ما شاء الله تبارك الله اولاً ثانياً هذي امور ماتخصكم ياحقين طلعات المخططات وطلعات الثمامه هذي اشياء للي يروح 10 ايام 15 يوم بعيد عن الديره يعني باليوم ينزل بمكان 2 او 3 مرات بيقعد ينزل اغراضه وعزبه وخيامه ومضلاته ودوافيره وفرشات ثم يشيلهن مره ثانيه نزل فرشاتك اطبخ بعيد عن التراب والرمل غسل مواعينك وانت مرتاح اذا قضيت من كل شي رجع كل شي لمكانه وتوكل على الله 5 دقايق وانت مصفصف اغراضك وصاك الشد وثالث شي يمكنكم مالاحظتوا يوم يقول يديني مايساعدن اني افك الكفر بيديني رجال كبير اكيد يبي يريح نفسه فك الصواميل ونزل الكفر وركب الكفر الثاني وقضينا 5 دقايق وانت ماشي واخر كلامي كل شخص له وجهت نظر وابو نوره رجال باله وسيع ويحب الروحات والجيات ما شاء الله عليه الله يحفظه من كل مكروه وعين حاسد والسلام عليكم المعذره على الاطاله ❤️✋🏼
ابو نوره تقول انتقدوا وش ننتقد ماشاء الله وتبار الله و الله يبارك لك في حلالك عز الله ان شغلك روعه يعحبني الشخص اذا سوى شي يتقنه وخذ الكلام مني اي إنتقاد في مطبخك ترى ماعنده سالفه
مشاكل البساتم معروف انه اذا تخليها مفتوح طول الرحلة تخرب نقل عن مكانيكي شفته يسكر الشنطه عنده لاند قال سكر الباب العلوي عشان ماتخرب البساتم وخل الباب السفلي مفتوح اذا معك تانكي ومطلع له هوز للغسيل . حبيت افيدكم وانصح اللي يركب شد لايطلب بساتم يدوي افضل واوفر له
ماشاءالله صراحه ابداع بعد اذنك انا موتري هايلكس دبل بغيت نفس الطريقه لكن بدون اغلاق كامل لصندوق لن عزك الله عندي سلقان وانا قناص رمله بستمرار وش الطريقه الي تنصحني وتكون موفره ونفس الوقت جامعه كل احتيجاتي بالبر
والسيارة لازم تعلو الصندوق اكثر تعملو تكنة ماية احتياطي بسعة 400 لتر وتحطو بيها مثل الواح الحمام والتواليت ويصلح تحط بيها جرن البانيو ولها طرق كثيرة في التصميم هي وجهة نظر ورأي
بعد ماكان البر بساطة ومتعة صار تكلف ومصروفات اضافية................تدرون كم تلكفة هالتجهيزات قرابة 35 الف ريال يعني ايجار شقة سنتين.........وبعد خمس سنوات يشتري سيارة ويجهز مرة ثانية ...المبتلى ما منه رجاء الا ان يشاء الله زي شارب الخمر واهل السفريات واهل الكشتات لايقتنع الا بعد ما يطفراو يتقدم في السن او ينشغل فيما هو اهم ..ولاانسى التفاخر ومقارعة الاقران......واكبر دليل خرطوش ايطالي
اول شي اذكر الله الرجال يمكن مقتدر عالتكاليف كل واحد يمد رجوله على قد لحافه حلوين ثاني شغله الرجال يروح فالبر مو فقط في موسم الشتاء هو دايم يطلع شتا صيف و هاوي للطلعات مثل مافيه ناس تجلس باستراحه هو يحب يطلع مع اخوياه مجموعه للبر و اكيد اذا بتطول هناك لازم يكون معك شغلك كامل لك انت و اخوياك و مستحيل الواحد يطلع فتره طويله بدون شغل مجهز يعني دق سلف و اطلع لو شهرين فالبر ثالث شي الرجال اكيد دامه حط مبلغ بالسياره يعني بيستخدمها فتره و بعدين الشد ينفك و تنزله يعني مو لازم يبع السياره او انه خساره اذا بيطلع فيه كم يوم و يسحب عليه سنه هو ما ركب الاغراض هاذي بدون سبب اخيرا الرجال هاوي و عاشق للبر و الطلعات بعض الناس يهوون الابل و الحلال و بعضهم يعشق الطيور و خاصه يدفعون مبالغ قويه مو معناتها اسراف اذا هو مقتدر عالمبلغ وانه عادي يدفع 35الف عشان عزبه و شكرا
الهاوية شئ والفتنة شئ اخر ...المفتتن تجده يحث ويساعد غيره عشان يطبق افكاره مثل مايسوي وانت عارف معظمهم شباب يعني لو نشب في ابوه والا خذ قرض ....عشان هوايه الله يصبحك بالخير...رح وتعال ولكن لاتوري الناس
