تحدي صعود جبل توبقال في يوم واحد 💪 إمليل، أرمد، شمهروش و الروفيج 

في هاد الفيديو قررنا 4 الأصدقاء نديرو تحدي صعود جبل تبقال في يوم واحد وخى صعيب بزاف.
دزنا على أسني، إمليل تم ألمد. لي هي أخر مكان تباركي فيها السيارة أو الدراجة النارية.
بدينا المشي من ألمد مع 9:00 ديال الصباح و دزنا على شمهروش توقفنا فيها شويا وكملنا الطريق حتى وصلنا للروفيج. مدة المشي كانت من 9:00 حتال 14:00.
و بين الروفيج و أعلى قمة ديال جبل توبقال كاينة مدة 3 ساعات من المشي.
النصائح :
- فاش توصلو ألمد خودو الماء و داكشي لي محتاجين حيت هي أخر بلاصة يمكن تشري فيها قبل ماتبداو المشي. ( وخى كاينة حانوت فشمهروش ولكن صغيرة و مافيهاش بزاف )
- جيبو طاكية وواقي الشمس و لا ترازا ولا أي حجى تغطيكم من الشمس باش متعرضوش لحرقات الشمس. فالطريق من المد لروفيج.
- جيبو حوايج البرد حيت فاش تقربو للقمة كاين البرد.
- طلبو مرشد سياحي فألمد حيت إجباري باش طلعو للجبل.
شارجيو خريطة حيت الطريق من شمهروش للروفيج مافيهش شبكة الإتصال. باستتناء الروفيج فيه شوية الريزو.
- المياه عامة كاينة تبارك الله و فاش توصلو لشمهروش كاين حانوت صغيييييير للمواد الغدائية .
- شمهروش فيه أيضا بيوت للمبيت.
حاولو ديرو برنامج يومين حيت يوم 1 صعيب من ناحية الجهد البدني حيت كتوصل لواحد المستوى صعيب إهزوك رجليك ههه.
- إلى بغيتو ديرو يوم واحد حسن تخرجو بكري فصباح ويستحسن :6:00 ولا 7:00 تلقاكم فألمد.
- شي ناس قالو لينا بلي الناس لي فالروفيج خايبين ولكن فاش تلاقينا بهم لقيناهم الله إعمرها دار، قابلناهم بالخير و البشاشة و قابلونا بحسن الضيافة.
الأخطاء :
- الغلط لي درنا هو فالأول غلطنا في الطريق فاش وصلنا لإمليل و شدينا طريق خرى ب 12 كيلومتر. و رجعنا تاني لمركز إمليل و شدينا الطريق الصحيحة في الطريق لألمد. يعني راقبو الخريطة.
- الغلط التاني هو فاش وصلنا الروفيج طلعا للجبل وغلطنا فالطريق حيت مكانتش الطريق واضحة وبالتالي ولينا عرضنا روسنا للخطر وطلعنا الجبل بشكل عمودي و الصخور مكانتش شادة مزيان خصوصا كاين الصخور الصغيرة لي كتزلق.
داكشي علاش كان عندنا مشكل الوقت و قررنا نرجعو باش مايضلامش علينا الحال و نوليو ضحية بحال كي طرى للأجنبيتين لي كانو خيمو فالجبل.