وياك .. وهذا اهم شي بالنسبه لي .. ان الناس تستفيد وتدعي لي اسأل الله العظيم رب العرش العظيم ان يجعل اجر هذي القناه عني وعن والدي واهلي جميعا الاحياء والاموات والمشتركين والمشاهدين وذويهم والمسلمين اجمعين
نهائيا ماينزل مهما كانت الحمولة .. اتكلم من واقع تجربه اولا لازم تحسب حسابك وتركب كفرات قوية تتحمل الوزن والحرارة خصوصا اذا كانت حمولتك عاليه مثلي .. انا مركب كفرات ميشلان حمولة السيارة كالتالي تانكي ماء 120 لتر ثلاجة كبيرة جدا جزء منها تجميد وجزء تبريد ومليانه على الاخر من ارزاق ربي شنطتين عزب والثالثه قهوة وشاهي فرش وزل ومراكي ومدات خيمه 3*3 مظلة الشقردية واغراض اخرى لاحصر لها والسله فوق فيها شناط واغراض الاهل طبعا الحمولة العلوية لازم ماتتعدى 90 كجم اضافه للعائلة توني رجعت البارح من اجازه .. كنت في الجنوب ونزلت الاغراض هذي كلها للبيت عشان حرارة الجو في الرياض والموتر ماشاء الله لاقوة الا با الله متماسك ومرتفع ووضعه طبيعي جدا
الله يجزاك خير التركيب عادي عندك ورشة المجد او اليرموك في الصناعية القديمة جودة في الشغل واسعارهم مقبولة جدا وسعر الاربع مساعدات تختلف من بائع لبائع عندك وكيلها اللي اخذتها منه القفاري موجود تحت الفيديو في الوصف ولو بتشريها من غيره تأكد انها نفس المواصفات
الافضل تروح مركز متخصص للكشف عن المساعدات وبعدها تقرر ايش نوع اللي تحتاجه اذا انت راعي بر وصحاري ومكاشيت وتحميل الافضل تركب بروفندر او شي مثلها فيها تحكم بالارتفاع وتحتاج صيانه مابين فتره وفتره .. واذا هي غاليه عليك البلستين مثل اللي في الفيديو تفي بالغرض وكد ومد ركب وانساها بحول الله وقوته
عشان كذا اقول لك لازم كشف عند فني متخصص يمكن ماتكون المشكلة من المساعدات بعدها تقرر الاجراء اللي تتخذه .. بالنسبه لارخص سعر ماعندي علم والله والاسعار من وقت ماركبتها اكيد اختلفت الآن . لكن في الوصف تحت الفيديو رقم جوال المتخصصين بالبلستين وبيفيدك بالاسعار والضمان واذكر وقت ماشريتها بحثت عن افضل سعر ولقيته عندهم
ياهلا فيك والله يبارك لك في سيارتك اللي اعرفه اذا بغيت تحول من هيدروليك الى مساعدات انك تغير اليايات الامامية والخلفية بما يتناسب مع المساعدات الجديدة اللي بتركبها وايضا تركب كت تحويل .. وما ادري هل ينطبق الشي هذا على الاكسبديشن او لا لكن الافضل تتواصل مع رقم التواصل اللي في الوصف تحت الفيديو لانهم متخصصين في مثل هذي الامور وبيفيدونك اكثر .. او تروح لاحد الورش المتخصصه مثل 4×4 ويعطونك العلم الاكيد
عليكم السلام جدا عمليه وممتازه وانصح فيها من واقع تجربه وتتحمل في جميع الظروف وانا رجال راعي بر في الوسطى والصيف في الجنوب في الجبال والمرتفعات .. لكن اذا كنت راعي بر على طول الوقت وروحاتك بعيد فأنت تحتاج لمساعدات ذات تحمل عالي ويايات رياضية وتغيير اشياء كثيره لتناسب احتياجك
بلستين الاصفر ماعندي علم عنها لكن بلستين الفضي من تجربتي الشخصية اشوف انه اعلى في الجوده والتماسك والراحه ممتاز جدا .. خصوصا اذا ركبت كفرات لينه ماعاد تعرف المناقز والمطبات والحفر نهائيا ولا تدري عنها بعد
ركبتها على سييرا قبل ٦ سنوات والى الان معي والحمدلله امورها تمام لكنها اقسى من الوكالة في المطبات من مميزاتها الثبات في المطب والحفر ممتازه في البر مايضرب وجه الموتر
ارحب الله يحييك مشاركتنا تجربتك لها الاثر البالغ لمن يشكك في قوة وتحمل مساعدات بلستين .. حقيقه انها ممتازه وكد ومد وعندي افضل من الوكالة بمراحل بالنسبه لتجربتي
هل هي الفضيه نفس اللي في المقطع ؟ لا تحكم حتى تركب الطقم كامل وايضا تكون الاطارات من النوع اللين وليس القاسي . وسترى فرقا كبيرا في ثبات المركبه في الحفر والمطبات خصوصا اذا تفاجأت بحفره او مطب سيكون مرورك بسلاسه مطلقه
برللي وميشلان وجوديير كفرات عمليه وممتازه لكن قاسيه جدا .. الافضل تركب كامل امامي وخلفي مدري كيف يكون التحكم معك في المنعطقات لان فيه اختلاف بين الامامي والخلفي ايضا اذا المساعدات تختلف عن بعض يصير فيه ضغط على البعض منها ويمكن تخسرها كلها اذا تقدر تركب المساعدات الاماميه يكون افضل عشان تكون نفس الموديل
الله يبارك لك ويعطيك خيرها وصدقني بحول الله وقوته ماتندم على تركيبها .. تماسك ورساوه وسلاسه مع المطبات خاصه لما تتفاجأ في مطب وانت مسرع او مايمديك تمسك فرمل خذه وانت متطمن وافضل شي انك خليتها على السنه الوسط ممتازه للي مايحمل حمولات ثقيله . الله يوفقك وييسر امرك
5 سنوات 😁 انت مو مركب مال وكاله هذا كفاله مدى الحياه اما الافضل مثل ما تفضلت فماكو افضل بينه وبين الاصفر ولكن الفرق ان الفضي للسيارات اللي مرفوعه 2 انش يعني من الستوك الى 2 انش اما الاصفر للسيارات العاديه اللي مو رافعها اما الافضل فالاثنين نفس الشي من ناحيه التحمل والتكنلوجيا و الشركه المانيه تصنع في امريكا
ياليت تعطينا تفاصيل اكثر اذا تكرمت .. سعرها ومن اي وكيل . بكم اخذتها . مدة استخدامك وتجربتك ايش السلبيات والمشاكل اللي واجهتك بعد تركيبها بما انك تقول انها فاشله وضح لنا اكثر بالتفصيل من جميع النواحي حتى نكون على بينه وعلم ونستفيد من تجربتك اللي مريت فيها
٢٦٠٠ ريال فقط يابلاش .. خذها ولا تشاور .. سعر ولا في الاحلام اقوله صادق .. لان سعرها ٣٠٠٠ وطالع وماراح تلقى اي احد يبيعك بأرخص من السعر هذا .. في اضعف الاحوال اذا صار عليها خصومات يوصلونها بسعر ٢٩٠٠ ريال او ٢٨٠٠ ريال
انت متأكد ان طقم المساعدات الاربع في الوكاله سعره ١٥٠٠ ريال .. وحتى لو كان بالسعر هذا فالمساعدات غير عمليه وبتضطر مره ثانيه تشتري وبيصير المبلغ اللي دفعته اكثر من ٢٦٠٠ ريال .. لذلك ريح راسك وخذ لك مساعدات عمليه ومجربه ومعروفه في السوق تكد معك اقل شي ٥ سنوات .. فيه مساعدات من شركات ثانيه سمعتها كويسه ايضا اسمها مونرو وفيه بعد نوع اسمه جبريال لكن مدري كم اسعارها وايضا تحملها