من الأساس أميرة هيه اللي غلطانة مفيش داعي تختبري جوزك زي كده أو حتى تسمعي لكلام حد من أهلك فيه ألف طريقة و طريقة تقدري من خلالها تعرفي مقدار حب وإخلاص جوزك ليكي والأفعال هي التي تؤكد صدق المحبة مش بالكلام وبعدين مهما وصل حبك لجوزك ما توصلش إنك تكتبي كل حاجة بإسم جوزك وتطلعي من المولد مقشرة بصل ، حب إيه ده ؟ ده إسمه إنتحار مش حب ، الحاجات دي مفيهاش عواطف ممكن لو هوه انكسر في تجارة مثلاً وعايزك توقفي معاه وتساعديه مفيهاش حاجة تقدري تساعديه بجزء من فلوسك اللي يقدر يوقف على رجليه لكن مش تسلميه كل حاجة !! أهو خد منك كل حاجة و رماكي في الشارع ويفيد بإيه البكى بعد اللي ضاع منِّك وخسرتي كل حاجة فيه حاجات لازم نحكّم بيها عقلنا ونفكر كويس ونخلي العوطف على جنب حتى لو وصل الإنسان لدرجة العشق مش الحب . وبعدين من إمتى روعة بتطلع بأدوار ثانوية زي كده ،روعة تعودنا عليها دايماً هيّه الكل في الكل بأي محتوى إمكاناتها الفنية تسمح لها تاخد دور البطولة المطلقة بأي محتوى تمثله وقصاد أي حد مهما كانت نجوميته وبعدين مفيش حد مستواه الفني قريب من روعة . روعة فارقة عن الكل وبينها وبين أي ممثل مسافة كبيرة ومحدش يقدر ينكر ده كل حاجة واضحة قدامنا .
أميرة خلال فترة الخطوبة وبعدها الجواز كل المدة دي معقولة مقدرتش تعرف إذا هوه صادق معها أو لاء دي مدة أسبوع واحد بس كفيلة إن الواحد يتأكد من صدق مشاعر الطرف الآخر من عدمها . وللأسف فيه ستات كتير في حياتنا زي حال أميرة بيبقى الحب عامي على عنيهم لدرجة إنها بتسلم جوزها كل حاجة .