للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
--------------------------------------------------
00:00 المقدمه
03:07 لحام المواسيرPVC
04:57 الخطأ الأول:عدم الالتزام بالمسافه داخل جهاز اللحام
07:59 الخطأ الثاني:الاكتفاء بلحام الماسوره بس او الفيتنج بس
09:06 الخطأ الثالث:سوء التخزين
10:39 الخطأ الرابع:استخدام مكواة لحام ماعليهاش سبيكة تيفال
12:01 الخطأ الخامس: استخدام نوعين مختلفين من المواسير
15:25#Big_5_Egypt
23:11 نهاية الحلقة
--------------------------------------------------
من أكثر المشكلات المنتشرة في المنشآت سواء السكنية أو غيرها،هي النشع والرطوبة،والسبب الغالب في القصة ده بتكون السباكة والتنفيذ الغلط اللى بيتم في مرحلة التأسيس،عشان كده خلال حلقتنا النهارده هنتكلم عن أهم الأخطاء اللى بتحصل في عملية لحام مواسير المياه،وهنعرف مع بعض ايه الطريقة الصحيحة للحام الجيد للمواسير البولي واللى هتضمن لنا بنسبة كبيرة عدم وجود نشع في المستقبل مع الاستخدام المستمر للمنشأ.
من المعروف حاليا ان ماحدش بقى يشتغل بمواسير الزهر والكل بيشتغل بمواسير بي في سيPVC،وطريقة لحام المواسير البلاستيك بتكون عن طريق اننا بنستعمل جهاز اسمه مكواة لحام،فبنحط نهاية الماسوره ونحط الاكسسوارعنده،ونسيح الاتنين لحد ما البلاستيك يسخن جدا وبعدين اركبهم على بعض.
تعالوا نعرف مع بعض ايه الأخطاء الي ممكن تحصل من هذه العملية البسيطه
الخطأ الأول:عدم الالتزام بالمسافة المطلوبة داخل جهاز اللحام،يا اما يقل أو يزيد عن المطلوب وفي كلا الحالتين غلط وبتعمل مشاكل بعد كده.الحل:جميع الشركات المصنعه للمواسير،بتنزل جدول بكل المواسيراللي بتنتجها ،بيكون عباره عن اقطار المواسير ومسافة الركوب وزمن التسخين وزمن التبريد.تابع الحلقة لمعرفة شرح طريقة اللحام خطوه بخطوه.
الخطأ الثاني: الاكتفاء بلحام الماسوره بس أو الفيتنج بس.وده كلام معظم السباكين،بس مش معنى انك صنايعي خبره وشاطر انك لا تلتزم بتعليمات الشركة المصنعة. بالاضافة الى ان في حاجه اسمها:التعليم الفني المهني،وده تعليم الغرض منه اتقان حرفة:السباكة،النجارة،الحدادة وهكذا.بيتعلموا الشغل المضبوط في الأماكن دي.فلوانت مشيت ورا كلام الصنايعي بدون مرجعيه هتوصل للنتيجه الطبيعيه للشغل غير الجيد وهو النشع،فجرب طريقه مختلفه يمكن توصل لنتيجه مختلفه.
الخطأ الثالث:سوء التخزين.زي لو انت مخزن المواسيردي في الشمس مثلا،ممكن تؤدي الى ان قطاع المواسير مايكونش دائري ومش هيطبعوا مع بعض،وهتلاقي في أماكن فيها لحام كويس وأماكن لأ.بالاضافه الى ان سوء التخزين بينتج عنه ان المواسير بتترب،فلو السباك ماكانش نضيف ومانضفش الجزء اللي هيتلحم،هتلاقي الاتربة دي بعد فتره من الزمن بتعمل ديفو في اللحامات وتعمل مشاكل في التسريب.وخلي بالك ان في أخطاء،اختبار الكبس مش بيجبها،لأن اخر اختبار الكبس نص ساعه أو ساعه بالكثير،ولو كانت عمارة كاملة،هتكبسها يوم أو اتنين بالكثير،ولكن حقيقة الأمر ان في أخطاء في التسريب مابتظهرش غير بعد سنه أو اتنين من التشغيل،فماتعتمدش قوي علي اختبار الكبس.
الخطأ الرابع:استخدام مكواة لحام ماعليهاش سبيكه تيفال.معروف ان التيفال أي حاجه بتيجي عليه مابتلزقش،نفس الفكره بالزبط،في بعض أنواع مكواة اللحام بتكون رخيصه وتلاقيالدكر والنتايه بتاعتهم لونها اسود لأنها حديد،لما انت بتحط نهاية الماسوره على حاجه سخنه وحديد،تيجي تشيلها هتلاقي جزء من البلاستيك السايح لزق في الحديد ماطلعش،وهتلاقي سنة زفاره ومش هتعملك اللحام المزبوط اللي انت عاوزه،فعشان كده بنستخدم سبيكة التيفال،عشان لما أسخن الماسوره،واجي أشيلها تطلع بالكامل ومافيش أى آثار من البلاستيك السخن يلزق على السبيكه التيفال.
الخطأ الخامس:استخدام نوعين مختلفين من المواسير.لو جيت تشوف هل نوعين المواسير المختلفين ينفع يتلحموا مع بعض؟ ايوه ينفع يتلحموا مع بعض،ولكن سؤال مهم:هل الخواص ال الفيزيائيه والميكانيكيه لنوعين من المواسير،ومقدار تمددها وانكماشها واحتكاكها. هل هيكونوا زي بعض؟ أكيد لا،وبالتالي هتلاقي كل ماسوره شغاله مع نفسها،ولكن مش كل الشبكة شغاله بخصائص واحده،ونقطة الضعف هتكون في منطقة التقاؤهم مع بعض عند الجلبه اللي ملحومه بين الماسورتين.
دي كانت بعض الأخطاء اللي ممكن تحصل أثناء عملية لحام المواسير،واللي بتكون سبب من أسباب النشع داخل المنشآت.
لو عندك أخطاء تانيه بخصوص السباكه غير اللي قلناها في الحلقة،ياريت تشاركنا بيها في التعليقات.
#سباكة #مواسير_بولي
#مهندس_تنفيذ #مهندس_موقع
#احترف_التنفيذ #عبد_الرحمن_الشرنوبي
--------------------------------------------------
- لمتابعة الحلقات علي القناة أسبوعيا الرجاء عمل subscribe:
/ abdalrahmanalsharnouby
- لمتابعة القناة علي Facebook الرجاء الدخول علي الرابط:
/ abdelrahmnalsharnouby
- لمتابعة القناة علي linked-In الرجاء الدخول علي الرابط:
/ abd-al-rahman-al-sharn...
- لسماع الحلقات صوتياً علي Soundcloud الرجاء الدخول علي الرابط
/ abd-alrahman-alsharnouby
- لمتابعة القناة علي Instagram الرجاء الدخول علي الرابط:
/ abdalrahmanalsharnouby
- لمتابعة القناة علي Twitter الرجاء الدخول علي الرابط:
/ abdlrahamns
5 авг 2024