تحدي حسن كتبي - لدرايف7 لاعلى تظليل عازل للحرارة للسيارات 

شكراً أستاذ حسن، المفروض وزارة التجارة تلزمهم بملصقات توضح كمية العزل على كل منتج وتكون موثقة مثل الملصقات التي توضع على السيارات لاستهلاك البنزين

ماعجبني الاختبار المفروض جابو سيارتين واقفه في عز الشمس لمدة ساعتين واحده عليها منتج 7 درايف وحده من،شركه منافسه وفتحوها وحطو اجهزة مقياس الحاراه والضوء الضار ترا سهله

استاذ حسن وش المقارنه هاذي انا كنت شغال في درايف سفن ها ي كلها ممنوعه من المرور كلها زيرو فور وزيرو ثري والتضليله حقت المنافسين جايبن زيرو ون وزيرو مافيه مقارنه ؟ اكيد كل ما غمق اللون كل ما ارتفع العزل خليك زي اول صريح وخل عنك التسويق معروفه درايف سفن فاشله

ياشباب والله العظيم تسووويق الاشعه الحمراء (IR ) اللي جالسين يقيسونها في الفيديو مو مهمه وليست مقيااااااااااس لجودة التظليل المهمه هو TSER الاشعة الحراريه المعزوله وغالبا من 30%-65% ال 65% هي اعلا نسبة عزل موجوده في السوق ( ممكن توصل 70 لكن مستحيل توصل 80 او 90 ) . على سبيل المثال تلقى عازل من شركه فلانيه نسبة IR 99% بس ال TSER 50% وتلقى شركه ثانيه ال IR 90% بس ال TSER 65% الشركه الثانيه افضضضضضضل وراح تلقى كوري ب 300 ولا 400 ريال ويقولك نسبة IR 99% لكن مستحيل تلقى TSER عالي بسعر رخيص الزبده TSER اهم شييييييي و IR اللي جالس يقيسه حسن طتبي خرطي وسلامتكم

كل محل يقول الزين عندي .. وتلقى العينات اللي يتسوى فيها الإختبار تنجح دائماً !! هنا نطرح سؤال هل من المؤكد أن العينات المقدمة للإختبار هي ماتقدّم للعميل ؟ .

شفت بعض الردود من الشباب تبين زيادة الثقافه لدىيهم من ناحية التدقيق والاستعلام عن المنتجات وجودتها وهاذ بفضل الله ثم بفضلك وبعض المواقع التي ساهمت في الوعي لدى المستهلك وهاذا يبعث على السرور بارك الله فيك ولك

جربتهم في اربع سيارات بداياتهم ممتازه ولكن نزلوا جودتهم واللي يعرضونه عليك غير اللي يركبونه وكفشتهم عليه

استاذ حسن.. جونا يبيله اختبار تقليدي.. سيارتين نفس اللون تظللها كل واحده من شركه معينه تتركها ثلاث الى اربع ساعات تحت الشمس.. ثم بمقياس حراره عادي تقيس حراره الجو الداخلي في السياره كذا افضل طريقه لاختبار التضليل.. وشكرا..

حيلة اخرى من ملك التسويق الاستاذ حسن كتبي رسالة الى كل عميل ... شوف بنفسك وقارن بنفسك مو كل شي جديد رهيب .. و الجودة مهي بالاقدمية شوف بنفسك واختبر بنفسك انا لاحظت في استاذ حسن قمطت العافية لمن الجهاز الثاني غير القراءات

ان كان تبغى تجربة واختبار صحيح عليك بالاتي:: ١-كلهم على قزاز ٢-ذكر جميع اسماء المنتجات الاخرى

ماشاء الله استاذ حسن كل ماله يتطور صار ينزل تحديات وبكرة لو خيروك هههههههههههههههههههههههههههههههههههههههه

حتى انت يا استاذ حسن صرت تنزل تحديات 😂😂 ناقصك مقالب و يخرب اليوتيوب 😂😂😂

أخي العزيز لما تحب تعمل اختبار لازم تكون أدوات الاختبار مع المنافسين مطابقة

أستاذ حسن نرجو منك إعادة فحص جودة المنتج باختبار درجة الحراره داخل السياره وقارنها بالشركات المنافسه

ياخوان انت بالسعودية درجات الحرارة تاصل 50 يعني تضليل زي كذا ماينفع لزم تجيب صندقه وتغطي سيارتك وشكرا.

مع احترامي وتقديري للاخ حسن افضل تظليل عزل في السعودية وعن تجربه (ڤي كول)

والله يا اخ حسن بدون مبالغة اعمالك هذي تحمي المستهلك في مجال النقل الخفيف واكسسواراتها الغالية،فجزاك الله ألف خير باللي تسويه من السعي بجلب للمعلومات كنا ولازلنا بطيئين في تعلمها وجلبها بأنفسنا ناهيك عن كثير مما لايمكن ان اذكره من سعيك للتوعية في شتى المجالات فآ بالنيابة عني وعن جميع من لم يلاحظ جهودك ـــشكـــراً لك.

استاذنا الغالي حسن انت انسان ثقة واغلب الناس تثق في كلامك وخصوصاً الناس اللي ماعندها خلفية عن السيارات والعوازل وانت ماقصرت اجتهدت وبينت وشرحت وتعبت الله يعطيك الصحه والعافيه على كل مجهوداتك ، لكن بالنسبه لدرايف7 اتوقع مو كل الفروع بنفس الجودة والمصداقية ما ادري يمكن في تلاعب من نفس العماله او في خلل في التنظيم الله اعلم ، في ناس تمدح درايف7 وفي ناس تسب وكلا الطرفين مجربين وتواصلت مع اكثر من شخص من الطرفين ، احترنا بصراحه . والملاحظه الثانية اسعاهم كيف هل هي معقوله ام مبالغ فيها زي باقي الشركات . تقبل شكري وتحياتي وكل عام وانت بصحه وسلامه يارب .

الي مضلل من اي محل زينه لايك😂

اهم شيء كم نسبة عزل TSER...؟ كلهم يذكرون نسبة الاشعه فوق البنفسجية و الأشعة تحت الحمراء و لكن TSER غالبا ما يذكر ..

من افضل الشركات عن تجربة

حسن من بين المنافسين يراعي الكل أشكرك واستمر بدون موسيقى

الحقيقة اشوف انك تسوي ظلة لسيارتك. وخصوصاً ان ارضنا بالسعودية هنا او الخليج كامل. اغلبها شمس ودرجة حرارة عالية. فالمفترض تسوي لك ظلة. والله هذا افضل حل. لكل بيت ظلة

يالله ي حسن دامك نزلت تحدي نبي الحلقة الثانية لو خيروك 😂💔

طيب من يدلنا على أفضل افلام تظليل و حماية في السوق و ندعو له بظهر الغيب بعيد عن التسويق والله احترررنا .

تجربه مفيده ي حبيبنا حسن وشكراً لك ولممثل درايف ٧ حضوره مثل غيابه

العزل يحدده كامل الطيف وليس اخذ جزء منه والبناء عليه لذلك تجد ان اجهزة قياس نسبة العزل التي تقيس كامل الطول الموجي للشمس اعلى سعر بمرتين او ثلاث مرات من الاجهزه العاديه ولك ان تبحث بالمواقع عن سعرها لتتاكد من صحة المعلومه علما ان جهاز سبكترم الذي معكم هو جهاز قديم وخارج الخدمة حاليا ويوجد جهاز اخر جديد يمكن ان تبحث عنه نحن في شركة زيوكس نقدم لكم دعوه لاطلاعك على الاجهزه الجديدة والتي لا توجد في الاسواق حاليا تقبل تحيات فريق التسويق بشركة زيوكس السعودية

قبل سنه نزلوا عرض ٤٠٪ تخفيض و رحت ضللت عند فرع خريص بالرياض ضللت افضل نوع بتقنيه النانو جميع الزجاجات للسياره اول شي تفاجات ان خدمتهم سيئه جدا. موظف الاستقبال "الاردني" كان يسفه الموجودين و وقح مع الناس تخيلوا ممنوع تدخل تشوف السياره وهي تتظلل!! عشان الزبون ما يلاحظ اي مخالفه او خطا و المصيبه الاكبر لما جيت استلم سيارتي قالوا لي اسفين نسينا الاضائه شغاله و طفت البطاريه. تقدر تجيب سياره تسوي اشتراك بكل وقاحه! وقتها رجعت للوقح في الاستقبال وهددته اني ابشتكيهم لوزاره التجاره ، فتخيلوا قام وراح شغل سياره عميل "بدون استاذان منه طبعا وجابها عند سيارتي و سوا لها اشتراك. و بكل وقاحه يقول خلاص الحين ارتحت!؟ توكل على الله و عزل الحراره كان جدا سيء مافرق اي شي عن تضليل الغرابي اللي ب١٢٠ ريال. سبحان الله ... رب رزقني بسياره هالسنه .... و ضللتها عند جيوشيلد ... طبعا سعرهم اغلى لكن فرق معي كثيييييير عزل الحراره و حسيت بالفرق. استقبالهم رائع و خدمتهم طيبه والمصري الاصلع حبيب جدا و يسولف و ينصحك باشياء تخص السياره بس الحقيقه غاليه جدا ولو اني احس قيمتها فيها لو عاد بي الزمان اشتريت تظليله اصليه من امازون ب٤٠٠ ريال وضمان ١٠ سنوات و ركبتها بمحل زينه ... تعرفت على واحد صاحب محل مشهور زينه للسيارات و علمته الموضوع قالي اصلا اسوأ محل تضليل في الرياض درايف٧ ولولا عروضه مع وكالات السيارات و التخفيضات المستمره التسويقيه و عروض اصحاب فيزا الراجحي والهولندي و و كان محد جاهم. الله يسامحهم على خدمتهم و الله يسامح حسن كتبي اللي نعتبره مرجع و خبير في السيارات يسوي لهم دعايه و هم الاسوأ في السوق ... سبحانك اللهم وبحمدك اشهد ان لا اله الا انت، استغفرك و اتوب اليك

بالأرقام درايف 7 / الأشعة تحت الحمراء 2% ( جربت بنفسي ) نانو شيلد / الأشعة تحت الحمراء 1% ( شفت من اليوتيوب ) سمارت / الأشعة تحت الحمراء 1% ( شفت من اليوتيوب ) كلها نسبة دخول الضوء 70% يعني درايف 7 بدأت تتراجع في ترتيب قوة العزل بالأرقام بالجهاز الأصفر حسن كتبي استخدم نسبة الضوء 30% عشان كذا صارت الأشعة تحت الحمراء 1% لو استخدم نسبة الضوء 70% بتصير الأشعة تحت الحمراء 2%

نصيحة للي بيركب عازل يستنا الشتاء الشركات تسوي عروض تصل ٥٠٪‏ والنصيحة الافضل الزنه ب ١٠٠ ريال وارفع يدك 👍🏼✈️

ياخي انا يعجبني الاخ حسن كتبي انسان رقي وجووو غير تحيه مني لك

اعلان بطريقة غير مباشرة شكرا ، ا/حسن 😌💜

شف يا حسن انا اعرف قصة الشركة هذى منذ نشأتها شخصيا كان بدايتهم شغلهم بينهم وبين موظفين المعارض والوكالات مثلا تشتري سياره يقولك الموظف نعطيك عرض تضليل مثلا ب 2000 ريال تروح السياره لشركة التضليل موظف الوكالة الى حولك ياخذ نسبه عمولة ما تقل عن 300 ريال فالي بيضلل يضلل عند 3m شركة عالمية ةتدفع فوق اثنين مليار سنويا لتطوير المنتجات اما الشركة هذى شركه سعوديه لمواد ...............

بالنسبة لتظليل درايف ٧ كثير جربوه ويمدحونه في البداية لكن بعد فترة يخف العزل وبالنسبة لتجربتي بالتظليل جربت ٣ شركات جيوشيلد وجونسون وثري ام، جيوشيلد مو ذاك الزود، جونسون وثري ام ممتازين

افضل تظليل حاليا دريفر 7 مركبة عندي وعزله فوق الممتاز واحسن ماسويت اخ حسن انك سويت تجارب عن التظليل 👏🏽👏🏽

المفروض تضيف معهم العازل الحراري الكوري الي ينباع في محلات الزينة علشان نشوف الفرق الا لو مافي فرق كتير علشان كذا ما ضفته معهم

لا يتغير اللون وإذا تغير اللون ترجع عندنا وتبدل !! هاي الجملة كافية لتختصر الفيديو وبكلمة (ضمان تسويقي ) يعطيكم العافية وبعدين تختبرون النوعيات الثانية بدرجة تظليل 70 % اللي هي الزيرو زيرو ولما توصلون عند النوعية حقت درايف سيفن تستخدمون 35% اللي هي زيرو ون ؟ ترى اللون واضح والشي الأخير اللي أبي اقوله الجهازين اللي استخدمتموهن ما قاسو درجة الحرارة اللي يدخلها التظليل للسيارة واللمبات اللي موجودة فالكاونتر ماتعطيك درجة حرارة الشمس ولم توضحو فالفيديو ماهي الشركة اللتي يتعامل بها درايف سيفن بالنسبة لأفلام العزل الحراري عشان مافي منتج امريكي اسمه درايف سيفن للتظليل تقبلوا نقدي ومروري

تحدي حلو يااستاذ حسن والله يوفقك

جزاك الله خير يا أبو أحمد 🌹

بارك الله فيك يااستاذ حسن بس عندي ملاحظه الجهاز اللي انت جايبو كشف على باقي المنتجات ماعدا المنتج حق درايف 7 ليش كدا انا متعقد من التضليل انت يااستاذ حسن قعدت قبل فتره سنه او اثنين تقريبا تمدحلنا في تضليل بروفيشنال وروحت سويتو والله الذي لااله الا هو انو اللي فمحلات الزينه افضل منو ولا ازيدك من الشعر بيت انا ركبت فوقو طبقه ثانيه من نفس بروفيشنال وقاعد انشوي فالسياره انا واللي معي ماادري صرت مااصدق احد وانا حقعد اجرب كل التضاليل وحفلس وبرضو ماحصلت الاوكي من التضليل لماذا التلاعب بعقولنا وافكارنا يااستاذ حسن سألغي الاشتراك في قناتك لاني اصبحت ماني واثق فيك ابدا كنت مكان ثقه ولكن للأسف استودعتكم الله

افضل عازل جربته بكل امانه هو فيكول اعلى مستوى اللي هو رويال vk30 بعده يجي vk40 غير هذول اذا تبي فلوسك في مكانها لا تركب .. ونا طبعا ركبت فيكول رويال الشفاف ماعجبني لان مايحجب شي من الضوء الشمس كسرت عيوني .. فما انصح احد يضلل شفاف ابدا ماينفع كلش .. ولا انصح تضلل الاماميه تدفع فلوس كثير وتخرب ع نفسك جمال الرحله بالسياره لانها تضلل عليك الرؤيه فما تستمتع بجمال الطلعه وبالليل تخرب الشغله زياده بعد

يا أستاذ حسن شركات مثل ثري ام وفي كول ولومار هي شركات عالمية ومواصفات افلامها للفئة الأعلى منشورة علنا ومعروفة بدقة. بالنسبة للاشعة فوق البنفسجية كل الشركات السابقة تعزلها بنسبة مئة بالمئة هذا كلام مفروغ منه٠ اما بالنسبة للأشعة تحت الحمراء فكان يجب توخي الدقة العلمية وذكر طول الموجة التي يتم عندها القياس لان عزل ٩٩ بالمئة عند طول موجة معين لا يعني ان الفيلم يعزل الاشعة تحت الحمراء بمختلف اطوال موجاتها بنفس النسبة وللأمانة جميع الشركات السابقة تذكر في مواصفات افلامها نسبة عزل الاشعة تحت الحمراء عند طول موجة معينة٠ اخيرا اذا كانت شركة درايف سفن تحترم زبائنها فعليها ذكر مصدر افلامها وذكر مواصفاتها في موقع الشركة الام ومعلوم ان الافلام الامريكية هي الافضل مع وجود شركات تقدم خدمات التظليل باسماء مختلفة تستخدم افلام كورية ليست بالضرورة سيئة لكن لا تقارن بجودة افلام الشركات الكبرى ولا تستحق الاسعار المبالغ بها التي تصرف عليها وسلامتكم

زيبارت وبس معنا تاهو2011 اول ماطلعناه من الوكالة ركبناله عازل حراري وله معنا 5 سنوات وزي الحلاوه نحمد الله ونشكره

الحمدلله مركب تظليل زيبارت لي 6 سنوات عزل ممتاز و ما تغير اللون بس شلت الامامي لانه سببلي زغلله في العين خاصةً اذا مسكت خط في الليل و سمعة انو المشكله هاذي في كل الشركات

ياشباب في مقياس للحرارة غير اللي اختبرها الاستاذ حسن كتبي اسمها TSER Total Solar Energy Rejected لايوجد جهاز لاختبارها بالسوق الا اذا تفاعل الاستاذ حسن وسفن درايف ليس الافضل على الاطلاق فيوجد من هو افضل منه وارخص بمراحل وبالنسبة للتضليل لايهم اليوفي ولا الاي ار الزبون والعميل يهمه الحرارة ووهج الشمس الكلية اللي هي TSER Total Solar Energy Rejected TSER Total Solar Energy Rejected

الله يجزاك خير

جزاك الله خير استاذ حسن على جهودك وتقاريرك الرائعة ولاتلتفت للمتشائمين والمشككين عندنا فئة من الشعب مايعجبها شي بالنسبة لتجربتي مع التظليل اول تظليل ركبته كان في كول كان غالي ٢٧٠٠بس عزله جيد جدا وركبت بعده سولار كونترول كان بنصف سعر في كول ١٧٠٠وكان عزله نفس في كول وبعده ركبت تظليل من موقع كوبون وكان سعره رخيص جدا ٢٧٠ و ٤٠٠ وكان عزله مقارب لفي كول وسولار كونترول . نصيحتي لكم اشتروا من موقع كوبون تظليلهم رخيص وامريكي وعليه ضمان مدى الحياة.

انا صراحة عن تجربه ، افضل تظليل هو كول بلس

شكرا يا ابوكتبي كنت محتار بين لومار وزيبارت و 3M ولا كنت اصدق كلام درايف 7 انهم افضل عزل فالعالم لكن بعد هالفيديو قررت اظلل عندهم 👍🏻

يعطيك الف عافيه يا سيد حسن

جزاك الله خير على الفيديو المفيد

شكرا استاذ حسن على مجهودك الرائع والله يجزاك خير ... وواصل يا بطل ✌

شكرا استاذ حسن كلامك صحيح انا جربت العازل الحراري من شركه درايف7 و حمايه الواجهه من الترمل ممتازة لي مركبها أكثر من أربع سنوات العازل ممتاز و حمايه الواجهه ممتازة و كل كم شهر أمرهم تلميع مجاني للحمايه

*نبغا نعرف أكثر عن التضليل الإلكتروني نتمنى أن تعمل حلقة خاصة بالتضليل الإلكتروني. وشكرا*

تظليل جونسون وبس من 2009 وانا اظلل عندهم ظللت ٦ سيارات و العزل فيهاا ممتاز جداً

اتمنى يا استاذ حسن تفيدنا هدف الاستفاده فقط وليس للدعايا والاعلان وشكرا

حلقة الله يسلمكم 😊

شكرا حبيبي سونه الله يديك العافيه

فيه شركة أوتوماجيك auto magic.. بصراحة أنا جربت تظليلهم قبل عدّة سنوات لسيارتي ولازال الأداء ماشاء الله تبارك الله ونصحت كثير من الشباب بالتظليل هناك وفعلاً الشركة محافظة على نفس مستوى الجودة بس الأسعار غالية عندهم ..

الرجال الي معاه طفشان😂😂😂😂😂☺☺

الله يعينك على هيك متابعين يا استاذ حسن , اتمنى ان لا تتأثر بهم و تستمر في برامجك الرائعه

أوزون أحلى تظليل أمريكي وزي الحلاوة معاي

يا استاذ حسن نبيك تسوي تجربه نيسان باترول ال اي بلاتينيوم 2016 وشكرا

انا والله العظيم احكي تجربة شخصية لا تسويقا ولا شي ، جربت لومار وثري ام وكلهم عاديين جدا ، هم فقط مؤوسسات سعودية تشتري الافلام من برا وتركبها بأدبال سعرها ، وكنت اتمنى تجربة درايف ٧ لاني مريتهم وشفت شغلهم في الرياض جبار وان شاء الله قريب

الصراحه انا مجرب شركة DRIVE7 بنسبه لي افضل شركه في العزل الحراري

لا يضحكون عليكم بالارقام . اهم شي tser . كم نسبته و اشتر العازل بناء عليه . الشي الثاني drive7 وين مصنعكم ؟! ولا انتو زي محلات الزينة العادية تاخذون منتجاتكم من السوق ؟! حطو النقطة ذي في بالكم يا شباب

يالربع تضليل ابو هنود او شهرين كويس بعده اللمعه تضرب او تصير باهته تحسسك ان السياره صار لها اكثر من 6 سنين اما العازل الغالي مثل في كول اللمعه باقيه وتعطي الموتر نضره رهيبه

ياليت القطع حقت المنافسين توضع في نفس قطعه الزجاج التي تساعد بالعزل ايضا ليس قطع مقصوصه فقط الدعاية يجب تكون المقارنه مشابهه

أستاذ حسن العينات ألوانها فاتحه في الآختبار..اختبر ألوان غامقه نفس الدرجه..اختبارك لك عليه..

ليش المنافسين ماحطيتو تظاليهم في الزجاج طبيعي جدا العازل لمن يكون خارج الزجاج مايعطيك العزل لازم يكون راكب في الزجاج

اخواني نفس ما شفتوا هذا الفيديو بامكانكم البحث عن أفضل المنتجات االأخرى واختباراتها وخصوصاً اذا كانت من طرف محايد الاستاذ حسن ما قصر جزاه الله خير . وأنتم كذلك الي سوف تدفعون لا يضر لوا بحثوا قليلا فالغبي من يخدع هذه الأيام وأمامه كل وسائل البحث والتحري عن المنتج وهو جالس في بيته

السلام عليكم وحمة الله وبركاته 🖐🏻 اخوي حسن اعرض لنا عن شفرليه كروز ايش مواصفتها وافضل حجم للمكينه 🚶🏻

اول شي يا الحبيب اختار نفس الدرجات من المنافسين و العينة ما تكون فيلم فقط و المتحدي قزاز و فيلم لان القزاز كمان له نسبة تعزل واشرح تقنية العزل كيف هل هي امتصاص الحرارة و الاشعة و تخزينها بالفيلم ولا عكس الاشعة اللي توصل الحرارة عني اقولك مشكور ما قصرت و درايڤ سڤن اكابر و الله يرزقهم لكن مهم افضل عازل حراري و الأجهزة تقيس و لكن الواقع مختلف جرب لومار او ڤي كول الافلام الرويال لي تجارب معهم و اشهدلهم انهم الافضل

أنا أثق في الأستاذ حسن

مهما تطورت العوازل لن تقيك من أشعة شمس السعودية توصل 50 درجة مئوية !!

استاذ حسن لقد بنيت اسمك خلال سنوات اتمنى منك تجنب مثل هاذه المواضيع التي من الممكن ان تهد كل ما بنيته ....نحن نحبك في الله ونحرص على مكانتك العاليه وثقتت الجميع فيك... دمت بخير والى الامام حتو ولو كانت نيتك حسنه وهاذا متاكد منه

ياجماعه الخير عليكم بالرقم الاخير فقط ، اشاعه بنفسجة واشاعه فوق الحمراء كل الشركات في مراجعة منشوراتهم نفس الارقام الاول والثاني ، فالواحد عزل ضوء الشمس رقم ثلاثه .

تحياتي لك يا حسن كتبي جزاك الله خير وقناتك اروع قناة

شكرًا لك يا ابو احمد على توعية المستهلك وربنا يكتبها في صحيفة حسناتك

استاذ حسن ياليتك سألتهم عن صفاوة ونقاء الفلم لان جربت شركتين الصفاوة تعبانة لما تمسك خط باليل انوار السيارات تسوي وهج ع القزازة

الله يعطيك العافية وشكرا على جهدك ووقتك لتثقيف المجتمع بكل مايتعلق بالسيارات والله يمتعك بالصحه والعافية ويسعدك

يعطيك العافية استاذ حسن انا مجرب عزل درايف 7 على سيارتي الاكورد من عام 2008 وهو فعلاً جيد جداً مقارنة مع 3M قبل بيع السيارة وايضاً مركب عزل من شركة لومار على سيارة جيب مازدا من عام 2010 ولحد الان لم يتاثر والاثنين افضل من 3M وهذه عن تجربة مقارنة مع سيارات اصدقائي اهم شي في العزل هو الاشعة فوق البنفسجية للوقاية من سرطان الجلد عافانا الله واياكم منه

اشكر اخي حسن على مجهودك لكن قيه ملاحظه بسيطه هل درايف7 هي الشركه المصنعه لهذا العزل ام مجرد اسم للمحل واذا هي اسم محل فقط ماهي اسم الشركه المصنه؟

متابعينك من السويد استاذ حسن الله يعطيك العافية

للاسف انا رايح بنفسي لدرايف 7 واحد من الموظفين هناك الله يجزاه خير قالي انصحك ب 3m ... و انا مسؤول عن كلامي الاخ حسن الله يهديه بدأ بشكل ممتاز اما الان مسألة تسويق فقط

الشركه هذي موجوده في الرياض من زمان و الجميح يتعامل معهم ،، خالي مظلل عندهم التاهو عائلي ثقيلة مره لكن الحق يقال من ٢٠١١لا للحمايه ولا التظليله اختبرت فقط الان من كثر المشاويير تحتاج للحمايه تلميع لكن للاسف مافي لهم فرع في الشرقيه

استاذ حسن في محل في الشارع المقابل لمكتبة جرير في شارع صاري, عنده تظليل rivex هل هيا الشركه الي كنت بتتكلم عنها ةلا مهي ؟؟؟

حسن كتبي يستخدم نفس أسلوب تسويق شركات التظليل ياليت تشوفون و تسألون الخبرات في منتدى السيارات أفضل من هالدعاية www.assayyarat.com/forums/t279592.html و كذلك هذا الرابط من منتدى البوابة الرقمية www.adslgate.com/dsl/showthread.php?t=2274660

الوحيد حسن كتبي اول شي اسويه يوم افتح مقاطعه اضغط لايك

اسمحلي استاذ حسن مافي منافس لشركة ڤي كول مازل المركز الااول بالعالم وبعده بمرااااحل 3M الي هو كرستلاين بس عيب الكرستلاين انه اذا ماحفضت علية يتخدش

اللي يبغا يركب منه و شاك يقدر يمر على احسن شركة يعرفها ياخذ منها وصلة من الضليل اللي يكون طايح فالارض "زوايد" و يمر على ذولا يتأكد بنفسه و تضليله معاه ، انشاءاالله نفعتكم

أحسنت متابعينك من ايسلندا

رحت شفت الجهاز لدى درايف٧ لقيته من شركة اسمها linshang ورقم الجهازLS101 للأسف هذا الجهاز يقيس أعلى طول موجي 950nm ويوجد جهاز من نفس الشركة المصنعة تحت الرقم LS100A يقيس أعلى طول موجي من السابق ويصل إلى 1400nm سعر الجهاز LS101 يصل 600 ريال وهو الموجود لدى درايف٧ أما سعر الجهاز LS100A يصل إلى 2000 ريال والحكم لكم

المخفي بروحه مايكفي محيط السياره ساخنه خصوصا بالخط يصير الهوا الحار يصدم السياره ويتاثر الحديد وتسخن السياره من الداخل وحتي من السقف لمن يضرب الشمس من اعلي السياره يسخن ويصير تنتقل الحراره للداخل يعني لازم تركبون عازل حراري من تحت السياره ومن قدام ومن فوق انا سالفه حاط مخفي علي الجامات بس ماراح ياثر وايد

هذي الحسابات اللي تستاهل الدعم الله يجزاك خير

شكرأ لك ألف شكر

هل المحل يستخدم هذا الجهاز للزبائن على سياراتهم اذا يسمحون انا من بكره اروح اضلل ٤ سيارات عندي

والله ياشباب عيب عليكم جالسين تسبو الأستاذ حسن الكتبي اذا ماعجبك انت وياه ياخي روح بنفسك اذا منت مقتنع عادي هاذا حقك الرجال متعب حالو ونازل في الظهر عشان يسويلكم اختبار وانت جالسين تقولو يكذب علينا ياخي في مليون طريقة عشان تظلل سيارتك أولها اشترى من النت وجيب اي احد يركبها وانتهينا وإذا الرجال يسوق ناقشو بأدب واحترام رجال كبير بعمر ابوك وجالس تقل أدبك عليه تذكر انت جالس تعكس تربية اهلك 🙂😉 وسلامتكم

اشتري من amazon أو eBay عازل حراري أصلي أمريكي مثل 3M .. أو من أي شركة تبيها. سعرها 400 ريال... التركيب في شارع الزينه 150 ريال... وفر فلوسك مضمون أصلي... وتجي جاهزة على حسب موديل السيارة أو نوعها

لو بتسوي تجربة او بحث جامعي وكان المصدر شركة منتجة راح يكون بحثك مشكوك فيه فما بالك انك تسوي التجربة داخل الشركة نفسها