5- الفصل السادس رياضيات و العضوية كيمياء كذلك ادرسوها على وقت فراغكم لا تعوفوها للأخير مثلنا. 6- الوزاريات إياكم ثم إياكم تهملون الوزاريات أو تراكموها عليكم و ادرسوا كل تفاصيل المنهج اللي جاي وزاري و اللي مجاي وزاري. 7- رسومات الأحياء كذلك اهتموا بيها بإختصار ادرسوا بما يرضي الله لا تعبرون شلون ما كان. آخر شي اتمنالكم التوفيق والنجاح و لدفعتنا كذلك.
شكرا يعمري ع كلامج استفاديت من نصيحتج اني طالبة معيدة من دفعة 23 يعني قبل الدفعة هاي جنت سادس والعام دفعتكم تركت وهسة دفعة 25 عدت علمود حلمي وحاسة ب احباط والله وكل شوي اختنك بس اكول يلا عادي الله يعوضني يعني جاي احس احارب نفسي في سبيل ماضوج او ابجي واني همات مريضة من طبيت للسادس تمرضت والله جنت مابيه شي وصابتني حالة نفسية العام واحباط لهذا ماستمريت بالقراية وجنت المواضيع الي مافهمها من اول مرة اضوج وانقهر وابجي بس هسة الحمد لله تعلمت من كل غلطة غلطتها الا شي واحد وهوا النوم وهدر الوقت ماجاي اكدر اسيطر عليهم شسوي مادري ممكن تنصحيني
نصيحه من طالبه مأجله اربع مواد للدور الثاني والندم طالع من عيونها عزيزتي كل هل مصروفات وهل ايباد وهل غراض راح تروح لذتهم من تبديين تتماهلين بدراستج من تبدين تحسين نفسج خلص وكفتي ومتريدين تكملين فه نصيحه كوني صبورة دائما وتغلبي على الظروف والوقت الوقت الوقت انتي غلبي ولا يغلبج هوة وهم احسنننن خطوة ممكن تتخذيهة هوة تدرسين على اليوتيوب واهمشي الكتبببب عاشت ايدج على هاي الخطوة واقري وياه وزاريات سنوات سابقه وخلص ❤️
درسي بيهن احسن من الملازم ولا تشترين اي ملزمه اي استاذ تقرين علي بليوتيوب اخذي ملزمته وملزمه خالد الحيالي تغنيج عن كل الملازم بس وزاريات بيها@@تقىزاهر
@@تقىزاهر اهم شي الكتب اني هسه راح اعيد سنه وادرس بل كتب لان الشريحات مال فيزياء والاحياء والإسلامية مواد دسمه والاسئله تجي من بين الاسطر فبل كتاب عل أقل تذكر بل ملزمه واحد كلشي ما يذكر
@@Lakasaaoaoskskslslskslslوبالنسبه للاحياء فلا تستغني ابد عن الكتاب والزمه ثنينهن لازم ،،،تفهمي الموضوع من النت او من مدرسكم او اي مصدر وتقري ع الكتاب ولمن تفهمي الموضوع روحي للملزمه (اذا تريدين رأي فملزمه سالم ال منصور كلش زينه ،،،واكو ناس تحب ملزمه ماهر نايف انا عندي منها مال اخوي بس ابد ما اقره عليها بالنهايه كلمن ورأيه ،،واذا تحبي الملخصات كلش زين رغم تاخذ وقت بس ترسخ المعلومه بالاخص بالاحياء(ملخص مو يعني تنقلي الموضوع من الكتاب لورقه او ع شكل سؤال وجواب لا هذني موجودات بالكتاب والملزمه مالهن دعي اقصد *مخططات ذهنيه واشياء تشبيهيه كرسم او قصه او رموز او تشبهي الشي تاشبيه غريبه جد هل طريقه فادت وياي لان انا عندي صعوبه قويه باحفظ (اطيج اسم مدرس يسوي تشابيه تكدر تاخذي منها فكره
@@dannistevn3113 ولد + كلامج صحيح حتة أصلًا اني ممتعود أجيب ملازم بل سنين السابقة ، يعني من كم سنة اني ما مشتري ملازم بس أقره بل كتاب ، لأن الذاكرة الصورية بل كتاب أفضل من الملزمة ، بس جبت ملزمة قواعد وأدب لأستاذ هشام المعموري لأن مسجل يمه ف لازم ، بس أعتقد راح اخليها شي جانبي وأعتمد على الكتاب بشكل أساسي + ممتعود أأشر بقلم هالايتر لان جنت ألخص بقلم الرصاص ف هسه مشكلة شوي 😂
@@Lakasaaoaoskskslslskslsl الاحياااااء كتاب كتاب كتاب احفظي سرد كانو ادب واشرحي وشوفي انتي شنو طريقتج بعد بدعي بي ، كملتي حفظ بالكتاب ؟ تعالي على الملزمه مال ماهر او سالم ملازهم فدشي خلي اي احد من اهلج يسمعلج السؤال او انتي غطي الجواب وشوفي حافظه زين ؟ تفهمين السؤال زين ؟ وبنهاية كل فصل حلي اسئلة الفصل + اسئلة ملازم استاذ سالم ووزاريات ( الوزاريات اذا تريدين افهمج كوليلي وبعيوني ) وصدكيني هيج فول راح تصيرين بالاحياء وان شاءالله كلشي تضبطي اي شي تردي كوليلي وتدللين حبيبي 💗💗💗اسفه طولت بس اريد افيدج🥹♥️♥️
داشوف الفيديو واني دُ 24 و السادس ديقلط أنفاسه الاخيره شباب أوصيكم بشغلتين بس و استحلفكم بِـ الله الاسلاميه لا تهملوها وكل يوم اقروا ورقه أو موضوع والأدب هم كذالك و سهلوها تسهل وعلي ولا تخافون الله عليكم لا تخافون وعلي سهل هو بس يحتاج تقرون كل يوم حتى لو بس تعريف تتعودون بعد كلما تحسون بفراغ ترحون وتكمشون كتبكم وتقرون والله يسهلها عليكم ويفتحها بوجهكم إنشاءالله ❤️❤️❤️❤️❤️.
بِـما أنــي سادس دَ26 فـ هسه أني أعفاء عام بالرابع وصرت خامس عـلمي وجاي أقره للخامـس وأريد معدل عالي فوگ95 علمود أدخل أهلية ببلاش بالسادس لان أخويه الأكبر مني عاد سنة ثانية بالرابع فـ صار يدرس وياي فأني گلت أسوي هاي الخطوة علمود تقل المصاريف وكذلك أبويه يدفع فلوس للبيتنه الجديد يلي ننتقل أله وره ما نخلص سادس وهسه كلت أدرس علمود أساعدهم بالمصاريف حمدلله عندي آيباد يكفيني حتى للجامعة وجاي أدرس عليه وكذلك النت متوفر وعندي مكان مخصص وأكدر ادرس ومقررة بالسادس ما أضيع دقيقة من وقتي علمود أحقق حلمي وأرفع راس أبويه لأن هوه مأيس من أخويه فَـ حاط أمله بيه أنـي ولازم أفرحه فـ هذا كلام للناس يلي تسخت وما تقرى أقرو حتى لو عندكم أمكانية تدخلون أهلية ععاديي أقرو وأدخلو كلية بتعبكم أو مو بس كلية حتى أهل الأعفاء شدو حيلكم وهيه كلها شكم سنة وتخلص ترى الوقت يمشي سرييعع أني هسه لحد الآن ممصدگه وصلت خامس وبعد بس هوه وأدخل سادس .المهم هذا تعليقي يبقى ذِكـرى منا لحد الخامس وكذلك للسادس " لا تنسوني بدعواتكم ترى أني مثل أختكم 🫂🙏🏻💓
نصيحه اخوج طالب سادس وباجر متحاني احياء 😅 حاولي تقرين الجزء الثاني نوب ترجعين الجزء لاول لان كل المدارس ما راح يصير الها وقت تاخذ الجزء الثاني اما جزء لاول راح تاخذينه يومي ومتحان شهري وهم نصف سنه و حاولي تقرين روومات لاحياء لان تعبت منهن 😂 + موفقه ان شاء الله وان شاء الله نشوفج بأعلى المراتب
لتسون هاي الخطوة لان حرفيا خطوة غبيه لان اصلا اساس الافصل الاخيرة هو الافصل الاولى رجاء طلاب لتسوون هيج اشياء وتتندمون نصيحة من طالبة سادس حتخلص اكو هواي وقت
انا طالب سادس ٢٠٢٤ وجاي امتحن احب اطمنكم انو السادس مو مثل ما يكولون عليه صعب لا مو صعب هوة بس طويل ومحتاج همة وقراية والتزام جاي امتحن وانا اكوللكم السادس سهل حتة بدون حذوفات ❤
@@امرور-ط5ج يا حبي حسب انتي تحبين الحفض لو الفهم والافكار اكثر …. اذا تحبين الفهم العلمي احسلج وراح تشوفين الادبي صعب اذا ما تحبين الحفض بس اذا تحبين الحفض اكثر روحي ادبي …العلمي صعب يصير عليج اذا ما تحبين الافكار وشوية تعقيدات بسيطة محتاجة احد الى واهس بالفهم ويفكر شوي
طبعا نصيحه مني.. موسيقى ابدا لا تحطون ع فيدوهاتكم او ع تنشرون موسيقى اغاني والخ من الحرام هذا اثم عليك وعلى كل واحد يسمع وشكد سمعوا يتسجل عليك بكد الي سمعوا.. نسال الله الهدايه للجميع
نصحيه من 2024 لحد يلزم معهد اقرء على يوتيوب حلوا وزاريات فقط والله خاصتن هاي عطله لا ضيع ولا يوم ولا تعتمد على شي اسمه حذوفات ولا ابد احنه اكثر دفعه انضلمت اتمنى من الله اطلع من هاي سنه ادعولي اجاوب بل امتحانات يارب يارحمن ياكريم يالله اجاوب بل امتحانات بلتوفيق دفعه 2025
لا خويه بالعكس المعهد اهم شي بالعطله لان مجبور تقره مو نفس اليوتيوب يوم تقرين ويوم لا وكلساع اعلان وكلساع شغله المعهد افضل طبعاً المعهد افضل بسبب اختيارك للمعهد المناسب والمدرسين المناسبين لكميه استيعابك المعهد افضل بسبب تقره وتراجع وياهم كل يوم بيومه عكس اليوتيوب بس تريد تخلص محاظرات بدون فهم ..
كمياء حسين هاشمي مسربات حسين محمد فيزياء ادرسوا فصل اخير من كل ماده من هسه وولا سالون ليش بعدين تعرفون ولا دخلون معهد حضوري كل مواد تتبذهلون احسن شي الكتروني او حضوري كم ماده فقط اثنين مثلا او يوتيوب خير من الله امتحنوا نفسكم كلش مهم كلش
باع هو صح احنا انحشرنا بالفصول الأخيرة بس غلط يبدون بيها لأن اول ثلاث افضل هم الأهم ومطولات حيل ما يلحكون يقروها ، لكن الافصل الأخيرة يكدرون يقروها بعطلة الجمعة أو بعطلة نصف السنة او قبل المراجعة بفترة
@@ethan2536 لا مو يبدون بيها طبعا خطا بس مثلا ويا فصل اول يقرون صفحه من فصل عاشره فيزياء يحفظون كل ٣يوم مثلا كل اسبوع محاضره عضويه وحده اقراها متاثر وهم منا نص سنه هو مخلصه
7:19 كلش فخورة بيج انو راح تدرسين ؏ يوتيوب بس وهو اصلا منصة عملاقة من الاستاذة المبدعين راسليني اكلج شنو تحتاجين ملازم وكتب لان اني اتبعت هالطريق وكلش فادني ومرتاحة عكس بقية الطلبة ماعانيت ابد لان مشيت ؏ مسار صحيح
لتصدكون بأحد يگلكم السادس سهل. جذبة صدكتها من دفعة الحذوفات و بسببها تواهنت بالبداية و صار عندي تراكم لذلك ف السادس مو سهل لحكوا تضبطون أول ٣ افصل بالعطلة "تضبيط" و مراجعة مكررة بحيث بالدوام بس تراجعون لليومي و تتقدمون على المدرسة. أقل شي كل ٣ ايام راجعوا إلي درستوا حتى لو مراجعة نظرية أهم شي متراكمون المعلومات. و السادس كد ما صعب كد ما مرحلة عميقةةةة حتكتشفون بيها أشياء هواية و كأنُ داخلين مجرة جديدة. تقربوا من ربكم و شوفوا البركة و النعمة بالوقت. خليلكم مكافأة بنهاية كل يوم حتى لو انجازاتكم صفر بهاليوم و مهما كان انجازكم أبد أبد لا تتخاذلون و تضلون تجلدون بذاتكم تدرون ليش؟ لأن لما تكون مو راضي على نفسك حتحس بفشل و تحس بتقصير حتى لو كنت تدرس ساعات طويلة و بالتالي بعد فترة حتكونون بفترة فتور او فترة الـ Burnout إلي هي حتحسون تقريبًا نفس الاكتئاب و حتكونون كارهين الدراسة و ضميركم ميت و أساسًا محتقرون بيها و لتكلي لا هذا السادس و الخوف يكومني و داعتكم تسبون ابو السادس بهاي الفترة و تكرهون حياتكم و حتى الكتاب من تشوفوا تختنگون ممكن يطول اسبوعين أو شهر او يمكن أكثر لذلك خلي عدكم حيطة من هالأمور و حتى تتجنبوها لهلفترة كافئ نفسك بنهاية كل يوم حتى لو فات وقت نومك حتى لو ما أنجزت شي لتجلد ذاتك و لو و لو كلمة الـ لو للشيطان ديحرضك على نفسك بالتالي توكع بدوامة الفتور و ابحثوا عنها و شوفوا عواقبها. مريت بيها خلال السادس ٣ مرات ف اخذ نصيحة مجرب مو حكيم. همين افتخر بالاشياء الي تسويها كل يوم و و لا تثق بنفسك ثقة عميية ديربالك خلي نفسك بعين نفسك مو فد شي عظيم ما اكلك قارن روحك لو ضعف روحك لكن الثقة حتخلي عقلك عبالك أنت صدك بالمكان الي تتخليه طول الوقت بسبب ثقتك بنفسك العمية. بطل تتخيل حتطلع الاول و تتكرم و تطلع مقابلات طول الوقت اتخيل قبل لتنام لكن مو طول الوقت ترى والله عواقبها و خيمة و انتم ادرى بعد ثقوا بأنفسكم من تطلعون للامتحان هاي الثقة مريوده بهالوقت لأن حتى لو ناسي الاجوبة حتتذكرها تالي متالي. اني كنت طول عمري اشوف روحي ضعيفة و بكل امتحان اكون خايفة و محجيب بي درجة زينة و سبحان الله اقره بشكل يجنن من وره هالتفكير و خوفي ( الغير مفرط) و اجيبها للميه، لكن السنه الثقة مالتي وكلتني تبن. خلي الك اهداف أسبوعية و شهرية مو هدفك بس المعدل لأن حاليًا بعيد كلش ف حتتواهن فخلي أهداف يومية و أسبوعية و شهرية. هاي أمور تمنيت احد نصحني بيهم و ما شفت أحد ذكرهم لذلك طبقوهم حرفيًا مفاتيح السادس لو طبقتوهن. و باقي النصائح مليان اليوتيوب شوفلك مقطع واحد و خلص. و لتاخذ نصائح مصيرية مثلاً تأجل لو تعيد هاي أمور أنت تحددها مجرد نصائح عامة و خلي اهدافك بينك و بين نفسك لتشاركها لأن محتنجزها هيجي و بطل تنصح بالوادم محد محتاج نصيحتك حتى لو طلبوها أنت الخسران والله.
بدايه خير ونور عليج يا رب افضل شي سويتي انو درسين على اليوتيوب والله افضل من المدارس الاهليه والخصوصي انه ما خايفه عليج لان السادس يراد الله شجاعه وصبر وأنت لاثنين عندج ما شاء لله الي عليج ثقي ب الله وبنفسج وكوني مصره على اي قرار تاخذي وب التوفيق
درسي على راحتج لاتضغطين على روحج لان وراج سنه كامله على دراسه فا تعب عليج وخاف اخر فتره تضلين تنسين من تعب وشدي حيلج بدوام يوم بيومه اهم شي والله يوفقج
@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .
@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .
@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 .
@@سارهعلي-ق1غ5ط حذفت قناتي و هسا ندمت جان بيها ذكريات و تعليقات اعلق بكل فيديو دراسة و بيها مشتركين و هسا ضايجة و تندمت سويت نفس الاسم و اليوزر و الصورة 😂🙂😔💔 . واسيني
مايحتاج دفاتر اصلا افضل طريقه هي البند و تحل بيدك حتى لو بدون ترتيب لان بدايه سادس جنت بس ارتب و انضم وكلها مضيعت وقت وبدون فايده الافضل هو تحل بيدك بدون ترتيب هواي و مبالغ ! هذنيج وينهن دفاتري مكومات ولا استفاديت شي منهم
اختي عزيزة نصيحة من طالب خلص سادس سنة هيج امور وموبايل عدو كبير بالسادس بمعنى كلمة اذا كنتي تردين معدل اتمنى تكعدين وتخططين وتحسبين هذا شي وتشوفين تاثيرا وبالتوفيق
احسن شي سويتي من جبتي الكتب لان الوزاري مراح يجيبولج من الملزمه راح يجيبون من الكتاب المنهجي واني كضيته السنه كلها ع ملازم بالمراجعه يلا فتحت الكتب وكلش متندمه الكتب احسن بهواي وحتى وقت الامتحان تتذكرين وتتولد الذاكره الصوريه وخاصه الاسلاميه بالخصوص لاتجيبين اي ملزمه فقط ع كتاب وأشري واقري ع حمود الجنائي وحاولي تخلصين اول 3 افصل بالعطله كل المواد حتى الاسلاميه لا تستهينون بيها ابد ابد ووكل التوفيق للجميع ان شاء الله ❤
@@hfhvbj-ew4 ماجاي اكول فقط كتاب!!! مو صحيح هالحجي لازم ملزمه وزاريات لان الوزاري والاثرائي مو كله موجود بالكتاب بس افهمي الفكره داكول لازم عدها الكتب حتى يكون عدها اطلاع كامل ع مادة لان بعض الملازم مو كامله
طلاب من تقرون وزاريات تشوفون اسئله خارج القطر ومتميزين لا تركزون بيها اخذو الفكره واعبرو لان تجي صعبه وما تجي هيجي هيج افكار النه وحتئ اذا يردون يجيبون سوال واحد ضمن ترك ❤
من توصلون فصل ثالث وفوك ويبده الضغط والتعب تبقى هاي الاشياء متهمكم توصلون للمراجعة بفترة الاربعين يوم تحديدًا بقلم جاف واحد وميخلص سبحان الله يبقه للامتحانات وتجيبون اقلام رصاص وتروحون تمتحنون السادس مو بعبع انت تخلي سهل وانت تخلي صعب وادرس مثل ماتدرس انت وحسب قابليتك مالك علاقه بلبقية وسلامتكم وتعيشون 👏🏻🤍. وياكم الطالبة المتخرجة دفعة ٢٣ بمعدل ٩٣ حرير محمد 💕.
مثلك انا هم دخلت خمس مواد عدا الاسلامية والاحياء ، وتندمت لان ما دخلت احياء واجلتها وباقيلي فصلين مادارستهم لان ماجان عندي وقت ادرسها جنت ملتزمة ويا المدرسيين وعايفة الاحياء 😀
أووه زنوبة جنت ستوني مخلصة الثالث واريد أتحفز للرابع فـَ شفت كُل فيديوهاتچ القديمة مال روتين طالبة رابع وكذا ف طلعت معدل ٨٠ بالرابع علمي من ورا الكيمياء فـَ المهم هسه اني طالبة خامس علمي وان شاء الله ما بقى شيء و أوصل لحلمي 🫣🤍✨
طلاب دفعة 25 نصيحة درسوا كيمياء على استاذ دانيار الجاف جاي ينزل تصوير جديد بشكل يومي عدا الجمعة وعندة كروب اختبارات وخلال العطلة قبل الدوام ان شاء الله يدرسنة اول 3 فصول من الكتاب❤.
العام كال ابدي شرح جديد وهم امتحانات وكذا خطيه الطلاب كمللهم للفصل الثالث وكام يشرح شلالي يعني المسائل ع الملزمة يشرحن وبدون توضيح وتبسيط الارقام اني بديت اراجع وشفت التعليقات خطية لطلاب يتباوجون لان ماكمللهم بس السنة مادري الله اليعلم يجوز يكمل