حاسس اني عايز افضفض. اولا انا قديم أوي. مش عارف ممكن مش اوى. المهم انا فشلت فشل ذريع فى الثانوية العامة لأني في تانية ثانوى اكتشفت الهروب من المدرسة وعجبني جدا فاجتهدت فيه اوى ومكنتش بافتح كتاب. اكتئبت جدا جدا ساعة النتيجة وفكرت جديا فى الانتحارلأني كنت حاسس اني قليل أوي وكل زمايلي جابو كليات قمة وفى البيت عندي مكانوش احسن حاجة وحقهم طبعا. المهم كان عندي خبرة شوية فى الكمبيوتر اللى مكانش منتشر ساعتها واشتغلت فى كذا شغلانة تخص الكمبيوتر سواء بيع أو تصليح وهكذا لحد ماكتشتف الكورسات واتعلمت الكلام دا من حوالي 20 سنة. اللهم لك الحمد بعدها اكتشفت ان فشلي في الثانوية العامة دا كان أحسن حاجة حصلتلي في حياتي. الخلاصة محدش عارف الخير فين واللي انت فاكره شر ممكن يبقا احسن حاجة حصلتلك لأنها كانت سبب في خير أكبر بكتير.
والله كنت بذاكر ع كشاف التليفون ومياسناش بس لنا الله وربنا مش هيضيع تعبنا ابدا احنا مؤمنين بكدا وربنا سبحانه وتعالي قال " وما كان الله ليضيع إيمانكم " .
لازم الأهالي و الطلاب يتعلموا إن الثانوية العامة مش مقياس لأي حاجة و إن حلم الدكتور و المهندس ده حلم قديم الحياة متطلبة مهن و مهارات جديدة و لازم نتحرر من جو الثانوية العامة اللي فيها ضغط نفسي و مادي رهيب
طيب افرض مثلا دا حلم الطالب نفسه يعني مش علشان اللقب علشان انه مثلا بيحب الاحياء فنفسه في طب و اللي بيحب الرياضة و الهندسة نفسه في كلية هندسة بس علي اللي شايفينه شكله محدش هيطلع حاجة
@@Saddestlittle_baby صح ف ناس حلمها كده بس مش معقول كل الطلبة نفسهم يبقوا دكتور و مهندس و حتى لو علمي و آماله راحت ممكن يدخل صيدلة علاج طبيعي طب بيطري عللللوم و يبقى دكتور يشتغل ف مجالات مختلفة الحياة محتاجة ف عصرنا ده مهن مختلفة محتاجة مثلاً هندسة طبية " صيانة ادوات الطب " محتاجة ناس ف مجال الذكاء و البرمجيات و الجرافييييك و العلوم و إختراع الأدوية و الفنون و الديكور و الآثار و الدين و ممكن لو دخلت مجال مش اللي ع مزاجي آخد دورات أون لاين و امتحن و اشتغل ف المجال اللي أحبه " اغلب صناع المحتوى و غيرهم كانوا ف جامعات غالية اللي بتعتمد ع المجموع و المال و جزء كبير حول للميديا نتيجة لمتطلبات الزمن المرونة و بعدين إللي عندنا ده تعليييييم ده تعجيييييييزز 🤔🤔🤔🤔
@@4571zahrtalotes انا فاهمة صدقني احنا عندنا بيقولوا اللي عايز ينجح يطلع برا مصر و اكبر مثال من قريب اهه واحد من الشرقية راح روسية علشان مجموعه متقبلش في مصر راح هناك و عمل اطراف صناعية يقدر لواحد يحس بيها اي حاجة بتلمسه و حاليا رايح معرض و هيحضر المعرض بوتين نفسه
هو من حقها تزعل بصراحه لإن بردو تذاكر طول السنه ويجى إمتحان تعجيزى بالشكل ده لا من حقها تزعل لكن قوليلها طالما إجتهدتى ربنا مش هيضيع تعبك أبدا يابنتى والإمتحان كان صعب على الكل ودى حاجه كويسه لإن التنسيق هينزل ويمكن دى حاجه من ربنا بتقربها لحلمها إن الإمتحان يجي صعب على الكل علشان التنسيق ينزل للى عمل اللى عليه
@@user-eq7bm6ei5x والله بقولها كده بس المشكله ان في ناس بتغش وبيشتروا الامتحانات وبتجيلهم محلوله دول هيعلوا التنسيق عليهم ومجهودهم راح ع الفاضي ده أحساسها ان كده خلاص الغش والواسطه هما الأعلي والمنتشر الا من رحم ربي وطالع بمجهوده حسبي الله ونعم الوكيل فاللي خلاهم يوصلوا للبؤس ده
@@ShahdKarema حبيبتي ربنا معاكم يارب ان شاء الله هو احساس وقتي ولحظي بس. حاولي تذاكري استعينوا بالله وان شاء الله خير افتكري دايمآ ان رب الخير لا يأتي الا بالخير وعسي أن تكرهوا شئ وهو خير لكم. ربنا يحفظكم وييسرلكم أمركم ويجعل لكم الصعب سهلا ويجبر بخاطركم يارب
والله العظيم ابني متفوق جدا ماشاء الله ومجتهد جدا جدا وكل المدرسين يشهدوا له بكده وبيحبوه جدا يوم الفيزياء حسيت فيه بانكسار لدرجة إنه ماكانش راضي يتغدى وقال لي أنا هنام قولتله لو ما اتغديتش أنا كمان مش هتغدى وحلفت عليه إنه يتغدى ويسلم أمره لله وإنه مش مقصر في حاجة وإن شاء الله ربنا هيجبر خاطركم ويعوضكم خير ربنا يهون عليهم ويجبر خاطرهم اللهم آمين
الاسلوب احسن من كده.انا عارف ان في الاخر الدكتور زي الزبالة مش فارقه بس اهي احلام وهميه عادي.انا دكتور والله.بس مش فارقه وعندي خشونه في فقرات رقبتي ده كل اللي نابتي.ههههههه 🎉@@aamerbelmaaroof
@@KhledSherif وحد قالك انى كنت فاشل وبعدين الامتحان كان طويل والأسئلة اكيد محتاجة تفكير مش آخد الورقة بعد نص ساعة من الوقت لما المراقب اتمطع ووصل اللجنة وعايز ياخد على الوقت ومكانش ساهل على فكرة مينفعش تستهين بمجهود غيرك + انا الأول على المدارس من الابتدائى لغاية ٢ ثانوى ومجتش فى تالتة وفشلت نفسى اكيد
الامتحان كان صعب لدرجة اني اصلا كنت بحل ضعف الاسئلة في نفس الوقت مع ذلك وقفت قدام الامتحان كتير وكل سؤال يحتاج مني احسب مرة واتنين وثلاثة و السؤال من كتر الاستعجال و تعمدهم انهم يعجزونا غلط في حاجات هيفه كتير زي اني اقلب الارقام وغيره واختار غلط وده اصلا مش مفروض يحصل في امتحان اختياري و كذا سؤال حليته بالتخمين من ضيق الوقت ومعرفتش احل مقالي مع انه كان اسهل سؤال محدش يتكلم عن امتحان صعب لانكم ما شوفتوش اللي شفناه
بص اقولك على حاجه عارف لو الامتحان صعب او ساهل مش مشكلة ف دى هتعم على الكل يعنى كله هياخد نتيجة على قدر متوازى و دا اسمه تكافؤ الفرص. لكن المشكلة ان فى غش و فى تسريب و فى وسايط و فى غش جماعى و فى عدم التزام و دا اللى بيسبب عدم تكافؤ الفرص هيخلى ناس تجيب درجة اعلى من مجهودها
@@Saddestlittle_baby النتيجة بتاعة ربنا ان شاء الله خير يارب نعدي الاول الواحد مش هيستحمل المادة دي تاني و التعب يتعادوا يارب يجبر بخاطر دفعتنا في حياتهم و النتيجة و خاطرنا و يعوضنا خير
استغفر الله العظيم واتوب اليه عدد خلقه ورضا نفسه وزنة عرشه ومداد كلماته لا اله الا الله وحده لا شريك له له الملك وله الحمد وهو على كل شيء قدير سبحان الله وبحمده سبحان الله العظيم
الامتحان ده المدرسين بيعلوا على بعض فكك من التعليم ده عموما اصلا كل حاااجه حكوميه بقت ملغيه حتى شغل المستشفيات اتباعت يعني فكك من التعليم ده والشغل مش حرام ولا عيب والثانويه مش نهايه االعالم وربنا كاتب لك مستقبل احسن من اى حد وانت شخصيا
أنا عندى ولادى كانوا دفعة شاومينج ودفعة كورونا أحنا بجد بقينا نسمى الدفعات بأسم الحدث اللى كان فى نفس السنة حسبنا الله ونعم الوكيل مافيش دفعة ثانوية عامة مرت بسلام
بصي حضرتك أنا في دفعة ثانوية عامة السنة دي بس احب أقولك ان النظام بتاع الثانوية هيتغير خالص عقبال لما ابن حضرتك يوصل ثانوية عامة هيكون النظام متغير ١٨٠ درجة
😂😂😂😂هو احنا لا عندنا تعليم ولا تربيه ولا اداب ولا حقوق ولا حاجه خالص اخدنا الشهادات وطلع عين ابونا وهاهى مرميه فى الدرج والحال هو الحال منذ القدم فى عصر ما قبل التاريخ من ايام مدرسة عاشور
حرفيا خربوا بيتنا في الامتحان دا 😢 وانا اجلت الماده غي اخر ربع ساعه كان لسا معايا ٨ اسأله كل سوال بدرجتين غير النسوان اللي كانوا بيصوتوا بره المدرسه غير احنا كمان مدرسه ولاد والله العظيم كانوا بيصوتوا زي النسوان 😢😢
والله الجامعه الي بعمل فيها بتحددلي نسبه مستويات الاسئله فا من 50% الى55% من الاسئله لمستوى الطلاب ما تحت المتوسط ومن 55% إلى 85% من الاسئله للطلاب المتوسطين ومن 10% إلى 15%فقط من الاسئله لطالب المتميز يعني انا علي رقابه كواضعه للامتحانات ولكن هذا غير موجود في بلادنا وكل سنه بحطوا الاسئله للطالب المتميز بنسبه تفوق 65% حرام ما بصير الطلاب قدرات ! ومستويات! هما شكلهم مش عاوزين حد ينجح !
"كده خربانه و كده خربانه" تعبر المقوله السابقه عن...... أ) النجاح بالدرجه النهائيه ف العربي ب) النجاح بالعافيه ف الفيزياء ج) تنبؤ بامتحاني En و كيمياء د) عدم النجاح هذا العام اطلاقا
اومال انا اولي ثانوي و شايل خمس مواد و شكلي هعيد السنة ربنا عالم انا بعاني اد ايه من اولي اعدادي و انا نفسي في امنية واحده اني ماشيلش مواد شكلها كده المدرسين هيعملو معايا زي الطلبة الشمامة و يستعرو مني كلهم و خصوصا لو لا قدر الله عدت السنة و اضطريت ادرس اولي ثانوي من جديد 😥😥😥😥😥😥😥😥😥😥😥😥😥🥲🥲🥲🥲🥲🥲🥲🥲🥲 يلا الحمدالله علي كل شئ قدر الله ما شاء فعل
هو ده حاجة طبيعية ان يبقى في اسئلة وحشة بس اللي مش عادي ان الاسئلة تكون وخده نصف الامتحان ومتوقعين من الطالب انو يحلهم عادي والمصيبة ان في اسئلة صياغتها غلط أصلا يعني صباح الفل
منا برضو كنت ادبي وجالنا الخازوق في امتحان الانجليزي والتاريخ مكنوش يتحلو 😂 وانا اصلا كانت اكتر ماده انا شاطره فيها التاريخ وكنت باخد جوايز في الدرس عشان بجيب درجه النهائيه فيه دايما وف امتحان جبت فيه ٤٠ من ٦٠ 😂 عشان ميتحلش وناس كتير ف دفعتي كانت شالته الكلام ده سنه ٢٠١٣ 😂
والله انا خلصت خلاص كان في فعلا ناس بتصحك وكمان عندي وفي اللجنه واحد كان حاطط سماعات المراقبين افشوه بعد كده عادي دخل كمل الامتحان وكنت بزاكر ليله الامتحان على الخرا الكشاف ومكملتش سماع المراجعات اللي اصلا مجاش منها والوقت أقسم بالله مكفاش فيها
انا أجلت السنة دي والله😂ولاحضرت امتحان واحد بس سيبك انت الاغنيه حلوة امابنسبة للفيزياء اطمن الأخطاء دي متكنش موجودة السنة الجايه يارب 😊😊😊😊❤❤❤❤وربناينجحك الدفعة دي السنة دي واللي جايه يارب ويهدي اللي بيحطوا الامتحانات كلها اللي حط الامتحان ده مريض نفسي والله عنده كهرباء زيادة ع المخ عاوزة علاج قطع كهرباء😂
انا من الناس اللي اعتمدت على مجهودها الذاتي وطالعة اضحك مش لأني عرفت احل لانه عارفة انه إن الله لا يضيع أجر من أحسن عملا و عشان كنت متوقعة انهم هيصعبوه ف كله رايح يعم الحمد لله اتبسطوا يا جماعة انكم مغشتوش وخسرتو آخرتكم
في تلاتة معاتيه أو مرضى نفسيين دايرين عالتعليقات كلها يصححولهم الكلمات اللي كاتبينها المشكلة مش فكدا المشكلة ف إنهم نازلين شتيمه وتهزيئ ف أصحاب التعليقات اللي غلطانة واللي حتى مش غلطانة وشتيمة بالأم وكمية قلة أدب غير طبيعية بجد عاوزه أعرف دول ملتهم إيه أو بيفكروا إزاي بجدد دول ربنا يعينهم على دماغهم دي
@@esraa-ok5xn حلوة دي ، عيّلة لسه ما طلعتش من البيضة وفاكرة نفسها خلاص بقت دكتورة نفسية وعصبية وبتشخص أمراض نفسية عند أسيادها لمجرد أن أسيادها بيقولوا رأي فوق مستوى عقليتها وعجزت تفهمه . واحدة لا تربية ولا تعليم
والله حرام عليهم إلى بيعملوا فى العيال دة وفى الاخر تزعلو لما الشاب تروح تشرب عشان تنسى إلى هيه فيه انتو إلى بتبوز الشباب إلى زى الورد دى حسبي الله ونعم الوكيل
انا فى اللحظة دى افتكرت لما كنت بسأل نفسى فى بداية السنه هي مالها الثانوية العامة مهى سنه عادية زى أى سنه دراسية عدت علينا قبل كده و ليه كل الطلبه بيخافوا فى فترة المراجعات و بترعبوا فى الامتحانات هو بس كل ما فى الموضوع انها محتاجه مذاكره أول بأول و حل كتير و تركيز و هدوء أعصاب لاكن غير كده هى سنه لذيذه و عادية خالص و كمان كنت بقول ان ٢٠٢٤ اللى هى دفعتنا دى هتبقى احلى دفعة و هيبقى حظنا حلو اوى عن الدفعات اللى فاتت.......انا حرفيا عرفت إجابة كل اسئلتي دى بعد م طلعت من امتحان الفيزياء و طبعا كان قبليها العربى اللى عمل معانا الصح بس الفيزياء علمت علينا علامة عمرها ماهتتنسى و حسبنا الله و نعم الوكيل فى اللى حط الامتحان و ربنا ينتقم منه اشد انتقام🤲،، بصراحة اصل دى صدمة جديدة اوى إن امتحان فيزياء ثانوية عامة الطلبه ميستخدموش فيه آله إلا فى سؤالين أو ثلاثة تقريبا 🥺
انا بنتي كانت فاكره ان الغلط فيها كل اللي حوليها خلصوا بدري وبعد ما سلموا الورقه لقت الكل بيعيط هي ضحكت وقالت انا صح مفياش غلط وفضلت تضحك وبعدين عيطت وانهارت بيهزوا ثقه العيال فنفسهم والله 😢 حسبي الله ونعم الوكيل اتاري العيال حلو اي حاجه من كتر ما يئسوا
